Tuesday, September 29, 2009

Fjalori i rrugës...

Dyfytyrësia si status simbol !
Zhveshja e hipokrizisë



Sot kemi njerëz që kanë dy shtëpi, një në metropol e një një bregdet, dy partnerë, një në shtëpi e një tjetër në restorant, dy automjete, një për punë e një kur jemi papunë, dy mendime, një që e besojmë e një tjetër që e shprehim, dy fjalorë, një për në shtëpi e një në rrugë...





Kur ecim rrugëve dëgjojmë fëmijë që bisedojnë me njëri-tjetrin duke përmendur fisin, mama, motër dhe me epitete nga më të padëgjuarat. Kur ulemi nëpër bare, të tërheq vëmendjen bashkëbisedimi mes seksesh të kundërta, me një fjalor që kryesisht kufizohet vetëm tek organet seksuale. Tek-tuk këtë fjalor e hasim edhe nëpër institucione apo media.

Po në familje, flitet me këtë fjalor sot ?

Duket hipokrizi, që nuk gjejmë guxim e vullnet për ta moderuar veten, qoftë për të ruajtur etikën kudo që të ndodhemi, qoftë për t'u shprehur lirshëm siç ndjehemi, në çdo ambjent.


Kur shohim një film të kinematografisë botërore, dëgjojmë fjalë "të pista" që fëmija i thotë prindit të vet. Madje nga përdorimi i shpeshtë i këtij fjalori, fjalët e pista kanë humbur gravitetin e tyre psh Fuck off tashmë përkthehet shporru, sono i cazzi miei përkthehet :janë punët e mia etj, por nëse një fjalor të tillë do ta hasnim në një film shqiptar, pjesa dërrmuese e familjeve do ndërronin kanal, edhe pse këtë fjalor mund ta dëgjosh në jetën e përditshme.
Fjalët e pista në shqip përkundrazi, kanë një peshë aq të rëndë, saqë kur na shajnë në gjuhë të huaj, na duket si përkëdhelje.



Përbën etika e të folurit më kulturë, apo do të vazhdojmë ende me dy standarte ?

Hipokrit i ndershëm !!!

Stop Injorancës

http://www.facebook.com/NdalPaditurise2

No comments: