Thursday, June 24, 2010

Aeroporti i Kukësit do të quhet Sheikh Zayed

Ministri i Jashtëm Ilir Meta është takuar në Estoni, pas takimit jozyrtar të Ministrave të Punëve të Jashtme të vëndeve anëtare të NATO-s me me ministrin e Punëve të Jashtme të Emirateve të Bashkuara Arabe, Sheikh Abdullah bin Zayed Al Nahyan. (25 Prill)

Dy ministrat kanë vlerësuar rritjen e marrëdhënieve mes dy vëndeve sidomos vitet e fundit. Gjatë këtij takimi kryediplomati shqiptar e ka njohur homologun e tij me vendimin e marrë nga autoritetet shqiptare për të vënë emrin e Sheikh Zayed, aeroportit të Kukësit, gjë që dëshmon mirënjohjen e thellë të popullit shqiptar për ndihmën dhe bujarinë e madhe që Sheikh Zayed dhe Emiratet e Bashkuara
treguan gjatë krizës së Kosovës, duke strehuar në Kukës rreth 10,000 shqiptarë të Kosovës.

”Duke ndërtuar një aeroport të standardeve ndërkombëtare dhe jemi të nderuar që ky aeroport të mbajë emrin Sheikh Zayed përgjithmonë, i cili është një personalitet botëror, duke patur parasysh se ç’ka bërë ai për vendin e vet si dhe për paqen dhe stabilitetin në atë rajon”, tha Meta.

Ministri Meta vlerësoi gjithashtu dhe vendimin e marrë nga qeveria e EBA si dhe nga Fondi i Abu Dabit, për të ndihmuar në hapjen e tunelit që do të lidhë Tiranën me Elbasanin, gjë që është shumë e rëndësishme dhe strategjike për Shqipërinë.

Nga ana e tij ministry Sheikh Abdullah bin Zayed Al Nahyan i ka quajtur historike marrëdhëniet mes Shqipërisë dhe Emirateve të Bashkuara.”
Patjetër që marrëdhënia jonë është historike, por është edhe një marrëdhënie ndaj së cilës ne ndjehemi të detyruar dhe shumë krenarë. Jo vetëm në zhvillimin e marrëdhënieve tona me Shqipërinë por gjithashtu duke qenë një nga vendet e para që njohën Kosovën, ishte një sinjal i qartë jo vetëm për popullin mik të Kosovës, por edhe për vetë interesin e Shqipërisë në këtë marrëdhënie”, tha Sheikh Abdullah bin Zayed Al Nahyan.
Kryediplomati I Emirateve Arabe tha se shpresonte që brënda dy muajve të ardhshme të vizitonte Tiranën për të falenderuar qeverinë për emërtimin e aeroportit të Kukësit, por edhe për të parë mundësitë e zgjerimit të marrëdhënieve mes dy vendeve, veçanërisht në fushën e investimeve.

Së shpejti Shqipëria do të hapë Ambasadën e asaj në Abu Dabi, ndërsa Sheikh Abdullah bin Zayed shprehu bindjen se edhe Emiratet e Bashkuara do të hapin Ambasadën e tyre së shpejti në Tiranë.

Koha.net

No comments: