Friday, January 24, 2014

2013-a po shkon

Edhe pothuajse dy ditë të plota i mbeten 2013-ës.

I keni ende urimet në mesazhet e vjetshme në celularë, të gatshëm për ti ridërguar gjatë ndërrimit të festave?
I keni mbushur frigoriferët plot, apo e keni lënë për nesër pazarin?
Po ju meshkujt, po ndihmoni ndopak në pastrimin gjeneral të shtëpive këto ditë?
Thonë se shtëpitë pastrohen që Viti i Ri të fillojë me mbarësi. Gjithashtu, kush ka borxhe bën mirë t'i lajë për të mos ia përcjellë 2014-ës.


Po fishekzjarret i keni blerë, apo keni ndonjë kallashnikov për kësi rasti?
Sa prej jush e kanë vendosur që fill pas vitit të Ri do të lenë duhanin, apo ndonjë huq tjetër?
Ndonjë shpërblim morët, po dhurata do dërgoni apo do merrni?
Apo do jeni në punë deri në 31 dhe të nesërmen gjithashtu?
Si ka qenë ky vit për ju?
Ju ka mbetur ndonjë gjë peng që do donit t'ua plotësonte 2014-a?
Ku do ta kaloni natën e Vitit të Ri? Apo si gjithmonë në shtëpi me prindërit ku pjatat pastrohen pa shkuar ora 10 dhe aty para mesnate të gjithë janë rrokullisur nëpër divanë duke përpëlitur sytë.
Keni prenotuar gjëkundi, apo do shkoni rastësisht t'iu peshkojë ndonjë lokal mbushur plot me të dëshpëruar?
Jemi mësuar që netët e vitit të Ri ti ndanim me humorin shqiptar nga të gjitha sofrat shqiptare, po tani ç'të shohësh në Tv?!

E keni vënë re sikur kjo festa e Vitit të Ri nuk e ka më atë magjinë e dikurshme?
Epo atëherë jeni rritur... (S.I)

P.s Dini gjë deri në ç'datë mbahet ajo pema e Vitit të Ri, se njëherë mbaj mend që e mbajta deri në fund të shkurtit?!

Shkroi: Stop Injorancës

Angela Martini: Dua burrë shqiptar, janë kaq të mirë

Kam filluar të mendoj që duhet të gjej një burrë shqiptar.
Nuk e kam ditur që janë kaq të mirë.

Unë kam bërë të kundërtën e asaj që kanë bërë vajzat shqiptare: nëse të gjitha provojnë njëherë shqiptarët, pastaj shkojnë tek të huajt, unë jam marrë me të huajt në fillim dhe në një moment thashë: prit, burrat shqiptarë qenkan yll.

Edhe personaliteti i tyre më pëlqen. Jam e habitur
Anxhela Martini

Bota shqiptare në sytë e një Mormoni

Tirana më ka trajtuar shumë mirë deri tani. Filiali është vërtetë interesant.
Shumë njerëz të moshuar si dhe 5 të rinj, po përpiqem që ti ndryshoj, por fëmijët këtu në Tiranë janë të gjithë zënë me shkollën (mesa duket kur konvertojnë një fëmijë, në fenë e tyre marrin bonus ekstra shën. im), ose më quajnë "Jehovait" dhe nuk pranojnë të më flasin me gojë. Zakonisht na ngatërrojnë edhe me Dëshmitarët e Jehovait.





Ushqimi vazhdon të jetë i mirë dhe unë kam qenë shumë i zënë duke u përpjekur të kap njerëz në rrugë. Ka shumë njerëz këtu që kanë disa mënyra sjelljeje shumë të çmendura. Një djalë në moshë erdhi një ditë dhe na tha neve se ishte "Profeti i Fundit" dhe na kërkoi të ktheheshim në shtëpi, tek Barak Obama. Na ka ndaluar edhe disa herë të tjera duke na thënë se ne jemi plot me m**.
Por gjithashtu këtu ka edhe shumë njerëz të mrekullueshëm me të cilët mund të shoqërohesh.
Por ka gjithashtu edhe snakes (gjarpërinj) dhe këtu i referohem femrave që flirtojnë me ne misionarët, apo me djemtë amerikanë.
Ato na shohin se jemi të bukur, na përpëlisin sytë dhe përpiqen të na ftojnë të pijmë kafe me to.
Ne mirësisht i refuzojmë kërkesat e tyre dhe i pyesim nëse ato duan të dinë më tepër rreth Jezus Krishtit. Kështu zakonisht shpëtojmë prej tyre. (Kjo pjesa këtu ishte e fortë në fakt)
Puna ka shkuar mirë. Po punoj me 3 fëmijë në një shtëpi.
Më pas flet për punën e tij në kohën e lirë dhe e mbyll letrën dërguar prindërve të tij, me fjalinë:
http://clawsonscalledtoserve.blogspot.com/2013/11/i-love-being-here-in-albania.html

"Më pëlqen shumë qëndrimi në Shqipëri!!!"

Letra e Ajnshtajnit sfidon idenë e Zotit

Fjala “Zot” për mua nuk është gjë tjetër veçse shprehje dhe produkt i dobësisë njerëzore (A. Anjshtajn)

Letra e Ajnshtajnit sfidon idenë e Zotit
Një letër, në të cilën Albert Ajnshtajni e quante idenë e ekzistencës së Zotit si produkt të dobësisë njerëzore, është nxjerrë në ankand me një çmim fillestar prej 3 milion dollarësh. Dokumenti i shkruar me dorë, i njohur si “Letra e Zotit”, ishte pjesë e një korrespondence mes Ajnshtajnit dhe fizikanit Eric Gut-kind.

Letra mban datën 3 janar 1954, një vit para vdekjes së Ajnshtajnit, dhe u dërgua si përgjigje për librin e Gut-kindit me titull “Zgjidhni jetën – Thirrja biblike për revoltë”.

Letra është e shkruar në gjermanisht dhe mban logon e Universitetit Princeton. Ajo u ble nga një koleksionist anonim në vitin 2008 dhe u nxorr për shitje në faqen e ankandeve e-bay.

Përmbajtja e letrës

Princeton, 3.1.1954

I dashuri Zoti Gutkind,

I nxitur nga sugjerimi i vazhdueshëm i Brouwerit, arrita të lexoj mjaft prej librit tuaj dhe gjej rastin t’u falenderoj që ma dhatë hua. Ajo që më bëri shumë përshtypje ishte kjo:

Përsa i takon qasjes konkrete ndaj jetës dhe shoqërisë njerëzore, ne kemi shumë të përbashkëta: Idealin tuaj personal me këmbënguljen për çlirim prej dëshirave egoiste, që të bëjë jetën të bukur e të fisme, duke u përqëndruar vetëm në elementin njerëzor.

Kjo na bashkon në atë qe kemi një “sjellje jo tipike amerikane”.

Megjithatë, pa sugjerimin e Brouwerit, unë nuk do të isha përfshire intensivisht në librin tuaj sepse është i shkruar në një gjuhë të pakapshme për mua.

Fjala “Zot” për mua nuk është gjë tjetër veçse shprehje dhe produkt i dobësisë njerëzore; Bibla një grumbull legjendash fisnike edhe pse krejt primitive, mbeten megjithatë shumë naive. Asnjë interpretim, sado i kujdesshëm nuk mund ta ndryshojë këtë qëndrim timin.
Për mua, feja hebraike, sikurse të gjitha fetë e tjera, është një mishërim i bestytnive tejet fëminore. Dhe kombi hebre, të cilit jam i lumtur që i përkas, e për botëkuptimin e te cilit kam një simpati të thellë, nuk ndryshon shumë për mua nga kombet e tjerë. E me aq sa kam parë, hebrenjte nuk janë më të mirë sesa bashkësitë e tjera njerëzore, edhe pse janë të mbrojtur ndaj kancereve më të këqinj falë mungesës së autoritetit. Përndryshe unë nuk mund të dalloj asnjë “përzgjedhje” të tyre ndër të tjerë.

Përgjithsisht, më rëndon fakti që ju pretendoni të keni një pozicion të privilegjuar dhe mundoheni ta mbroni këtë përmes dy mureve të krenarisë, atij të jashtëm si njeri dhe atij të brendshëm, si hebre. Si njeri, pretendoni, - ta themi kështu,- një përjashtim nga rregulli i shkak-pasojës së pranuar në përgjithësi, ndërsa si një hebre, i njihni vetes privilegjin e monoteizmit. Por një shkak-pasojë e kufizuar nuk mund të jetë aspak më një shkak-pasojë, sikurse e pranoi me vendosmëri, mbase si i pari fare Spinoza ynë i mrekullueshëm. Dhe interpretimet shpirtërore të feve të natyres nuk zhbëhen në thelb prej monopolizimit. Përkundrazi.

Tani që i bëra krejt te ditura dallimet në bindjet tona intelektuale, ngelet ende e qartë për mua se ne jemi shumë pranë njëri-tjetrit në gjëra thelbësore si psh. në vlerësimet tona për sjelljen njerëzore. Ç'ka na ndan janë vetëm “skelat” e qëndrimeve tona intelektuale dhe “justifikimet”, thënë me gjuhën e Frojdit. Ndaj mendoj se do ta kuptonim mjaft mirë njëri-tjetrin nqs do të flisnim për gjëra konkrete.

Me falenderime miqësore dhe urimet më të mira,

Juaji, A. Einstein.

Gjuha më e lashtë në botë

1. Forma më e lashtë e shkrimit
Shumë njerëz bazojnë përgjigjen e tyre tek gjuha e cila është shkruar e para. Nëse po kërkoni më të lashtën absolute, mundësisht gjuha e sumerëve dhe e egjiptianëve fitojnë si gjuhët më të lashta (të dyja u shfaqën rreth 3200 vjet p.e.s).
Nëse po kërkoni mbi gjuhën e vjetër të mbijetuar deri në ditët e sotme, kinezçja është e cituar shpesh më shpesh, por edhe greqishtja ka shumë mundësi, pasi është shkruar me një linear B po rreth vitit 1500 p.e.s.



Por të gjitha këto janë të parëndësishme, pasi gjuha e shkruar nuk është e barabartë me gjuhën e folur.
Në vitin 3200 p.e.s kishte shumë gjuhë të folura përveçs gjuhës sumere dhe asaj egjiptiane, por ato nuk kishin fatin të kishin një sistem shkrimi. Këto gjuhë, janë po aq të vjetra.
Të marrim këtu një shembull shumë interesant, gjuha shqipe (e folur në veriun e Greqisë) nuk u shkrua deri në shek. XV-të të e.s, por Ptolemeu i përmend këta njerëz që në shekullin e I-të p.e.s.
Provat gjuhësore dhe arkeologjike dëshmojnë se shqiptarët ishin një komunitet njerëzish që kanë ekzistuar edhe shumë më parë se kaq. Kështu shqipja ekziston prej disa mijëvjeçarësh, por është shkruar vetëm prej 500 vjetësh më parë.
Për ironi të fatit, shqipja mund të konsiderohet shumë "e lashtë" dhe greqishtja shumë "e re".

8 Korrik 2013 https://linguistlist.org/ask-ling/oldest.cfm

Autorja Elizabeth Pyatt është Pedagoge e shquar e Gjuhësisë në Universitetin e Pensilvanisë, e diplomuar në Havard dhe ka kryer një sërë studimesh shkencore. Njeh 9 gjuhë të huaja, por jo shqipen. http://www.personal.psu.edu/ejp10/pyattcv.html

Ligji dhe qytetari

Mediat oshëtijnë se më në fund afro 20 deputetë, apo edhe ministri i Jashtëm Ditmir Bushati, zëvendëskryeministri Niko Peleshi, ish-drejtori i Përgjithshëm i Policisë së Shtetit, Bajram Ibraj, gjyqtarja Fatmira Hajdari, automjetet e Gjykatës së Lartë, madje edhe Presidenti janë gjobitur nga Policia Rrugore për kundravajtje.

- Në stadin ku ndodhemi, padyshim që përbën një lajm shumë të mirë tentativa për ti trajtuar të gjithë qytetarët, të barabartë përpara ligjit.
- Në një fazë të dytë zhvillimi të shoqërisë tonë, do fillojmë që të kërkojmë që këto gjoba edhe të vilen prej policisë së shtetit, për të mos mbetur thjesht në letra,derisa të anullohen nga sistemi.
- Ndërsa në atë fazën ku do duhej të ishim, lajmi se e gjithë klika shtetërore ka shkelur me të dyja këmbët ligjin, do mjaftonte që këtu të niste brenda ditës një revolucion.

Ne qytetarët që marrim e paguajmë gjoba, ose jemi budallenj, ose duan të na bëjnë të tillë.
Shkroi: Stop Injorancës
Për kuriozitet, ja emrat e të gjobiturve bashkë me gjobat e tyre:

2,000. BEN KRISTAQ BLUSHI
1,000. DITMIR SULEJMAN BUSHATI
1,000. MONIKA RAMAZAN KRYEMADHI
3,000. NIKO ALEKS PELESHI
2,000. BLENDI PULLUMB KLOSI
1,000. ARMANDO NDUE PRENGA
1,000. EDI TONIN PALOKA
2,000. PAULIN NIKOLLE STERKAJ
2,000. ADMIR GJOVALIN KADELI
2,000. GJYKATA E LARTE
1,000. ARBEN AHMET PRRENJASI
2,000. ARMANDO NIKOLLA SUBASHI
3,000. TRITAN SHEHU
3,000. LUAN MERSIN RAMA
2,000. OLTA ANXHELO XHAÇKA
1,000. SHPETIM HYSNI IDRIZI
1,000. FATMIRA IBRAHIM HAJDARAJ
1,000. BAJRAM IMER IBRAJ
2,000. PRESIDENCA E REPUBLIKES

Pasojat e indoktrinimit fetar tek fëmijët

Ndërkohë një hartim në gjimnazin Skënderbeu në Preshevë, rreth temës së festave të fundvitit...

Unë personalisht nuk i festoj këto festa, sepse NUK m'i lejon feja ime.

P.s Ritheksojmë që gjimnazi quhet "Skënderbeu"...

Shkroi: Stop Injorancës

Vendosni diçiturën

Nëse nuk do ta dija se kjo foto është shkrepur gjatë kremtimeve në një Institucion të Shenjtë, direkt do të mendoja se fotoja i takon një spitali psikiatrik!
Vetëm atje të rriturit luajnë me kukulla, apo mbështillen e lidhen me çarçafë.

Shkroi: Stop Injorancës

Na u bëfsh 100 vjeç o Jezus Krishti

Sot është nata më e gjatë e vitit për ne pjesën më të madhe të njerëzve që jetojmë në Hemisferën veriore të Tokës.

Sonte dielli ka perënduar në orën 16.05, ndërsa nesër lind në orën 07.03, minuta. Nata e sonte pra zgjat rreth 15 orë.

Dielli ndodhet në lartësinë minimale në qiell dhe rënia e rrezeve të tij në tokë në këndin më të ulët të mundshëm.
Do të vazhdojë kështu (me prirjen për ta shkurtuar natën) për 3 ditë rrjesht deri në datën 25 dhjetor, dattën kur dita do nisë të fitojë terren ndaj natës.
Kjo ishte edhe arsyeja kryesore pse në Paganizëm 25 dhjetori festohej si Rilindja e Perëndisë së Diellit, i cili do të ritkhente begatinë dhe shpresën mes njerëzve, pas dimrit e errësirës së gjatë.
Në termat e sotëm shkencor njihet si diellndalimi dimëror (solstici i dimrit).

Po nga e mori Krishtërimi 25 dhjetorin si Lindjen e Krishtit?
Sipas teologëve, 25 dhjetori është një simbolikë e nxitur nga perandori romak me origjinë shqiptare, Kostandini. Është interesante të vihet re se festimi i Krishtlindjes më 25 dhjetor ka shumë mundësi të lidhet me veprimtarinë e perandorit romak me origjinë ilire, Kostandinit, i cili, si shumë perandorë të tjerë romakë, njihej si “inkarnimi” apo “trupëzimi” i Diellit, që në atë kohë adhurohej nga romakët si perëndi.
Pas konvertimit në Krishterim, ky perandor me gjak shqiptar udhëhoqi Konçilin e Niçeas (viti 325 e.s.), në të cilin Krishterimi njohu për herë të parë në mënyrë zyrtare doktrinën e “trinisë së shenjtë”. Kostandini e orientoi besimin e krishterë jo drejt një ndarjeje të ashpër me paganizmin, por e pasuroi besimin e ri me shumë elementë ekzistues në besimet e mëparshme romake.

Krishtlindja është pagane, dhe rreth kësaj nuk ka kurrfarë dyshimi.

E megjithatë, edhe këtë vit ju bëftë 100 vjeç Jezusi, miliarda të krishterëve anembanë botës!

Shkroi: Stop Injorancës

Mizerja, apo nënë e saj

Në një kohë kur mizerja po ulet në çdo sofër të zakonshme shqiptare, ish Ministri i Financave Ridvan Bode fotografohet në Parlament me një “Benz Mercedes S-Class” mbi 90 mijë USD, për më tepër me targa false

Pritet që Z. Bode të deklarojë që gjithë shqiptarët e dinë fare mirë, se S-Class-i i 2012-ës nuk kushton më tepër se 7500 euro...

Shkroi: Stop Injorancës

Metropoli kundra Provincës (Përparësitë dhe disavantazhet )


Në Metropol, shancet e punësimit janë më të madhe.
Gjithashtu mundësitë për të marrë një pagë më të lartë dhe për të patur një karrierë më të suksesshme.
Në Metropol je pranë me qendrat kultorore artistike.
Padyshim edhe jeta artistiko-kultore është më e ngjeshur.
Në Metropol janë përqëndruar shërbimet e specializuara mjekësore.
Në Metropol cilësia e mësimdhënies është më e lartë dhe gjithashtu aty ndodhen Universitetet më të kërkuara prej studentëve.

Po çfarë humbasim nga jeta jonë metropolitane?


- E para që humbasim është koha.
Dita shkurtohet prej mbetjes në trafik. Zgjatet orari i punës duke qenë se punën mund ta kesh larg dhe kështu humbet nga dita edhe orë për vajtjen dhe kthimin për në shtëpi.
Kohë që ia rrëmbejmë çdo ditë me pahir angazhimeve të tjera, kohës së lirë, apo argëtimit. Do gjesh gjithmonë e më pak kohë për shokët apo njerëzit e tu.

- E dyta që humbasim është qetësia.
Metropolet janë gjithmonë të zhurmshme. Mjafton të kujtoni se nëse celularin tuaj gjatë rrugës nuk e mbani në vibrim, ju nuk mund ta dëgjoni zilen e tij. Në terma të tjerë, zhurma trajtohet si ndotje me emrin ndotje akustike, pikërisht duke u nisur prej pasojave që ajo shkakton në shëndetin tonë. Dhe qetësia nuk është një detaj për t'u neglizhuar.

- I treti që humbasim është shëndeti.
Në zonat metropolitane gjithashtu përqëndrohet edhe ndotja më e madhe e ajrit, e cila nis me smogun e mëngjesit, vazhdon me pluhurin gjatë gjithë ditës dhe përmbyllet me zhurmat e natës. Si rezultat pakësohet cilësia e jetës dhe bëhesh gjithmonë e më lehtësisht i prekur prej sëmundjeve të rrugëve të frymëmarrjes.

- E katra që humbasim është paraja.
Në Metropol është pothuajse e pamundur të udhëtosh në këmbë si pasojë e distancave të gjata. Kjo do të fusë një tjetër shërbim jo pak të kushtueshëm, atë të lëvizjes me automjet, i cili më pas do të shkaktojë edhe stres. Padyshim që Metropoli ashtu si të jep paga më të larta, ashtu ka edhe më të shtrenjta shërbimet, duke nisur nga ushqimet e shportës e deri tek pasuritë e patundshme.

Provinca ua garanton të plota të katra pikat e mësipërme.
Në Provincë punën, shkollën, çerdhet e kopshtet i ke pranë. Gjen gjithmonë kohë të lirë për libra, udhëtime, gjyeti apo për çfarëdo pasioni që të keni. Shokët e miqtë i ke në pallat, ose i takon rrugës apo në kafen e preferuar.
Në Provinca dëgjohet ende shushurima e gjetheve dhe mundet të mbash ende kontakt me natyrën. Nëse komshiu më sipër ju shkakton zhurmë, të nesërmen vjen dhe ju kërkon ndjesë.
Cilësia e ajrit është e mirë dhe nëpër provinca mund të jetosh fare mirë edhe pa shpenzuar para dhe energji për një automjet, apo për parkimin e tij. Në Provinca ti njihesh e përshëndetesh me pjesën më të madhe të njerëzve dhe kjo sjell rrjedhimisht edhe qetësi publike në komunitet. Ka qindra e qindra arsye pse jeta në Provinca është më e shëndetshme.

Akoma këmbëngulni për të jetuar në Metropol?!

Shkroi: Stop Injorancës

Europë, kthema borxhin, jo mbytmë në borxhe!

“Shqipëria është vendi më i korruptuar në Evropë. Nuk mund të rregullosh shtratin, kur shtëpia juaj ndodhet ende në flakë”
(Mark Verheijen, Deputeti i VVD-së, partisë në pushtet në Hollandë)

Holanda, Gjermania, Britania e Madhe, Franca dhe Danimarka janë shprehur kundra dhënies së Statusit të Vendit Kandidat për Shqipërinë, pavarësisht se kushte të tjera shtesë nuk kanë kërkuar.



Megjithatë, duhet kuptuar se ky vend është në Europën që me gjasa i dha edhe emrin, por nuk duhet rregulluar shtëpia që të na e pëlqejë Bashkimi Europian, por sepse aty jetojmë ne.

Njëkohësisht Statusin e Vendit Kandidat e ka fituar Serbia ku para pak ditësh poshtë një parkimi u zbulua një varr masivë me trupat e disa shqiptarëve, prej mijërave të tjerëve që ende janë të humbur.

Në këtë rast vetvetiu të vijnë ndërmend fjalët e të madhit Gjergj Fishta:

Uh! Europë, ti kurva e motit,
qi i rae mohit besës e Zotit,
po a ky â shêji i gytetnís'
me dá tokën e Shqypnís
për me mbajtë klysht e Rusís?


http://youtu.be/ch3JNUtZ2NU
Shkroi: Stop Injorancës

"Dhis iz, ë mirakëll of fridëm"

Një akt tjetër i papërgjegjshëm është zëvendësimi i ministrit Panda me ministrin Imami, që përfaqëson së pari një fyerje të rëndë për të gjithë shqiptarët, vendosja në krye të drejtësisë e një xhahili si Arben Imami.
Akte të tilla në të vërtetë kanë bërë vetëm diktaturat, ose kanë bërë ata, të cilët kanë dashur me çdo kusht të politizojnë drejtësinë, pra të vendosin atë në kontrrollin e plotë politik. Kam pasur rast të vizitoj kurora absolute, ish-koloni të Mbretërisë Britanike, por edhe në këto vende kam gjetur ministrër Drejtësie një jurist, trashëgimi kjo e ligjit britanik të mbetur në këto vende.




Kurse këtu vendoset në krye të drejtësisë një i pavetëdijshëm, një njeri që është shquar gjithë jetën e tij për aventurizëm dhe për mediokritet, ndërkohë që drejtësia përbën dhe problemin më të madh të shtetit dhe shoqërisë shqiptare.

Pa një drejtësi të pavarur, nuk mund të ketë liri njerëzore dhe shtet ligjor në Shqipëri/ Në krye të drejtësisë erdhi njeriu që veshi rrobat e kolonelëve grekë për të djegur Gjirokastrën dhe Sarandën, njeriu që ka borxhe të mëdha ndaj Shqipërisë dhe shqiptarëve dhe çfarëdo që të emërohet dhe kudo që të shkojë, do përgjigjet për atë që ka bërë.
(Sali Berisha - Gazeta Rilindja Demokratike, 2000)

Dhe në fakt Z. Berisha me të marrë pushtetin e ndëshkoi Z. Imami duke e bërë Shef të Kabinetit të tij në 2005-2009 dhe më pas 2009-2013 duke e veshur Ministër të Mbrojtjes...

Momentalisht A. Imami është kallëzuar penalisht për korrupsion.

Zbulim marramendës


Në rrugicat e metropolit shqiptar zbulohet fare rastësisht një shkrim shqip edhe më i lashtë se Fjalori i Fon Harfit!

Zbulimi pritet të kthejë për rishikim tezat mbi lashtësinë e shqipes në Akadaminë tonë të Shkencave.

Shkroi: Stop Injorancës

Facebook-u ndërgjegjson lexuesit shqiptarë...


E keni vënë re ndërgjegjsimin e shqiptarëve kohët e fundit në Facebook?

Kur hasin ndonjë shkrim interesant gjetiu dhe e shpërndajnë në profilin e tyre nuk e shoqërojnë me ndonjë pjesë intriguese të shkrimit, por bëjnë një farë lutjeje deri në përgjërim të tipit:

"Eshtë pak e gjatë, por ia vlen ta lexoni".

Dhe .. .nuk bëhet fjalë për më tepër se 20 rrjeshta shkrim, në rregull?

Shkroi: Stop Injorancës

Celulari me prekje, rrënqethës...

Si fillim kur doli celulari me prekje (touch screen), femrat filluan ti gëzoheshin faktit se meshkujt nuk po i fusnin gishtat aq shpesh në hundë. Mirëpo përveç kësaj, dalëngadalë celulari me prekje u bë edhe më eksitues sesa kofsha e femrës.
Meshkujt preferuan më mirë të luanin me celularin sesa me gjirin e partneres së tyre.




Sipas sondazhit tronditës të kryer nga media gjermane, femrat dalë të tretat në rradhë si kënaqësi ndaj meshkujve.

Me 30.4% e të anketuarëve zgjodhën kompjuterin, celularin, tabletin, sesa të bënin seks me partneren.
Me 13.6% u renditën ata që preferonin të shikonin një ndeshje fubolli të ekipit të tyre të zemrës.
Vetëm me 11.9% ishin ata që zgjodhën seksin.

E këta me siguri, nuk kanë zbuluar akoma celularët inteligjent me prekje...

Shkroi: Stop Injorancës



“Shkolla e shqiptarëve”- në Venedik, vatër arsimi dhe kulture e shekullit të XV-të


Në gusht të 1368-ës, "Këshilli i të Dhjetëve" http://it.wikipedia.org/wiki/Consiglio_dei_Dieci , një grup personash të devotshëm, (me siguri me origjinë shqiptare, edhe pse kjo nuk është e specifikuar në dokumente) vendosi të ngrinte një shkollë.
http://www.veneziamuseo.it/TERRA/San_Marco/Maurizio/mau_sn_albanesi.htm

-Është fjala për bashkë vëllazërinë që u quajt "Shkolla e shqiptarëve" (Scuola degli Albanesi), një qendër e rëndësishme e arsimit, artit dhe kulturës shqiptare në Venedik aty nga fillimi i shekullit XVtë.

"Shkolla e shqiptarëve" në Venedik, që u ngrit si ndërtesë më 1368-ën, është i pari institucion arsimor i njohur i shqiptarëve në mërgim dhe Marin Beçikemi i pari mësues shqiptar që njihet deri më sot.
Siç shkruan G. Molneti në "La storia di Venecia nella vita private", “ndër mësuesit e tjerë, këtu punonte edhe Marin Beçikemi, që u quajt thjesht Marin Shkodrani, i cili në fillim të 1500-ës mësonte në Venedik me titullin "Mësues Popullor".
Ai, përpara se të fillonte si mësues në Venedik, më 1503, kishte shërbyer si redaktor i Shkollës Letrare të Raguzës si dhe ambasador i Republikës në Francë dhe në Napoli.
Në këtë bashkëvëllazëri merrnin pjesë edhe artistë e humanistë të dëgjuar me origjinë shqiptare si Leonik Tomeo, Marin Barleti, Viktor Karpaci e Mark Bazaito etj., dijetarë që punuan në gjallërimin e kësaj vatre shqiptare.
Leonik Tomen(1456-1531) erdhi në Venedik më 1504, por ardhja e tij i dha një impuls të ri bashkë vëllazërisë shqiptare."Shkolla e shqiptarëve" ishte për Leonik Tomen një arenë e gjerë veprimi për të punuar në dobi të vendit, për ruajtjen e traditave liridashëse dhe kulturore se sa katedra e filozofisë në Padova, ku ai shërbeu për 8 vjet me radhë.
Në këtë shkollë ishte mësues edhe Marin Barleti, njëri nga figurat kryesore të mendimtarëve tanë të shquar përparimtarë, të shekujve XV dhe XVI. Ai, për nevojat e shkollës shkruan dhe boton "Rrethimin e Shkodrës" më 1504 dhe më 1508, "Historia e Jetës dhe Veprave të Skënderbeut, Princit të Epirotëve". Në parathënien - kushtrim të veprës së parë "Rrethimi i Shkodrës", ai thotë se u vu të shkruajë për Shqipërinë "nga fuqia e dashurisë për atdheun, për të cilin me arsye e me të drejtë, çdo qytetar e ka për detyrë të derdhë edhe gjakun deri në pikën e e fundit të tij".
http://mescarnetsvenitiens.blogspot.com/2010_04_01_archive.html
Në ballin e ndërtesës së kësaj shkolle, ndodhej e vendosur midis dy dritareve, një bazoreliev kushtuar rrethimit të Shkodrës. Kjo është vepër e piktorit me origjinë shqiptare, Viktor Karpacit (1455-1526). Mjediset brenda saj i zbukuroi në afreske piktori tjetër me origjinë shqiptare Mark Bazaiti(1470-1530). Të dy këta artistë, për nevojat e shkollës, punuan edhe si arkitektë e dekoratorë. Elena Gjika(Dora d'Istria), në një letër dërguar Jeronim De Radës më 1866, i shkruan ndër të tjera se "Shqipëria duket gjithandej, nëpër përmendore, nëpër kujtime, nëpër institucione, madje edhe në një shoqatë shqiptare". Motivi kryesor i jetës së këtyre shqiptarëve në këtë komunitet të qëndrueshëm, ishte: "Për nderin dhe lavdinë e Atdheut", motiv ky thellësisht patriotik.

Tani të lindin vetvetiu disa pyetje:

- Këta dijetarë të shquar shqiptarë, ndër kokat më të shquara të kohës së tyre në arenë botërore, nga kush e mësuan shkrimin shqip?

- Kujt i jepnin mësim?

- Ku shkuan librat e tyre, kur bëhet fjalë për një shkollë të shek. të XIV-të? (Meshari i Gjon Buzukut daton i vitit 1555)

P.s Leonik Tomeo ishte i pari që solli në latinisht, shkrimet e Aristotelit nga Greqishtja e Lashtë.
Pra, nga një gjuhë e vdekur si Greqishtja e Lashtë, i rishkroi sërish në një gjuhë tjetër të vdekur siç ishte Latinishtja asokohe, pikërisht një shqiptar.
Për kuriozitet, Nikola Koperniku ka qenë student i tij...

Ç'është Bukuria?

- Flokët që të mbrojnë kokën prej rrezeve të diellit, apo prej të ftohtit, gjysma e bukurisë.
- Balli i pjerrët, i cili në rast rrëzimi nuk goditet në pjesën më të madhe të tij.
- Vetullat e trasha e lakuara në formën e syrit, qerpikët e gjatë e të lakuar, për ta mbrojtur syrin më së miri prej pluhrave.
- Syri i futur mirë në zgavrën e tij, me një formë të zgjatur nga krahët për të zvogëluar sipërfaqen e pambrojtur të tij.
- Hunda aerodinamike me zgavra të vogla për shmangur rrezikun e futjes së papastërtive në to.
- Veshët e puthitur mirë pas kokës, për të shmangur rrezikun e fërkimit të sendeve të rastësishme me to.
- Dhëmbët e bardhë dhe të shëndetshëm për të përtypur më mirë ushqimin.
- Buzët e trasha që shërbejnë për të mbllaçitur me lehtë ushqimin.
- Qafa e hollë dhe e gjatë për të lehtësuar kontrollin e fushëpamjes ndaj çdo rreziku.
- Shpina e drejtë që mundëson një gjumë më të qetë.
- Gjinjtë e mëdhenj për të garantuar ushqim të bollshëm për të vegjlit.
- Gishtat e hollë dhe të gjatë që rrisin efektshmërinë e lëvizjes e kapjes së sendeve.
- Thonjtë e fortë dhe të lakuar nga poshtë, që përveç faktit se nuk lejojnë hyrjen e shumë papastërtive, janë edhe më praktikë për kapjen e hapjen e sendeve.
- Mungesa e dhjamit dhe celulitit rreth belit për të treguar vitalitetin dhe elasticitetin fizik.
- Vithe të forta e të rrumbullakta për të treguar qendrushmëri dhe ekulibër.
- Këmbët e drejta për të lehtësuar vrapimin.
- Lëkura e pastër për të lehtësuar frymëmarrjen e saj.
- Muskulatura fizike për të siguruar mbijetesën.

Më duket mua, apo ajo ç'konsiderohet e bukur në fizikun njerëzor, është pikërisht e përcaktuar fillimisht prej natyrës, nëpërmjet tipareve që kanë rezultuar si më të sukseshmet e sojit tonë, për të mbijetuar?!

Me shumë gjasa, në një tjetër Planet me të tjera kushte, preferencat tonë ndaj së bukurës, do të ishin shumë ndryshe.

Shkroi: Stop Injorancës

Ç'po ndodh me Top Median pas humbjes së Presidentit të saj?


28-vjeçari invalid: Më përdhunoi një hoxhë në Lezhë


Një histori dramatike është rrëfyer sot paradite në emisionin ‘Me Zemër të Hapur” të moderuar nga Evis Ahmeti, në "News 24". Një 28-vjeçar invalid pretendon se një person që e quante veten hoxhë, ka abuzuar seksualisht me të.

Saimiri, i riu me banim në Tiranë, i paralizuar nga të dyja këmbët rrëfeu sesi para dy vitesh shoqëroi vajzën e tezes në Lezhë tek një Hoxhë, pasi vajza kishte probleme të rënda psikologjike. Me shpresën se hoxha do ti këndonte vajzës ndonjë Sure për të larguar syrin e keq që pretendohej se e kishte pushtuar, hoxha, emri i të cilit nuk bëhet publik, i ka dhënë garanci të riut se mund ta shërojë dhe atë.

I riu ka mbetur invalid në moshën 9-vjeçare pasi u rrëzua nga një pemë.

Pas rrëfimit të 28-vjeçarit, "News 24" vendosi kontakt telefonik me hoxhën në Lezhë. Në reagimin e tij mbi emisionin, hoxha mohoi çdo detaj të ngjarjes. Ai u përgjigj shkurt:
“E dëgjova historinë dhe ai që pretendon këtë të ndjekë rrugën ligjore. Unë nuk bëhem pjesë e këtyre gjërave dhe këtyre historive. Unë jam mysliman dhe i respektoj të gjithë, janë njësoj për mua, katolikë, ortodoksë, myslimanë”. Balkanweb

Hoxha nuk punon në xhaminë e Lezhës, por është një individ që njihet nga komuniteti lezhian, si Hoxhë e shërues.
Foto ilustruese - Balkanweb

Lulzim Basha : Korrupsioni nuk luftohet me demagogji

Korrupsioni nuk luftohet duke përdorur instrumente që mbjellin panik, luftohet vetëm kur parimet themelore të shtetit ligjor transparenca dhe llogaridhënia mishërohen në reforma ligjore që mbi të gjitha kanë nevojë të zbatohen.






Z. Basha mos doni të thoni se ju jeni pikërisht një prej politikanëve të cilët kanë ende çështje të pazgjidhura me drejtësinë lidhur me korrupsionin galopant në rrugën e Kombit "Durrës-Kukës", ku KLD zbuloi një vjedhje prej 200 milionë euosh, nga ku ju ia hodhët paq të mos hetoheshit vetëm falë shkeljeve të qëllimshme të proçedurave të afatit të hetimit dhe rivjeshjes tuaj më pas, me imunitet?

Doni realisht luftë ballore ndaj korrupsionit?

Dorëzojuni sërish Drejtësisë dhe lani duart prej akuzave ndaj jush për shpërdorim të fondeve publike.
Shkroi: Stop Injorancës

E duam Shqipërinë si gjithë Europa


Imagjinojeni për një moment sikur këtyre mijëra studentëve të 8 dhjetorit 1990-ë që brohorisnin në kor "E duam Shqipërinë si gjithë Europa", t'iu thuhej nëpërmjet podiumit politik, se me klasën e re politike e demokratike që do krijojmë, ju garantojmë se fiks pas 23 vitesh, po në dhjetor, ne do fitojmë Statusin e Vendit Kandidat.

Mbase, mbase pas një tjetër dekade, kur ju tashmë të keni arritur moshën e pensionit, do jemi bërë pjesë e Europës.
Gjithmonë në rast se deri atëherë, ajo s'do ketë dhënë shpirt.

Suedia është vendi i parë që sapo i ka thënë Po Shqipërisë, për Statusin e vendit Kandidat.

E si të mos gëzohesh?
Prej dy dekadash në gjendje kome në reanimacion, papritur Shqipëria përpëliti sytë duke dhënë shpresa se mund të rikthehet në jetë.
Shkroi:  Stop Injorancës

Enver Hoxha në homazhet e dëshmorëve

Ky ishte dje në titulli më i lakuar në mediat shqiptare në këtë 69-vjetor të Çlirimit të Shqipërisë prej forcave antifashiste nacionalçlirimtare.

U krahasua Enveri me Hitlerin dhe prania e atyre posterave ndezi shumë debat.

Tani ka diçka vërtetë paradoksale me këtë ndodhi. Varrezat e Dëshmorëve janë ngritur prej atij sistemi, lufta e LANÇ-it ishte ai që e renditi Shqipërinë tek vendet fituese pas Luftës së II botërore dhe Enver Hoxha ishte komandant i përgjithshëm i forcave të armatosura.

Tani nuk mund ti nderojmë dëshmorët e Kombit duke fshirë komandantit e tyre. Ose ti nderojmë së bashku, ose ti fshijmë së bashku dhe aty mbi varrezat e dëshmorëve të ngrejmë ndonjë qendër tregtare.
Shkroi: Stop Injorancës

Një krim rruge për të peshkuar një mentalitet kriminal


Besoj se të gjithë pak a shumë jeni njohur me rastin e tmerrshëm të nxjerrjes së syve të një qeni rrugaç diku andej nga Kombinati në Tiranë.

I menjëhershëm ka qenë reagimi qytetar të cilët e kanë ndihmuar kafshën e gjorë me ushqime, por edhe duke dhuruar para në emër të tij.
Deri këtu gjithçka duket mëse normale dhe qytetare, por drama fillon kur në rrjetet sociale ndaj ngjarjes në fjalë fillojnë e lëshohen mijëra sharje, mallkime, kërcënime, dhe thirje për vrasje e vdekje.

Ekzekutim, vdekje nga torturat, tortura nga më të paimagjinueshme për autorët e kësaj vepre të shëmtuar...

A nuk keni aq pak mend sa për të kuptuar se nuk mund të dënosh një krim, përmes disa metodave kriminale?

A nuk keni aq pak mend të kuptoni se ju që bëni thirrje për të ekzekutuar njerëz, në mos aq, jeni akoma më të rrezikshëm se autori në fjalë?
Shkroi: Stop Injorancës

Të armatosur në publik

Ju ka rastisur ndonjëherë që ndërsa jeni duke qarkulluar me familjen tuaj t'iu kenë nxjerrë tabelën Stop në një postobllok policor nga këta me disa automjete e fugona policie me sirena ndezur, me policë me elektrikë në duar që të drejtojnë tytat e kallashit e ulërasin si kafshë të tërbuara?
Befas të krijohet ideja se nuk jeton në një qendër europiane, por diku andej nga Kabuli dhe pyet veten se nga dallon ky shteti ligjor prej terrorizmit.
Ç'kusur kanë familjarët të përballen me një pamje kaq të kobshme?
Ç'faj kanë fëmijët të dhunohen prej këtyre imazheve të dhunshme?

Cili është mesazhi që përçohet tek qytetarët kur shohin në mes të rrugës njerëz me kallashë në krahë?

Besim e siguri, me siguri që jo...

Shkroi: Stop Injorancës

Provokimi i Topallit skandalizoi Uashingtonin

“Ishte një deputet i caktuar i PD-së që ulet pranë zotit Berisha në radhën e tretë, faqja e ‘Facebook’-ut e të cilit kishte një kopje të retushuar, më duket të ‘The Daily Mirror’. Faqja e gazetës kishte një foto të disa fëmijëve të vrarë me gaz nga Asadi, një foto faktike të masakrës. Faqja e retushuar kishte të njëjtën foto, por fjalët thoshin, ‘radhën e kanë fëmijët shqiptarë’ apo diçka e tillë. Një gjë e tillë është jashtëzakonisht provokuese. Është diçka e paskrupullt. Është e pavend. Thjesht e gabuar, dhe kjo Ambasadë dhe Uashingtoni u skandalizuam” Arvizu

Fotoja e retushuar vazhdon të qëndrojë në profilin e Jozefina Topallit

E vërteta është e vetmja e Shenjtë!

Nuk ka vdekur asnjë njeri i shquar, që s'ka krijuar mister me vdekjen e tij, qoftë kjo edhe fare aksidentale.
Kështu ka ndodhur e do të ndodhë gjithmonë, pasi kur flitet rreth një personazhi të mirënjohur publik, ai ka gjithmonë armiq që s'do ta duan, apo edhe miq që nuk do ta duronin dot humbjen përgjithmonë të tij.
Mirëpo rasti i mbrëmshëm i të ndjerit S. Olldashi ishte e ngjizur që në fillimet e tij me mjegull.
Si fillim nuk konfimohej nëse flitej apo jo për të ndjerin, kishte vdekur ai apo jo?


U fol për një trup të dytë, pra për dy të vdekur, madje nga shtypi online u tregua me zë nxjerrja e trupit të parë, i cili nuk ishte ai i ish deputetit të ndjerë Olldashi.
Pastaj ky trup misterioz mori edhe emër, në fillim mashkulli e më pas të një femre.
Ajo që e komplikon edhe më tej çështjen, qenka fakti se i ndjeri paska lajmëruar vetë në telefon pas aksidentit shoferin e tij...
Këtu shtohet dyshimi se dikush tjetër mund të ketë telefonuar prej telefonit të tij.
Tjetër gjë që të bën përshtypje, është koha prej mbi 1 ore për të nxjerrë trupin e tij prej makinës.

Po pse shqiptarët janë të gatuar me dyshime rreth këtyre vdekjeve të personazheve VIP?

Sepse disa vite më parë vdiq drejtuesi i Medias më të fuqishme shqiptare dhe e gjithë Media, në bashkëpunim edhe me policinë mbuluan vdekjen e një njeriu të dytë.
Ajo media që informimin e ka për detyrë dhe ai institucion që të vërtetën e ka ligj, në emër të një morali të përdalë, mbuluan me dhe për së dyti një vdekje të dytë gjatë aksidentit.
Se një tjetër personazh VIP, dëshmitar i një çështjeje shumë të nxehtë, vdiq në një mënyrë shumë të dyshimtë për gjyeti.
Dhe prandaj shqiptarët sot, përveç dhimbjes ndaj çdo jete që shkon dëm në mënyrën më të kotë në Shqipëri, ngrejnë zërin për të dëgjuar e ditur edhe të vërtetën.
Sepse e vërteta s'mund të jetë pronë e askujt.

Sepse një tjetër 19 vjeçare sot u gjend e vdekur në një kanal buzë rrugës kryesore dhe çdokujt i lind e drejta të dyshojë e aludojë...

Shkroi: Stop Injorancës

Pse jo një referendum popullor për Ligjërimin e Hashashit në Shqipëri?


A jam vallë i vetmi që i dhimbsen ata dhjetra e qindra qytetarë shqiptarë të arrestuar e burgosur këto ditë, në përpjekje për të eksportuar jashtë Shqipërie, produktet e tyre bio?

Përse Shqipëria mos ta ligjërojë Hashashin?
Kush na e ndalon?
Pse Holanda nuk pyes askënd?

Përse të burgosen qindra e qindra shqiptarë sipërmarrës?
Pse të digjen më kot këto bimë që prodhojmë shuma të majme parash?
Pse shteti të mos e kontrollojë e taksojë si biznes dhe në fund të ndahemi të gjithë të lumtur e të gëzuar?

A do ishit dakord për të realizuar një referendum popullor për Ligjërimin e Hashashit në Shqipëri?
Shkroi: Stop Injorancës



Në foto këngëtari Stresi, në një shtëpi mikpritëse lazaratëse.

Grekët emigrojnë në Shqipëri. Paguhen nga 7 euro deri në 40 euro në ditë!

Disa vjet më parë, shqiptarët erdhën për të punuar dhe për të ndërtuar një jetë më të mirë në disa qytete të ndryshme të Greqisë. Sot, qytetarë të papunë të Volosit dhe qyteteve të tjera greke, emigrojnë në Shqipëri, për të punuar atje, madje me një pagë mujore 400 deri në 500 euro. Kështu shkruan në një reportazh të një ditë më parë revista “Tahidromos”

Shumica prej tyre janë të papunë prej kohësh dhe në Shqipëri punojnë në ndërtim dhe si teknikë të ndryshëm. Tani, ata kanë zgjedhur të kalojnë kufirin dhe të punojnë për 7 deri në 20 euro në ditë. Megjithatë, ka edhe zgjedhje më të mirë, siç është të punosh kamarier, ku pagesa shkon deri në 40 euro në ditë në rajonet e Vlorës dhe Durrësit gjatë sezonit të verës. Në vendin fqinj turizmi është industri në zhvillim, shkruan revista.

Presidenti i Shoqatës së Shqiptarevë ” Iliria “, Eduard Tafa ka konfirmuar në një intervistë për revistën “Tahidromos”, se numri i emigrantëve nga vendi fqinj është rritur gjatë muajve të verës. Ai gjithashtu ka pohuar se shumë shqiptarë po kthehen në shtëpitë e tyre, por jo përgjithmonë. Shumë shpejt, sipas tij, ata pritet të kthehen, me të dalë Greqi nga kriza.

Revista tregon rastin e një banori nga Nea Ionia, i cili për tri vitesh kishte qenë i papunë, ndërsa muajin e kaluar ai erdhi në Shqipëri, dhe filloi punë në tavernën e një shoku.

Atje, ai punon si kamarier dhe fiton deri në 35 euro në ditë, dhe akomodimin falas. Sipas familjarëve të tij, mjedisi ishte më të vërtetë i mirë në Shqipëri, për shkak se kultura e shqiptarë ka shumë ngjashmëri me atë greke.

Revista citon po ashtu edhe statistika zyrtare të ministrisë së Punës, Çështjeve Sociale dhe Shansave të Barabarta që konfirmojnë se Shqipëria po bëhet një destinacion tërheqës për punësimin e të huajve në qytete të mëdha. (Panorama)

Arqile Boti dhe Konspiracioni rreth vdekjes së tij

Të gjithë e keni dëgjuar emrin e doktorit më të famshëm popullor, Arqile Boti, por në të vërtetë Arqile Boti nuk ishte një mjek popullor autodidakt. Ai ishte diplomuar rreth viteve '60 për mjekësi të përgjithshme, në Universitetin e Tiranës. Ishte bindja e tij, ajo që e shtynte atë ti besonte më tepër mjeksisë alternative përmes kurimit me anën e bimëve mjekësore, sesa ilaçeve. 

Kudo ky mjek ka punuar dhe ndryshe nga gjithë të tjerët, kërkonte vendet më të izoluara, e kanë ndjekur gjithmonë nga pas pacientët, të cilët zinin rradhë për t'u kuruar tek ai. Sepse Dr. Boti kishte kuruar raste që nuk i kishin kuruar as mjekët nëpër spitale, me anë të literaturës së tij të madhe, të cilës nuk i ndahej së lexuari asnjë çast.

Thuhej se të gjitha eksperimentimet, apo testet e ndryshme për të provuar kura të reja, ai i provonte fillimisht në trupin e tij.
Shpesh kishte deklaruar publikisht se kishte gjetur kurën kundra kancerit, apo edhe kurën kundra virusit HIV AIDS.
Gjithashtu bashkë me një grup mjekësh amerikanë ishin përkushtuar në studimin me detaje të leuçemisë, madje doktor Arqileja kishte arritur edhe një sërë suksesesh. Në këtë studim ai nuk e trajtonte leuçeminë si kancer, por si inflamacion.

Veçse një ditë prej ditësh, ai ndërron jetë. Ashtu siç do duhej ti takonte rastit për këtë doktor që i ka kushtuar jetën shpëtimit të jetëve, do jepej edhe ekspertiza e vdekjes së tij.

Por ajo që u deklarua për mjekun që studio e kuroi lloj e lloj sëmundjesh ishte veç:
Vdiq nga një sëmundje e gjatë dhe e pashërueshme...

Shkroi: Stop Injorancës

Një mundësi e shkëlqyer punësimi. Apliko tani!

Jeni i arsimuar?
Njihni gjuhë të huaja lindore?
Jeni mendjehapur dhe nuk keni shenja racizmi?
E njihni mirë territorin shqiptar?
Ju pëlqejnë udhëtimet?
Ju pëlqejnë aventurat e natës?
Jeni tip sportiv dhe zotëroni aftësi të punoni në grup?

Kjo është puna që bën për ju.

Ne jemi një Agjensi Turistike serioze që prej disa muajsh organizojmë ekspedita 2-3 ditore nga doganat greke në jug të Shqipërisë dhe deri në veri, pranë doganës me Malin e Zi.

Ushqimi i garantuar. Fjetja me çadra kampingu në natyrë. Pagesa është 2000 euro për ekspeditë, plus bonuset.

Për më tepër informacion kontakto dhe dërgo menjëherë CV-në tënde tek
klandestini_me_ngjyre@gmai
l.com

Shkroi: Stop Injorancës

Të riut nga Patra, në bordello i del përpara motra.

Një shtetas grek përjetoi surprizën më të keqe që mund t'i ndodhë dikujt nëse frekuenton një shtëpi publike, raportoi të premten "La Stampa".

I riu nga Patra, i cili vendosi të frekuentonte këtë vend në kërkim të një raporti seksual, pagoi për të pasur në dhomë një vajzë.

Pas një pritje të shkurtër, në dhomë ia behu e motra...

I shokuar, i riu nuk mundi të përmbahej dhe nisi të dhunonte fizikisht të motrën, duke e goditur me grushta në fytyrë dhe shkelmuar në trup, pavarësisht ndërhyrjes së disa miqve të tij dhe vajzave të tjera të punësuara për ta ndaluar.

Pasi arriti të shpëtonte nga dhuna e të vëllait, e reja mes lotëve pranoi se kishte disa vite që punonte në atë bordello, pasi kishte mbetur e papunë për shkak të krizës greke.

Megjithatë, ajo shfry ndaj të vëllait dhe familjes së saj se e kishin braktisur, pasi pretendoi se askush prej tyre nuk ishte interesuar ndonjëherë se si mund të jetonte, edhe pse pa pasur asnjë punë.
http://www.lastampa.it/2013/11/15/esteri/va-al-bordello-e-vi-trova-sua-sorella-MIunccCbRiHp7vPlbD6B5I/pagina.html


Pse në këto momente më vjen tmerrësisht keq për Z. Berisha?

Lexova në statusin e tij të fundit, ku i kërkonte kryeministrit Rama dorëheqjen pas fjalimit të tij duke i thënë jo shkatërrimit të lëndëve kimike siriane në Shqipëri dhe ndjeva keqardhje për të.
Një figurë që ka dominuar politikën shqiptare në këto dy dekada nuk mund të shpërfytyrohet kaq pamëshirshëm prej rinisë...

Po ju risjell pa emra, vetëm komentet që kanë marrë më tepër pëlqime në statusin e para 22 orëve, të Z. Berisha.
http://www.facebook.com/SaliBerisha/posts/236707763156805?comment_id=920632&offset=2050&total_comments=2438

Komenti i parë: Tha jo O Z. SAleeee EDii

- Posho ore kok lemsh se po flet edi trimi jon..
- o sale akoma ti mo?
- ketu ska asgje politike zoti sali. nuk ka vlere statusi juaj. te pakten populli kete radhe u degjua..ndryshe nga cishte ne epoken tuaj,, kur nuk u pyetem as per plehrat, as per ujguret, e as per muxhahedinet.. e sa e sa te tjera qe e kane kalbur kete vend.
- Rama beri ate qe ju nuk do ta benit kurre per Shqiperine.
- O salo mbhylle tlutem
Mbylle gojen se po te ishe ti ne vend te Edit do te kishe thene po
- pys veten a ka me budalla se ty ?
- Do e kish ndritur ti po te ishe ne krye,.. Do na kishe shit naten,e te na qaje diten,sic bere me detin te greket.. Turp x ato qe thua.
- k ti Berisha ,doreheqjen duhet ta kishe dhen ti me gerdecin dhe 21 janarin ,Rama u tregua kryeminister qe e do shqiperin dhe shqiptaret .
- ahahaha futja kot tashi .. ate qe beri Edi Rama ju nuk DO TA BENIT KURREE
- bo bo te japi dorheqjen sepse refuzoi???? hahahaha
- Edi Rama nuk ka arsye pse te japi doreheqje e degjoi vendimin e popullit dhe e zbatoi ate, kshtuqe e meriton te rrije jo vetem kete mandat por dhe shume e shume te tjera!!!
- ti do e kishe bere tashme dhe xeni jot do mblidhte leket
- ik o sali se ti ke rrjedh nga trute.
- Mbron rinin qe ne 21 janarin vrave dhe e quajte llumi i Shqiperise.
- Ik o pall
- po te ishe ti akoma kryeminister kushedi sa do kishe vrar ti me keto protesta o njeriu trash
- ani NUK KENI CFaR THONI Z.Sali Berisha me vjen ver8 keq per kto qe thua fundja ju vendin e kthyet ne nje humnere te ver8 qe nuk i dihej fundi ....nuk ka vend per doreheqje ai e meriton do e coj shqiperine perpara RILINDJE DHE VETEM RILINDJE
- cfar rine mer te qrr ,se kemi qene sa 5 fishi i ktyre protestave kur dilnim per te mbrojte voten ,po na vravee me plumbat e gardess .Brrova edi rames qe degjoj popullin e tijj .
- Unlike!!!!!!!! Meso si behet nje burre shteti me vetem 50 dite dhe jo si ti me 8 vjet vetem vrasje..!!! TURPPPPPPPPPPPPPP
- te pakten ai ja degjoi zerin ,ndersa ti i more jeten atyre qe tu vun kundra
- Tkishe qen ti ke qen tu thon po .. RAMA 2 muaj beri si kryeminister dhe ti thua te jap dorheqjen, ndersa ti 8 vjet dhe nuk e dhe dorheqje . nk je ti ma i mir po ec .... Edi Rama tregoi vlerat
- Po mbas Gerdecit perse nuk pate ndergjegje te jepje doreheqin o Sale!?
- Edi thot jo, ky jep dorheqje thot.. Te ishe ti do e kishe shit shqiperin per dy mij lek
- Nuk dhe doreheqjen ti qe vrave 26 shqiptare ne Gerdec dhe 4 ne bulevard ke fytyre ti vrases teflash per Edi Ramen qe eshet kryeministri i munguar i SHQIPTAREVE !
- Rinia shqiptare te tregoj vendin dhe ty, pikerisht dje duke te debuar nga sheshi, nga ai shesh qe ti e pergjake ne 21 janar. Hesht me mire dhe rri urt ne zyren tende. Kjo ishte protest kunder te gjithve ju qe na keni drejtuar ne keto 23 vite. Sot fitoi e RINIA shqiptare!
- Qeveria juaj hodhi gerdecin ne er dhe as qe e menduat te jepni dorheqen.. E tani kerkoni nga kryeministri i ri te jap dorheqjen? Per carsye? Se e shqyrtoi me vemendje per disa dit ceshtjen dhe beri ate qe ishte me e drejt per popullin? Shame on you ..
- fshi statusin qe ke bo se nuk ka shkrujt njeri mir per ty se len nom ..
- hahahahaha sa kam qesh me komentet...po TI cbere per popullin i nderuar zoteri...se smbaj mend ta kesh degjuar ndonjeher zerine e popullit!!!!
- Edi Ramen e do dhe e nderon gjithe populli Shqiptar pas ketij fjalimi te jashtezakonshem qe mbajt.
- zoti Berisha, te pakten njehere te vetme duhet te pranoni qe populli tregoj se eshte me Edi Ramen!! bravo protestuesve dhe EDIT!!!
- ai te pakten e nigjoj popullin po ti nk pysje per protest ti I futshe plumin
- Ne rast se do ishit Ju z.Berisha me paturpesine me te madhe do kishit injoruar protestat madje madje do kishit nxjerre forcat e rendit per ti larguar dhe do kishit pranuar. Prandaj mos e injoro me veten duke kerkuar doreheqejen e nje Kryeministri qe degjoi fjalen e popullit dhe refuzoi kerkesen. E tha mire nje fjale" referendumin per largimin e plehrave shqiperia e mori me 23 qershor"
- Ti nuk mund te flasesh per rinin shqiptare o sali mostra,rinia shqiptare ta tregoj rrugen dje ty dhe atij kolilit te enver hoxhes ok dhe nuk te jep kush te drejt me fol ne pergjesi te rinis,TI JE MOSTRA E SHQIPTARVE
- Ti vrave ne gerdec dhe nuk dhe dorheqen o qelbesir.Ti vrave ne 97 dhe nuk dhe dorheqen o qelbesir.Ti vrave ne 21 janar o pler dhe nuk dhe dorheqen.Edi Rama e do vendin e tij o plak matuf.Ti e veshe kete popull me te zeza o plak matuf.Ti vetem hidherim I ke sjell kesaj toke o qelbesir plak.Shqiperia eshte e jona jo e jotja o Serb.
- a ti ke ik per lesh me sale
- zoteri me lejoni tu njoftoj se ju nuk jeni mire menderisht! do tju bej report faqes, per shprendarje paniku dhe idiotlliku!
- Aman se na lodhe dhe ti, ik pa e humbur fare simiten ...ik se na lodhe tashi vertet, lere Bashen, kohen, Shqiperine te beje rrugen e saj..pse jo dhe Ramen...e pate Shqiperine ne DORE dhe me beso se ata servilat e tu te kane genjyere te kur thonin qe jemi te pasurit e Europes, se ti vete nga maja ku kishe hypur nuk kishe si ta shihje mjerimin e viteve 2000. Ke shkruar histori, ky eshte fakt, tani mos e zhgarravit !!
- Ik o vrases i ndyre! Ne burg te kalbesh ti e familjaret e tu o ndyresire,plehre! Ik nga shteti yne sa me pare o funderrine
- Ibesojme krejtesisht.ai na perkrahu,nuk na vrau sic bere ti kur ne protestuam.ai degjoi zerin tone
- Mbylle gojen o plak i zi dhe keqdashes.Te kishe qene ti ne vendin e tij,do i kishe sjelle me vrap armet kimike,vetem e vetem per te fituar kapital politik.Dhe kesaj protestes qytetare te ketyre diteve do ti thoje "puc shteti"....Dopjogjashta ju ngeli juve.FUSNOTE:po citoj nje deputetin tuaj per tju bere urimin e rastit:t'ma gezoni pensionin shoku Kol......
- Na trego kur e ke degjuar nje here zerin e popullit ti kriminel??? E degjove ne 97? E degjove per te bere trasparencen e 2009-s? E degjove per Gerdecin, e degjove per 21 janarin?! Ti je dhe do te mbetesh nje komunist i betuar madje ti i ke sjell me merim kti vendi edhe me shume se babai yt shpirteror enver hoxha!
- Ik re Sal V.K se ike dje nga protestuesit se kerciste bidoni nkoke .....ti ke merrdhif o trap ..
- ua po fle tti tani more .... injorant i madh paske qene po normal se gjerat e tua i ke ne rregull ti dhe ste intereson asgje per shqiptaret ti vazhdon me mendjen : 'rezoni Edi RAmen te te vije turp qe e mendon 1 gje te tille , ti ishe ai qe helmove mendjet e shqiptareve duke u thene fjale nga me te tmershmet per ato 'arme kimike' dhe je pikerisht ti ai qe po vazhdon te mos na e hapesh rugen per te aritur endrat tona , te lutem shue ne emer te kesaj rinie shqiptare plot endra nese dhe doreheqjen politikisht vazhdo e mbaj at pozicion qe ke tani dhe na ler te jetojme te qete e te permbushim endrat tona ne kete vend qe e varferove duke u pasuruar vete ti dhe 'zagaret 'e tu
- pse nuk e dhe doreheqjen ti kur vrave shqiptaret ne mes te tiranes?po pse EDI RAMA genjeu shqiptaret dhe boten,as suedia dhe as belgjika nuk i pranuan armet,edhe ata genjyen?po ty kur e gjithe shqiperia te tha ik,dhe nuk e cave fare por i (qellove),po kur gerdecin e shperthyet dhe vrave qinra te pafajshem,pse nuk ike,por tani del dhe dhe thu ai mashtroi shqiptaret.nuk i mashtroi as shqiptaret dhe as boten,ai si burre shteti beri gjene e duhur per atdheun,ne radhe te pare te rrezoi ty,dhe ne rradhe te dyte i tha JO armewve kimike.bravo EDI RAMA
- qepe o plake e keqe, ste vjen turp
- Pleqeri hesapi mos ja vini re
- Saliiiiiiiiiiiiiiiiiiiiiii te ka plasur morri ne tru saliiiiiiiiiiiiiiiiiiiiiiiiiiiiiii
- Te ishe ti sdo te plaste fare menderja as per popullin e as per protestat dhe do i thoje Po amerikes. Dhe tani ben si i ndershem. Boll na ke lodhur shijo pensionin ate bej!!
- o plak matuffffff.ai tha jo armeve kimike ti thu jep doreheqjen pfffffffffffff
- Ti me shoket e tuaj tju kalbin ne burg. Te ju vije turp por fundja ku e keni fytyren ju? Kur u be Gerdeci dhe doreheqjen ti?E keni shkaterruar ate vend e prape sjeni te ngopur. Njerez te peshtire,keni lare duart me gjakun e shume shqiptareve te pafajshem e vazhdoni akoma te llomotisni ketu. Mjere ne me ju!
- Je shume rende z.Berisha!
- o xhaxhi Sale.. ik mos shkruj me se le nam... je bere qesharak... pergjigjen e more dje nga populli per here te dyte pas 23 Qershorit
- ju jeni berisha i 97, i gerdecit dhe jo rama........po te kishit qene ju ne pushtet armet do kishin ardhur me kohe. Jeni ju ai i cili duhet te largohet se nuk ju beson me shqiperia. boll me se na ke merzitur a nuk e kuptoni se nuk do tju shikoje njeri, nuk do tju besoje askush..RROFTE SHQIPERIA RROFTE EDI RAMA
- Derr i kenaqur migjenian. Te shkon plaku Mere. Rri si mut tani. Se pervecse atyre gishtave dje dhe te thirrurave ik ik ik sfitove gje tjeter.
- Te japi doreheqje sic dhe ti kur plasi Gerdeci? Ik mer vdis ne ndonje cep si qen, se nuk meriton te vdesesh si njeri ti!
- ti ke ikur per lesh nuk di me c fare thua
- cilen rini te bekoje zoti, ate rini qe vrave ne 97, ate rini qe vrave ne Gerdec apo ate rini qe vrave ne 21 Janar!!!????
- Bravo kryeministri i pare qe e degjoi zerin e popullit per kete kishte nevoj vendi jone..(( dhe jo per qelbesira si puna jote re SALE qe vrave 4 njerez te pafajshem ne mes te bulevardit)) ....keshtu vazhdoi edi rama e ke nisur mire bravo bravo te qofte.....
- Sot per here te pare u degjua zeri i popullit! Sot fitoi demokracia! Sot nuk u vra njeri ne bulevard! Rrofte Shqiperia!
- po tkishe qene ti o sali do kishe pranu direkt.dhe kush do protestonte do hante kokrren e plumit
- Ti po qe di si te lesh nam! Sali Berisha

Dhe kështu vazhdojnë lumë e lumë komentet që ti ndezin të gjitha llojet e emocioneve kundra Z. Berisha, pikërisht në faqen e Z. Berisha.

Shkroi: Stop Injorancës

Për herë të parë

Për herë të parë në Shqipëri proteston shoqëria civile. Për herë të parë dalin në protesta fëmijë e nxënës. Për herë të parë shoqëria civile zmbraps tentativat për ta politizuar kauzën e saj. Për herë të parë qeveria, dëgjon zërin e shoqërisë civile.

Po, po, duhet thënë gjithashtu se kjo shoqëri nuk i meritonte lëndët kimike.
Qeveria u detyrua ta meritonte popullin e saj, por fatkeqësisht për herë të parë ishte shoqëria që nuk e meritoi dot, qeverinë e vet.

Disinformimi shkoi në një vijë të drejtë me panikun e histerinë. U krijua dhe u jetësua ideja se disa njerëz në Shqipëri janë pro vdekjes së tyre, ndërsa disa të tjerë pro jetës.
Madje u desh edhe bindja e nxënësve të tregonin se ata e donin jetën.
Jam prekur realisht prej intervistave të sinqertave të protestuesve që mbushën sheshet e të gjitha qyteteve shqiptare, apo kudo shqiptarët sot jetojnë. Por në çastin kur kryeministri i Shqipërisë pas një fjalimi të gjatë e dukshëm emocional, që përmes aq shumë argumentash, shpeshherë edhe më të shkoqitura se duhet, u duk se do ta mbyllte duke deklaruar që Shqipëria do ta ndërmerrte nismën e shkatërrimit të këtyre lëndëve kimike, ai me kokë ulur deklaroi të kundërtën duke u larguar me shpejtësi, ndjeva trishtim.
Ndjeva trishtim, një trishtim që nuk ma shuajtën dot as ulërimat e brohoritjet e gëzuara mes fishekzjarresh të mijërave protestuesve. Ndjeva trishtim për herë të parë, me gëzimin e popullit ku jam pjesë. http://youtu.be/D4BuUql1JSU
Për herë të parë në historinë e shqiptarëve, shqiptarët zgjodhën të tregohen egoistë. I treguam botës se nuk jemi të vegjël, vetëm gjeografikisht. Mosmirënjohës, madje edhe karshi një shteti të fuqishëm si SHBA-të që kanë qenë ambasadorët e krijimit të shtetit shqiptar. Për herë të parë në historinë tonë ne treguam se jemi bërë si e gjithë bota. Ne, ai popull që kurrë nuk e kemi goditur armikun pas shpine. Ai popull që kurrë nuk e ka lënë agresorin të tretet mbi dhe. Ne që ndryshe nga gjithë bota strehuam çifutët kur Vatikani i shiste, ne që strehuam ushtarët italianë që na kishin pushtuar. Ne që iu hapëm dyert vëllezërve tanë të Kosovës në pastrimin etnik që po kryhej ndaj tyre. Ne, nuk jemi sot, po ata.
Nuk jemi po ata para atij shteti të madh e të fuqishëm që ndërmerr misione fisnike e humanitare anembanë botës. Atij shteti falë së cilit Kosova prej 1 shekulli e pushtuar, fitoi pavarësinë.

Dhe duke nisur nga nesër të fillojmë të merremi me 31 zonat e helmosura me radioaktivitet, brenda vendit për të cilat as nuk flitet dhe as nuk protestohet nga askush. Pastaj të fillojmë të pastrojmë plazhet, qendrat kulturore nga plehrat, lagjet, rrugët se për këto nuk kemi cilit populli tjetër t'ia lëmë fajin. Mos ndalemi me kaq, por të fillojmë të mos hedhim më plehrat ku të mundemi dhe ti denoncojmë këto akte, pa kaluar indiferente si deri më sot.
Por sot le të gëzojmë.
Tani nuk na mbetet gjë tjetër veçse të shohim se cila do të jetë toka që do të mbjellë "vdekjen" e saj, për të marrë pjesë në misionin humanitar të shpërbërjes së këtyre lëndëve të vdekjes.

Shkroi: Stop Injorancës !

Ndalohet gazetarja norvegjeze të mbajë në qafë kryqin gjatë transmetimit

Doli në transmetimin e lajmeve me një varëse me kryq në qafë, dhe për këtë arsye gazetarja Siv Kristin Saellmann u urdhërua të mos e mbajë më varësen gjatë drejtimit të lajmeve.
Ngjarja që ka shkatuar shumë bujë, ka ndodhur në Norvegji ku rrjeti televiziv Nrk, pasi mori protesta formale nga ana e disa telespektatorëve, vendosi të marrë masa, “Ai simbol nuk garanton paanshmërinë e kanalit”.

Ishin disa eksponentë të komunitetit islamik në Oslo ata që prezantuan një ankesë formale, ku thuhej se simboli i kryqit fyente Islamin. “Norvegjezët kanë një politikë të qartë, qoftë edhe në veshje neutrale.

Ne inkurajojmë që të evitohen argjendari që mund të përkthehen si simbole politike apo fetare”, tha Anders Sarheim, shefi i Saellmann. Nga ana e saj gazetarja tha, “Nuk mendoja kurrë që një kryq një centimetër të cilin ma dhuroi im shoq gjatë pushimeve në Dubai, mund të shkaktonte kaq shumë rrëmujë. Nuk e vendosa kryqin për provokim, jam kristiane dhe deri më sot kam mbajtur shumë herë kryqe, madje shumë të tjerë e kanë mbajtur thjesht për modë. http://www.nrk.no/sorlandet/_-nrk-gar-for-langt-1.11336732
(Indeksonline)

Cittadella

Citadela është një qytet prej afro 20 mijë banorësh në provincën e Padovës, të rajonit të Venecias, e krijuar nga Venetët në shekullin e XIII-të (Sitadèa)
Po të shikoni formën e qytezës ajo ka një formë të rregullt me 4 porta hyrjeje si të matura me kompas, që të çojnë drejt e në qendër.
Sot italianët akoma nuk e dinë prejardhjen e saktë të këtij emri dhe me gjasa mendojnë se ka të bëjë me shkëmbin apo gurin.
http://www.etimo.it/?term=cittadella

Venetët ishin fis ilir http://en.wikipedia.org/wiki/List_of_ancient_tribes_in_Illyria#Venetic dhe gjuha e tyre besohet se ka pashmangërisht lidhje me ilirishten, nga e cila dukshëm sot ka mbijetuar vetëm tek shqiptarët. http://it.wikipedia.org/wiki/Lingua_venetica

Sipas jush, cili është realisht kuptimi i emrit Cittadella, veç kuptimit që i jep shqipja, Qyteti i Yllit?
Shkroi: Stop Injorancës



Itali: Tashmë prostitutat janë edhe meshkuj me taka

Policia në Rimini të Italisë ka shoqëruar 33 meshkuj, mes të cilëve edhe djem të rinj të veshur me taka e geta, që dilnin në rrugë për të ofruar marrëdhënie homoseksuale në këmbim të parave.

Sipas mediave italiane, prej gati një viti, nga rruga “Fantoni” deri në parkimin e Gjykatës në Rimini, djem të rinj kryesisht rumunë, prostituohen për pak para.



Tarifat që ata u vendosin klientëve i përshtaten kohës së krizës, nga 20 deri në 30 euro maksimumi dhe pranojnë të kryejnë gjithçka në makinë, madje edhe në rrugë.

Sipas policisë, të rinjtë që dalin në rrugë për tu ofruar meshkujve raporte seksuale janë kryesisht rumunë të pastrehë, ose të dënuar më parë për vjedhje. Nëse i pyet përse shesin veten për 20 euro, ata shprehen: “Nuk gjejmë dot punë dhe nuk kemi me çfarë të ushqehemi”. (er.nu/BalkanWeb)

Burimi: http://www.ilrestodelcarlino.it/rimini/cronaca/2013/11/11/980130-prostituzione-gay-clienti-tacchi.shtml

Coca e Colls, anti-islamike

O Zot i madh, o Allahu ynë i madhërishëm!
Tmeeeeeeerrrrr!
Ç'tmerr më kanë lexuar sytë.
Sa fort na paskan mashtruar amerikanët, ata pisat e pisave me iluminati me shokë.
Ne shqiptarëve, ne që jemi shumicë muslimane paskemi rënë në grackën e tyre. Jemi gënjyer.
Ne që për Nevruz e për Bajram mbushim sheshet që pa gdhirë, na kanë mashtruar. Oiiiiii, oiiiiiiiiiii...
Ajo Coca e Colls që mbush çdo natë tryezat tona qenka vepër e satanait dhe jo një biznes si e mendonim.
Kthejeni shkrimin e Coca Colls mbrapsh dhe meqenëse jemi muslimanë dhe të gjithë e njohim gjuhën më të bukur në botë, që ushton papushim përmes mijërave minareve në vendin tonë, gjuhën e mrekullueshme arabe, krahasojeni me fjalët arabe "Muhamed" dhe "Mekë". Janë identike.

Coca Colls do të thotë "S'ka Muhamed" dhe "S'ka Mekë"

Ne muslimanët që e kemi detyrim gjatë jetës të shkojmë për turizëm në Mekë, si mund ta pijmë këtë pije xhehile? Muhamedi është heroi ynë.
Ne nuk jemi qafira!

Ndaje këtë informacion me të gjithë motrat e vëllezërit sa më parë.
http://youtu.be/bSFarKaLsJE
Selam!

Shkroi: Stop Injorancës

Një URRA për Shoqërinë Civile shqiptare

Në një kohë kur edhe pse përballë një presioni të madh ndërkombëtar, Qeveria nuk është shprehur në asnjë rast PRO shkatërrimit të armëve kimike siriane në Shqipëri, shoqëria civile është ngritur e ndërgjegjësuar duke u angazhuar në rrjetet socialet e në grupe të cilat po bashkohen dhe po bashkërendojnë veprimet e tyre të protestës qytetare, madje edhe duke kërcënuar Qeverinë, me të ardhmen e saj.

Eshtë vërtetë një kthesë e paimagjinueshme po të mendosh se jo më larg se para 2 vitesh, Kryeministri i Shqipërisë i cilësoi si Aleanca e Plehut, (AKIP) ambjentalistët dhe qytetarët që u ngritën Kundër Importit të Plehrave dhe madje u nëpërkëmb peticioni i tyre duke bërë që importi e përpunimi i plehrave të sjella nga jashtë, të fillonte aktivitetin e tij, normalisht.
Mirë kjo, po nëpër ekrane u shfaqën ministra të qeverisë dhe anal-istë të Pavarur, të cilët deklaronin me forcë se Importi i Plehrave nga jashtë ishte një shanc për të mos u humbur, për përfitimet ekonomike që do të sillte. Madje u tha edhe se ishte kusht për t'u pranuar në BE. Pas kësaj edhe njerëzit u ndanë në dy kampe, në qytetarë Pro dhe Kundra plehrave.

Prandaj është për t'u duartrokitur, madje edhe duke ngritur supet lart, i gjithë ky reagim qytetar sot, kur Qeveria ende nuk ka shprehur Gadishmëri për Importin e Shkatërrimit të këtyre armëve Kimike në Shqipëri.

Shkroi: Stop Injorancës