Stop Injorancës - Ndal Paditurisë!

SHQIP - sa mundemi!

2012-02-07T14:19:00.002+01:00

Kush e ndoqi mbrëmë emision "Shqip" të Rudina Xhungës, ku ishte i ftuar albanologu kanadez Robert Elsie, duhet të kuptonte disa gjëra:

- E para, shqipes si gjuhë, mundet ti japë vendin që i takon në gjuhësi e histori, shqiptari e vetëm shqiptari.

- E dyta, një gazetar që të intervistojë një albanolog, duhet fillimisht të ketë njohuri rreth shqipes, që të mos orientojë diskutimin mes ndryshimeve ndërmjet shqiptarëve në Kosovë, Shqipëri, Çamëri, Maqedoni a gjetkë, por ta orientojë rreth drejt gjuhës, asaj që na bashkon.

- E treta, një albanolog shkon e interviston shqiptarët e Ukrainës, arvanitasit, arbëreshët me fondet e tij private, ndërsa shteti shqiptar merr pjesë vullnetarisht në asimilimin e tyre, duke shuar çdo urë lidhjeje komunikimi e bashkimi mes shqipfolësve anembanë botës.

- E katërta, si mundet të quhet albanolog një studiues, i cili shprehet rreth shqipes (të cilën edhe pas dekadave studim nuk e kishte përthithur dot plotësisht, ashtu si psh shqiptarët mundet të komunikojnë në anglisht sot) se nuk ia gjen dot fillin dhe bashkë me kulturën shqiptare, i duken një TMERR i vërtetë.

Si mundet një albanolog të ketë një mungesë kaq të madhe diplomacie dhe të ofendojë një kulturë, të cilën mbi të gjitha nuk ka patur hapësirë për ta kuptuar?

- E pesta, duke dëgjuar shqipen e Elsit, vihej re lehtësisht se gazetarët shqiptarë, nuk e flasin dot shqipen pa e përzjerë me terma të huaj, si pasoja e mungesës së njohurive të tyre rreth shqipes.

- E gjashta, një lepur nuk do mundej kurrë të lexonte e kuptonte historitë e shqiponjave.

Me aq sa kuptova prej zotërisë, ai s'ishte gjë tjetër veçse një sharlatan mes qindra e mijëra sharlatanëve të tjerë që janë marrë me gjuhët apo historinë.

Aty kur foli se shqipja ka huazuar shumë prej latinishtes, do doja të isha ta pyesja:
-Cilat fise e kanë banuar e krijuar atë Perandori?
-Në cilën gjuhë kanë folur me popullin mbi 50 perandorë ilirë të Romës?

E një të fundit për pak sheqer, si belbëzon një fëmijë kur lind ?

At, apo Pater?

I lirë apo liberum?

Shkroi: Stop Injorancës https://www.facebook.com/NdalPaditurise2

Një indonezia rrihhet nga turma dhe rrezikon 5 vite burg sepse shkroi në Facebook "Zoti nuk ekziston".

2012-01-30T11:55:00.000+01:00

Një nëpunës i shtetit është arrestuar në Indonezi pasi shkroi në faqen e tij në "Facebook" shprehjen "Zoti nuk ekziston!". Tani ai rrezikon të dënohet me pesë vite heqje lirie në bazë të ligjit për blasfeminë.

Aleksandër Aan, 31 vjeç, është akuzuar për përdorim të rrjetit social me qëllim shpërndarjen e ideve që dhunojnë ligjet e shtetit dhe për deklarimin e tij të rremë si mysliman në vendin ku punon. Komenti i tij është bërë shkak për ngritjen e hetimeve në Sumatrën perëndimore, ndërsa ai vetë është linçuar nga njerëzit teksa shkonte në punë, raporton agjencia e lajmeve NOA.

Indonezia është një vend me 240 milionë banorë, ku lejohet prania e feve, por ateizmi është i paligjshëm.

Burimi i informacionit: http://worldnews.msnbc.msn.com/_news/2012/01/20/10200732-indonesia-man-attacked-by-mob-faces-jail-for-writing-god-doesnt-exist-on-facebook

http://digg.com/newsbar/topnews/atheist_indonesian_in_protective_custody_after_being_beaten_by_mob

Jezu Krishti vdiq në moshën 106 vjeçare në Japoni. Në vend të tij u kryqëzua i vëllai

2012-01-30T11:53:00.000+01:00

Dokumentet japoneze: "Jezu Krishti vdiq në moshën 106 vjeçare në Japoni. Në vend të tij u kryqëzua i vëllai"

Dokumentet japoneze thonë se Jezu Krishti vdiq në moshën 106 vjeçare në Japoni
Për dekada me radhë, legjenda dhe histori qarkullojnë në lidhje me jetën e vërtetë të Jezu Krishtit.

Sipas disa dokumenteve të lashtë japoneze, Jezusi nuk i dha fund jetës në kryq, në Jerusalem, por në Japoni, ku atij i është bërë një varr i thjeshtë.

Shkrimet e shenjta orientale na tregojnë se Krishti ka vizituar Japoninë për herë të parë në mes të viteve 21 dhe 33. Ky udhëtim shpjegon periudhat e gjata të jetës së tij injoruar krejtësisht nga Ungjilli.
Gjatë kësaj periudhe thuhet se ai ka studiuar kulturën dhe gjuhën e vendit, para se të kthehej në Jeruzalem.

Pasi u kthye në vendin e tij të lindjes, Krishti nuk ka vdekur në kryq, por në vend të tij është kryqëzuar Isukiri, vëllai i tij i vogël. Më pas Ai është transferuar në Siberi, duke vazhduar disa vjet më vonë në Alaskë, deri në Hachinohe, 40 km nga Shingo.
Dokumentet thonë se Ai ka jetuar atje vitet e fundit të jetës së tij: në një fshat ku gjeti grua dhe pati edhe 3 fëmijë, ku edhe vdiq në moshën 106 vjece.

Dokumentet që sjellin këtë histori quhen “Takenouchi Documents” dhe ekspertët thonë se mosha e tyre është të paktën 1500 vjet më parë, kaluar nga brezi në brez nga familjet e fshatit Takenouchi.
Vendasit që jetojnë në fshatin Shingo, sipas tyre shkojnë në “varrin e vërtetë të Jezu Krishtit”, siç shkruhet edhe në hyrje të monumentit.

Monumenti i vogël përfshin 2 varre, ku në varrin e majtë janë vendosur veshi i Isukirit dhe një tufë e flokëve të Virgjëreshës Mari, ndërsa në të djathtë gjendet varri me eshtrat e Krishtit.

Kjo teori është përshkruar nga disa si një mashtrim nga vendasit për të tërhequr sa më shumë turistë në fshatin e tyre. Nuk është rastësi që në fshat të gjithë banorët janë të besimit budist. Megjithatë, të tjerë arrijnë të vënë në dukje disa prova që janë gjetur në këtë fshat budist, si pagëzimi i fëmijëve me kryq etj.

Pavarësisht nga kjo, banori i vetëm i krishterë i fshatit, Toshiko Sato thotë se ai nuk i beson këto dhe se kurrë nuk shkon në festivalin vjetor për të vizituar varrin e Krishtit. morevesh.com

Politikani më dëmtues

2012-01-30T11:51:00.000+01:00

Një sondazh që kryhet tek Gazeta Sot, me pyetje mbi politikanin që ka e ka dëmtuar më pak Shqipërinë, jep këtë rezultat. Gjithsej kanë votuar 747 njerëz.

Ç'ne ky reagim nga qytetarët shqiptarë, nuk kanë kuptuar pyetjen apo...?!

Stop Injorancës

Me apo pa kamera...

2012-01-30T11:49:00.000+01:00

Ironia më therrëse që mund të kishte ngjarë në këtë 100 vjetor pavarësie.

Sapo Gjykata e Lartë ka shpallur I. Metën të pafajshëm, duke rrëzuar poshtë rregjistrimin filmik si provë, shpenzohen 3 milion euro për të survejuar me kamera të gjitha kryqëzimet e kryeqytetit.

Nga ta dinë qytetarët e shkretë, që policia nuk mund të bëjë me ato filmime, montazhe alla "Prifti Production"?!
Shkroi: Stop Injorancës !

Drejtësia vdiq

2012-01-30T11:45:00.002+01:00

Shqipërinë e zaptuan disa zagarë e i vunë zjarr,
shqiptar, mos rri po duku shqiptar...

Rinia socialiste reagoi nëpërmjet këtij kortezhi simbolik, po shoqëria civile, intelektualët, të rinjtë, studentët, shoqatat e ndryshme patriotike...?

Vetëm rinisë socialiste iu dhimbs drejtësia në këtë vend?

Revolucioni shqiptar

2012-01-30T11:44:00.000+01:00

Xhemi Xhelilaj - DeMotivational në Shqip

Pa koment

2012-01-30T11:43:00.000+01:00

Mesia e përrallave horror

2012-01-30T11:40:00.000+01:00

Stop Injorancës
Tani nuk keni pse t'iu tregoni të vegjëlve, nipërve apo mbesave tuaja, të njëjtat përralla me shtriga, ujqër të tërbuar, dragonj gjakpirës, kuçedra e cikllopë...

Personazhi më i ri mistik që të var tek palmat, quhet Mesila...

(Foto Ze IsLo)

Zgjimi i mendjes

2012-01-30T11:36:00.002+01:00

Stop Injorancës
Unë mendoj se Zgjimi i Mendjes kalon nëpër disa faza, përndryshe nuk mund të quhet i tillë. Fazat janë:

- 1. Problem.
- 2. Nuk e shoh problemin.
- 3. Problemi fillon më prek mua personalisht.
- 4. E shoh problemin, por nuk e kuptoj.
- 5. Filloj informohem, por informohem keq.
- 6. Mendoj se po e bëj detyren time si qytetar.
- 7. Zhgënjehem.
- 8. Humbas dëshirën për të ndryshuar gjërat.
- 9. Problemi është akoma aty dhe vazhdon të më dëmtojë.
-10.Filloj informohem siç duhet.
-11.Kuptoj që vetëm s'mund të bëj dot gjë.
-12.Filloj të informoj të tjerët.
-13.E marr vetë situatën në dorë.
-14.Kuptoj që nëse dua të ndryshoj gjërat, atëherë s'duhet të delegoj askënd që të marrë vendime për mua.
-15.Filloj të bëhem nevrik.
-16.Nuk e pranoj më situatën.
-17.Kuptoj që s'kam asgjë për të humbur.
-18.S'kam më frikë as nga vdekja.
-19.ZGJOHEM.
-20.REVOLUCION.
-21.LIRI.

90% e shqiptareve janë akoma tek faza e 4-t dhe 9.9% tek faza 8-të.

Ermal Patushi - E DI SHQIPERIA /Lo Sai Albania!

3 rrugë rinore

2012-01-30T11:34:00.002+01:00

Me ligjërimin e prostitucionit intelektual, që kreu Berisha - Meta, përfiton së fundmi edhe çifti Rama - Nano.

Rinisë në këtë situatë i kanë mbetur vetëm 3 rrugë:

a). Të shtrëngojë dhëmbët fort për të kafshuar këtë plakë të ligë që ka privatizuar shtetin shqiptar e të ardhmen e tij.
b). Të shtrëngojë të pasmet fort e të marrë rrugën e shtegtimit.
c). Të shtrëngojë fort jastëkun dhe të vazhdojë gjumin e saj letargjik.

Shkroi: Stop Injorancës

Kur vlon Vlona, tronditet e gjithë Shqipëria.

2012-01-30T11:32:00.002+01:00

Çfarë duhet të kuptojmë nga Vlora, e cila së fundmi ka përjetuar edhe një sulm tjetër terrorist me tritol ndaj forcave të policisë?

Pas disa vjedhjeve me armë të bankave, pas hedhjes në erë të makinës së Gjykatësit Konomi, të hedhjes në erë të makinave të disa prej biznesmenëve më të fuqishëm, të hedhjes në erë të makinës së kryetarit të Bashkisë para disa ditësh e së fundmi edhe hedhjen në erë të makinës së një efektivi policie, duhet kuptuar qartë se kryesisht në Vlorë krimi po lufton hapur shtetin në dy kampe.

- Njëri kamp dhe më i rrezikshmi, është ai i zyrtarëve që kanë veshur rrobat e kanë zënë karriget shtetërore.

- Kampi tjetër, është ai që e lufton shtetin, duke e trajtuar si bandë rivale.

E jap këtë alarm për t'iu kujtuar se Vlora, që edhe emrin prej vlimit, historikisht ka qenë vatra e ndryshimeve drastike për shqiptarët, duke nisur qoftë prej shpalljes së pavarësisë e në tragjedi njerëzore si mars 97-a që përmbysi shtetin, si 9 janar 2004 që rrëzoi qeverinë e asaj kohe.

Historia kur nuk mësohet, përsëritet. Fari i Vlonës ka kohë që ka ndezur dritën e tij.

Shkroi: Stop Injorancës

Në kërkim të kujt!!!

2012-01-30T11:30:00.000+01:00

Dje u shfaq në televizionin e Top Channel-it një prodhim po i këtij kanali, një serial i vetëquajtur fiksion, me regji të Gjergj Xhuvanit me titull "Në kërkim të kujt!!!"

Duke u nisur pikërisht nga titulli edhe pse pashë vetëm njërën prej këtyre 5 serive, besoj se e kuptova qartësisht fabulën e këtij filmi, ku marrin pjesë aktorë të mëdhenj të kategorisë së Ndriçim Xhepës, Reshat Arbanës, Luiza Xhuvanit, Niko Kangjerit dhe të tjerë.

Titulli "Në kërkim të kujt!!!", nënkupton se regjizori i shquar Gj. Xhuvani, nuk ka kuptuar ende se çfarë teleshikuesish kërkon, apo se cilin realitet po trajton.

Nuk është hera e parë dhe sigurisht që nuk do jetë as edhe e fundit, ku filma prodhim shqiptar, i kalojnë pranë realitetit shqiptar, po vetëm për pak milimetra, nuk e takojnë dot fare.

Si fillim doja të trajtoja shqipen letrare që përcillet në dialogjet mes personazheve.
E shtirë, e pajetë me asnjë pikë takimi me fjalorin e sotëm popullor. Po ashtu si banaliteti i përdor prej atyre nxënësve në film, shumë i rëndomtë për të qenë banal.

Duke kaluar më pas tek ngjarjet e prekura, ku mjeku shikonte përmes syrit të pacientit, trurin e tij.

A nuk e di Zoti regjisor realitetin e mjeksisë sonë, ku në Lushnjë para pak javësh një burrë vdiq i shtypur nga treni, 5 minuta larg spitalit pasi ambulanca erdhi pas 1 ore.
Ku një grua e re shtatëzëna në Korçë vdiq si pasojë e ndërhyrjes së mjekut në efekt alkooli.
Në cilin realitet e marrin frymëzimin këta regjizorë?
Në kërkim të kujt audience i realizojnë këto filma?

Pa folur pastaj për vjedhjen e asaj fotos në tabelën e nxënësve të dalluar të shkollës dhe me një drejtor që vjen në shkollë që në orën 7-të të mëngjesit, që ndjen mungesën e fotos dhe menjëherë lajmëron edhe policinë.

Drejtori nuk dihet se cilën ditë shkon të vizitojë shkollën e tij, nxënësit nëpër shkolla kryejnë marrëdhënie seksuale nëpër banjo e pinë hashash në mes të orëve dhe kurrë një polic apo një drejtor nuk e ka kapur apo ngritur si shqetësim.

Bindja ime ka qenë se një film duhet të bazohet mbi një realitet dhe të godasë anët negative të tij, për të dhënë në fund me anë të fabulës një moral, por filma të tillë, bëjnë mirë të titullohen të gjithë "Në kërkim të kujt!!!"

Shkroi: Stop Injorancës!

Debati pro e kundra abortit...

2012-01-19T12:43:00.000+01:00

Mendoj se debati pro apo kundra abortit është tërësisht i pavendtë, për aq kohë sa në të marrin pjesë vetëm fëmijët e paabortuar. Stop Injorancës http://www.facebook.com/NdalPaditurise2

Gazetari i BBC-së përfundon në çmendinë pasi mori vaksinën e etheve

2012-01-19T12:41:00.000+01:00

Malcolm Brabant është një nga korrespondentët më të respektuar të rrjetit gjigant të lajmeve, BBC, i cili shpesh ka mbuluar raportimet e ngjarjeve nga Athina. Por gjatë ngjarjeve të fundit, ai nuk u shfaq më në televizion.
Gazeta britanike “Mail on Sunday” ka zbuluar se mungesa e tij nga ekrani gjatë këtij viti ishte nga një sëmundje ekstreme, e nisur pasi ai mori vaksinën e etheve të verdha, “Stamaril”.
Brenda pak orësh që kishte marrë injeksionin, temperatura e Brabant arriti kulmin dhe gjendja e tij ishte përkeqësuar me shpejtësi. Ai u bë psikotik dhe besonte se ishte Jezusi.

Familja e tij beson se injeksioni i “Stamaril” që ai ka marrë, ka qenë i kontaminuar. Brabant, 55 vjeç, një veteran i vlerësuar me çmime, u shtrua edhe në Kopenhagë, ku jeton edhe gruaja e tij, shkrimtarja e mirënjohur daneze, Trine Villeman. Injeksioni i tij u bë në qendrën e vaksinimit “Atika” në Athinë, ndërsa ai po përgatitej të nisej me punë në Afrikën Perëndimore, në Bregun e Fildishtë. Brenda pak orësh nga injeksioni, temperatura e tij u rrit në 40 gradë celsius dhe nuk ulej. Gazetari u shtrua në një spital privat në Athinë dhe nuk arrinte të ndante realitetin nga imagjinata.

Ai i kishte telefonuar të shoqes duke qarë, i bindur se ishte Jezusi.

Përshëndeste personalitetet që shfaqeshin në televizion, sikur të ishte duke dialoguar me ta. Në familjen e tij nuk kishte histori të sëmundjeve mendore. Pas Greqisë, ai u shtrua në spitalin psikiatrik në Britani e më pas edhe në Danimarkë. Gjatë dy muajve të fundit, ai ka pasur mpiksje gjaku në mushkëri.
Zonja Villeman javën e kaluar nisi një peticion online për të drejtën e marrjes së përfundimeve të hetimeve nga firma gjigante farmaceutike franceze, “Sanofi Pasteur”, e cila ka prodhuar “Stamaril”.
Ajo kërkoi shtimin e hetimeve mbi këtë rast.

(G. Panorama)

Okul Defteri, 4.

2012-01-19T12:39:00.000+01:00

Profesori duke iu shpërndarë studentëve fletoret e provimit sëbashku me notat:
Mandi Laze 5, Erion Gashi 4, Mimoza Ibrahimi 6, Okul Defteri 4.
Nuk ka ardhur sot ky Okul Defteri, që nuk përgjigjet?!

Ngjarje e vërtetë, ndodhur në Fakultetin e Elektronikës 1998-ë!

Eshtë e tepërt të mallkosh një bir a bijë shqiptari pse ka harruar apo nuk ka mësuar shqipen, ai ka mallkuar veten...

2012-01-19T12:37:00.000+01:00

Gazetari legjendar me origjinë shqiptare, Bill Kovaç, thotë se me daljen e mediave të reja, gazetaria është bërë edhe më e rëndësishme se më parë. Ai ka qenë shef i zyrës së gazetës Nju Jork Tajms për Uashingtonin dhe ka luajtur rol në zbulimin dhe publikimin e Dokumenteve të Pentagonit, ngjarje që bëri mjaft bujë në fillim të viteve 70. Zoti Kovaç është gjithashtu autor i librit “Elementë të Gazetarisë”, përkthyer në më shumë se 30 gjuhë dhe lexim i detyrueshëm në universitetet amerikane.

Cilat janë rrënjët tuaja shqiptare? Cilët ishin prindërit tuaj?

Babai im ishte një jetim nga fshati i vogël Kryekuq i Fierit. Ai erdhi në Amerikë në vitin 1916 dhe u vendos në Chester të Pensilvanisë me një grup shqiptarësh të tjerë. Ai shkoi pastaj në shtetin Tennesse po me këta shqiptarë për ndërtimin e një hekurudhe në malet e këtij shteti. Edhe nëna ime ishte jetime, nga Lekli i Gjirokastrës. Ajo jetonte në Florida por pastaj erdhi bashkë me vëllezërit në Chester. Pasi hekurudha mbaroi, babai hapi një restorant në Tennessee dhe shkoi në Chester për të gjetur një grua që ta ndihmonte për mbajtjen e restorantit. Dhe kështu u martua me nënën time, e cila në atë kohë ishte 15 vjeçe. Ajo kishte vetëm një vit në Amerikë dhe u martua një ditë të shtunë me një burrë që e kishte njohur të enjten. Të dielën ajo nisi udhëtimin për në Tennessee. Të dy kaluan një jetë të mirë. Në qytetin e vogël ku ata jetonin kishte shumë pak njerëz nga Evropa jugore, banorët ishin kryesisht irlandezë ose skocezë. Prandaj ne ishim të ndryshëm nga të tjerët. Më pëlqente ai qytet i vogël por unë desha të bëj gjëra më të mëdha, më të rëndësishme.

A u përpoqën prindërit t’ju mësonin shqipen kur ishit i vogël?

Prindërit përpiqeshin të më mësonin anglishten për të më dërguar në shkollë sepse në shtëpi flitej shqip. Por kur unë u largova nga shtëpia e harrova shqipen. Jam penduar që e bëra këtë sepse pas shumë vitesh, kur shkova për herë të parë në Shqipëri, u përpoqa ta rikujtoj gjuhën por nuk munda.
Më vjen keq për këtë që i bëra vetes.

Zamaleku, shqiptar?

2012-01-19T12:35:00.000+01:00

Zamalek, ishulli në foto është një prej zonave më moderne dhe më të frekuentuara, e cila laget prej Nilit dhe ndan Kajron prej Gizës. Eshtë një qendër e madhe biznesesh e argëtimi dhe një pikë takimi që mbledh turistë nga e gjithë bota.

Shumë pak shqiptarë e dinë se emri i këtij ishulli i është vendosur prej Mbretiit të Egjiptit, Mehmet Ali Pashës (1769-1849), i cili ishte me origjinë nga Zëmblaku i Korçës.

Zamalek quhet gjithashtu edhe ekipi i futbollit.

Shkroi: Stop Injorancës http://www.facebook.com/NdalPaditurise2

Ndoshta po, ndoshta jo...

2012-01-19T12:33:00.000+01:00

Një burrë i vjetër kishte një kalë hamshor, i cili e ndihmonte në të gjitha punët e shtëpisë. Një ditë prej ditësh, kali nuk kthehet më në shtëpi.
Atëherë komshinjtë të prekur nga kjo ngjarje, shkojnë për ta ngushëlluar plakun në shtëpinë e tij. "Nuk ka njeri më të pafat se ti" i thonë ata duke i qarë hallin dhe plaku i kthehet "Ndoshta po, ndoshta jo".

Pas disa ditësh hamshori kthehet me 20 pela të tjera nga pas. I gjithë fshati u gëzua për fatin e madh dhe shkon ta urojë plakun në shtëpi. "Nuk ka njeri me fat më të madh se ti" - i thonë dhe plaku i menduar sërisht ia kthen "Ndoshta po, ndoshta jo.

Pa kaluar shumë ditë, djali i tij i vetëm me të cilin jetonte, duke kalëruar mbi hamshorin e madh rrëzohet dhe shkelet prej disa pelave rrjesht, saqë përfundimisht humbi aftësinë për të lëvizur me këmbët e veta.
Të gjithë të njohurit e plakut u hidhëruan pa masë nga kjo gjëmë dhe iu gjendën pranë plakut të gjorë. "Nuk ka njeri më të pafat se ti" - thanë plakut të gjorë që qëndronte me kokën ulur e plaku ia kthen "Ndoshta po, ndoshta jo".

Pas pak kohësh fillon lufta dhe të gjithë djemtë e fshatit, me përjashtim të djalit të paralizuar të plakut, merren me forcë në ushtri dhe asnjëri prej tyre nuk kthehet më, i gjallë, prej luftës.

Të gjithë fshatarët i gëzohen fatit të plakut të mençur, i cili mbeti i vetmi që e kishte djalin gjallë dhe shkojnë për ti thënë fjalët e tyre të mira, por plaku sërish këmbëngul "Ndoshta po, ndoshta jo"...

Pavarësisht mënyrës, Jeta të gjithëve na çon diku. Çdo përballje e ka arsyen e saj përse duhet të ndodhë. E rëndësishme mbetet të dimë ta gëzojmë udhëtimin.

Stop Injorancës

Çfarë gjuhe hyjnore që është shqipja, çfarë filozofie fsheh brenda saj...!

2012-01-19T12:26:00.000+01:00

Operatori M+I është një fjalë shumë e lashtë që gjithmonë ka nënkuptuar të voglën në shqip dhe me anë të së cilës formon dhjetra fjalë, duke ruajtur po të njëjtin kuptim si psh:
-Mi(u),
-mizë,
-milingonë,
-micë,
-mickë,
-i mitur,
-fëmi etj...

A mendoni vallë se është vërtetë rastësi që fjalët teknike të shkencës sot, që tregojnë të voglën, nisin pikërisht me parashtesën "mi".?!
Minus, Miop, Micro, Microne, Microb, Microskop etj, etj...

Stop Injorancës http://www.facebook.com/NdalPaditurise2

Miti dhe e vërteta

2012-01-19T12:23:00.002+01:00

B. Mustafai në moshën 13 vjeçare u ngrit në shkollë kundra shpalljes së Shqipërisë shtet ateist, S. Godo në moshën 13 vjeçare me bindje të theksuara antikomuniste braktisi shkollën për të luftuar maleve, L. Zogu I-rë mësonte dhe merrte pjesë ashtu i armatosur në mbledhjet patriotike në diasporë, E Hoxha në moshën 13 vjeçare falej në xhami, S. Berisha në moshën 13 vjeçare dëgjonte fshehurazi Bitëllsat, Jezusi në moshën 13 vjeçare jepte mësim dhe unë në moshën 13 vjeçare nuk dija asgjë rreth miteve e rimishërimit të tyre, por e kaloja gjithë kohën duke luajtur me karrocë me guzhineta.

Stop Injorancës http://www.facebook.com/NdalPaditurise2

Bashkimi Kombëtar dhe Mafia Kombëtare

2012-01-19T12:19:00.000+01:00

S. Berisha, i pyetur nga studentë shqiptarë të Prishtinës, rreth Bashkimit Kombëtar përgjigjet: "Copëtimi i shqiptarëve është një nga aktet më të padrejtë që u është bërë shqiptarëve, por nuk mund të bashkohemi sepse kështu rrezikojmë të humbasim territoret".
U rreka në disa anë për ta kuptuar, por më në fund o dorëzova.

Nëse ndarja e shqiptarëve është e padrejtë, si mund të jetë e drejtë të pranojmë një padrejtësi?
Si mundet të humbasësh territorin, kur bashkon dy territore, që i përkasin të njëjtit popull?
Përse u dashka të presim për tu Bashkuar në BE-në (atje ku bashkohen e shkrihen kombe të ndryshme) që sot ndodhet vetë në një krizë ekzistence, kur mund të bashkohemi fare mirë, këtu ku jemi?

Me cilën logjikë ,për 2 vëllezër nuk është mirë të shembin muret e shtëpisë për të bashkuar e forcuar familjet e tyre, por duhet presin të shkojnë në Bruksel, për tu bashkuar?

Çfarë bëri ndryshe Hoxha, Toptani, apo Zogu nga Berisha, në lidhje me këtë çështje, të damkosur nën Preambulën e Kushtetutës Shqiptare?

Stop Injorancës http://www.facebook.com/NdalPaditurise2

Gropa Marian, nëna jonë?

2012-01-19T12:18:00.000+01:00

Kemi një shprehje ne shqiptarët " Të fus andej nga ke dalë".
Njerëz, mos kini turp të njihni portën tonë të jetës, e në të cilën sot nuk mundemi të rikthehemi më si pasojë e presionit, por mund të dërgojmë për studim në të, sonda të madhësive dhe teknikave të ndryshme.

Nëse Zoti është babai ynë, lart në qiell dhe Toka nëna, që na lind e rrit këtu poshtë, po gropa "Marian", që shumë rastësisht mban edhe emrin e nënës së Jezusit, cila mbetet të jetë?!
Stop Injorancës http://www.facebook.com/NdalPaditurise2

E vërteta e luftës në LIBI!

2012-01-19T12:12:00.002+01:00

Si është e mundur që shumica e njerëzve ne Libi mbështeti Mouammar Gaddafin me entuziazëm të tillë, dhe rezistoi, 4 muaj pas fillimit të një "trazirave" dhe pas 3 muajsh nga fillimi i bombardimeve të NATO-s?

Duhet të dini se ka pasur 6 manifestime pro Gaddafit që kanë mbledhur një total prej 6 milion Libiane nga fillimi i korrikut 2011.
Më 22 korrik, Libianët kanë pasur idenë për të krijuar fotografine më të madhe në botë, ate te Mouammar Gaddafit qe eshte 180 metra e gjatë dhe 60 metra e gjerë.
Një popull që do liderin e vet do të bënte të gjithë këtë për të?
Pse numri i emigrantëve të Libisë në Francë, por edhe në vende të tjera të tilla si Evropa Lindore është pafundësisht më e ulët se ajo e emigrantëve algjerianë, tuniziane dhe marokinët?

E vërteta është thjesht se jeta në Libi është larg nga ferri i përshkruar nga media propaganda perëndimore dhe se Gadafi i Libisë gëzonte jo vetëm një standard jetese shumë më e lartë se ajo e vendeve fqinje Maghreb, por edhe një sistem social shumë të avancuar, të cilat vendet perëndimore do të bënin më mirë të frymëzoheshin ...

Ky sistem organizativ është quajtur "Jamahiriya", një term pa ekuivalentët e saj në gjuhë të tjera, dhe që zakonisht përkthehet si "shtet të masave", ose "Republika e masave".
Këtu është një listë e pjesshme për t'ju ndihmuar të kuptoni më mirë pse shumica e njerezve rrinte prane Gaddafit, dhe nuk e konsiderojnë nje tiran te urryer.

Jamahiriya libian:

- Energji elektrike falas për të gjithë vendasit
-Ujë falas për të gjithë
-Çmimi i benzinës është 0,08 € për litër

-Kostoja e jetesës në Libi është shumë më pak e shtrenjtë se në vendet perëndimore. Për shembull, kostoja e 0.5 kg buke në Francë kushton rreth 0,40 €,ne Libi ajo kushton vetëm 0,11 €.

-Bankat e Libisë sigurojne kredi pa interes
-Qytetarët nuk kane taksa per te paguar dhe nuk ka TVSH.
-Shteti ka investuar shumë për të krijuar vende të reja pune

-Libia nuk ka borxhit publik, kur Franca kishte 223 miliard borxh në janar 2011,qe eshte 6.7% të PBB-së. Ky borxh në vendet perëndimore vazhdon të rritet

-Çmimi i makinave (Chevrolet, Toyota, Nissan, Mitsubishi, Peugeot, Renault ...) është sa kosto i prodhimit
-Për çdo student i cili dëshiron të studioje jashtë vendit,qeveria i jep një burse prej 1627,11 € në muaj.
-Të gjithë të diplomuarit marri një rrogë mesatare ne baze te profesionit qe kane zgjedhur në qoftë se ata nuk mund të gjejnë punë
-Kur një çift martohet, shteti paguan banesën e parë apo shtëpine (150 metra katrore)
-Çdo familje libiane, me prezantimin e regjistrit të familjes, merr ndihmën prej 300 euro në muaj
-Ka vende të quajtur "Jamaiya",ku shiten ushqimet me gjysme cmimi për të gjitha familjet qe prezantohen me librin e regjistrit të familjes
-Të gjithë pensionistët marrin ndihmë prej 200 euro në muaj pervec pensionit.
-Për të gjithë punonjësit publik në rast se i kerkohet te trasferohen jashte Libise,shteti i ofron një makinë dhe një shtëpi pa pagesë. Pas disa kohësh, këto mallra bëhen pronë e të punësuarit.
-Në shërbimin publik, edhe në qoftë se personi i mungon një ose dy ditë, nuk ka asnjë reduktim në pagë dhe nuk është e nevojshme asnjë çertifikatë mjekësore nuk është e nevojshme
-Çdo qytetar i Libisë që nuk ka shtëpi,mund të regjistrohet në një organizatë të caktuar shtetërore që i atribuon një shtëpi pa kosto dhe pa kredi. E drejta për strehim është themelore në Libi.
-Të gjithë shtetasit e Libisë që duan të kryejne punime në shtëpinë e tyre mund të regjistrohen në një organizatë të caktuar, dhe këto punime do te kryhen nga kompani private te zgjedhura nga shteti,e gjitha kjo falas.
-Barazia ndërmjet burrave dhe grave është një gur themeli për Libinë, grate kanë zene funksione të rëndësishme dhe me pozita e me përgjegjësi .
-Çdo qytetar në Libi,mund të behet pjese e jetës politike dhe te marre pjese ne qeverisjen lokale, rajonale dhe kombëtare,bazuar në një sistem të demokracisë së drejtpërdrejtë (duke filluar nga Kongresi i Popullit, duke arritur deri në Kongresin e Përgjithshëm e njerëzve,pastaj ne Kongresin e madh Kombetar që mblidhet një herë në vit)

Duke cituar Wikipedia:

Popullsia po rritet me një normë prej 1.9% në vit (1995-2008). Kushtet sociale dhe shëndetësore janë përmirësuar: me një jetëgjatësi prej 77 vjetësh, një vdekshmërisë foshnjore prej 1, 9% me analfabetizmit17.4% dhe Libia është në mesin e vendeve me zhvillim të ndërmjetme, në sajë të të ardhurave relativisht të larta krahasuar me vendet të tjera të Afrikës Veriore

Për më tepër, duke përmendur shifrat e OKB-së:

Libia ka indeksin e zhvillimit njerëzor më të lartë se çdo vend në kontinentin afrikan. Libia ka një përqindje me te ulet të njerëzve që jetojnë nën vijën e varfërisë sesa Hollanda. Libia kishte një normë më të ulët burgosjes se ne Republikën Çeke (burimi: Research Global)

Sipas të dhëenave zyrtare të OKB-së në bazë të Indeksit të Zhvillimit Njerëzor Libia është në vendin e 55-të,Tunizia në 98 Egjipti 123.

Në fushën ndërkombëtare, Libia ka luajturnjë rol të rëndësishëm në Afrikë, duke qenë bashkëthemelues të Bashkimit Afrikan me Afrikën e Jugut, në Evropë dhe në Mesdhe si filtër i emigrimit në botën arabe me uljen e "fundamentalizmit" si një fenomen social dhe fetar reaksionar.

Ju takon ju te vertetoni nëse mediat perëndimore tregojne të vërtetën rreth "regjimit Gadafi", apo ishte thjesht një skenar për t'iu manipuluar e për të justifikuar kundërshtimin e masës, per sa i perket sulmeve pa dallim kundër popullit të Libisë.
Marrë nga http://edi-shqiperia.blogspot.com/

Kjo krijesë e jeton përjetësinë, pa iu lutur, falur apo falenderuar, asnjë Zot!

2012-01-19T12:09:00.000+01:00

Nëse mendoni se në Tokë nuk ka krijesë të pavdekshme gaboheni.
"Turritopsi nutricula", ose siç njihet gjerësisht kandili i detit, mund të jetojë përgjithnjë. Për këtë specie nuk ka kufizim natyror, por një problem tjetër...

Çelësi i sekretit qëndron tek aftësia e kthimit nga i maturuar në fazë të papjekur dhe kështu përsëri nga fillimi.

“Përtejdallimit” (transdifferentiation) quhet ky proces, ku një qelizë transformohet në një lloj tjetër qelize. Në këtë mënyrë, kandili rigjeneron trupin e tij, pafundësisht.

Shkencëtarët kanë vite që po studiojnë këtë specie për të kuptuar se si ajo mund të kapërcejnë vdekjen.
(Shekulli)
Titulli i redaktuar nga Stop Injorancës http://www.facebook.com/NdalPaditurise2

Telebingo shqiptare në Tv Klan!

2012-01-19T12:05:00.000+01:00

Natën e ndërrimit të viteve shkon 200 lekë çmimi i një bilete. Shifra minimale e biletave të shitura shkon aty tek 500.000 dhe shuma e mbledhur prej parave të shqiptarëve shkon në 1 miliard lekë.

Nga këto 1 miliard para të marra popullit, 100 milionë i kthehen qytetarit në formën e bingos (në rastin më të mirë, nëse bingoja nuk është e komprometuar) dhe 900 milionë, ose 90% të fitimit, i merr Ardit Gjebrea & Co'...

E kuptoni tani pse quhet Telebingo shqiptare, telebingo Kombëtare?

Sepse zbaton me rigorizitet të plotë, formulën e vjedhjes kombëtare të shqiptarëve.

Stop Injorancës http://www.facebook.com/NdalPaditurise2

25 dhjetor - DIELLNDALIMI

2012-01-19T12:02:00.000+01:00

Të gjithë paganëve të ndërgjegjsuar, apo njerëzve krishtërimisht të mashtruar, anembanë botës, Gëzuar DIELLINDALIMIN !

Stolistikun Dimëror, ringjalljen e jetës, rikthimin e Diellit, fitoren e dritës dhe rikthimin e ngrohtësisë, riardhjen e shpresës dhe begatisë, në planetin Tokë.

Stop Injorancës http://www.facebook.com/NdalPaditurise2

Duke bërë moral nga kolltuku i florinjtë

2012-01-19T12:01:00.000+01:00

Papa Benedikti i XVI-të uroi dje besimtarët e krishterë në mbi 60 gjuhë të ndryshme (gjithashtu edhe shqip), për festën e Krishtlindjes.
Gjithashtu kritikoi komercializmin në rritje, të festës, me drita shumëngjyrëshe, dhurata marramendëse e shpenzime të çmendura.

Duke kruajtur kapelen e Artë kokëpeshku me dorën ku ka një unazë të stërmadhe floriri, ai theksoi që nuk duhet të harroni se edhe vetë Jezusi kishte lindur dhe jetuar në varfëri dhe thjeshtësi.

Stop Injorancës http://www.facebook.com/NdalPaditurise2

Skandali i shitjes së armëve

2012-01-19T11:59:00.000+01:00

Arben Imami, Ministri i Mbrojtjes, në një intervistë në një kanal televiziv shqiptar, denoncoi akuzat për shitje armësh, që i janë bërë shtetit shqiptar nga opozita apo media, si shkaktare të rënies drastike së shitjeve së armëve.

Ai theksoi se nga 14.000 ton municion që kemi shitur vitin e shkuar, këtë vit kemi shitur vetëm 2.500 ton, kur në depot tona kemi edhe 38.000 ton municion për të pastruar.
Gjithashtu, nën zë, ai deklaroi se i ka bërë Afganistanit një dhuratë simbolike prej 10.000 kallashnikovësh.

Përtej faktit se ky shtet po mbahet ende duke shitur e dhuruar atë çka prodhoi dhe mblodhi sistemi i kaluar politik, përtej faktit që në dokumentet zyrtare të statistikave të shtetit të Nigerisë për vitin 2009, del se nga Shqipëria në këtë vend janë eksportuar mallra me vlerë në totalin e pabesueshëm prej 1 miliard e 346 milionë dollarëve, shifër që nuk gjen pasqyrim (siç do të ishte normale) në bilancet zyrtare të palës shqiptare dhe nuk dihet ku shkojnë këto lumenj parash, si shpjegohet që Shqipëria çarmatoset dita-ditës, ndërkohë që fqinjët e saj armatosen rëndë e më rëndë?

Shkroi: Stop Injorancës http://www.facebook.com/NdalPaditurise2

Kësaj herë, do respektojmë kushtetutën...

2012-01-19T11:52:00.000+01:00

Stop Injorancës

Jozefina Topalli, Kryetarja e Parlamentit Shqiptar, në një deklaratë për shtyp theksoi dje mendimin e saj:

"Sa për çashtjen e zgjidhjes së kreut t'parë t'shtetit (Presidentit), un jam për respektim t'kushtetuts"

Pra, të dashur bashkëkombas, respektimi i Kushtetutës Shqiptare, nga përfaqësuesit tanë, është haptazi, çështje preference dhe jo detyrimi...
Presidenti i Republikës, Kreu i Forcave të Armatosura, zgjidhet vetëm me votat e shumicës.

Stop Injorancës http://www.facebook.com/NdalPaditurise2

Pasaporta biometrike, më tepër se shqitarë

2012-01-19T11:46:00.001+01:00

Stop Injorancës

Zëvendësministri i Brendshëm F. Poni konfirmoi para pak ditësh që pasaportat e vjetra skadojnë këtë fillim pranvere dhe ç'është më e rëndësishmja, që nga 2009-a dhe deri më sot, janë pajisur me pasaportat biometrike 2.2 milionë shqiptarë.

Po si t'ia bëjmë tani, që sipas INSTAT-it tonë të shquar (lexo të shqyer), shqiptarë kemi, (duke llogaritur nga fëmijët e sapolindur dhe deri tek pleqtë në prag të vdekjes), vetëm 2.8 milionë banorë?

Sipas zotërisë, vetëm 600 mijë shqiptarë janë ata që nuk paskan sot pasaporta biometrike, apo vetëm 2.8 milion shqiptarë ka arritur INSTAT-i të rregjistrojë nga popullsia shqiptare?!

Shkroi: Stop Injorancës http://www.facebook.com/NdalPaditurise2

Akuzat publike ndaj prokurorisë

2012-01-19T11:44:00.000+01:00

Stop Injorancës

“Lipset të deklarojmë se Prokuroria në kërkesën e saj, provoi edhe njëherë se mbeti në mjerim të thellë profesional dhe ligjor për argumentet dhe pseudo-provat ku u mbështet.
E shtrënguar nga mungesa e tyre, por edhe paaftësia, ne pamë se asaj gjatë gjithë procesit gjyqësor, ju rrëzuan të gjitha pseudo-argumentet, prej të cilave ajo dhe vetë hoqi dorë, duke e parashëmbur kalanë prej rërë, të ndërtuar me pasion kriminal .
Ajo që pamë dhe dëgjuam sot në këtë seancë , në të cilën ajo duhet të reflektonte, ishte që për të shpëtuar nga mbytja Prokuroria u kap me dhëmbë në gomonen e çpuar të mashtruesit të vitit.
Fatkeqësi për këtë institucion, i cili na u shfaq edhe njëherë si kollovar dhe shërbëtor i politikës së rrugës dhe jo i ligjit.
Mund të themi pa më të voglin dyshim se pafajësia e Ilir Metës, e kërkuar nga mbrojtja në seancën e sotme është evidente sepse e tillë është e vërteta”

Komunikata për shtyp e Spartak Brahos - përfaqësuesit ligjor të I. Metës, pasi dëgjoi pretencën që kërkonte 2 vjet burg e 1 milion lekë gjobë ndaj Metës.

A mendoni se të tilla sulme ballore në deklarata për shtyp ndaj institucioneve të pavarura, kryer nga avokatë, që presupozohet se duhet të mbrojnë institucionet prej ku marrin edhe profesionin, nga avokatë që presupozohet se betohen për të punuar vetëm për të vërtetën dhe vetëm të drejtën, duhen dënuar ligjërisht, nëse provohet nga gjykata se i akuzuari i tyre, është fajtor?!

Shkroi Stop Injorancës http://www.facebook.com/NdalPaditurise2

Urimi për vitin e Ri 2012-të

2012-01-19T11:40:00.000+01:00

Parashikimet tuaja për Vitin e Ri, që sapo ka trokitur...?

P.s Nuk jemi në krizë ekonomike, por kemi bërë pak sherr me bredhin për inat të Babagjyshit, për dhuratat që nuk shpërndau vitin e shkuar...

Urimi më i madh i shqiptarëve atë mot ishte:

"I dashur Babagjysh!

Këtë vit më more disa nga idhujt e mi më të dashur. Si këngëtar M. Xheksonin, si aktor P. Suejz, si prezantues M. Buonxhornon, etj.

Të lutem mos harro që politikani im i preferuar është Sali Berisha.

Të kam xhan!" Shkroi: Stop Injorancës http://www.facebook.com/NdalPaditurise2

http://www.facebook.com/photo.php?fbid=221877707839244&set=a.221876837839331.75574.220909724602709&type=3

Plehrat dhe plehrat

2012-01-19T11:38:00.000+01:00

Stop Injorancës

Disa i quajnë plehra, disa i quajnë mbetje. Disa i quajnë helmuese, disa si një biznes fitimprurës. Disa i duan dhe bashkëjetojnë në harmoni me ato, disa nuk iu zënë dot emrin në gojë, si dhe disave gjithçka u del nga goja, e tillë ngjan.

E pra, të dashur miq e bashkombas shqiptarë, ia arritëm më në fund ditës që edhe përballë importit të plehrave nga jashtë, të rradhitemi në 2 kampe, me qëndrime prerazi të ndryshme.

Uroj që ekipit të plehrave t'iu dalë çdo hedhje topi huq dhe toka shqiptare të mos kthehet në KOSH!

Shkroi: Stop Injorancës http://www.facebook.com/NdalPaditurise2

Ata që çdo mëngjes ia djeg qulli, gjithë ditën i fryjnë kosit

2012-01-19T11:34:00.000+01:00

Stop Injorancës

Aleanca Kuq e Zi në 17 Janar organizon një tubim madhështor në Qytetin historik të Krujës në përkujtim të Heroit tonë Kombëtar Gjergj Kastrioti Skënderbeu.

Aleanca Kuq e Zi ve ne dispozicjon autobuzë nga Tirana, Durrësi, Elbasani, Shkodra, Lezha dhe Laci. Regjistrohuni online më poshtë.

http://www.aleancakuqezi.al/aktivitete/?regevent_action=register&event_id=1&name_of_event=17+Janar+-+Kruje

Më 17 Janar do të jemi në Krujë. Do të përkujtojmë vdekjen e Gjergj Kastriot Skënderbeut, ashtu si nuk është përkujtuar kurrë më parë, ashtu si Aleanca KuqeZi di të nderojë figurat historike të kombit shqiptar. Më 17 Janar eja dhe ti, mos eja vetem, merr kë të mundesh.

- Disa prej qytetarëve shqiptarë nuk mund të vijnë në këtë tubim, pasi nuk e dinë ku i keni gjetur lekët për të paguar autobusët.
- Disa prej qytetarëve shqiptarë nuk mund të festojnë me ju, sepse kanë frikë se K. Spahiu nuk quhet Albin Kurti dhe Aleanca Kuq e zi nuk quhet Vetvendosje.
- Disa prej qytetarëve shqiptarë nuk do t'iu bashkohen pasi kanë frikë se ju do hyni në politikë, për ti mbrojtur aty, interesat e tyre.
- Disa prej qytetarëve shqiptarë nuk do jenë me ju, sepse kanë frikë se Spahiu po tenton të marrë pushtetin e Berishës.
- Disa prej qytetarëve shqiptarë nuk vijnë sepse me paratë e shpenzuara për flamurin madhëshor, mund t'ua jepnit të pangrënëve e me arsyetimin e tyre ne nuk kemi të drejtë të festojmë asgjë.
- Disa prej qytetarëve shqiptarë ju kundërshtojnë sepse gjykatat janë të korruptuara dhe zbuluan që fajin e ka K. Spahiu.
- Disa prej qytetarëve shqiptarë do ligështohen sepse edhe PDIU-ja ia nisi me deklarata patriotike, por mbeti nën hundën e shtrembër të pushtetit që shet Shqipërinë.
- Disa prej qytetarëve shqiptarë me zor po prisnin që të krijohej kjo Aleanca që ta akuzonin për gjithçka nuk ka shkuar mirë në këtë vend dhe për ti veshur si detyrë gjithçka nxjerr oreksi i tyre.

- Disa prej qytetarëve shqiptarë, po ashtu si disa prej qytetarëve të gjithë botës, janë kundra për çdo gjë dhe në çdo kohë, prandaj le të bashkohemi në këtë përkujtim që Gjergj Kastriotit i mungon prej më shumë se 5 shekujsh!

Shkroi: Stop Injorancës http://www.facebook.com/NdalPaditurise2

Puçi i

2012-01-19T11:32:00.000+01:00

Stop Injorancës

Prokurorisë iu desh pothuajse një vit i plotë hetim për të hedhur poshtë akuzat se 21 janari ishte grusht shteti, apo puç.

Tani s'mbetet gjë tjetër, veçse të merret në pyetje Kryeministri i vendit, për thikat me helm, stilolapsat-pistoleta dhe çadrat snajper. Kujt dhe ku i ka parë?!

Në foto, një puçist veteran që shëtit në bulevardin "Dëshmorët e kombit me raketë dore antitank.

Shkroi: Stop Injorancës http://www.facebook.com/NdalPaditurise2

Prindërit - Mos harro

2012-01-19T11:29:00.000+01:00

Kur ishe 8 vjeç babai të bleu një akullore dhe ti e falenderove duke bërë pis pantallonat e tij, ngaqë të pikonte akullorja.
Kur ishe 9 vjeç, ai pagoi për kursin tënd të pianos dhe ti e falenderove duke mos mësuar instrumentin.
Kur ishe 10 vjec, ai të bëri shëtitje rreth e rrotull qytetit, të çoi nga stërvitja e futbollit tek ditëlindja e një shoku etj,,, dhe ti e falenderove duke dalë nga makina dhe kurrë nuk e ktheve kokën prapa.
Kur ishe 11 vjeç, ai të çoi ty me shokët e tu në kinema, për të parë filmin që pëlqeje dhe ti e falenderove duke i thënë që të ulej në një vend larg teje.
Kur ishe 13 vjeç, të sugjeroi se si ti prisje flokët dhe ti e falenderove duke i thënë se s'kishte shije për këto punë.
Kur ishe 14-të ai të pagoi një eksursion një-mujorsh dhe ti e falenderove duke mos i dërguar asnjë letër, ndërsa ishe larg.
Kur ishe 15 vjeç, ai erdhi nga puna dhe kërkonte një përqafim tëndin. Dhe ti e falenderove duke mbyllur derën e dhomës tënde me çelës.
Kur ishe 16-të ai të mësoi makinën dhe ti e falenderove duke i marrë makinën përherë.
Kur ishe 17-të ai priste një telefonatë të rëndësishme dhe ti e falenderove duke ndenjur gjithë ditën dhe natën në telefon.
Kur ishe 18 vjeç ai qau kur ti u diplomove ndërsa ti e falenderove duke festuar me shokët e tu.
Kur ishe 19-të ai të pagoi universitetin dhe solli valixhet e tua në dhomë, ndërsa ti e falenderove duke i thënë "mirupafshim", por me frikën se mos turpëroheshe në sytë e shokëve të tu.
Kur ishe 25 vjeç, ai pagoi dasmën tënde dhe ti ia shpërbleve duke ikur nga qyteti bashkë me gruan tënde.
Kur ishe 50 vjeç ai u sëmur dhe kërkoi ndihmën tënde. Dhe ti e falenderove duke menduar se ai ishte një barrë për ty.
E pastaj, një dite ai VDIQ.
Dhe vdekja e tij ra si një rrufe në zemrën tënde. U pendove për të gjitha gjërat që s'kishe bërë.

Duajini prindërit, sepse ata të falën jetën dhe bënë që të bëhesh DIKUSHI në jetë!

Depërtimi i internetit

2012-01-19T11:28:00.000+01:00

Stop Injorancës

Agjencia e Kërkimit, Teknologjisë dhe Inovacionit deklaroi para disa ditësh lajmin e mrekullueshëm, që Shqipëria ka depërtimin më të madh të Internetit, në Europë.

Ju, mosmirënjohës plangprishës, në vend që të duartroksini ia keni nisur edhe nga pretendimet, dashkeni edhe energji elektrike pale...

Çifti Pollo-Pango kaq kanë në dorë, vetëm të na shtrijnë kabllin!

Shkroi: Stop Injorancës http://www.facebook.com/NdalPaditurise2

...vetëm 70 lekë!

2012-01-19T11:25:00.000+01:00

Stop Injorancës

Meqenëse autobusët urbanë e jeshilë të unazës së vogël të kryeqytetit, së fundmi janë pajisur me ajër të kondicionuar e kamera që nuk kanë kapur kurrë ndonjë xhepist, që herë ndalojnë për rreth 20 minuta në stacion e lëvizin si qerre me kuaj të paushqyer, apo edhe si autobusë të marrë peng kur janë në vonesë orari, ku punësohen faturino që harrojnë të të japin biletën e fitojnë gjysmën e parave të mbledhura nga njerëzit, Presidenti i shoqatës së urbanëve ka kërkuar në Bashki rritjen e çmimit të biletës me 40 lekë (mbi 100%), duke e çuar në 70 lekë biletën e urbanit.

Personalisht nuk po e gëlltis aq keq, por madje e shoh si një nxitje të fortë që qytetarët ti rikthehen biçikletave dhe adrenalinës së madhe të gjarpërimit mes makinave, ku gjysma e tyre mbajnë ngjitur në xham fletërrufe të tipit "Kujdes - Shofer i Ri"!
Stop Injorancës http://www.facebook.com/NdalPaditurise2

2 gishta në Shkodër 1990'

2012-01-19T11:21:00.001+01:00

Stop Injorancës

Zbardhet më në fund keqkuptimi i krijuar në Shkodër me Jozefina Topallin, e cila pa vënë syzet e saj të punës, kishte hasur mes turmës një fëmijë vetëm 6 muajsh, që kishte ngritur 2 gishtat lart.

Sipas disa dëshmitarëve të atij janari të largët, fëmija kishte ngritur vërtetë gishta lart, por jo të dy... (Stop Injorancës)

Në vitin 1947, në Gjirokastër erdhën 12 mijë grekë të plagosur

2012-01-16T12:52:00.001+01:00

Flet veterani i kirurgjisë së Gjirokastrës Kanan Zanaj, i cili ka regjistruar me dorën e tij të gjithë grekët e plagosur që mbërrinin natën spital. Si u përballuan 10 mijë operacione

Fatos Veliu

Janë të paktë ata që mund ta dinë ngjarjen e Gjirokastrës në vitet 1947-1949. Madje, sot mund të duket e çuditshme për shumicën e shqiptarëve fakti që në atë kohë një makinë e degës së brendshme të rrethit jugor, bënte çdo natë rrugën vajtje-ardhje nga spitali i qytetit për në zonën e kufirit ku zhvillohej lufta e përgjakshme civile që kishte përfshirë Greqinë.

Çdo natë, makina e drejtuar nga shoferi gjirokastrit Vaso Gjini sillte 30, madje në shumë raste edhe 40 partizanë grekë të plagosur. Kështu, numri i regjistrimeve në librin e spitalit të drejtuar nga kirurgu i famshëm Vasil Laboviti ( Vasili i madh, siç njihej nga të gjithë shqiptarët) arrinte afërsisht 12 mijë të plagosur. Janë bërë më shumë se 10 mijë ndërhyrje kirurgjikale, duke e detyruar në këtë mënyrë ekipin e kirurgjisë që të mos lëvizte nga salla e operacionit për të shpëtuar nga kthetrat e vdekjes djelmoshat që vinin radhazi në gjendje kome nga përtej kufirit. Plagët ishin të shumta dhe të rrezikshme për jetën e tyre, duke filluar nga ato të plumbit e deri te sakatime nga predhat e artilerisë apo nga minat e vendosura në fushat e luftimit. Të shumtë ishin edhe ata që ishin pa një dy apo pa katër gjymtyrë. Në këto kushte, makina e degës së brendshme kishte edhe detyrën që gjatë marrjes së të plagosurve që sillte në spital, të çonte edhe arkivolet e atyre që nuk i kishin shpëtuar dot vdekjes. I gjithë qyteti i Gjirokastrës, ashtu si edhe Korça jetonte vetëm me ngjarjet e djelmoshave të plagosur grekë që luftonin me vdekjen. Jo vetëm kaq, por të gjithë banorët e atjeshëm u solidarizuan në mënyrë të menjëhershme me urdhrin e dhënë nga qeveria e atëhershme që asnjë vendas përveç rasteve urgjente të mos shtrohej në spital, për të mundësuar kështu mjekim më të mirë për grekët.
Hollësitë e kësaj ngjarjeje për opinionin e gjerë bëhet e ditur për herë të parë vetëm sot, pikërisht nëpërmjet një cikli intervistash të Kanan Zanajt. Ai ka qenë njeriu që ka asistuar në të gjitha operacionet dhe që ka kaluar në dorën e tij të gjithë të plagosurit që mbërrinin në Gjirokastër. Ai ka qenë asistenti i parë i kirurgut të famshëm Vasil Labovitit dhe ka asistuar në 10 mijë operacionet që u janë bërë grekëve. Duke qenë përgjegjësi i pavijonit të Kirurgjisë, ai ka regjistruar me dorën e tij të 12 000 grekët e ardhur në spital. Nëpërmjet kësaj interviste, Zanaj na sjell detaje që kompletojnë ngjarjen e jashtëzakonshme në vendin tonë dhe që na ka kushtuar jo pak si popull, por që fatkeqësisht nuk njihet nga shqiptarët. Si erdhi grupi i parë i tre grekëve të plagosur në Gjirokastër. Vazhdimi i dyndjeve të tyre. Situata, qyteti që vuante për bukën e gojës, kur aty rrinin mesatarisht në një kohë mbi 350 partizanë grekë të plagosur. Si bëhej e mundur gjatë netëve sjellja e kontingjenteve të reja të viktimave dhe dërgimi njëkohësisht i të vdekurve. Çfarë ndodhte kur gjendja e rëndë nuk përballohej me mundësitë kuruese të spitalit lokal. Sajimi i rrobaqepësisë së spitalit, e cila përdorte si lëndë të parë batanijet e spitalit për të bërë pantallona për partizanët grekë. Të sëmurët që kalonin në depresion nga urrejtja që kishin për Zervën dhe rrezikshmëria që ata paraqisnin për njerëzit e spitalit, kur godisnin me çfarë të mundnin dhe ku të mundnin pasi e përfytyronin veten mes betejave. Si kapeshin nëpër korridoret e spitalit dhe mënyrat e neutralizimit të tyre. Urdhrat e fshehtë për të nisur njerëzit që ishin rëndë për në Bashkimin Sovjetik dhe si bëhej evakuimi i tyre për në Kavajë. Çfarë ndodhi në Gjirokastër deri në sulmin grek të ‘49-ës mbi kufirin tonë të jugut dhe a ka lidhje ngjarja e lartpërmendur me atë që ndodhi nga forcat e Zervës mbi kufirin shqiptar?

Zoti Kanan, si arritën të vinin forcat partizane greke në spitalet tona të jugut?
Pas çlirimit të Greqisë nga pushtuesit nazifashist në vitin 1945, forcat e EAM-it, pra forcat e majta partizane humbën pushtetin politik të vendit, i cili kishte kaluar në dorën e forcave të djathta të drejtuara nga Napolon Zerva. Pas kësaj, ato të organizuara ushtarakisht, në një mënyrë tepër perfekte dhe duke pasur një numër shumë të madh njerëzish kishin vendosur që t’i merrnin Zervës me çdo kusht pushtetin. Pas këtij vendimi të prerë, në fillimin e vitit 1947 ata u vendosën përballë ushtrisë shtetërore. Gjenerali Markos dhe komisari politik Nikos Zaharaja që ishin në krye të tyre kërkuan ndihmën te qeveria shqiptare e Enver Hoxhës, e cila kishte ardhur bujshëm në pushtet që në fundin e vitit 1944. Marrëveshja e përfaqësuesve të qeverisë me forcat e majta greke e zhvilluar në pikat e kufirit rezultoi tepër e favorshme. Predispozita e qeverisë shqiptare për të sjellë në pushtet forcat e majta greke ishte shumë e madhe. Pas këtyre konkluzioneve, gjithçka u bë realitet. Që ditën e parë të shpërthimit të luftës, drejt kufirit me Shqipërinë filluan të vinin viktimat e para për të marrë ndihmën mjekësore në qytetet e jugut, kryesisht në Korçë ku ishte baza e luftës dhe në Gjirokastër.

Thatë se luftimet e shpërthyera në Greqi ishin të ashpra. Ju kishte ardhur ndonjë informacion paraprak për këtë?
Nuk ishte e vështirë për t’u kuptuar. Çdo gjë ndodhte vetëm pak kilometra larg qytetit të Gjirokastrës, pikërisht në zonën e kufirit shqiptaro–grek. Pasqyrë e saj ishin njerëzit e plagosur që vinin në spitalin tonë. Numri i të masakruarve ishte i madh. Pamje të tilla me partizanë grek të gjymtuar dhe të masakruar, pa sy, pa këmbë dhe pa duar, të djegur dhe të përçudnuar ne i kishim të përditshme. Kjo gjë nuk linte dyshim për betejat e ashpra që bëheshin në kufi. Çdo natë, nga kufiri vinin 30-40 partizanë grekë të plagosur.

Çfarë detyre kryenit ju asokohe në spitalin e Gjirokastrës?
Unë isha vetëm 19 vjeç dhe kam qenë kryeinfermier i pavijonit të kirurgjisë së spitalit, isha gjithashtu ndihmës i kirurgut më të famshëm të Shqipërisë, i cili e mbylli jetën e tij me rezultatin e mbi 40 mijë operacioneve, Vasil Labovitit. Në atë spital kisha filluar punën në vitin 1942, që 14 vjeç.

Deri kur e vazhduat punën në atë spital?
Dola në pension në vitin 1988. Janë plot 46 vjet që unë i kam kaluar në pavijonin e kirurgjisë. Fatin tim më të madh në jetë konsideroj faktin që kam punuar pranë kirurgut më të aftë në Shqipëri, Vasil Laboviti, i cili mbajti gjithë peshën e të plagosurve grekë që kërkuan ndihmë në Gjirokastër.
Ju keni asistuar në të gjitha operacionet e partizanëve grekë që erdhën të plagosur.
Pa përjashtim i kam prekur me dorë dhe i kam regjistruar një për një të gjithë.

E mbani mend se kur ka ardhur grupi i parë nga Greqia?
Ka qenë shtatori i vitit 1947. Saktësisht datën s’e mbaj mend, ora ishte afërsisht 7 apo 8 e darkës. Makina e degës së brendshme, tip “Dajç”, mbërriti në spital me një urgjencë të jashtëzakonshme. Ajo drejtohej nga shoferi i njohur i asaj kohe në Gjirokastër, Vaso Gjini. Kur na njoftuan për t’u paraqitur në sallën e operacionit, ne fillimisht menduam se bëhej fjalë për një të plagosur. Por se kush ishte dhe nga se ishte plagosur nuk morëm vesh. Gjatë rrugës për në spital, të cilën e bëra me një frymë, më shkonte mendja te gjithfarë ndodhish, por që të kishte filluar lufta vëllavrasëse në Greqi s’e kisha menduar kurrë as unë dhe as shokët e mi. Kur arrita pashë që Vaso, në makinën e tij “Dajç” të degës së brendshme kishte sistemuar jo një, por tre persona të plagosur, të cilët që në pamjen e parë dukeshin se kishin marrë plagë tepër të rënda, sa mund t’u vihej në dyshim edhe jeta. Befasia jonë ishte akoma më e madhe kur mësuam se ata nuk ishin shqiptarë, por grekë. Aty morëm vesh atë që po ndodhte përtej kufirit tonë, vetëm pak kilometra larg qytetit.

Nuk e prisnit një gjë të tillë?
Mund ta dinin autoritetet e larta të rrethit, të cilët kishin komunikim të përditshëm me dikasteret në Tiranë. Kryetari i degës së brendshme duhet të ketë pasur dijeni, sepse ai nuk e kishte humbur toruan apo as ishte hallakatur për të raportuar apo për t’i arrestuar, siç kishte detyrën funksionale. Sapo u njoftua nga rojet e kufirit për ardhjen e grekëve të plagosur ai dërgoi menjëherë makinën e degës për t’i sjellë në spital. Që në atë moment makina vu në dispozicion për të evakuuar të plagosurit nga kufiri, për t’i sjellë në Gjirokastër dhe për t’i kthyer sërish ata që ishin përmirësuar më parë në spital. Jo vetëm kaq, por kryetari kur mësonte për numër më të madh të plagosurish dërgonte edhe një makinë tjetër në përforcim të makinës së Vasos. Kuptohet se këtu bëhet fjalë për një plan të paracaktuar dhe të detajuar mirë jo nga Gjirokastra, por nga Tirana.

Çfarë mësuat konkretisht kur erdhën tre grekët e parë të plagosur?
Mësuam se shokët e tyre të frontit i kishin sjellë me barelë. Kishin dalë në kufirin me vendin tonë dhe ndenjën në pikën e takimit të përcaktuar para fillimit të luftës nga përfaqësuesit e të dy palëve. Aty, ata ishin ndalur nga rojet e kufirit tonë të cilat menjëherë kishin njoftuar kryetarin e degës nga vareshin. Ky kishte dërguar menjëherë shoferin e degës për t’i marrë. Kështu mbërritën deri në spitalin e Gjirokastrës. Që nga ai moment ne kemi jetuar vetëm me problemet e tyre. Për dy vjet ne harruam edhe familjet dhe fëmijët tanë. Rrinim në sallën e operacionit edhe 12, 20 apo dhe 24 orë.

Sa vonoi grupi i dytë i të plagosurve pas ardhjes së tre të parëve?
Kaluan tri–katër ditësh, pastaj filluan të vinin partizanët e tjerë të plagosur. Pas kësaj, për çdo ditë kishim të ardhur të rinj. Vaso, me makinën e tij të degës së brendshme, sa linte grupin e parë në spital shkonte të merrte grupin e dytë. Në fillim sillte nga 10–12 vetë në natë, pastaj arriti në 15 madje deri në 20 vetë, por kishte edhe raste kur kjo shifër arrinte në 30 madje edhe 40 të plagosur në natë.

Sa zgjati kjo situatë?
Plot dy vjet që nga shtatori i vitit 1947, deri në prillin e gushtin e vitit 1949. Për këtë periudhë u regjistruan më shumë se 12 000 persona.

Çfarë plagësh kishin?
Po të të flas për tre të plagosurit e parë që të tregova pak më parë, ata kishin plagë shumë të rënda. Njëri ishte plagosur në këmbë dhe në gjoks. Tjetri ishte plagosur në kofshë kurse i treti ki shte një plumb në bark. Gjendja e tyre ishte me shumë rrezik. I morëm menjëherë dhe i shtruam në kirurgji. Pastaj i kaluam me radhë në sallën e operacionit ku doktor Vasili u tregua energjik si asnjë herë tjetër.
Më vonë, kur në spital nuk kishim 3 të shtruar, por njëkohësisht deri 350 prej tyre, ne kemi parë situata që ju nuk mund t’i imagjinoni. Kishte njerëz me fraktura në të gjitha pjesët e trupit, plagë në mushkri, në këmbë, në bark, të shkaktuar jo vetëm nga plumbat, por edhe bombat, minat, copat e predhave të artilerisë etj. Kishte njerëz të djegur, madje në grahmat e fundit të jetës. Veç këtyre kishte edhe shumë raste që na vinin djem të rinj pa një apo edhe dy gjymtyrë, qoftë këmbët apo dhe duart. Në këtë gjendje vinin sidomos ata që shkelnin në mina. Por kishte edhe shumë djem që vinin të verbuar fare. Pra me një fjalë kishte raste nga më të vështirat që mund të gjesh mbi tokë...
vijon nesër

Pas shtypjes së kryengritjes Zerva sulmoi Shqipërinë
Çfarë ndodhi në Greqinë e vitit 1947

Në vitin 1947, në Greqi plasi lufta civile midis forcave të EAM-it, ose ndryshe forcave partizane dhe atyre të drejtuara nga Napolon Zerva, të cilët ishin të djathtët apo të njehsuara me ato të Ballit Kombëtar në Shqipëri.
Napolon Zerva, që drejtonte forcat ushtarake të cilat ishin në opozitë me partizanët e mori pushtetin në Greqi në vitin 1945, menjëherë pas Luftës së Dytë Botërore. Mirëpo, forcat partizane të komanduara nga gjenerali Markos dhe komisari Nikos Zaharaja nuk u pajtuan kurrsesi me atë që po ndodhte në Greqi, por riorganizuan formacionet e tyre partizane.
Pas kësaj pune të gjatë, këto forca që ishin kundërshtare të Napolon Zervës përbënin një ushtri të rregullt me një ndërtim struktural tepër të përsosur, duke filluar që nga toga, kompania, batalioni, brigada e deri te divizioni. Nga ana tjetër, kjo ushtri partizane që u bë shumë e madhe në numër. Në vitin 1947 kishte arritur që jo vetëm të kishte një strukturë të mirëfilltë ushtarake, por të kishte edhe një bindje absolute te njerëzit për t’iu kundërvënë Zervës, për t’i marrë atij pushtetin me çdo kusht. Ata nuk mund të duronin dot faktin e marrjes së pushtetit nga Zerva me ndihmën e anglezëve. Në këto kushte, të dyja ushtritë u vendosën përballë njëra–tjetrës. Njëra komandohej nga Zerva, ndërsa tjetra komandohej nga gjenerali Markos. Lufta filloi dhe vazhdoi për dy vjet nën tmerrin e gjakut dhe të masakrës. Forcat e majta të komanduara nga gjenerali Markos kërkuan ndihmë te Enver Hoxha i cili u ofroi spitalet e jugut për evakuimin e të plagosurve. Mësohet se Shqipëria i ka ndihmuar ato forca edhe me ndihma të tjera. Pas shtypjes së kryengritjes në vitin 1949, Napolon Zerva sulmoi ushtarakisht Shqipërinë, sulm ky që i kushtoi popullit tonë dhjetëra e dhjetëra djem. Forcat e tij kundërshtare u larguan nga Greqia për t’i shpëtuar dënimeve ekstreme. Ato fituan vetëm nga amnistia e bërë nga Andreas Papandreu, kur erdhi në pushtet.

Jetëshkrimi
Kanan Zanaj, 46 vjet në kirurgjinë e Gjirokastrës

Në vitin 1942, kur filloi punë në pavijonin e kirurgjisë së qytetit të Gjirokastrës ishte vetëm 14 vjeç. Në këtë pavijon punonte kirurgu i famshëm Vasil Laboviti, i cili kishte kryer studimet për Mjekësi në Gjermani. Ky është fillimi i biografisë së punës së veteranit më të lashtë të spitalit të Gjirokastrës, Kanan Zanaj. Ai punoi për plot 46 vjet. Në 1988 doli në pension. Kryeinfermier i pavijonit të kirurgjisë dhe asistent i parë i Vasil Labovitit në të gjitha operacionet që ai ka kryer në spitalin e jugut të Shqipërisë. E veçanta e punës së Kanan Zanajt është momenti dyvjeçar kur në spital vërshuan grekët e plagosur gjatë luftës civile që shpërtheu nëpërmjet forcave të majta dhe atyre të drejtuara nga Napolon Zerva. Ishin mbi 12 mijë grekë që u regjistruan nga Kanani. Pavarësisht se në atë situatë ai mbajti barrën më të madhe të vështirësive, tashmë kur pyetet, thotë me modesti se gjithçka që është bërë i dedikohet punës së madhe të kolegëve të tij si: Xhevat Angonit, Katerina Lulës, Antigoni Çros, Shpresa Sakos dhe sidomos idhullit të tij të madh, kirurgut të paarritshëm deri sot, Vasil Labovitit apo “Vasili i madh”, siç e thërrisnin të gjithë. Gjithashtu, Kanan Zanaj njihet në historikun e spitalit të qytetit të gurtë të jugut, si personi që në vitin 1955 ka krijuar për herë të parë pavijonin e grumbullimit të gjakut. Ai tregon se në atë kohë në spital grumbullohej 500 deri në 600 kg gjak në vit.

Tërmet në mitin e lashtësisë greke

2012-01-09T15:46:00.000+01:00

”Në mungesë të shkrimeve pellazge (që janë shkatërruar ndoshta nga pushtuesit Helenë), ata kanë lënë gjurmë gojore si psh: epopetë e quajtura homerike, emrat e mitologjisë së ashtuquajtur greke, toponimet, oronimet, eponimet, anthroponimet që dhe sot nuk mund të shpjegohen veçse me gjuhën e sotme shqipe.”

Përgaditi: Dr. Përparim Demi / Kush ështe Arif Mati:

Arif Mati - Aref Mathieu

Përparim Demi

Aref Mathieu lindi më 1 mars të vitit 1938 në Kajro të Egjiptit, është historian shqiptaro-françes. Prindërit e tij kanë lindur në krahinën e Matit në Shqipëri. Ai jeton në Francë dhe punon prej vitesh me përkushtim në fushën e historisë etj. Kohët e fundit ka publikuar librin „Shqipëria, Odisea e pabesueshme e një populli parahelen“.

Çfarë thot ai:
"…duhet provuar shkencërisht me anë të studimeve dhe hulumtimeve të thelluara të bazuara me argumente provuese, akte dhe fakte të pakundërshtueshme dhe analiza të drejta se shqiptarët janë me të vërtet pasardhësit e pellazgëve. Këta pellazgë të famshëm janë keqtrajtuar prej shumicës së historianëve dhe gjuhëtarëve modernë me këtë fjali lapidare: «Pellazgët, popull parahelenik, janë tretur pa lënë gjurmë». Ja gabimi fatal që ka penguar breza të tërë dijetarësh të mos shkojnë më larg në hulumtimet për këta pellazgë. Vetëm në shekullin XIX të erës sonë dhe në fillim të shekullit XX disa dijetarë filluan të studiojnë gjuhën shqipe, midis të cilëve një numër i madh gjuhëtarësh gjermanikë (gjermanë dhe austriakë si Jokli, Majeri, von Hahni, Kreçmeri dhe të tjerë jo më pak të njohur). Për fat të keq, ajatollahët e gjuhësisë moderne (dhe të asaj që pranohet prej të gjithëve) nuk i kanë marrë para sysh këto punime që dalin nga shtigjet e rrahura. Ata veç kanë pranuar (pa e studiuar me rrënjë dhe pa pasë përdorur dialektin gegë, të cilin se përfillën fare) se gjuha shqipe është gjuhë « indoeuropiane » (skaj që unë nuk e pranoj) që përbën një degë më vete në gjenealogjinë (çka nuk do të thotë patjetër « etnogjenezë ») e gjuhëve. Ja pse nuk është thelluar studimi i kësaj gjuhe (veçanërisht dialekti geg i veriut që mbetet « një fosil i gjallë »). Ky gabim i dyfishtë (Pellazgë të injoruar dhe gjuha shqipe e shtënë në dollap) bëri që gjuha shqipe të përjashtohet nga studime dhe hulumtime në kuadrin e këtij «akademizmi indoeuropian», kahja e shmangur e të cilit e ka zhytur këtë disiplinë në një qorrsokak të vërtetë… ."
Ngjarja e ditës
Ditën e martë, në datën 03 Janar 2012, në Paris u bë mbrojtja e tezës së doktoratës së historianit në Universitetin e Sorbonës, që shtrihet në krahun e majtë të lumit Sena në Kuartierin Latin. Në këtë godinë kanë kaluar emra të shquar si Marie dhe Piere Kyri (çmimi Nobel për fizikë), teollogu i famshëm Erasmo da Rotterdam, filozofi dhe shkrimtari Jean -Pol Sartre dhe shumë figura të tjera të shquara.

Teza ishte me titull: "Kërkime mbi Pellazgët, si origjinë e civilizimit grek"

Juria përbëhej nga:

Dominique Briquel, Profesor ne Universitetin Paris-Sorbon qe ishte edhe drejtuesi i temes.
Charles Guittard, Profesor ne Universitetin Paris-Nanterre (Paris X)
Guillaume Bonnet, Profesor ne Universitetin e Bourgogne (Dijon)

Pra u mblodhën tre personalitete nga tre universitete të ndryshme më me emër të Francës për këtë tezë aq interesante dhe e rëndësishme për ta. Z.Arif bëri paraqitjen e studimit të tij me një material prej 13 faqesh (afro 40 minuta). Në sallë, krahas familjareve të tij, ishin dhe studiues të gjuhës shqipe në Francë, intelektualë, studentë dhe miq shqiptarë dhe francezë, por asnjë nga ambasada jonë megjithese zotit Aliçka i ishte dërguar ftesë nga historiani.(nuk po zgjatem në këtë pikë pasi kam shkruar në një artikull tjetër për dipllomatët shqiptarë dhe nuk është vëndi të merremi me ta këtu).

Çfarë tezash hodhi Arifi

Z. Arif, duke ndjekur rrugën metodike shkencore, nëpërmjet një gjurmimi të dëshmive të autorëve antik mbi Pellazgët, shkrimet e greqis antike të Homerit, Hekate i Miletit, Helanikosi i Lesbos etj., të cilët lejojnë të nxjerrë disa perfundime si:
- grekët e lashtë nuk e njihnin "qytetrimin Miken", pasi nuk ka patur asnjë "qytetrim Miken".
- Linearin B, Ventris dhe Chadwick në mënyrë mekanike e emërtuan "mikenë" dhe gjuhën si "greqishtja e lashtë",
- antroponimet, toponimet, oronimet, teonimet, eponimet apo fjalë të tjera nuk shpjegohen me gjuhën greke,
- Qytetrimi i vetëm që ka ekzistuar para ardhjes së grekëve në Ballkan qe ay i Pellazgëve,
- Greqia, në lashtësi quhej Pellazgji dhe jo Greqi,
- Pellazgët i quajtën "barbare" se nuk flisnin greqisht, pra Pellazgët nuk ishin stërgjyshërit e grekëve,
- Pellazgët ju dhanë Helenëve një pjesë të madhe të kulturës së tyre, të institucioneve, besimin fetar, dhe një fond gjuhësor të pasur,
- Pellazgët padrejtësisht janë trajtuar nga historia moderne si një popull i zhdukur pa lënë gjurmë.

Ai, për mbrojtjen e tezës së tij, ka përdorur burime historike, kulturore, arkeologjike, antropologjike dhe mitologjike dhe nëpërmjet një analize të thelluar dhe argumentave të verifikueshme arriti në këto konkluzione. Më tej ai theksoi,se lidhjen e gjuhës pellazgo-shqipe e ka trajtuar si rrjedhim llogjik të fakteve, për vendosjen e kësaj lidhjeje (të gjuhës shqipe me pellazgjishten) ai nuk është influencuar nga origjina e tij shqiptare, dhe po të kishte qënë kinez, përsëri do ti kryente këto studime dhe do nxirrte të njëjtim përfundim.

Teza e tij është një studim prej 798 faqesh, ku ai ka shfrytëzuar 338 autorë. Vetëm për ta shkruar i ka kushtuar një punë e perditshme prej afro 15 orësh, për tre vjet rrjesht. Si përfundim ai rekomandon të reflektojmë mbi origjinën e Greqisë dhe të grekëve si popull, mbi historinë e tyre, mbi origjinën e kulturës dhe gjuhës së tyre. Duke studiuar autorët e lasht, mund të zbulojmë një histori tjetër, thotë ai, mjaft më komplekse të ashtuquajturës Greqi antike, e cila nuk kufizohet vetem me Helenet e pakët që erdhën aty. Nëpërmjet këtyre autorëve të lashtësisë, në fakt, mund të zbulohen kontradiktat, mospërputhjet kohore dhe manipulimet e tjera politike të sotme, ata do të na japin një këndvështrim të rinovuar të historisë së Europës.

Teza u përshëndet nga juria për seriozitetin dhe rrugën shkencore të ndjekur nga autori, mbas konsultimit, juria vendosi dhënien e titullit:

"Doktor në shkencën e historisë së antikitetit (Greqia antike) të Universitetit Paris-Sorbon".

Historiografia europiane ka ngritur një kështjellë të tërë, thjesht për qëllimet e saj politike mbi bazën e së cilës Greqia ndërtoi tezat e veta raciste. Fatkeqsia është se dhe Akademia e Shqipërisë përsëriti si papagalli teoritë e tyre dhe kur Arifi botoi librin e tij, iu hodhën përkoke duke e quajtur amator. Bile organizuan dhe maskarada në TOP Channel me Fatos Lubonjën me shokë, të cilëve u dukej vetja sikur kishin zbritur nga maja e Olimpit dhe talleshin para kamerave me kulturën dhe historinë tonë. Ja që ky "amator" tani është DOKTOR I SHKENCAVE dhe diplloma e tij është shumë më e vlefshme se sa tua mbledhish gjithë akademikëve shqiptar së bashku. Zoti Arif, e mbrojti doktoratën në këtë moshë të thyer (73 vjeҫare) jo për të marr një copë dipllomë, se në këtë moshë nuk i hyn më në punë, por ai paraqiti punën e tij të një jete aty, ai luftoi që tezat e tij të pranoheshin në formumin më të lartë akademik europian, siҫ është Universiteti i Sorbonës. Tezat e Arifit u pranuan dhe u vlersuan lart, puna e tij nuk shkoi kot, ajo është vetëm preludi i rishkrimit të historisë antike, ku populli shqiptar do zërë vëndin e tij që meriton.

Unë i përulem me respekt punës dhe personalitetit të lartë të Arif Matit, njëriut që përmbysi një mit fallco të madh, që vuri bazat e një historie të re, të historisë së vërtetë europiane.

Jazëk Akademisë shqiptare që e përfoli, jazëk dhe qeverisë shqiptare që nuk begenisi ta nderojë këtë ngjarje të madhe dhe këtë figurë të lartë të kulturës shqiptaro-franceze. Puna e Arifit do kthehet në pikë referimi, në bibliografi për gjithë shkencëtarët e botës që do merren këtej e tutje me antikitetin europian. Tezat e tij u pranuan përfundimisht në sferat akademike të Francës. Ky është dhe suksesi më i madh që kemi korur ndonjëherë në këtë fushë.

http://www.kosovarimedia.com/home/aktual/analiza/7762-termet-ne-mitin-e-lashtesis-greke-.html

Lindje e Krishtit, apo lindje e vitit?

2011-12-28T14:52:00.000+01:00

Dihet që njeriut prej kohësh i është dashur të orientohet me ditët e caktuara të vitit apo të motmoteve, apo me fillimin e hënëzës së plotë e atë të mangët deri në atë të ndikimeve të planetëve. Ndaj dhe më parë se të ndërtonte marrëveshjet njerëzore me motet, kohën, muajt, javën, ditën etj., ai studioi për mijëvjeçarë sistemin tonë diellor dhe jo vetëm, për ata që besojnë në evoluimin shkencor, por ndoshta dhe i erdhi për pak vite, i gatshëm nga njerëz jotokësorë për ata që besojnë te UFO-t.
Rezultantja ishte se njeriu qysh në vitet 4500 para Krishtit kishte një sistem matës të kohës tepër të saktë, e quajtur ndryshe kalendar, ku viti ndahej në 12 muaj, muaji në javë me 7 ditë 24-orëshe, ku gjithçka përcaktohej perfekt në kohë e në hapësirë dhe në emërtime, sikundër pothuaj ashtu si thirren edhe sot. Kësisoj, u përcaktuan planetët dhe jo pak, 11 prej tyre, dhe të 12-tin e kanë lënë të nënkuptohej, ku shkenca po rreket aq shumë sot. Pse 12 planetë shëtitës rreth diellit ose anëtarë të sistemit tonë diellor, pse 12 muaj, pse 12 orë, pse 12 shenja të zodiakut, pse 12 anëtarë të familjes magjike të Krishtit, pse 12 dishepuj të Muhametit, pse duzinë kompletesh, pse ky numër 12 magjik, dhe 13 numër ters?
Kjo kërkon shpjegimin e saj sa mistik, sa shkencor, sa fetar, por, mbi të gjitha, kërkon nge tjetër. Sikundër dhe shtata, që përbën një numër tjetër magjik, si shtatë mrekulli, çerek cikli hënor, shtatë ditë jave, ku njeriu i atëhershëm iu gjeti dhe emrat përkatës për nder të planetëve, që ndikonin në jetën e përditshme, si dhe në shëndetin mjedisor dhe atë njerëzor. Si për çudi, ky dokumentim i parë, na vjen sot sipas dy mënyrave. Ose sipas shkrimeve të tipit kujiniform nëpër gurët e lënë si testament nga Shumerët e Babilonisë, ose sipas gjuhës së kënduar në mijëvjeçarë të shqipes.

Dihet se ditët e javës kanë pas filluar me atë të më të madhit të të mëdhenjve, pra ati i tyne, ose Shën ati i tyne–Saturni-e shtuna, për të kaluar te mishërimi i planetit qendër, i Diellit–e diela, kollaj fare kuptohet Hëna-e hëna, sepse shqip personifikon diçka që hahet, Marsi–e marta, sepse shqip personifikon një planet me shtrëngata, pra, është i marrë, Merkuri–e mërkurë, Jupiteri – e enjte, Venera për vendra (e bukur si Venera, Shën e vertë) më vonë e premta.
Pra, është i vetmi popull që i thërret ata, një pas një, si 6500 vjet më parë, kur kombet e tjera përreth e anembanë i thërrasin ditët e javës sipas numrave rreshtorë. Por jo vetëm kaq. Edhe muajt, ky popull i ka pas thirrur me emër, sikundër edhe sot, si p.sh. shkurt, sepse është i shkurtër, prill sepse hapet dita, maj sepse është muaj i madh ditë dritë, qershor sepse lidhet me vjeljen e qershisë, korrik sepse korr drithëra, gushti-zagushi, gunë, ngushtohet dita-ngushtë, vjeshta e parë, e dytë e tretë ose vjelja e parë, e dytë e tretë-shtator, tetor, nëntori. Pra, kjo na bën të mendojmë se ky popull ka pas qenë i orientuar me kalendar qysh në kohët e para lashtësisë. Ndërkohë që popujt e tjerë, si egjiptianët, më vonë grekët, e më vonë latinët, kujtonin se secili nga ata, mbasi e “vidhte” kalendarin nga gojëdhënat dhe nga ato shkrime të mbijetuara, e bënin si të tyren. P.sh., egjiptianët e matnin me kohën e ndërtimeve të mumieve për personifikimin e përjetshëm të faraonëve (kujdes – fara jonë), grekët e matnin me lojërat e para olimpike të tyre të kryera në Spartë më 780 para Krishtit. Romakët i matnin datat me pushtimet e Cezarit, por të gjithë së bashku, në kalkulimet e tyre, kishin në mendje ato të Shumerëve, që janë ruajtur, mot a mo, në malet Pindus dhe në bjeshkët e Veriut-Gegënisë (popuj mbetës të pellazgëve të rrudhur apo të shtrydhur). Gjithsesi, kalendari i parë zyrtar mbahet, ai, i kohës së Jul Cezarit, ku një mesap kalabrez (ose ilir në fis), avokat për nga zanati, Lilius e thërrisnin, i propozon perandorit kalendarin e vet me bazë egjiptiane, më saktë me bazë Shumeriane, i ndërtuar si kalendar i pastër diellor, pothuajse ai që kemi sot, por me gabime (një ditë në 128 vjet), që u korrigjuan me dekret të Papës Gregoriani XIII, më 1582-shin. Vetë perandori Cezar hoqi emërtimin e muajit korrik të mbërritur deri në kohë të vet prej perandorëve etruskë (që sunduan Romën nga vitet 700 deri në ato 350 para Krishtit) dhe e quajti Jul, ndërsa pas tij qe perandori tjetër, i nipi, Oktavian Augusti, që pasoi me ambicien e të ungjit duke hequr emrin e gushtit dhe e quajti augusto, madje guxoi më tepër se i pari, duke marrë dhe një ditë nga shkurti dhe e vendosi te ky muaj, ndaj dhe kemi qysh atëherë korrikun e gushtin me 31 ditë. Ky kalendar ndoqi shekujt e mëpastajmë, ku kombet, një nga një, fillimisht ata katolikë, pastaj ata protestantë, pasuan dakordësinë e tyre me këtë tip, derisa edhe ortodoksët grekë e rusë në fillim të shekullit 20 arritën dhe e morën për kohëtregues. Prandaj dhe Revolucioni i Tetorit i Leninit, i ndodhur më 17 tetor, sipas kalendarit rus, sot quhet si i 7-ti tetorit, sepse kalendari gregorian hoqi 10 ditë nga ai i Cezarit për të përputhur saktësisht kohën diellore me atë kalendarike.
Veç kalendarit diellor ekzistojnë edhe kalendarë, tipikisht të pastër hënorë, me të cilët përputhen llogaritjet e kalendarit mysliman për të kryer ritet e festave të Ramazanit, e Kurbanit të Madh apo të Kurbanit të Vogël. Pastaj kemi dhe kalendar diellor hënor, si ai shumerian, dhe hënor diellor, si ai kinez e izraelit, dhe/ose kalendar, si ai i fiseve Maya, që përshtat ciklet e diellit me ato të hënës.
Por, klasifikimet e kalendarëve nuk kanë të sosur. P.sh., një tip është ai që bazohet në rregulla (si ai i mayave apo ai gregorian dhe ai cezarian). Ka kalendarë që bazohen në observime astronomike, si ai mysliman, që llogarit saktë momentin e sekondave të para të shfaqjes së draprit të hënës, që iu duhet për festimet, siç shpjeguam më lart. Por, ka edhe nga ata kalendarë që bazohen në llogaritje astronomike, si ai kinez dhe izraelit. Gjithsesi, kalendari bazë mbetet ai i hartuar nga Shumerët, por i ruajtur nga shqiptarët, që bazohet tipikisht në fillimin e një viti të ri sipas ciklit diellor, që përmbushet pikërisht më 25 dhjetor dhe konvecionalisht dëftehet më 1 janar.
Pse më 25 dhjetor?
Dihet se data 22 dhjetor përfaqëson solsticin dimëror, ku nata pushon së rrituri dhe/ose dita pushon së ngrëni. Dita e parë dhe e dytë pas kësaj, pra 23 dhe 24 dhjetori, përfaqësojnë pushimin (stillstand) ose ekuilibrin ose marrjen e forcave të ditës ose gjenerimin ose lindjen e ditës, që realisht fillon të marrë e të mund t’i maten sekondat e para pikërisht më datë 25 dhjetor. Pra, këto sekonda përbëjnë realisht sekondat e para të një dite të re, të një jave të re, të një muaji të ri apo të një viti të ri, por jo vetëm ditë, por edhe dritë më shumë, por edhe fotosintezë më shumë, por edhe oksigjen më shumë. Pikërisht në këtë moment uji fillon të pjellë ujë, ose të gjenerojë vetveten, që në kuadrin e dy javëve apo gjysmëcikli hënor, duke i hedhur dhe kryqin më 6 janar me nitrat argjendi si katalizator, ai arrin të shpërndahet në gjithë ujërat e botës dhe kushdo mund të marrë nga ky ujë në çdo pikë të globit dhe të të mos i prishet, prandaj dhe ai në këtë ditë quhet ujë i bekuar. Po në këtë moment fillon zgjimi, avash-avash i kafshëve, shkundja nga letargjia, përgatitja për një jetë të re e botës së gjallë, çelja e sythave të shumë bimëve, si mimozat etj. Pra, jeta, gjithandej lind, por mbi të gjitha njeriu. Dhe pikërisht këto ditë, duke filluar qysh nga data 17 dhjetor deri më 24 dhjetor festoheshin saturnalet, ditët e at-it të planetëve, me hare e gëzim të madh, me të pira e të ngrëna, me dhurata për një vit të mirë e të ri për të hedhur dertet pas, dhe më 25 njerëzia i kthehej punës nga e para. Këto festa, që ndryshe quheshin pagane, festa të mirëfillta natyrore, po aq shkencore, sa as egjiptianët, e as grekët më vonë, e as romakët më vonë akoma, nuk mundën t’i përçudnonin, përkundrazi, i zhvillonin po aq, e mos më tepër, vetëm me ndryshimin, se gjoja i kishin shpikur vetë për nder të perëndeshës së bujqësisë me emra e vet, por që vetëm ky komb i ruajti si në fillimet apo origjinalin e vet. Vonë-vonë, më 385 të erës sonë, ky rit u zyrtarizua për të krishterët, se në këtë datë paskësh lindur edhe i madhi Krisht. Pra, festat, datat, muajt, ritet, javët e kalendarët ishin shpikur njëherë, ku një popull si Shumerët i ruajti në gur dhe një popull si pellazgët, më vonë shqiptarët i ruajti në lahutë. Prandaj dhe ne shqiptarët nuk kemi asnjë lidhje me festën e Vitit të Ri më 01 janar, përveç asaj kohe të diktaturës ose kur të tjerët na e kanë detyruar, dhe ne si popull i vogël, për të ruajtur fjalën e parë të dhënë Zotit ose natyrës për ata që nuk besojnë, gjoja i kemi respektuar, por jo besuar. Kësisoj, festa për t’u festuar ndër ne shqiptarët, sot, është ajo e të parëve tanë – 25 dhjetori, që as përhapja e kulturës greke, e as pushtimi romak, e as sundimi bizantin, e as dyndja turke, e as ateizmi i kuq, nuk mundën të prishnin këtë datë si në fillimet e veta.
Sazan Guri

Perversiteti i pështirë i TV Klan

2011-12-28T11:18:00.001+01:00

Në lajmet e mbrëmshme në TV Klan, një vend të veçantë kishte zënë kartolina virtuale, në faqen personale të internetit, të kryetarit të opozitës, edirama.al.

Fotoja i përket vitit 1924 dhe është vepër artistike e amerikanit Man Ray. Nëse do të tregoheni të vëmendshëm, do të shikoni në trupin e kësaj femre dy simbolikat e violinës. Kjo foto është titulluar “Violina e Ingresit"

Tv Klan ishte kaq shumë i ngazëllyer dhe i ngacmuar nga kjo kartolinë, saqë kishte kryer intervista në çdo qytet të Shqipërisë dhe të intervistuarit ishin të gjithë të moshës mbi 60 vjeç.

Pyetjet që iu drejtoheshin atyre ishin:

"Kjo është kartolina që Edi Rama ju ka dërguar për vitin e Ri, ju pëlqen?"

E natyrshëm ishte i imagjinueshëm reagimi refuzues i qytetarëve, ku nuk kishte edhe prej tyre që e akuzuan se ky mund të ishte manipulim i Berishës, duke harruar se po intervistoheshin në Tv Klan...

Ajo që nuk kuptojnë drejtuesit e TV Klanit është se në këtë botë të shumëllojshme, më banale se një vepër arti gjysëm nudo, është ajo mendja perversite, që jo vetëm nuk mundet të kuptojë artin, por në lajmet që në thelb duhet të mbeteshin informative për masat, shet opinionin e saj të pështirë, për ujë të kulluar.

Shkroi: Stop Injorancës http://www.facebook.com/NdalPaditurise2

Miti i Jezusit dhe shembja e Diellit Pagan

2011-12-22T13:43:00.000+01:00

Thuhet se Krishti ka lindur në 25 dhjetor...
Një datë e shenjtë kjo që nga besimet pagane të zotit Diell. Thuhet edhe se ai është kryqëzuar për Pashkë! Ne simbolizmin astrologjik egjiptianet e paraqesnin Osiridin (gjithashtu nje tjeter zot diell i antikitetit) mbi nje kryq. Sipas njohurive pagane, diellit iu deshen tri dite per ta rimarre veten nga “vdekja”. E njejta kohe qe iu desh dhe Krishtit per t’u ringjallur, e njejta qe iu desh Tamuzit, bir i perendise babilonase per tu ringjallur. Ja se si e pershkruan Ungjilli i Lukes ate qe ndodhi kur Jezusi (Dielli) vdiq ne kryq:
“ishte afer mesdites, kur dielli u zu dhe u be erresire ne te gjithe token deri ne oren tre te pasdites…” Luka,23, 44-45.
Biri/Diell kishte vdekur dhe prandaj mbreteronte erresira. Dhe shikoni per sa zgjati e gjitha kjo: tri ore. Te njejten histori, sipas se ciles pas vdekjes pason erresira, induistet tregojne per Krishnen, budistet per Buden, greket per Herakliun…e keshtu me rradhe nje pafundesi “Zotash” te antikitetit me te njejten histori deri sa arrijme tek Jezusi.
Jezusi kryqezohet simbolikisht ne Pashke, pasi ne ate periudhe bie ekuinoksi i pranveres, kur Dielli (Jezusi) hyn ne shenjen astrologjike te dashit. Ndodh pikerisht ne kete periudhe (Pashke) ne perkim me ekuinoksin e pranveres qe Jezusi (Dielli) triumfon mbi erresiren, eshte pikerisht periudha e vitit kur dita merr me shume ore se nata. Bota shpetohet fale fuqise se Diellit qe rilind (duke fituar mbi erresiren). Mbreteresha Iside e lashtesise paraqitej shpesh me koken e dashit, per te simbolizuar pikerisht periudhen e shenjes zodiake te dashit, (Pranveren) e cila perkonte me periudhen e ringjalljes, riperteritjen e natyres. Kishat e krishtera orientohen mbi boshtin lindje-perendim me altarin kthyer nga lindja. Kjo do te thote qe grumbulli i besimtareve te veshtroje drejt lindjes - drejtimi i Diellit qe lind.
Ajo qe bie ne sy eshte se historia e Jezusit eshte e perseritur me dhjetra here shume shekuj p.e.s. Dita e tij e lindjes, kryqezimi, rilindja pas tre ditesh e shume histori te tjera lidhur me te i jane dedikuar shume perendive te tjera te antikitetit si:Krishna, Buda, Mitra…etj, te gjithe keto emra perendish me te njejten histori jane thjesht alegorizma te paster qe i referohen zotit pagan, Diellit.
Shpesh figura e Jezusit shoqerohet nga 2 peshq, kjo ka te beje me shenjen astrologjike te peshqeve, sepse periudha kur thuhet se lindi dhe jetoi Jezusi perkon pikerisht me kohen kur toka hyri ne eren (epoken) e peshqeve, e cila zgjat 2160 vjet. Edhe persianet te cilet i trasheguan besimet dhe dijet e tyre nga shumeret, egjiptianet dhe babilonasit kishin pagezimin, kreshmen, parajse-ferrin, engjejt e drites dhe ato te erresires dhe nje engjell te rene nga qielli. Kurora me gjemba ne koken e Jezusit eshte gjithastu nje simbol me i vjeter se vete kristianizmi, i cili simbolizon rrezet e Diellit. Shpesh figura e Jezusit shoqerohet me nje rreth mbi koke, eshte pikerisht mbivendosja e figures se trilluar te Jezusit mbi zotin Diell. 12 dishepujt nuk kane egzistuar si njerez, ato jane gjithashtu simbol i 12 shenjave zodiakale, te cilat i gjejme te pikturuara mijera vjet para kristianizmit ne Egjipt, Shumer-(Iraku dhe Irani sotem,etj). Gjithashtu ato (dishepujt) simbolizojne dhe muajt e vitit .Te gjitha keto elemente jene pervetesuar nga krishterimi i cili vazhdon ti mbroje si te vetet.
Nuk ka asnje prove te besueshme (pervec shkrimeve biblike) te ekzistences se Jezusit. Asnje prove arkeologjike, asgje te shkruar per te nga autore te lashtesise. E njeta gje vlen edhe per Solomonin, Moisiun, Davidin, Abrahamin, Sansonin dhe nje pafundesi “yjesh” te tjere biblike. Gjithcka e shkruar per keto figura jane tekstet e shkruara nga prifterinjte levite, te cilet u bazuan tek dijet antike mbi astrologjine dhe besimet antike (te cilat gjithashu ishin dije mbi astrologjine te koduara nen petkun e alegorive dhe metaforave).
Filoni eshte nje nga dhjetra shkrimtaret qe kane jetuar ne periudhen qe thuhet se jetoi Jezusi dhe ka shkruar nje histori te judejve, e cila mbulon te gjithe kete periudhe. Banonte madje edhe ne Jeruzalem ose ne rrethinat e tij, ne kohen kur thuhet se Jezusi ka bere hyrjen e tij ngadhenjyese ne Jeruzalem edhe kur eshte kryqezuar, ringjallur pas tre ditesh e te tjera histori qe lidhen me ate figure.

E dini cfare thote Filoni ne shkrimet e tij per keto ngjarje te jashtezakonshme?

Asgje prej gjeje, asnje fjale, asnje situate te ngjashme. Asnje nga keto histori apo figura nuk eshte dokumentuar ne ndonje dokument romak, apo ne raportet bashkekohese te autoreve “greke” e aleksandrine qe ishin ne dijeni te gjithckaje qe ndodhte ne ato rajone. Si kamundesi qe keto figura dhe ngjarje qe kisha na i paraqet kaq famoze ne kohen kur kan jetuar nuk permenden ne asnje autor te asaj periudhe pervec shkrimeve te dala nga institucioni kishe dhe shkrimetaret qe i sherbenin asaj?! Thjesht sepse keto ngjarje nuk kane ndodhur,kane qene histori simbolike te ndertuara mbi dijet antike, qe per fat te keq me shume se gjysma e banoreve te tokes i marin si te verteta ne kuptimin paresor te tyre duke ndertuar keshtu me apo pa vetedije nje besim-burg ne mendjet e tyre!
Ne shek e III-te, filozofi Celesi duke iu drejtuar krereve te kishes shkroi: “Ju tregoni perralla, pa zoteruar as edhe dhuntine per t’i bere te besueshme …
I keni ndryshuar disa here tekstet e ungjijve tuaj me qellim qe t’i mbyllni gojen cfaredolloj tipi dhe menyre kundershtimi qe mund te linde per to!”
Te gjitha besimet e sotme fetare si: islami, kristianizmi, induizmi, judaizmi etj, kane te njejtin burim zanafille, jane te gjitha kopje te besimeve antike babilonase, shumere, egjiptiane etj, per kete arsye keto besime dhe mitet e bazuara mbi perendine shpetimtar, si rrjedhoje gjate gjithe koherave paraqesin te njeten stradegji:
1- Ke lindur me mekatin original dhe per kete arsye qe diten qe lind nuk je gje tjeter vec nje i lig mekatar!
2- Mund te shpetosh vetem nese beson tek “shpetimtari” dhe kjo do te thote qe ti duhet te besh ate qe prifterinjte te thone te besh.
3- Nese nuk e ben, do te jesh i denuar pergjithmone ne rropullite e ferrit!

Kuptohet lehte qe keto lloj besimesh nuk jane ngritur mbi hyjnoren, por mbi trillime e mashtrime, te cilat nuk kane qellim tjeter vec manipulimit dhe nenshtrimit te masave. Kishes dhe krereve te saj iu deshen 3-4 shekuj gjenocid mbi njerezimin, i cili shkaktoi mbi 6-milion te vrare ne lloj lloj menyrash mizore ekzekutimi, per te perhapur kete besim bosh mbi “Hyjnoren” qe ne te vertete nuk ka asnje lidhje me Hyjnoren! Edhe sot e kesaj dite kisha perfshihet ne skandale te nje pas njeshme, korrupsioni, seksuale, pedofilie, vrasjesh, komplotesh etj.
Dhe kjo do te vazhdoje per sa kohe njerezit te do ti sherbejne dhe nenshtrohen ketij sistemi skallaverues, besimesh te kota fetare,te cilat nuk te cojne kurrkund pervec veteskllaverimit mendor dhe shpirtetror!

Shkroi: Velard Sejdini
Redaktoi: Stop Injorancës

Census Albania 2011 - Ku kanë përfunduar gjysëm milioni shqiptarë?

2011-12-22T11:25:00.001+01:00

Sipas të dhënave që na jep INSTAT për vitin 2010, popullsia në Shqipëri është 3.194.972 banorë.
Sipas të dhënave të po të njëjtit institucion zyrtar, popullsia e Shqipërisë sot është 2,831,741 banorë.
Pra, sipas këtyre rezultateve, në më pak se 2 vjet, Shqipërisë i kanë humbur rreth 500.000 mijë shqiptarë, apo gjysëm milioni njerëz.

Vlen për t'u theksuar këtu se Shqipëria në 20 vite tranzicion, nuk regjistroi më tepër se 1.5 milionë shqiptarë të emigruar. Pra, nëse do mendojmë se ky gjysëm milioni ka emigruar në 1 vit e gjysëm, atëherë shifrat e emigrimit në 2 dekadat e postkomunizmit, ne mund ti kapim në më pak se 5 vite. Por kjo logjikë nuk shkon, kur Europa në krizë të madhe ekonomike (kryesisht shtetet ku ka më tepër emigrantë shqiptarë) sot ka liberalizuar vizat me Shqipërinë e mbi të gjitha qeveria shqiptare deklaron me zë të lartë rritjen e mirëqenies dhe begatisë kombëtare.

Eshtë e vërtetë se lindshmëria ka rënë si pasojë e planifikimit shqiptar, por sërisht shqiptarët mbajnë vendin e parë në Europë, si populli me lindshmërinë më të madhe.

Në statistikat zyrtare, vrasjet shkojnë tek afro 500 qytetarë në vit, prandaj edhe kjo tezë bie poshtë.

Një tjetër tezë që vlen për ta marrë në diskutim, është edhe efektiviteti i 11.000 punonjësve të punësuar nga INSTAT për regjistrimin e popullsisë, por shifra gjysëm milioni shqiptarë, është tepër e madhe për tu marrë si marxh gabimi.

As pjesa prej 29,355 banorë (ose 1.04 % të popullsisë), që e kanë refuzuar regjistrimin, nuk shërben për të rrudhur numrin e popullsisë shqiptare, pasi ata gjithsesi, janë regjistruar dhe janë përfshirë në totalin e numrit të popullsisë.

Mbetet një tjetër mundësi, pak ose shumë e çmendur, që thotë se nëse në Serbi, Kosovë, Mal të Zi e Maqedoni është ndjekur një strategji e mirëplanifikuar për të rrudhur numrin e shqiptarëve në Ballkan, përse kjo dorë mos të ketë futur hundët edhe tek regjistrimi në Shqipëri?

Mos të harrojmë që sa më i vogël numri i shqiptarëve, aq më shumë rritet përqindja e minoriteteve dhe nëse kjo shifër arrin 25% të popullsisë, Shqipëria nga një shtet me popullsi homogjene, shndërrohet befas në dritë të diellit, në një shtet të ashtëquajtur multietnik, i paqëndrueshëm ekonomikisht e politikisht e rrjedhimisht, lehtësisht i shpërbërshëm.

Jeni të lirë të gjykoni çdo tezë të mundshme, ndërkohë që ne urojmë që gjykimet tona të jenë të gabuara, por shteti ynë na detyrohet një përgjigje...

Shkroi: Stop Injorancës http://www.facebook.com/NdalPaditurise2

Zbulim i rrallë në malet e Krrabës

2011-12-20T11:09:00.000+01:00

Siç ka ndodhur edhe në dhjetra raste të tjera në Shqipërinë e cila po përjeton bumin më të madh të betonizimit që mund të ketë patur ndonjëherë, edhe në punimet që po kryhen për hapjen e tunelit në Krrabë, ka dalë në dritë një zbulim arkeologjik i mahnitshëm.
Aq i mahnitshëm, saqë jo vetëm ka lënë sot çdo shqiptar pa fjalë, por zbulimi kalon edhe kufinjtë tanë gjeografikë dhe të dërgon në zemër të qytetërimit human.
Njësoj si edhe Njutoni, që fare rastësisht, vetëm prej rënies së lirë të një kokrre molle prej pemës, zbuloi ligjin e gravitacionit, po aq rastësisht ndodhi edhe zbulimi ynë mbresëlënës.
Ishte ora 14:30 e mesditës, kur inxhinerët e punëtorët kishin marrë pushimin e drekës dhe duke u kthyer nga fronti i punës, po shkelnin të gjithë me rradhë diçka të dalë nga thellësia e tokës, duke mos i kushtuar kurrfarë rëndësie. I tillë do të ishte fati i zbulimit tonë, nëse nuk do të ishte për rojen e turnit të parë të fjetinës, Z. Xhemal, i cili kishte mbaruar edhe studimet në fakultetin e Histori-Filologjisë, që e nuhati thesarin duke e ngritur me kujdes prej tokës dhe duke e pastruar me kujdes prej baltës.
Nuk do të duhej shumë kohë që ai të kuptonte që vlera e këtij papirusi do të ishte marramendëse, pasi në të mund të lexohej një shkrim dore, që dëmtimi e kishte bërë të padeshifrueshëm.

Papirusi u dërgua me emergjencë në Vjenë, në një qendër studimi të profesionalizuar e specializuar për datimin e gjetjeve arkeologjike, ku njëkohësisht kryhej edhe deshifrimi i linearit të përdorur në të.

Përgjigja që erdhi në fund të javës së shkuar ishte emocionuese.

Papirusi i takonte mijëvjeçarit të shkuar dhe ndryshe nga zakonisht, zbulimi arkeologjik nuk i përkiste as kulturës së Greqisë së Lashtë, as kulturës Romake, por kishte një vulë, pastërtisht shqiptare.

Pas restaurimit të pjesëve të dëmtuara të papirusit, i cili ishte autentik, aty mund të dalloheshin tashmë me lehtësi disa simbole shumë të lashta të shkrimit shqip të përdorura prej të parëve tanë. E tillë ishte një zanore që shkruhej si zanorja "e", por mbante 2 pika sipër, si edhe një bashkëtingëllore që shkruhej si shkronja "c", por që kishte një si gjysëm 5-e, të varur nga poshtë.
Teksti niste me 3 bashtingëllore "DRG" dhe përfundonte me nënshkrimin Kolon... 88'.

Papirusi ishte një kartolinë e vitit 1988-ë dhe një tirans ia dërgonte familjarisht një mikut të tij, në Kolonjë.

Ajo që e bënte zbulimin unik dhe që bënte një kthesë të fortë në historiografinë zyrtare, ishte fakti se dikur shqiptarët shkruanin kartolina me dorë dhe uronin pastërtisht njëri-tjetrin në mijëvjeçarin e shkuar. Ata duheshin dhe kujtoheshin mes tyre. Kjo na çon logjikisht në argumentin logjik, që shqiptarët ishin miq, bënin dhe mbanin miq.

Urojmë që ky zbulim të shërbejë realisht për një rikthim të fortë në drejtim të këtyre vlerave të identitetit tonë mijëravjeçar.

Shkroi: Stop Injorancës http://www.facebook.com/NdalPaditurise2

KOT CHANNEL

2011-12-18T11:28:00.001+01:00

Në televizionet shqiptare ka shumë programe televizive që janë të dështuara që në ideim, apo dhe të tjerë që dështojnë rrugës. Po ashtu nuk mungojnë as programet ku vetë qëllimi i tyre është antiqytetar, antihuman, apo ku drejtuesit e këtyre programeve nuk kanë pikë takimi me etikën qytetare, apo me njohuritë minimale për të shqipëruar publikisht gjuhën shqipe.

E gjithsesi, programi për të cilin donim të diskutonim sot, ia kalon të gjitha kategorive, madje nuk ka as kategori. Eshtë origjinal në unicitetin e tij. Ai në thelb, përpiqet të bëjë humor, i cili nuk është as humor i zi, as i kuq dhe as rozë. As humor anglez, por as shqiptar. Pa kripë, pa sheqer, pa limontos. As satirë, as sarkazëm, as cinizëm...
Nga kanali televiziv i dorës së parë, në të cilin shfaqet ky program, me siguri tërheq shumë shikues dhe përshtypja e parë që le, është një kuriozitet i madh për ta ndjekur deri në fund, paçka se nis në një orë të vonë të së shtunës.

Por pa kaluar as edhe 7-8 minuta nga programi dhe ti nuk ke përjetuar as edhe një lloj emocioni, pozitiv apo negativ qoftë dhe nuk të ka lëvizur asnjë milimetër mimika e fytyrës, nga brenda stomakut të mblidhet një si lëmsh, që përpiqet të të ngrihet me vrull lart në drejtim vertikal, për të shpërthyer me gjithë forcën e tij, nga aparati i gojës, në drejtim të televizorit.
E fill pas kësaj ndjesie të zë një trishtim i madh, një mllef i papërmbajtshëm, që vjen nga vlerësimi që ti ke për humorin dhe artin në përgjithësi.
Kur sheh që programe dhe ide kaq bajate e të pajeta shohin dritën e realizmit, e kupton më së miri batutën e pisët të një Profesori të Historisë, që në nerva e sipër thoshte: "Shitësit e bananeve janë artistët që duhej të ndiqnin shkollat e larta dhe ju studentët e sotëm, në pjesën më të madhe, duhet të shkoni të gjeni një cep, ku të shisni banane".

Në rangun e gjatë të programeve mediokre e vjellëndjellëse, me siguri i ashtëquajturi Pop Channel, zë vendin e parë, i distancuar kështu larg edhe prej ndjekësit të vendit të II-të, humorit të TV Tiranës, i cili ka mbajtur vendin e parë, për gjithë këto vite tranzicioni rrjesht.

Eshtë e vërtetë që ky program nuk abuzon me përqëndrimin e vëmendjes tek seksi, siç ndodh rëndomtë, (duke e shfrytëzuar si temë që shkakton humor nga tabuja që kemi ngritur rreth tij), por padyshim, për çdo artist e artdashës shqiptar, ky program është një realizim po aq banal, sa edhe vetë fjalori i rrugës.

Shkroi: Stop Injorancës http://www.facebook.com/NdalPaditurise2

Shqiptari ndërton Helikopterin e parë në Ballkan - `Made in Presheva`

2011-12-16T13:51:00.000+01:00

Pranvera do të qel në Preshevë me Helikopterin e parë në Ballkan "Made in Presheva"

Nuk po flasim as për Italinë, as për Pakistanin, Amerikë apo Rusinë, por fjala është thjesht për një qytetarë, të riun nga Presheva (Kosova Lindore) të cilit më në fund duket se ëndrra e tij do t’i dal „zhgjëndërr“ dhe do t’i bëhet realitet, duke ia arritur qëllimit të tij, që të jetë njeriu i parë në Ballkan i cili (si individ) e ndërton një helikopter me duar të veta, me një çekiç dhe një palë dane, siç thotë ai, nga "A" deri në "ZH"...Ky është Qani Lutfiu nga Karadaku i Preshevës (Gare). Z. Lutfiu nuk është me profesion fizikanët, as instruktor e as pilot, por siç thotë ai, jam kuadër i „Skenderbeut“, meqë ai ka të mbaruar vetëm shkollën e mesme dhe ka dalë nga dyert e asaj shkolle, nga gjimnazit me emrin „Skenderbeu“.

Lidhur me idenë, punën dhe strukturën teknike të helikopterin „Made in Presheva“ autori i këtij projekti madhështor në Ballkan z.Qani Lutfiu për agjencinë informative kombëtare „Presheva Jonë“ shpjegon se „Helikopteri për momentin është i paraparë vetëm për një individ, pra pilotin. Megjithëse mundësit i ka që të mbajë pesha edhe më të rënda se sa një person i vetëm. Helika e madhe e këtij helikopteri bashkë me zbrazëtirën mes helikave është 4 m e 30 centimetra e cila arrin të bëjë 500 rrotullime në minutë ndërsa e vogla tek bishti arrin në 1 minutë të bëjë më shumë se 1800 rrotullime çka i bie 30 rrotullime në sekondë. Deri në ditën kurrë helikopteri të jetë i gatshëm të fluturojë do të arrijë peshën e 210 kg, kurse kostoja e përgjithshme e këtij projekti madhështor

Helikopteri "Made in Presheva" ndërtuar nga Qani Lutfiu për 1 person të vetëm pa ndihmën e askujt do të kushtojë disa dhjetëra mijë euro. Ketë punë bëjë nga vullneti dhe dëshirë duke vënë në test trurin dhe kapacitetin e njeriut. Sikur të kisha lek ndoshta ma herët e kisha bërë...por kështu dal ngadalë me forcat e mia po ecën puna mbarë. Një traktor po e ndreqi, pak po dalin për familje pak për ndonjë pjesë të helikopterit dhe kështu gradualisht edhe ju kemi ofruar fundit..“
Do shtuar se ky i ri plotë vullnet dhe punëtor nuk e ka as zanatin e mekanikut por ja, siç thotë populli, çka ja shef syri ja punon dora... i cili me një vullnet dhe pasion të madh ka nisur për të realizuar projektin e tij, ndërtimin helikopterit të parë në Ballkan. Se kur do ta kemi helikopterin „Made in Presheva“ në qiell Qani Lutfiu për agjencinë informative „Prtesheva Jonë“ thotë se „pa vullnet nuk bëhet asgjë. Deri më tani i kemi kryer gati punët kryesore dhe tash na kanë mbetur edhe ca të imta për ta ngritur në qiellin e Luginës së Preshevës helikopterin tonë me të cilin jam duke u marrë tash e 2 vjet ...Kur po them tash e dy vjet, në fakt dy vjet s’kam bërë punë intensive, por aty kam punuar herë pas herë. Këtë projekt apo ëndërr e kam filluar para dy vjetësh dhe kësmet, me emër të Zotit si të jemi shendosh e rehat e kam me e qit në dritë së shpejti edhe atë kah Pranvera do ta presim shirit.“ http://zgjohushqiptar.blogspot.com/2011/12/shqiptari-nderton-helikopterin-e-pare.html

Prova gjenetike, shqiptarët e kosovarët autentikë në Ballkan

2011-12-16T13:49:00.000+01:00

I pari fakt gjenetik që vë në dukje autenticitetin e popullit shqiptar, përtej kufijve politikë në të cilët ai gjendet i ndarë.
E më mirë se flasin gjenet, zor se dëshmon historia apo studime të tjera social-kulturore të cilat, pavarësisht vërtetësive, kanë një marzh jo të vogël gabimi. Gjithashtu në të tilla rrafshe mund të ketë deformime shpesh të qëllimshme. Në kurriz të Shqipërisë kjo ka ndodhur jo rrallë. Prova e re gjenetike konfirmon autenticitetin në trojet aktuale, që në kohët shumë të lashta hedh poshtë përfundimisht tezat spekulative që kanë hedhur hipotezën e një migrimi të vonshëm historik të popullsisë shqiptare nga krahinat verilindore të Ballkanit apo dhe më larg, në trojet aktuale. Specialistët e imunologjisë japin të dhëna shkencore.
Studimi i gjeneve
Studimi i kryer me metodat e fundit të biologjisë molekulare, për herë të parë krijon një imazh të qartë të hartës gjenetike të Ballkanit. Gazeta ka publikuar pjesë të këtij studimi javë më parë, dhe jep tashmë të plotë Pemën filogjenetike të popujve të Ballkanit dhe të Europës Juglindore, e hartuar duke u bazuar në distancat gjenetike midis tyre. “Për sa i përket popullatës së shëndoshë shqiptare, në këtë studim u përfshinë 160 individë shqiptarë të shëndoshë dhe pa lidhje gjaku midis tyre, të zgjedhur në mënyrë të rastësishme ndërmjet studentëve të Fakultetit të Mjekësisë të Universitetit të Tiranës, si dhe ndër dhurues gjaku në Njësinë e Dhurimit të Gjakut të Qendrës Spitalore Universitare të Tiranës”, thotë Genc Sulçebe, shefi i shërbimit të imunologjisë në QSUT, i cili bashkë me stafin e tij kanë kryer studimin. Sipas tij, ishin me origjinë nga të gjitha krahinat e vendit dhe u përzgjodhën pasi u deklaruan si shqiptarë etnikë prej të paktën 3 brezash nga të dy prindërit. Për popullatën kosovare u përzgjodhën 120 individë të shëndoshë dhe pa lidhje gjaku ndërmjet dhuruesve të gjakut nga të gjitha rajonet e Kosovës, duke ndjekur të njëjtët kritere si individët nga Shqipëria. Për popullatat e tjera, të dhënat gjenetike u morën nga literatura.
Shqipëria e Kosova

Genc Sulçebe, shefi i shërbimit të imunologjisë në QSUT

Nga gjetjet rezulton se distancat gjenetike midis popullatave shqiptare në Shqipëri dhe Kosovë janë më të afërta me popullatat greke, maqedonase dhe bullgare sesa me popullatën serbe, kroate apo boshnjake. Popullata rumune dhe ajo turke ndodhen më larg të distancuara. Popullata italiane është e afërt me atë rumune dhe njëlloj me këtë të fundit për sa i përket distancës nga popullatat shqiptare. “Me sa duket, ekziston një fond i përbashkët gjenetik midis gjithë popullatave që jetojnë në Gadishullin Ballkanik, por popullatat shqiptare, greke, maqedonase dhe bullgare janë gjenetikisht më shumë të afërta me njëra-tjetrën, pavarësisht nga dallimet e njohura gjuhësore, kulturore ose fetare. Ky fond i përbashkët gjenetik duket se u ka rezistuar migracioneve të njëpasnjëshme dhe valëve pushtuese në këtë rajon”, thotë Sulçebe.
Distancat gjenetike
Studimi përfshiu, përveç popullatave shqiptare në Shqipëri dhe Kosovë, edhe 10 popullata të tjera ballkanike, 12 popullata europiane dhe 2 aziatike. Përfundimet e këtij studimi vënë qartë në dukje afërsinë gjenetike midis popullsive shqiptare të Shqipërisë dhe Kosovës, duke u nisur nga llogaritja e distancave gjenetike. Pasojnë po nga këndvështrimi i distancave gjenetike popullatat maqedonase, greke, bullgare, kroate, boshnjake, serbe, italiane, rumune dhe turke, të renditura këto sipas rritjes së këtyre distancave. Popullatat e tjera europiane radhiten në distanca më të largëta gjenetike, të cilat në përgjithësi janë në përpjesëtim të drejtë me distancat gjeografike. “Ajo që bie në sy në studimin tonë, është fakti se në rajonin ballkanik përvijohen dy grupe kryesore popullatash. Në një grup mund të futen popullatat shqiptare, maqedonase, greke dhe bullgare (distancat gjenetike në rritje nga 0.03 në 0.06), ndërsa në një grup të dytë ato kroate, boshnjake dhe serbe (distancat gjenetike nga 0.07 deri 0.08)”, ka sqaruar Genc Sulçebe. Sipas tij, popullatat italiane, rumune dhe turke, me distancë gjenetike respektivisht 0.12, 0.13 dhe 0.15, janë të vendosura më larg në lidhje me popullsinë shqiptare.

10 popullata
të tjera ballkanike, 12 popullata europiane dhe 2 aziatike janë përfshirë në studimin e kryer nga laboratori i imunologjisë në Spitalin “Nënë Tereza”.

2 grupe
popullatash përvijohen në rajonin e Ballkanit. Në një grup mund të futen popullatat shqiptare, maqedonase, greke dhe bullgare. Në tjetrin ato kroate, boshnjake dhe serbe

Studimi krahasues
Rezultatet e studimit krahasues të profilit genotipik HLA të dy popullatave shqiptare me popullatat e tjera të rajonit ballkanik dhe ato të tjera europiane bënë të mundur hartimin e hartës aktuale gjenetike HLA të popullatave që jetojnë në rajonin ballkanik duke paraqitur me anë të “provës së ADN” raportet e këtyre popullatave në këtë rajon.

Pema filogjenetike e popujve të Ballkanit dhe të Europës Juglindore, e hartuar duke u bazuar në distancat gjenetike midis tyre

Distancat gjenetike të popujve te Ballkanit

Studimi nga laboratort Genetik
Në një tjetër studim të kryer nga laboratori i genetikës pranë maternitetit “Mbretëresha Geraldinë “ disa vjet më parë ka nxjerrë gjithashtu të dhëna mjaft interesante. Sipas tij rezultoi gjenetikisht e ngjashme me popullatën e vendeve të Evropës Veriore është ripërsëritur. Në më shumë se 80 % të rasteve është vërejtur se kemi të njëjtat defekte gjenetike (mutacione) si vendet e Evropës Veriore.

Metodologjia
Genotipizimi HLA (Kompleksi madhor i Pajtueshmërisë Indore) (u krye duke përdorur metodat e biologjisë molekulare në ADN-në e ekstraktuar nga gjaku periferik i pacientëve apo individëve te shëndoshë të studiuar. Distancat gjenetike ndërmjet dy popullatave shqiptare të studiuara dhë popullatave të tjera u llogaritën me anë të programit “Phylip”, nëpërmjet llogaritjes së distancës gjenetike sipas Nei duke përdorur të dhënat e frekuencave të aleleve HLA.
(Panorama)

ZIRINA LLAMBRO

Ateistët bëjnë jetë seksuale më të kënaqshme sesa ndjekësit e besimeve fetare

2011-12-15T14:36:00.001+01:00

Hulumtuesit kanë zbuluar se ateistët bëjnë jetë seksuale më të mirë sesa ndjekësit e besimeve fetare, të cilët ndjehen të rrënuar nën faj gjatë raportit seksual, por edhe disa javë më pas.

Një studim i sapokryer zbuloi se jobesimtarët janë më të lirshëm për të diskutuar mes tyre fantazitë e ndryshme seksuale dhe mbeten gjithmonë më të kënaqur me përvojat e tyre.

Të dyja grupet në studim (ateistët e besimtarët) pranuan që kanë kryer të njëjtat aktivitete si :masturbimin, shikimin e videove pornografike, seksin oral e të tjera, por besimtarët fetarë nuk i kanë shijuar po njësoj këto eksperienca, si pasojë e turpit e ndrydhjes së tyre, të krijuara nga sistemi i tyre i besimit. Studimi zbuloi që kjo ndjesi turpi dhe faji i le atyre ndjesinë e keqardhjes, pasi ata kanë arritur kulmin.

Zbulim u shfaq tek "Seksi dhe sekularizmi" dhe është një anketim i kryer me rreth 14500 njerëz. U realizua prej psikologëve Darrej Rei dhe Amanda Braun, të ardhur nga Universiteti i Kansas.

Për të lexuar studimin e plotë, ndiqni lidhjen tek dailymail.co.uk:http://www.dailymail.co.uk/sciencetech/article-1388827/Atheists-better-sex-religious-followers-plagued-guilt.html

Përktheu: Stop Injorancës

Fisi më i përhapur në botë

2011-12-14T14:57:00.001+01:00

Ende enigmë prejardhja e fisit më të përhapur në botë.

Sipas disa studimeve të fundit, të nxjerra prej statistikave zyrtare të rrjeteve sociale si facebook e twiter, është hasur një fis shumë i madh me përhapje në të gjithë botën, ku sigurisht nuk kishte përse mungonte territori shqiptar.

Ajo që e bën këtë lajm disa fish më të çuditshëm është fakti se të gjitha pjestaret e këtij fisi me shtrirje mbarëkombtare, jo vetëm trashëgojnë mbiemrin vajzëror, por edhe janë të gjithë të gjinisë femërore.

Studiuesit janë ende në konfuzion të madh për të shpjeguar shkaqet e këtij fenomeni dhe mbizotërimi global të fisit me mbiemër "Sweet", që sapo ka kaluar në shpërndarje gjeografike edhe fisin "Sexy", apo "Hot".

Shkroi: Stop Injorancës

Hap gjigand në teknologji.

2011-12-13T10:30:00.003+01:00

Një kompani sekrete pajisjesh elektronike të inteligjencës, e cila ka ekskluzivitetin e saj ridizejnimin e "Makinën e të vërtetës" ka prodhuar së fundmi një aparaturë mikroskopike mjaft inteligjente, e cila mund të montohet me lehtësi nëpër telekamerat e çdo lloji.

Përmes valëve ultra-violet, ajo mund të masë impulset nervore që godasin trurin e njeriut, pikërisht në çastet kur ai gënjen më tepër dhe kur këto impulse arrijnë një pikë kritike, telekamerat reagojnë duke ushtruar si kundrapërgjigje një presion të fuqishëm në qarkullimin e gjakut, në trupin e njeriut që filmohet.

Pajisja moderne, do ti shërbejë shoqërisë njerëzore për të luftuar hipokrizinë dhe demagogjinë publike, në rang mbarëkombëtar.

Pas një testimi të suksesshëm që shkencëtarët realizuan dje, pikërisht në një shtet bananesh, ku pritet të mbillen arrorë dhe ullishte, së shpejti pajisja inteligjente do të dalë në treg nëpër të gjitha qendrat e mëdha të shitjes së pajisjeve elektronike, me një çmim shumë të arsyeshëm.

Shkroi: Stop Injorancës

"Don't Tag Me Please..."

2011-12-07T10:26:00.003+01:00

Toke, si folje quhet përplasja në ajër e duarve të 2 shokëve, një shenjë që simbolizon një bashkim, një gëzim, një fitore.Me fjalën tok si emër, nënkuptojmë edhe mbledhjen e njerëzve së bashku "mblidhemi tok". Gjithashtu me fjalën Tokë nënkuptojmë emrin e planetin tonë, Tokës.

Lidhja që ekziston mes këtyre fjalëve shqip, është nënkuptimi i bashkimit, të së plotës, pasi edhe vetë toka, është produkt i një bashkimi materialesh të ndryshme, duke filluar nga grimcat më të vogla të pluhurit.

Kaq mjafton që ne të kuptojmë se fjala tokë është një fjalë e lashtë shqipe që fsheh brenda vetes një kuptim pastërtisht filozofik.

Por sa fjalë të tjera mund të ketë krijuar shqipja përmes fjalës "tok" e cila nënkupton bashkimin, vetëm duke ndryshuar një zanore apo një bashtingëllore?

Vetë fjala "takim", formohet prej "tak" dhe prapashtesës "im". Takimi është gjithashtu proçes bashkimi i dy apo më shumë njerëzve dhe ruan kuptimin logjik të fjalës.

Po përse vallë fjala "tok" duhet të ketë marrë kuptimin e bashkimit?
Pikërisht sepse njerëzit e parë emëronin sendet e fenomenet, pikërisht sipas tingujve që dëgjonin në natyrë. (Bubullimë, shkreptimë, ciu-ciu etj)

Si është tingulli që bën qukapiku kur godet pemën? Tog-tog.
Si është tingulli që bën kur i bini derës? Tak-tak
Si ëshë tingulli që bëjnë akrepat kur ndërveprojnë me zemrekun e orës? Tik-tak

Pra fjala "tok, tog, tag, tak" janë e njëjta fjalë që ruan të njëjtin kuptim.

Le të shohim tani se si kjo fjalë natyrale ka derivuar e marrë kuptime të ndryshme në gjuhë të tjera, por duke ruajtur në thelbin e saj.

Në turqisht me "tok" nënkupton të plotën. Por si formohet e plota? Sigurisht nëpërmjet bashkimit.
Në gjermanisht me "tok" nënkuptohet kërcitja, që sigurisht formohet përmes përplasjes së 2 trupave.
Në rusisht me tingullin "tok" nënkuptohet sot thirrja me zë të lartë.
Në frengjisht me "tok" nënkuptohet ngopja, në anglisht "e plota" që së bashku ruajnë kuptimin logjik të bashkimit, takimit, mbushjes.
Toga si kuptim ushtarak, ruan gjithashtu kuptimin e bashkimit të disa ushtrëve, të cilët formojnë kështu togën dhe ai që i drejton quhet "toger".

Nëse studiuesit e huaj do të njihnin e nuk do të injoronin qëllimisht shqipen, nuk do bënin gabimin trashanik që fjalën angleze "together" që përkthehet bashkim, ta ndanin në "to + gædere", por do ta ndanin në "tog+ether".

Edhe fjala "tag" që sot rëndomtë nënkuptojmë etiketimin në një material në facebook, një material rreth së cilit bashkohemi, nënkupton një bashkim të vogël, duke ruajtur kështu kuptimin fillestar të konceptit.

Gjuha baske që merret si një gjuhë shumë e lashtë për prekjen mes 2 trupash përdor "ukitu". provojeni ta lexoni së prapthi.
Gjuha çeke "dotek"
Iralndezja "tadhaill"
Spanishtja "contacto" Sllovakja "dotyk"
Sllovenia "dotik"
Latinishtja "tactus"
Ukrahinsja "дотик"
Portugezçja "toque"
Turqishtja "dokunma"

Jo më kot në italisht "toccare" nënkupton prekjen, pra bashkimin mes dy trupave, e cila në anglisht shkon e bën "touch" në frengjisht "tactile" e në gjermanisht "Kontakt", pra kon+tak't - kanë tak (prekur, takuar).

Kemi edhe fjalën "atack' ku natyrshëm ruhet i njëjti kuptim, i përplasjes mes 2 apo më shumë trupave dhe shumë rastësi, përbëjnë një provë.

Prandaj të dashur bashkëatdhetarë, të duam, ta njohim gjuhën tonë shqipe, jo thjeshtë sepse është gjuha jonë me të cilën kemi folur fjalët e para që na ka mësuar nëna, por sepse mbi të gjitha është një thesar i madh njerëzor, thesar me anë të cilit jo vetëm do të mësoni më lehtësisht gjuhët e huaja, por edhe do ti kuptoni më qartësisht ato.

Kur të arrini deri këtu, do të bindeni padyshim për madhështinë, perfeksionin e shqipes, sepse është një gjuhë natyrale, e pjekur ndër mijëvjeçarë të tërë të përsiatjes njerëzore për tu zhvilluar.

http://www.facebook.com/NdalPaditurise2

Shkroi: Stop Injorancës!

Zakoni i skllavërisë

2011-11-30T14:03:00.000+01:00

Skllavëria, si çdo pësim tjatër, pasi rëndon ca kohë në kurriz, bëhet ¬më në funt një zakon i pëlqyer, dhe ata që e mbajnë mi xverk e durojnë me gëzim. Veçan atyreve që lindin skllav, u është skllavëria si një natyr' e dytë dhe ata jo vetëm s'marin vesh çdo me thënë liri, po ndiejnë një farë urrejtje për mprojtësit e lirisë dhe ushqejnë respektin më të thellë për tiranët ekspertë të shkopit dhe të zinxhirit.
Këto që thomi s'janë theori të thata. Kemi fakte historike që i provojnë. Dini të gjithë se që më 1861 e gjer më 1865, u-bë n'Amerikë një luftë civile e madhe në mes të Shteteve të Veriut e të Shteteve të Jugës.

Veriu, me Lincolnin si President, i qojti gjithë skllevët të lirë. Juga nuk pëlqeu këtë veprim. Juga deshi t'a mbajë skllavërinë si një institutë legale, dhe u-nda nga Veriu duke u-prokllamuar një republikë më vete me Jefferson Davis-in si President. Fundin e di çdo njeri: Juga u-munt, Amerika u bashkua përsëri, dhe skllaveria u-çduk për gjithënjë. Lincoln-i u-vra në mbarim të luftës. Davis-i rojti gjer më 1889, si njeri prevat, -dhe bukuria është se çngjau kur vdiq ky njeri që kish derdhur aqë gjak për të mprojtur skllaverinë: ngjau kjo gjë e çuditshme, që dymij ish-skllev vazhduan duke qarë qivurin e Davis-it!
Shikoni forcën e zakonit: skllavi i çliruar kish zemrën dhe dashurinë të lidhur me armikun e çlirimit. Kur qenka ashtu natyra e njeriut, a është çudi që një shumicë Shqipëtarësh të kenë në shpirt të tyre adhurimin e zgjedhës?
Bij, nipër, stërnipër skllevësh, skllev vetë, fjala liri nuk është për ta veç se një gjë misterioze dhe e rezikshme, e cila duhet ose lëftuar ose pritur me të ftohtë.

Të lirë nga krahët, truri i tyre është i lidhur me zinxhirë.

FAIK KONICA (Botuar më 1923)

Kurrë nuk e kam kuptuar tifozerinë....

2011-11-30T14:01:00.000+01:00

Të jesh tifoz i Barcelonës së ditëve të sotme, është dembelizëm i madh. Stop Injorancës

Padija është shumicë, është pushtet

2011-11-30T13:59:00.000+01:00

Çdokush prej nesh është i lirë të besojë çfarëdo që të dojë, por në pikëpamjet e mia, shpjegimi më i thjeshtë i mundshëm është: NUK KA ZOT.

Askush nuk e krijoi Gjithësinë dhe askush nuk drejton fatet tona. Rrjedhimisht, nuk ka as Parajsë dhe as pasjetë gjithashtu.
Ne kemi vetëm këtë jetë, për të vlerësuar madhështinë e Universit dhe për këtë... ndjehem tmerrësisht mirënjohës dhe i gëzuar.
(Stefën Houking)

Ishte pikërisht ky përkufizim, që nxiti miliarda besimtarë nga e gjithë bota, që shkencëtarin më inteligjent të kohrave moderne, ta trajtonin si një Idiot. Stop Injorancës

Rama, një tjetër vegël e një politike të verbër

2011-11-30T13:57:00.000+01:00

inferiore shqiptare, në mënyrën e të parit provincialisht dhe me drita të shkurtra, çështje kaq thelbësore, si ajo e të drejtave të shqiptarëve në rajon.

Me siguri, atje ku opinioni i tij (dhe jo i opozitës shqiptare) ndahet prej opinionit të Albin Kurtit, aty ndahen edhe prej tij shumë qytetarë, opozitarë të pushtetit të sotëm në Shqipëri.

Kjo kasë e kalbur politikanësh, nuk shohin dot më Kuq e Zi, por veç blu e rozë, duke harruar se nëse nesër bie euroja, ai Bashkim Europian apo qoftë edhe NATO-ja, ku sipas tyre duhet të integrohemi para së gjithash, do të na duhet të mbijetojnë duke u mbështetur vetëm në krahët e njëri-tjetrit. Stop Injorancës

Pjesë e shkëputur nga diskutimi i djeshëm mes Ramës dhe Kurtit:

Rama - Në këtë pikë kemi një dallim. Ne jemi absolutisht kundër çdo lloj politike shndërrimi territoresh. Për ne është e panegociueshme asnjë copë tokë e territorit shqiptar apo kosovar. Për aspektin tjetër ne duhet të integrojmë shqiptarët kudo që ndodhen”, tha kryetari i Partisë Socialiste, Edi Rama.

Kurti - “Shqiptarët kanë nevojë dhe mirëpresin integrimin e jashtëm në organizmat e ndryshëm ndërkombëtarë. Njëkohësisht jemi të vetëdijshëm që integrimi i jashtëm nuk është zëvendësim për integrimin e brendshëm, që shqiptarët pavarësisht kufjve që i ndajnë padrejtësisht, të takohen dhe të bashkëpunojnë, sepse kombi nuk është vetëm kulturë edhe vetëm gjuhë, por njëkohësisht është edhe politikë kombëtare dhe ekonomi kombëtare”

Shifrat e kriminalitetit në Shqipëri

2011-11-30T13:45:00.002+01:00

Në vitin 2006-ë, Shqipëria është renditur në vendin e 4-t për numrin e vrasjeve, në raport me numrin e popullsisë. Padyshim, në këtë humnerë, kemi bërë hapa para...

Kronika e djeshme:
- Vlorë, vritet me armë zjarri një 40-vjeçar dhe 2 të tjerë plagosen.
- Krimi në familje, burri vret gruan ditën e festës.
- Fushë-Krujë, tre të vdekur nga një familje nga përplasja e një makine me autobusin.

Ka ardhur koha mos të gjykojmë më pasojat, por të drejtohemi për tek shkaku i kësaj krize të rëndë sociale! Stop Injorancës !

Peshku qelbet nga koka, por peshku ynë edhe kokën e ka by**!

2011-11-30T13:44:00.000+01:00

Berisha: Të drejtat e shqiptarëve në Maqedoni janë përmirësuar dukshëm...

- Maqedoni, gjuha shqipe nuk përdoret në dokumente zyrtare
http://stopinjorances.blogspot.com/2009/10/maqedoni-gjuha-shqipe-nuk-perdoret-ne.html

- Maqedoni, kisha mbi Kala, përleshen shqiptarë e maqedonas
http://stopinjorances.blogspot.com/2011/02/maqedoni-kisha-mbi-kala-perleshen.html

- Tjetër skandal në Maqedoni. I refuzohet leja e qëndrimit të përhershëm, publicistit Arben Llalla
http://stopinjorances.blogspot.com/2010/09/tjeter-skandal-ne-maqedoni-i-refuzohet.html

- Maqedoni, digjet flamuri shqiptar
http://stopinjorances.blogspot.com/2010/12/maqedoni-digjet-flamuri-shqiptar.html

- Maqedoni, përleshje me armë në kufi me Kosovën, 4 të vrarë
http://stopinjorances.blogspot.com/2010/05/maqedoni-perleshje-me-arme-ne-kufi-me.html

- Maqedonia, si i fsheh shqiptarët, pa shtetësi.
http://stopinjorances.blogspot.com/2009/12/maqedonia-si-i-fsheh-shqiptaret-pa.html

- Grabitet trashëgimia kulturore shqiptare në sy të UNESKO-s
http://stopinjorances.blogspot.com/2009/11/grabitet-trashegimia-kulturore.html

- Mos ua vidhni historinë shqiptarëve !
http://stopinjorances.blogspot.com/2009/09/mos-ua-vidhni-historine-shqiptareve.html

- Enciklopedia maqedonase fyen shqiptarët
http://stopinjorances.blogspot.com/2011/01/u-flet-shqip-maqedonasit-e-prespes.html

- U flet shqip, maqedonasit e Prespës sulmojnë diplomaten
http://stopinjorances.blogspot.com/2011/01/u-flet-shqip-maqedonasit-e-prespes.html

- Shqiptarët e Maqedonisë: Të na jepet shtetësia shqiptare
http://stopinjorances.blogspot.com/2010/06/shqiptaret-e-maqedonise-te-na-jepet.html

- Revolta e shqiptarëve: Shkupi na pengon arsimin
http://stopinjorances.blogspot.com/2010/01/revolta-e-shqiptareve-shkupi-na-pengon.html

Kjo është vetëm një panoramë e shkurtër dhe e paplotësuar e ngjarjeve të 2 viteve të fundit në shtetin Maqedon.

Stop Injorancës
Peshku qelbet vërtetë nga koka, por ky kryepeshku ynë edhe kokën e ka by**!

Amerika ndërron bindjet, apo ambasadorët çdo 4 vjet?!

2011-11-30T13:09:00.002+01:00

Amerika ka ndryshuar qëndrim ndaj politikanëve shqiptarë, apo thjeshtë ka ndryshuar ambasador...?!

Stop Injorancës

Cila është gjuha më e lashtë e botës?

2011-11-30T13:07:00.000+01:00

Apo duhet të pyesim: Cila është gjuhë natyrale dhe jo gjuhë e përpiluar prej murgjsh mesjete? Stop Injorancës !

Bibla, kurani dhe urrejtja mes njerëzve

2011-11-30T13:04:00.000+01:00

Zëdhënësi i Vatikanit, Frederiko Lombardi deklaroi se policia ka arrestuar personin i cili ka qëlluar me armë pranë katedrales, në Enfurt të Gjermanisë në mbajtjen e një meshe nga Papa Benedikti i XVI-të dje dhe gjatë që arrestimit ka arritur të plagosë gjithashtu edhe një roje të sigurisë.

Si shpjegohet kjo urrejtje e madhe në këtë botë, në një kohë kur vetë Bibla dhe Kurani, janë librat më të përhapur mes njerëzve?! Stop Injorancës

Detajet bëjnë ndryshimin

2011-11-30T13:01:00.002+01:00

Thonë që mënyra më e mirë për të nisur ndryshimin pozitiv në mënyrën e të parit të jetës, është t'ia nisni që nga detajet më të vogla...

Shqipëri - Greqi janë hequr vizat nëse s'keni origjinë nga Çamëria

2011-11-30T12:59:00.000+01:00

Policia greke nuk lejon hyrjen në Greqi të një çifti çam

Policia greke nuk ka lejuar gjatë paradites së sotme hyrjen e një çifti me origjinë çame në Greqi. Sali e Luljana Bajo janë ndaluar nga policia greke në pikën doganore në Kakavijë për të hyrë në Greqi.

Bajo ka thënë se policia greke i ka kthyer pas për shkak të origjinë çame. Ata kanë deklaruar si vendlindje fshatin Marglliç në Çamëri. Sipas Bajos, policia greke u ka deklaruar se çamët nuk janë të mirëpritur në Greqi.

Ky është rasti i disatë brenda një kohe të shkurtër, që qytetarët me origjinë çame nuk lejohen të hyjnë në Greqi. (Tema)

Foto e kapur në zonën artificialisht të mbushur, me pensionistë grekë. Stop Injorancës

Kau dhe ujku

2011-11-30T12:56:00.000+01:00

Besoj se të gjithë e keni parë dhe e mbani mend filmin vizatimor me titull: "Kau dhe Ujku", ose popullorçe "...pa brirë ti je mbret"!

Nëse ju mbahet mend, ujku ecte duke fishkëllyer 2 hapa para dhe 1 pas. Sot BE deklaron se politika shqiptare bën 1 hap para, 2 hapa pas.

A kuptoni tani se kush është kau e kush ujku, e për çfarë lloj ujku flitet? Stop Injorancës

Serbia e rënë në grackën shqiptare.

2011-11-30T12:36:00.000+01:00

Situata e nderë në veri të Kosovës, ka detyruar forcat e KFOR-it të kërkojnë rreth 700 forca ushtarake përforcime në kufi.
Qindra e qindra mercenarë të armatosur serbë e rusë, kontigjenti më kriminal e mafioz i Serbisë paguhet e përdoret prej politikës shoviniste serbe për të krijuar një vrimë të zezë në Europë duke bllokuar rrugët, duke shkatërruar, djegur e madje edhe duke vrarë me snajper edhe një polic të forcave speciale kosovare.

Shteti i Kosovës për herë të parë ka tentuar të marrë në zotërim të gjithë sipërfaqen e tij, e pikërisht pikat doganore 1 dhe 31, për të zbatuar regjimin e reciprocitetit me shtetin serb, i cili që prej vitit 2008-ë nuk i pranon mallrat kosovare.
SHBA dhe BE kritikojnë rëndë ndërhyrjen legjitime të forcave policore kosovare në territorin e saj.
Ky reagim i qeverisë ka marrë gjithashtu edhe përkrahjen opozitare të Vetvendosjes, e cila së fundmi kërkon mbështetje gjithëpopullore dhe krijimin e gjendjes së emergjencës.

Ishin pikërisht forcat ndërkombëtare që lejuan krijimin e një Mitrovice të ndarë më dysh, ku pjesa veriore e saj mbeti jashtë administrimit të shtetit Kosovar dhe janë pikërisht po këto forca që lejuan djegien e shkatërrimin e pikave doganore, për të mos derdhur më tej gjak.

Por Enver Zyberi, a mos vallë nuk ishte një djalë nëne, a mos vallë gjaku i tij kushtonte më lirë?

OKB hesht akoma dhe Serbia tregohet e gatshme për të flijuar të ardhmen europiane të saj, për të mos humbur territorin e Kosovës, tashmë të humbur.

Politikanët shqiptarë, jashtë e brenda territorit shqiptar unifikojnë qëndrimin e tyre duke mbështetur reagimin qeveritar të Kosovës, madje kërcënojnë se përshkallzimi i situatës mund të rindezë konflikte të armatosura etnike edhe në Maqedoni.
Ideja serbe për të krijuar një zonë autonome në veri të Kosovës, detyrimisht do të pasohej me kërkesën e shqiptarëve të Preshevës, Bujanocit e Medvegjësë për një autonomi.

Ajo Serbi e madhe ushtarake, tashmë është kthyer në një fatkeqe që luan dhe vendos për fatin e saj, në duart e disa qindrave kontigjentëve kriminalë, të cilët marrin gjithashtu edhe bekimin prej klerit të tyre ortodoks.

Bllokimi i rrugëve që lidhin veriun e Kosovës me Serbinë, po çon paradoksalisht ujin në mullirin shqiptar, duke nxitur biznesin shqiptar të shtrijë degët e tij edhe në Kosovë, duke nxitur kështu dashur e padashur bashkëpunimin dhe shkrirjen graduale të 2 shteteve shqiptare, në 1.

Shkroi: Stop Injorancës

Etimologji, sekreti e fuqia e shqipes

2011-11-30T12:17:00.002+01:00

Duke qenë se gjuha është treguesi i vërtetë i ecurisë së një kombi, çdo shqiptari të ndershëm i del si detyrë themelore mirëmbajtja e gjuhës sonë të lashtë. Është koha e duhur që të krenohemi me gjuhën tonë, duke luftuar për t'i dhënë asaj vendin që meriton. Përmasat e saj të vërteta janë pluhurosur sot nga gremisjet e kohëve dhe gjenden mjerisht nën këmbët e ecurisë së disa kombeve evropiane dhe gjuhëve të tyre, ku këto të fundit mbahen për gjuhë të fisme. Por shumë shpejt historia e gjuhësisë do ta shohë të vërtetën në sy e ajo e ka emrin GJUHA SHQIPE.

Dega e gjuhësisë që studion prejardhjen e një fjale, ETIMOLOGJIA, nuk mund të bëjë dot pa Shqipen.

Mjaft gjuhëtarë evropianë i kanë bishtnuar këtij fakti dhe sot nevojitet të bërit një ndryshim i madh në etimologji, për hir të së vërtetës. Gjithsesi, nuk kanë munguar gjuhëtarët që e kanë trajtuar rolin e shqipes në fjalëformime. Albanologë si Hahn, Vajgand, Majer, D?Anzheli, Myler, Zhak, Belushi, Falaski, Shuflaj, Kola, Çabej apo Demiraj kanë punuar, kush më shumë e kush më pak, në vazhdën e rilindasve shqiptarë, për të ngritur shqipen nga rrënojat mesjetare. Ka pasur debate shkencore, vazhdon të ketë dhe në të ardhmen debati do të bëhet betejë. Përfundimet janë të paparashikueshme, por një gjë dihet mirë: SHQIPJA DO TË FLITET PËRJETËSISHT !

Qëllimi parësor i këtij shkrimi është rritja e ndërgjegjësimit ndër shqiptarë për gjuhën e madhe që kemi folur e flasim. Si objekt, do të shohim disa rrënjë Shqipe në fjalë të huaja. Nuk do të përmendim këtu zëshmimin, rotacizmin a përngjashmimin për të lehtësuar gjuhën, por kjo nuk do të thotë se nuk do të dëshmojmë pjesërisht se gjejmë gjurmë të shqipes në disa gjuhë të huaja. Sado i gjejmë sot shpesh mes nesh, ca edhe me tepri, italishtja, spanjishtja, gjermanishtja, anglishtja, rumanishtja, sllavishtja, greqishtja, turqishtja e latinishtja flasin një shqipe të heshtur. Historia tregon se fise ilire apo pellazge jetonin edhe në Italinë e sotme, veç Ballkanit, përshembull mesapët e japygët, ndërsa Herodoti përmend se venedikasit ishin me prejardhje ilire (Herodoti, pj.1, fq.196). Vërtet, venetët, paraardhësit e venedikasve mbajnë në emrin e tyre të lashtë fjalën e lashtë shqipe VEND, në dialekt VEN. Të jetë një rastësi? Ka shumë mundësi. Por edhe studiuesi Aristidh Kola pohon se ??shumë emra italianë sot tregojnë prejardhjen e tyre nga shqiptarët dhe? ilirët e lashtë përbënin hallkën lidhëse midis helenëve dhe romakëve.(Arvanitasit, A. Kola, fq. 231).

Në fakt, po të vëmë re fjalën italiane (dikur latine) GAMBA, do të shohim se ngjason disi me fjalën tonë KËMBË, në dialekt KAMBA. Gjithashtu, italianët i thonë GOLA fytit, ndërsa në Shqipe kemi fjalën GOJA, e cila duket më qartë në foljen INGOIARE të italishtes, që do të thotë GËLLTIS, FUS NË GOJË. Fjala MENTE e italishtes ngjason me fjalën MEND/MENDJE të Shqipes. Të jetë edhe kjo një rastësi? Por rastësi të tjera gjejmë edhe në shumë folje të italishtes, dikur të latinishtes. Kështu CREARE është e njëjta me foljen tonë KRIJOJ. Por ndërkohë që italianët kanë fjalën TESTA për kokën, sikurse latinët kanë CAPUT, shqipja ka fjalën KRYE, në dialekt KRE, që duket të jetë rrënja e vërtetë e fjalës së huaj CREARE. Njësoj ia nxjerrim kryet edhe foljes italiane LAVARE, që në shqip përputhet me foljen tonë të lashtë LAJ, me rrënjë LA-. Kujt t?ia ketë marrë kujt? Nuk e dimë, por shohim njëherë edhe foljen italiane DARE, që është JAP e Shqipes. Në kohën e kryer të thjeshtë folja jonë bën DHA, që është e njëjta rrënjë me italianen DA(-RE). Edhe folja APRIRE e italishtes bën HAP, në dialekt AP.

Pyesni veten, a ka mundësi që folja tjetër e italishtes LASCIARE [lexo: LASHARE] t?i jetë dhënë shqipes LËSHOJ? Duhet dyshuar se LËSHOJ e shqipes ka për rrënjë foljen LË. Po sikur të jetë e anasjellta? Edhe folja VESTIRE që i përgjigjet shqipes VESH, MBATH duket të ketë për rrënjë foljen tjetër të shqipes VË, në dialekt VE. Po kështu, një tjetër folje e italishtes, SMARRIRE (HUMBET, VYSHKET në shqip) duket të ketë foljen tone MARR (PRENDERE në italisht) në trup të saj, që i jep kuptimin HUMB DIÇKA, MARR NGA GJENDJA FILLESTARE. Këtu rastësitë rriten. Por sa rastësi gjejmë në fjalën latine VETERANUS që e paska prejardhjen nga VETER- dhe VETUS po të latinishtes, sipas fjalorit të njohur origjinë-shpjegues amerikan Merriam-Webster (botimi 1994). Edhe në shqip është fjala I VJETËR, porsi latinishtja VETER, por vitit në Shqip i thuhet VIT ose VJET, ç?ka formon edhe mbiemrin I VJETËR, kurse latinët e neolatinët kanë ANNUS për fjalën tonë VIT. Të tjera ?rastësi? gjejmë edhe në fjalët latine ANGUSTUS (- I NGUSHTË), ECCE (- QE, JA) e plot të tjera që nuk po i sjellim këtu.

Gjurmë të Shqipes gjenden edhe në mjaft emra krahinash apo vendesh në Italinë e sotme (se mos vetëm aty!). Rrethinat dhe qyteti i Barit në Itali, vendbanimi i japygëve dikur, është një fushë e tërë, dikur vetëm me? BAR. Aty nuk ka asnjë pllajë. Qyteti i Brindizit ndodhet sërish në bregdetin Adriatik. BRINDISI në italisht do të thotë DOLLI, por kemi përshtypjen që dollitë e kohëve të hershme nuk ngreheshin si sot, me gota apo shishe, por me BRI, ç?ka duket të jetë edhe rrënja e fjalës italiane për dollinë, BRINDISI. Si të shpjegohet fakti që në Itali gjendet një qytezë me emrin PULA (në Sardenjë) dhe por krejt njësoj gjendet edhe në bregdetin e Kroacisë, dikur dalmato-liburn (ilir). Për etimologjinë e qytetit të vjetër Trieste, Prof. Shaban Demiraj mendon se vjen nga bashkimi fjalor TREG-ËSHTË, dikur TRIEG-ESTE. Theksojmë këtu rolin tregtar që ka patur e ka ky qytet si pikë kyçe në Adriatik. Emërtimi TOSKANË që gjendet në Itali ngjason me atë TOSKËRI të Shqipes, ndërsa arsyetimin historik të kësaj pse-je e plotëson Prof. D?Anzheli.

Vullkani Etna në Siçili duket të ketë një emër të lashtë. Ky është një nga më vepruesit dhe nuk pushon edhe sot së shpërthyeri. Kur një trup është shumë i nxehtë, për të thuhet se KA ETJE, ËSHTË MJAFT I ETUR (që këtej dallohet dialekti E ETUNA, E ETNA). Rrënja ET e Shqipes formon edhe fjalë të tjera. Moria e fjalëve dyshkronjëshe e dytingujshe të Shqipes (si ERR, DHE, KA, PA, LË, VË, IK, etj.) sjellin zbulime aspak paqësore për gjuhët e sotme evropiane. Edhe fjala TERRORIST, aq e lakuar dhe ?e dashur? për veshët e sotëm botërorë, flet shqip! TERRORIST vjen nga latinishtja TERROR dhe TERR që do të thotë FRIKËSOJ. Por në Shqip është fjala TERR ose ERRËSIRË, që kanë rrënjë të përbashkët ERR. Kjo folje shqipe ka edhe kuptimin MBYLL, PRISH, DËMTOJ, NXIJ e gjëra frikësuese si këto, pikërisht dalluese për një? terrorist. Ndalemi këtu me italishten për shkak nxënësie, por gjurmë të shqipes gjejmë edhe në emra kafshësh, vendesh, sendesh dhe gjiri fisnor.

Latinishtja, gjithsesi ruhet ende më mirë në gjuhën spanjolle. Fjala spanjolle TREQUE [lexo TREKE] përkthehet TREG, SHKËMBIM, ndërkohë që fjala e zakonshme spanjolle për tregun është MERCADO. Spanjollët u thonë buzëve BOZO, ndërsa vajzës CHICA [ lexo ÇIKA], ashtu si një dialekt i yni që i thotë vajzës ÇIKË/-A?. Ndërkohë që në spanjisht ngjyrës së bardhë i thonë BLANCO, pulëbardhës i thonë PARDELA. Nga gjuhësia shohim se bashkëtingëllorja buzore P është e njëjtë me atë B, me përjashtim të zërit. Njësoj ndodh edhe me ato dhëmbore D e DH, nga ku rrjedh se PARDELA (në shqip PULËBARDHË) është e njëjta gjë me BARDHELA. Në spanjisht gjendet fjala MAS, që i përgjigjet shqipes MË, në dialekt MA.
Kjo rastësi?
Spanjolle ka të njëjtat kuptime që ka edhe fjala shqipe. Ajo përdoret edhe si ndajfolje, edhe si pjesëz formuese e shkallëve të mbiemrit, njësoj si në Shqip. Sasia e fjalëve të spanjishtes që kanë lidhje me shqipen është krejtësisht e shpjegueshme sikur gjuhëtarët e historianët të marrin parasysh teorinë pellazgjike. Ndër të tjera, ajo thotë se ka pasur lëvizje pellazgësh nga trojet tona për në gadishullin Iberik të sotëm, ku një pjesë u ngul aty dhe një tjetër vërshoi drejt Britanisë së sotme (shih Kola dhe D'Anzheli).

Për të mbërritur te gjuha angleze, parathuhet se kjo është e formuar nga një sasi gjuhësh (kelte, gjermanike, nordike, frënge, etj.). Duke pasur gjurmë të latinishtes, në anglisht gjejmë lehtësisht fjalë që përmbajnë rrënjë të shqipes. Po përveç këtyre, gjenden edhe fjalë të tjera larg latinizmave e krejtësisht të ngjashme me shqipen. Demit apo buallit (në dialekt BULL) anglezët i thonë BULL, ndërsa LOPES (apo KAUT) i thonë COW [lexo KAU]?. Fjala VDEKJE haset në dialekt edhe DEKË, DEKA, kurse në anglisht gjendet si DEATH [lexo DETH]. A mund të jetë një rastësi që folja CRY e anglishtes është e njëjtë me QAJ të Shqipes? Po ta zbërthejmë, folja QAJ, siç e ruan gegërishtja, bëhet KLAJ dhe folja angleze CRY lexohet KRAJ. Njësoj gjejmë foljen KNOW [lexo NOU] që do të thotë NJOH dhe foljen SEE [lexo SI] që përkthehet SHOH (krahaso SHIH). Kështu vijojnë edhe folje si STRETCH [lexo STREÇ] që përkthehet SHTRIQ, SHTRIQEM. Gati të gjitha fjalët e lartpërmendura të anglishtes nuk hasen në gjuhët neolatine. Sërish, ndalemi këtu me anglishten.

Por edhe në gjermanisht, si një nga gjuhët e trungut të ashtuquajtur indoevropian dhe që ka formuar edhe gjuhën angleze, gjejmë fjalë si MILCH që është QUMËSHTI në Shqip. Në fakt, ky ushqim është pikërisht ai që njeriu ua mjel kafshëve, apo, më mirë të themi, ai që MILLET (krahaso foljen MJEL, MIL me MILCH). Në gjermanisht egziston edhe folja MELKEN që përkthehet MJEL. Gjejmë edhe folje të shumta, ku spikat folja RENNEN që përkthehet REND, d.m.th., VRAPOJ; po t?i heqësh mbaresën dalluese gjermane foljes RENNEN, përftohet forma dialektore e shqipes REND. Kështu kemi REN në shqip dhe REN në gjermanisht si folje të të njëjtit kuptim, duke kujtuar se kështu u bërtiste Frederiku i Madh ushtarëve të tij për në luftë.

Listës sonë të përciptë në këtë shkrim i shtojmë edhe foljet SPOTTEN [lexo SHPOTEN], DREHEN, KAPERN që përkthehen përkatësisht SHPOTIS, DREDH dhe KAP. Gjykojeni vetë ngjashmërinë. Për të cituar ndonjë mbiemër të gjermanishtes, po zgjedhim LEER, që përkthehet I LIRË. Kështu gjendemi në të njëjtin trung me gjermanishten, në atë që njihet si indoevropian, por teza pellazgjike nuk e përmban domosdoshmërisht njohjen e gjuhësisë indoevropiane. Sipas Kolës, gjuha e pellazgëve, etruskëve, helenëve (mos i ngatërroni me grekët e sotëm), ilirëve, arbërve dhe shqiptarëve të sotëm, SHQIPJA, nuk ka të përbashkëta me ç?ka mund të quhet ?indiane?. Ai nuk pranon lëvizje të hershme popullsish nga India e sotme drejt Ballkanit perëndimor e Mesdheut të tilla që të kenë formuar trungun pellazgjik. Kurse të paktën historia dëshmon për pushtimin territoresh gjermanike nga Perandoria Romake, për përbërjen e së cilës i kemi do fakte. Sidoqoftë, enigmat janë të mëdha dhe dokumentet e njohura historike të pakta.

Kurse përsa i takon grekëve të sotëm, ata krenohen me perënditë e tyre të Olimpit, me historitë e Trojës apo me Odisenë. Se si ka përfunduar Greqia e sotme dhe greqishtja e sotme, këtë e dëshmojnë disa studime albanologjike të D?Anzhelisë, Kolës, etj. Se ç?fatkeqësi qe për popullin tonë historia e Greqisë dhe greqishtes së sotme, këtë nuk mund ta tregojmë në pak rreshta, faqe apo libra. QË TË VËRTETOSH SE JE GREK (D.M.TH., HELEN), MË PARË DUHET TË PROVOSH SE JE ARVANITAS, - pohon Aristidh Kola. Kjo thënie e dyshimtë në dukje është sa e vërtetë, aq edhe rrëqethëse për vetë faktin se si është shkruar (apo duhet thënë shkarravitur) historia botërore. Vërtetë, greqishtja ka pjesën e saj në formimin e latinishtes apo të anglishtes, por ç'është greqishtja e çfarë e ka formuar atë? Ç'e ndan greqishten e vjetër nga atë të re? Pse fjalori i Isiodit me fjalë homerike (shih Kola, 171-3) ngjan krejt me shqipen dhe aspak me greqishten e sotme?
Pse D'Anzheli dhe Kola ranë në të njëjtat përfundime, pa ditur studimet e njëri-tjetrit, të tilla që të pohojnë se Shqipëria dhe Greqia e sotme duhet të ishin metafizikisht i njëjti shtet? Pse sot pjesa më e madhe e shkencëtarëve e kundërshton hipotezën pellazgjike, edhe pse mjaft cepa të Evropës flasin etimologjikisht shqip? Pse transformohen thëniet e Herodotit dhe shtrembërohet Homeri? Përgjigjet janë më në jug të Greqisë dhe diku më në lindje e veri të Ballkanit. Por që të kuptosh të gjitha këto vlerësime, teza e hipoteza, duhet së pari të kuptosh se ku e si gjendet shqipja, vlerat e saj dhe përmasat e saj.

Etimologjinë e fjalës PELLAZG
D'Anzheli e shpjegon nga fjalët PJELLË + E BARDHË (Enigma, fq. 85). Më i ndërlikuar është versioni i Strabon-Mylerit, por më bindës. Etimologjinë e fjalës HELEN Kola e shpjegon në të njëjtën mënyrë që bën me fjalën ILIR, nëpërmjet rrënjës I LARTË në dialekt. Njësoj shpjegohet edhe emri tjetër i Trojës, ILION (krahaso ILIADA). Emërtimin ETRUSK D'Anzheli e shpjegon nëpërmjet fjalës së vjetër të shqipes DRU në njërin version dhe DUSHK në tjetrin. Këtu mund të shtojmë edhe të famshmit DRUIDË në Britani, që kanë lidhje etnografike me ETRUSKËT. Etimologjia e fjalës ARBËR shpjegohet nga e njëjta rrënjë e lashtë e fjalës pellazg. Ka variante që fjalën SHQIPTAR e nxjerrin nga EXIBERE e latinishtes dhe të tjera që e duan nga shpendi krenar, i lirë e i rrallë, shqiponja. Vazhdon të ketë debate mbi këtë, por disa studiues mediokër nuk duan t?i studiojnë edhe kriteret e këtij populli të lashtë, krahas fjalëve shqipe apo joshqipe.

Fjalori i njohur i përpunuar Merriam-Webster nuk e përmend fare Gjergj Kastriotin në fletët që ia kushton biografisë (njerëzve të shquar) botërore, ndërkohë që gjejmë aty lloj-lloj udhëheqësi filipinas apo kryetari indian. Mirë këtë, po as e njohura Nëna Terezë, që po shpallet edhe shenjtore? Kjo e shpjegon faktin që në origjinat e fjalëve që fjalori zbulon gjejmë shumë gjuhë përveç asaj shqipe; a thua se më lart ne dhe mjaft albanologë kemi parë ëndrra syhapur! Kuptojeni, pra, se disa gjuhëtarë të sotëm ndikohen (apo duhet thënë paguhen) nga politika të tilla që pësojnë shkatërrime sikur hipoteza pellazgjike të shndërrohet në tezë. Le të rrojë sot historia botërore dhe shqipja të quhet një gjuhë rrugicash e birucash?! Vetëm një mori shkrimesh, diskutimesh, kërkimesh e studimesh mbi gjuhën shqipe do të bëjnë një ditë të mundur një përmbysje të madhe. Andaj sot duhet nxitur kërkimi mbi gjuhën shqipe, dashuria dhe respekti ynë për këtë gjuhë dhe bërja e njohur botës për këtë gjuhë.

E mbyllim me disa emra trojanësh e helenësh, pasardhës të të cilëve ishin ilirët, etërit tanë. HEKTORI, komandanti trojan ishte njëkohësisht një bujk i shquar. D?Anzheli gjen foljen HEQ, HEK në emrin e tij (kupto: ai që hek barin, kositësi, heqtori). Në fakt, këta janë emra që u kanë mbetur heronjve të lashtësisë dhe jo emra që u janë vënë në lindje, ashtu sikurse Gonxhe Bojaxhi u njoh më vonë si Nënë Tereza apo sikurse Migjeni, kur lindi, quhej Millosh Nikolla. Këtë e pohon edhe Kola teksa studion emrat e Aleksandrit të Madh apo Demostenit (fq. 124). ENEA, trojani që shpëtoi pa u vrarë në luftë dhe që u end nëpër Thesali, Epir e Itali para se të formonte atje një qytetërim, zbërthehet nga fjala shqipe END, ENDEM, në dialekt EN. Nuk po ndalemi te zbërthimet e Nestorit, Akilit, Kasandrës, Agamemnonit, Paridit, etj., por kini parasysh se të gjithë flasin shqip, njëri më bukur se tjetri.

E njëjta fatkeqësi për pseudohistorinë e sotme dhe pseudogrekët e sotëm ndodh edhe me perënditë e Olimpit. Këta flasin shqip në një masë 99%! Kështu AFËRDITA nuk ka nevojë për shpjegim, paçka se grekët e sotëm nuk arrijnë ta shpjegojnë këtë fjalën e tyre të pakupimtë AFRODITIS. As fjalori Merriam-Webster nuk e di (fq.40)! Por do t'ua mësojmë ne shqiptarët, të tanishmit e atyre që i krijuan këto perëndi. Njësoj EFESTI flet shqip, teksa ishte farkëtari i të gjitha veshjeve e armëve për perënditë (krahaso me E VESH, E MBATH). ZEUSI, ati i perëndive, flet një shqipe të pastër, teksa duhet gjetur në emrin e tij fillestar DIAS, i cili vjen nga folja DI ASHT, shqyrtimin e së cilës e jep gjerësisht Kola (fq. 187-8). Kështu bën edhe HERA (nga ERA), ATHINA (nga E THEM, ASHT THËNË), e kështu me radhë.

Shqipen e hasim edhe në rumanisht, turqisht, arabisht e sllavisht, ndonëse në doza më të vogla. Shqipja flet shumë për ata që kanë sy e veshë. ËSHTË E PLOGËSHT MUNDËSIA QË TË GJITHA KËTO GJUHË TË KENË NDËRTUAR SHQIPEN; ËSHTË BASH E KUNDËRTA. Shembujt që sollëm këtu nuk janë maja e ajsbergut, por vetëm një gjethe peme. S?kishte se si të mos fliste kaq shumë gjuha e atyre burrave që ruajtën këtë Shqipëri, që luftuan për Greqinë, pavarësisht nga përfundimi, që luftuan mes tyre në Trojë, që u nisën drejt Indisë nën Aleksandrin e Madh, që mbajtën një perandori të tërë romake, që mbajtën ushtrinë e Napoleonit, Garibaldit e sulltanëve, drejtuan Egjiptin, perandorinë osmane e i ranë kryq e tërthor Mesdheut!

- - - - - - - - - - - - - - - - - - - - - - - - - - -
Përgatitur nga Vis Elbasani

Gjithmonë pranë qytetarëve në nevojë

2011-11-30T12:14:00.000+01:00

Ndërkohë që greva e urisë së minatorëve ka hyrë sot në ditën e 7-të të saj duke përkeqësuar kështu rrezikshëm shëndetin e minatorëve të ngujuar poshtë nën tokë, Kryeministri Berisha nuk mundi të durojë më këtë padrejtësi dhe duke i hipur Heliopterit të tij të blerë 5 milion euro së fundmi me paratë e taksapaguesve shqiptarë, ka fluturuar drejtë e për në....Dhërmi.

Aty e pret edhe skafi i tij, në një kohë kur qytetarët e biznesmenët shqiptarë e kanë të ndaluar përdorim e skafit, qoftë edhe për turizëm. Stop Injorancës

Lutunu, lutuni e veç lutuni!

2011-11-30T12:12:00.000+01:00

Keni vapë por ende nuk e keni gjetur zgjidhjen?
Lutuni, mbase Zoti iu dërgon një copë freski, si në rastin e SHBA-ve..

Futbollistët që konfuzojnë Zotin

2011-11-30T12:08:00.000+01:00

Feston duke thërritur “Allahu Akbar”, pezullohet për 2 vjet nga futbolli!

Të festosh golin duke thënë “Allahu Akbar” (“Allahu është i madh”) dhe festimi në formën e një lutjeje muslimane, i ka kushtuar kartonin e kuq dhe dy vjet pezullim futbollistit Ali Hajiç, 18 vjeç, një lojtar boshnjak që militon në radhët e skuadrës Bodrina të kampionatit serb të futbollit.
Sipas asaj që publikon “Al Qouds Al Arabi”, një e përditshme në gjuhën arabe që shtypet në Londër, kjo ngjarje ka ndodhur në Serbi gjatë një ndeshjeje që më pas është pezulluar për shkak të protestave të lojtarëve të tjerë. Arbitri ka shpjeguar vendimin duke thënë se gjesti mund të sjellë ofendime raciale dhe të nxis polemika. Federata Serbe e Futbollit ndërkohë, nga ana e saj, e ka dënuar lojtarin e ri me dy vite pezullim nga aktivitetet sportive.

Megjithatë ky vendim që ka marrë Federata Serbe e Futbollit, i hap rrugën një tjetër pjese diskutimesh e polemikash. Në botën e futbollit festimet me gjeste e rite të feve të ndryshme nuk është ndonjë gjë e re.

Janë të shumtë lojtarët që futen në fushën e lojës apo që shënojnë duke bërë kryqin.
Për këtë pjesë mund të marrim shembull nga Seria A, kampionati italian i futbollit. Mes të shumtëve, kujtohen lutjet e Ueahs deri te shkrimi në fanellën e Kakasë “I përkas Jezusit”. Për këtë ngjarje ka ndërhyrë edhe FIFA disa vite më parë, pas një lutjeje kolektive të lojtarëve brazilianë, duke i kërkuar që të zgjidhnin një mënyrë tjetër festimi për gjeste të tilla. (Shekulli)

Në opinionin tim, lutjet e sportistëve para e gjatë ndeshjes së futbollit duhet të konsiderohen si korrupsion pasiv dhe të ndalohen, pasi veç faktit që bëjnë konfuz Zotin duke përballur profetët e tij, lutjet dëmtojnë rëndë konkurencën e drejtë. Stop Injorancës

Ortodoksët shqiptarë nderojnë mallkimin e tyre

2011-11-30T12:04:00.000+01:00

24 gushti është shpallur nga komuniteti ortodoks në Shqipëri si dita e Shën Kozmait të Etolisë, që konsiderohet i barabartë me apostujt dhe në nder të tij, në këtë datë organizohen panaire, mbahet mesha përkujtimore ndaj figurës dhe veprës së tij, në 2 kishat e ngritura posaçërisht për të.

Delegacioni i parë grek, që mbëriti në Shqipëri më 9 dhjetor të vitit 1987, kryesohej nga ministri i Jashtëm grek, Karolos Papoulias.
Në përbërjen e tij ishin edhe tre ministra të kabinetit Papandreou. Dhe konkretisht: Ministrja e Kulturës dhe e Shkencës, Melina Merkouri, ministri i Planifikimit dhe i Punëve Publike, Evangelos Kouloumbis si dhe ministri i Tregtisë, Panayiotis Roumeliotis. Delegacioni grek, më i madhi i ardhur deri atëhere në Shqipëri, shoqërohej nga 30 bisesmenë të fushave të ndryshme si dhe nga dhjetra gazetarë të shtypit të shkruar e të medias elektronike në Greqi.
Delegacioni grek qendroi tre ditë në Shqipëri. Në programin e tij, në rrugën e kthimit për në Greqi, ishte përfshirë edhe vizita në kishën e Shën Kozmait.

Pas përfundimit të ceremonialit, ashtu siç pritej, e mori fjalën ministri i jashtëm grek, Karolos Papouliasi. Me një oratori të kulluar, ai nisi të fliste për veprimtarinë e Kozmait nga Etolia, duke e vlerësuar atë si një nga përfaqësuesit më të shquar të Rilindjes greke e të përhapjes së helenizmit në disa vende të Ballkanit e më gjerë.

Po përse sundimtarët e Beratit më 24 gusht 1779 ia prenë kokën dhe ia hodhën në Seman?! Të përpiqemi të risjellim në kujtesë disa prej predikimeve të tij :

“Dërgojini fëmijët tuaj të mësojnë greqisht sepse kisha jonë është greke. Dhe ti, vëllai im, po nuk mësove greqisht, nuk mund t’i kuptosh ato që thotë kisha jonë. Më mirë, vëllai, të kesh shkollë greke në vendin tënd se sa të kesh burime dhe lumenj. Cilido i krishterë. Burrë apo grua qoftë, që më premton që nuk do të flasë shqip në shtëpi, le të ngrihet në këmbë dhe të ma thotë këtu. Unë do t’i marr të gjitha mëkatet e tij mbi vete, që nga dita e lindjes së tij e deri më sot, do t’i porosit të gjithë të krishterët që t’i flasin dhe do t’ia shlyej të gjitha mëkatet”. (Predikimi 7 drejtuar shqiptarëve të Epirit).

Në Samarinë, ku pjesa më e madhe e popullësisë ishte vllahe, Kozma Etoliani predikonte:

“Perëndia e konsideron veten të fyer kur dëgjon lutje ose lavde në gjuhën vllahe. Që Perëndia të dëgjojë lutjet e besimtarëve ortodoksë, ata duhen t’i bëjnë ato në greqisht. Kur u flet engjëjve, Perëndia u flet në greqisht, ndërsa kur i shfryn Djallit, përdor gjuhën vllahe”.

Për cilën arsye, më 24 gusht përkujtohet nga besimtarët ortodoksë të Shqipërisë, i ashtëquajturi "Shën Kozmai"? Stop Injorancës

Floranti dhe Laura

2011-11-30T12:01:00.000+01:00

Romani "Floranti dhe Laura" shkruar nga Françisko Baltazar, ( i cilësuar Shekspiri filipinas 1788 – 1862) është pjesë e letërsisë klasike filipinase, e cila studiohet në programin mësimor të gjimnazeve, histori e cila gjithashtu luhet edhe si pjesë teatrale.

Titulli origjinal i epikës quhet : "Jeta e Florante dhe Laurana në mbretërinë e Shqipërisë", skartuar nga të dhëna historike dhe piktura të cilat përshkruajne se çfarë ka ndodhur në kohët e lashta në perandorinë e ashtëquajtur greke.

Disa prej personazheve janë :

Floranti, dukë i Shqipërisë, personazhi kryesor i veprës.
Laura, vajza e mbretit Linçeo të Shqipërisë, e cila në fund martohet me Florantin.
Konti Adolf, rivali i Florantit
Aladini, djali i sulltanit Ali-Adab të Persisë.
Duka Briseo, i ati i Florantit e njëkohësisht fisnik i lartë shqiptar.
Mbreti Linçeo, mbret i Shqipërisë.
Emiri, komandant ushtarak i lartë, etj.

http://en.wikipedia.org/wiki/Florante_at_Laura

Edhe më interesant është fakti që ne shqiptarët jo vetëm që nuk e kemi lexuar këtë roman me të dhëna historike e piktura rreth vendit tonë, por që as nuk kemi njohuri që një roman i tillë ekziston... Stop Injorancës

10 shenjat e para që tregojnë se ju jeni një i kristian fondamentalist.

2011-11-30T11:59:00.002+01:00

10 - Ti me forcë e mohon ekzistencën e mijëra perëndive të pretenduara nga fetë e tjera, por ndjehesh i zemëruar kur dikush mohon ekzistencën e perëndisë tënde.

9 - Ti fyesh e dehumanizohesh kur shkencëtarët thonë se njerëzit evoluan nga format e tjera të jetës, por nuk e ke problem fare deklaratën biblike që jemi krijuar nga papastërtitë e baltës.

8 - Ti qesh me politeistët, por s'ke asnjë problem të besosh në një Zot Trini.

7 - Fytyra jote bëhet gri, kur dëgjoni të flitet për "krimet" që i atribuohen All-llahut, por nuk dridheni kur dëgjoni për mënyrën se si Perëndia/ Zoti i preu të gjithë foshnjet e Egjiptit tek "Eksodi" dhe urdhëroi eliminimin e gjithë grupeve etnike tek "Joshua", duke përfshirë gratë, fëmijët, dhe pemët!

6 - Ti qesh me besimin hindu që njerëzit adhurojnë dhe perënditë e lashta që flinin me gratë, por nuk e ke problem të besosh se "Shpirti i Shenjtë" la me barrë Marinë, e cila më pas lindi një njeri të Zotit që u vra, u rikthye në jetë dhe pastaj u ngjit në qiell.

5 - Ti je i gatshëm të shpenzosh jetën duke kërkuar për zbrazëti të vogla në teorinë shkencore të krijimit të Tokës (Para 6-7 miliard vjetësh), por nuk e ke problem të besosh që sipas biblës Toka është e krijuar në Epokën e Bronzit.

4 - Ti beson se të gjithë njerëzit e këtij planeti, me përjashtim të atyre që ndajnë bindjet fetare si tuat - do të kalojnë përjetësinë në një ferr të pafund plot vuajtje dhe ende e konsideron fenë tënde më "tolerante" dhe "të dashur".

3 - Ndërsa shkencat moderne, historia, gjeologjia, biologjia dhe fizika kanë dështuar për të bindur ndryshe, një libër i rishkruar qindra herë të mjafton mbi të gjitha provat që ju të "provoni" vërtetësinë e krishterimit.

2 - Ti e përcaktoni 0,01%-shin si "Shkallë të lartë të suksesit", kur është fjala për lutjet e përgjigjet që merr nga Zoti dhe kjo të mjafton që të besosh që lutja funksionon dhe gjithashtu 99.9% të lutjeve të dështuara e quan përsëri si vullnet të Zotit tënd.

1 - Ti në fakt di shumë më pak se ateistët apo edhe se agnostikët në lidhje me Biblën, krishterimin apo historinë e Kishës - por ende e quan veten të krishterë.

Redaktoi e përktheu: Stop Injorancës!

Shqipëria po ndryshon...

2011-11-30T11:45:00.000+01:00

Me shpenzimet që keni kursyer gjatë këtij viti do t'iu sugjeroja pushimet verore ti kalonit në Ishujt Bora Bora, afro 200 km në veri të Haitit.

Çmimet shkojnë nga 400 $ në ditë deri në 1000 $ dita.

Nëse paratë nuk iu dalin, po ju tregoj një sekret të vogël.

Po të shponi tokën vertikalisht në Shqipëri pas afro 12000 km tunel do të përfundoni pikërisht në Zelandën e Re, e më pas do t'iu duhet të notoni vetëm 1800 km në drejtim të verilindjes dhe ja ku do t'iu shfaqet panorama e mëposhtëme.

Këtu merr fund e ardhmja...

2011-11-30T11:28:00.001+01:00

Të marrim të studiojmë Kushtetutën Shqiptare dhe të shohim sa është e respektuar nga përfaqësuesit e popullit.

Kushtetuta shqiptare nis me Preambulën:
"Ne, Populli i Shqipërisë, krenarë dhe të vetëdijshëm për historinë tonë, me përgjegjësi për të ardhmen, me besim te Zoti dhe/ose te vlera të tjera universale, me vendosmërinë për të ndërtuar një shtet të së drejtës, demokratik e social, për të garantuar të drejtat dhe liritë themelore të njeriut, me frymën e tolerancës dhe të bashkëjetesës fetare, me zotimin për mbrojtjen e dinjitetit dhe të personalitetit njerëzor, si dhe për prosperitetin e të gjithë kombit, për paqen, mirëqenien, kulturën dhe solidaritetin shoqëror, me aspiratën shekullore të popullit shqiptar për identitetin dhe bashkimin kombëtar, me bindjen e thellë se drejtësia, paqja, harmonia dhe bashkëpunimi ndërmjet kombeve janë ndër vlerat më të larta të njerëzimit, vendosim këtë Kushtetutë"

Marrin disa nga kryetermat një e nga një për ti analizuar:
- Krenarë e të vetëdijshëm për historinë tonë...
A jemi krenarë e të vetëdijshëm rreth historisë sonë? Një enciklopedi maqedonase na turpëroi dhe ne nuk ishim të zotë t'iu përgjigjeshim dhe Greqia e Maqedonia zihen sot ende për një Aleksandër të madh me 75% gjak ilir, kur ne shqiptarët heshtim...
- Me përgjegjësi për të ardhmen...
A po tregohemi të përgjegjshëm për të ardhmen, duke shitur pjesë të atdheut e duke mos dënuar asnjë shkelës të këtyre tradhëtive?
- Me vendosmëri për të ndërtuar një shtet të së drejtës...
A po tregohemi vërtetë të vendosur për të krijuar shtet të së drejtës, kur jemi dëshmitarë që mashtruesve, hajdutëve, kriminelëve, vrasësve nuk po i hyn asnjë gjemb në këmbë?
- Për të garantuar të drejtat dhe liritë themelorë të njeriut...
A po përpiqemi ti garantojmë këto të drejta, kur shohim çdo ditë që greva urie të invalidëve, minatorëve, studentëve apo edhe të bindjeve të ndryshme politike, përfundojnë pa asnjë rezultat? A po i garantojmë këto të drejta kur asnjë peticion qytetarësh nuk merret në konsideratë e dhjetra e qindra njerëz detyrohen të kryejnë akte vetvrasjesh, pikërisht sepse të drejtat e tyre të shkelura, nuk i interesojnë askujt ti japin zgjidhje?
- Me zotimin për mbrojtjen e dinjitetin dhe personaliteti njerëzor...
A po mbrohet dinjiteti njerëzor kur shohim se jo vetëm diskriminohemi jashtë vendit tonë amë, por së fundmi edhe prej vetë shtetit tonë amë, e pikërisht vetëm sepse jemi shqiptarë, e duam mbi gjithçka Shqipërinë?
- Me aspiratën shekullore të popullit shqiptar për identitet e bashkim kombëtar...
A e kemi vazhduar apo e kemi ndalur këtë frymë me politikën e sotme, duke mos guxuar as të përmendim emrin e Çamërisë, duke mos ushtruar asnjë lloj presioni mbi shtetin e Maqedonisë, duke krijuar dhjetra minoritete false në vendin tonë, duke injoruar bashkimin natyral të Shqipërisë e Kosovës, duke mos vllazëruar e afruar më tej shqiptarët e arbëreshët, duke lënë në harresë të plotë çdo dëshmi historike të identitetit tonë, etj, etj...

Cili është dënimi që parashikon kushtetuta për ata që e shkelin me të dyja këmbët ekzistencën e qëllimin e saj? Stop Injorancës

Terrorizmi e antiterrori FushëKrujë

2011-11-30T11:13:00.000+01:00

Ajo që shihni nën tymnajë është Fushë-Kruja e fabrikave të çimentos, atje ku qytetarët janë detyruar të kthehen në terroristë për të mbrojtur shëndetin/jetën e tyre.

Vetëm brenda 2011-ës janë shënuar 16 raste të ashtëquajtura "terrorizmi", si hedhje në erë shtyllash elektrike, rruge të asfaltuar, e shinave të trenit, e mureve rrethues të fabrikës etj.

Shteti shqiptar nuk e quan terrorizëm praninë e kësaj fabrike vrastare, por tentativën e banorëve për të shpëtuar jetët e tyre dhe të natyrës...

Foto nga Vora!

Stop Injorancës

Edhe Facebook-un e kemi kundra

2011-11-29T16:08:00.002+01:00

"Edhe Xhaxhit Facebook i kemi hyrë aq shumë përzemër këto kohë, saqë ka nisur një përkujdesje të veçantë, posaçërisht ndaj nesh..

Hajduti të vjedh faqen, por edhe postimet

2011-11-29T16:07:00.000+01:00

Frutin tim (lexo tonë) 2- vjeçar e hëngrën krimbat. Nuk e kuptoj përse për vetvrasje zgjodhën pikërisht helmimin...!

Në faqen që na vodhën https://www.facebook.com/NdalPaditurise hedhin gjithashtu shkrimet tona të faqes së re https://www.facebook.com/NdalPaditurise2 duke shpërndarë falas për ne, opinionet tona.

Stop Injorancës

Bota virtuale

2011-11-29T16:03:00.000+01:00

Diskutimi virtual është aq magjik, sa vetëm për pak fare nuk pritet si drejtëz, me realitetin...

Stop Injorancës !

Islamizim total mashkullor

2011-11-29T15:59:00.000+01:00

Para një dekade meshkujt shqiptarë vishnin brekë plazhi kur lahehin në plazh, ndërsa sot i sheh të gjithë me pantallona të shkurtra (boksera).
Pse të ketë ndodhur vallë ky "islamizim" mashkullor?

Stop Injorancës

Femra shqiptare në mijëvjeçarë

2011-11-29T15:54:00.002+01:00

Ja si ka ndryshuar femra shqiptare në 2 mijëvjeçarë, e në prag të ngrohjes globale..

Stop Injorancës

Vajza të virgjëra për të tërë...

2011-11-29T15:52:00.001+01:00

Patrioti i madh L. Cana, sipas ish të dashurës së tij A. Tahiri, është ndarë prej saj, pikërisht sepse ajo s'kishte qenë e virgjër.
Akoma mes shqiptarëve mbahet gjallë ky debat "pedofilik", sikur një cipë e hollë biologjike të ketë ndonjë vlerë morale?
Lorik e lorikër shqiptarë, 10 mijë lekë kushton virgjëria, për të gjithë ata që janë të realisht të interesuar...

Stop Injorancës

Ultini i Nënshejtit

2011-11-29T15:50:00.000+01:00

Ultini i Nënshejtit quhet lisi 900 vjeçar që ndodhet në Orosh të rrethit të Mirditës.

Sipas gojëdhënave kanë qenë gjithsej 6 pemë të tilla unike në vendin tonë, por momentalisht ka mbetur vetëm një e tillë, që dhe pse në grahmat e fundit të jetës së saj, nuk ka asnjë shënim mbi të, që të dëshmojë se kjo pemë është pjesë e pasurisë sonë të monumenteve të natyrës, për të mos rënë pre e ndonjë druvari të gjorë.

Sipas studiuesit Gjergj Marku këto pemë vijnë prej murgjve benediktinë dhe sipas tij emri i lisit (Ultin) ka ardhur si pasojë e deformimit të fjalës "latin".

Nuk e kuptoj këtë dëshirë të madhe për të dhuruar zanafillën e çdo pasurie të lakmueshme kaq me lehtësi, në jug, veri, lindje apo perëndim kudoqoftë...

M.q.s kjo pemë e lashtë ka shërbyer historikisht për kuvendet popullore, përse studiuesve nuk mund t'iu shkojë mendja se pikërisht fjala "Ultin" mund të vijë pikërisht nga vendi ku ulen e kuvendojnë burrat.

"Druizëm" quhet një fe e stërlashtë pagane që mbështet besimin e saj tek pemët, fe e cila në Britaninë e Madhe vjet edhe u rregjistrua si besim zyrtar.

Mos vallë edhe fjala DRUizëm vjen nga një deformim i fjalës Danimark psh. dhe origjina e saj është Danimarka...?! Apo e bëjmë Deutschland fare, si thoni, kujt t'ia japim?

Stop Injorancës

Manipulimi i hartave!

2011-11-29T15:48:00.001+01:00

Sigurisht që historia është shkenca që edhe sot ka mbetur peng i politikës, diplomacisë. Për interesa të ngushta gjeostrategjike, për interesa skllavëruese, historia gjithmonë është shkruar nga fitimtarët dhe që sigurisht kanë tjetërsuar faktet, dëshmitë, historitë e popujve, të gjuhës dhe të gjithë qytetërimit europian.

Një pikë kur ky falsifikim mund të dallohet me lehtësi janë pikërisht të ashtëquajturat hartat antike, që duan të tregojnë ndarjen administrative të popujve në të shkuarën, pavarësisht se ne e dimë se krijimi i kombeve është vepër e Shek. të XIX-të.

Harta e mësipërme është marrë nga faqja ancienthistory.about.com dhe tregon pikërisht territorin e banuar nga ilirët në vitin 395 të e.s, në Perandorinë Romake.
http://0.tqn.com/d/ancienthistory/1/0/r/t/2/Illyricum395.jpg

Ajo që të bën përshtypje është fakti se Iliria nuk shtrihet deri në Danub në veri, por në jug shkon deri në Kretë, ku sigurisht nuk kishte si të ekzistonte një Greqi, e cila nuk ishte ideuar akoma të krijohej.

Më sipër mund të vëreni të shënuar "Belgradin", që sipas etimologëve është një fjalë sllave që nënkupton "qytetin e bardhë". http://en.wiktionary.org/wiki/Belgrade
Por si mundet vallë që sllavët ti vendosnin emrin atij vendi, kur do të shpërnguleshin në këto vise, disa shekuj më pas?

Zona ku sot shtrihet Bosnje Hercegovina, Kroacia e Sllovenia na shënohen me toponimin "Italy", kur dihet shumë mirë se kjo fjalë gjendet e përdorur për herë të parë pas Shek. XV-të!
http://www.etymonline.com/index.php?search=italy&searchmode=none

E këto harta të gjithë i marrin të mirëqena, pa tentuar të dyshojnë mbi vërtetësinë e tyre...
http://en.wikipedia.org/wiki/Early_world_maps
Përse i gjithë ky manipulim historik, kaq i dendur, kaq i hapur, kaq i shëmtuar?
Kujt i ka shërbyer e çfarë fshihet pas tij vallë?

Një ndër gazetarët e shquar amerikanë të kohës së Luftës së Dytë Botërore, Edward R. Morrow ka thënë:
“Hapi i parë në likuidimin e një populli është të fshini kujtesën e tij. Shkatërroni librat e tij, kulturën e tij, historinë e tij. Atëherë vini dikë të shkruajë libra të rinj, të krijojë një kulturë të re, të shpikë një histori të re. Para se të kalojë shumë kohë, kombi do të harrojë se çfarë është dhe çfarë qe”.
("A nation of sheep will beget a government of wolves")
(Stop Injorancës )
Lexo të plotë: http://stopinjorances.blogspot.com/2010/12/skllaverimi-i-historiografise-shqiptare.html#ixzz1PuFuMEy6

Bashkëjetesa jonë me plehrat bën të vështirë të dallosh kush janë realisht plehrat!

2011-11-29T15:45:00.000+01:00

Kam besim të plotë që ne shqiptarët nuk durojmë dot gjatë zgjedhat e huaja edhe nëse flasin shqip, që nuk pranojnë kurrë të na nënshtrojnë në përjetësi, të na robërojnë, të na vjedhin, të na tallen, të na vrasin të ardhmen apo edhe vetë jetën, sepse në zemrën e këtij populli qëndron gjithmonë i ndezur një prush, i gatshëm për shpërthyer në çdo kohë, në protesta, demostrata të dhunshme apo qoftë edhe revolucione të përgjakshme, për të sjellë atë ndryshimin e merituar tek i cili besojmë e shpresojmë të gjithë.

Veçse, si gjithmonë që ka një "por", jetojmë në mijëvjeçarin e III-të, në vitin 2011-të, në zemër të qytetërimit europian dhe ende nuk kemi mësuar si të trajtojmë plehrat...

A e kupton Jezus Krishti anglishten?

2011-11-29T15:41:00.001+01:00

Në Zelandën e Re, një prej 17 shteteve ku mbretëron e vjel pasurinë Elisabeta e II-të e Britanisë së Madhe, në një prej 7 qyteteve më të mëdha, e pikërisht në qytetin me emër "Kisha e Krishtit" (Christchurch), u ndje një tërmet me magnitudë 6 ballë. Ky tërmet shkaktoi vetëm të plagosur, ndryshe nga tërmeti i muajit shkurt të këtij vitit, që shkaktoi afro 200 viktima.

Tani, një pyetje të lind vetvetiu, Zoti nuk kupton anglisht që godet këtë qytet, nuk ka forcë të ndalë tërmetet, ka dhe e përdor atë forcë ndëshkuese, apo apo ...?

Stop Injorancës !

Pordha e rinisë shqiptare është më e shijshmja

2011-11-29T15:38:00.002+01:00

Të gjithë e përgojojnë ish Bllokun se aty shiten mend e pordhë pa hesap, po kur vjen puna për të dalë e për tu argëtuar, të gjithë aty shkojnë të shesin apo të blejnë.

Se ç'ka diçka të veçantë tek pordha e rinisë shqiptare...

Paradoksi - Helenët e Romakët, më të lashtë në trojet tona se sa në "të tyret"

2011-11-29T15:36:00.000+01:00

Të tmerrshëm janë historianët e arkeologët tanë!

Helenët dhe romakët i nxjerrin më të lashtë në trojet tona historike, se sa në trojet e tyre.
Në një kohë kur kultura romake nuk kishte lindur ende, arkeologët shqiptarë, (këshilluar fort prej atyre anglezë), nxjerrin nga Butrinti buste romakësh, të cilët do të krijoheshin shekuj më pas në Perandorinë Romake! Interesante, apo jo?

Pastaj çuditemi se nga na burojnë këto prirje të theksuara për të nënvleftësuar vetveten. Ja, këta janë "shkencëtarët" që përgatisin edhe programet mësimore plot broçkulla.

Stop Injorancës

Jo blu e rozë, por Kuq e Zi

2011-11-29T15:34:00.000+01:00

Slogani i shqiptarëve!

Stop Injorancës

Blej shqip

2011-11-29T15:31:00.000+01:00

Mendo SHQIP, fol SHQIP, ushqehu SHQIP e ndjehu SHQIP!

Bojkotoni produktet serbo-greke, duke investuar kështu për rritjen e cilësisë së produkteve shqiptare!

Stop Injorancës

Industria e makinave në Shqipëri

2011-11-29T15:29:00.000+01:00

Jemi vërtetë një shtet që nuk prodhojmë vetë as shkrepsen, por tek Pazari i Ri në Tiranë mund të blini një prodhim 100% shqiptar, që kushton afro 100 mijë lekë.

Motorri në foto p.sh, është tashmë pronë e një klienti të huaj...

Stop Injorancës

Plazhi i Durrësit

2011-11-29T15:27:00.000+01:00

Shpeshherë akuzojmë plazhistët për cilësinë e ujit të detit, thua sikur këta të fundit shkojnë realisht të lahen me shampo atje, e jo për plazh, por harrojmë që deti ynë pasurohet nga lumenjtë tanë të vdekur, të cilët përbëjnë një tren ekspres mbeturinash organike e jo organike. (Stop Injorancës )

Pamje e shkëputur nga bregdeti i Adriatikut, Durrës!

% fetare e shteteve të botës

2011-11-29T15:25:00.000+01:00

Si shpjegohet sipas jush që vendet më të zhvilluara ekonomikisht në Europë, kanë praktikisht edhe përqindjen më të vogël të besimtarëve fetarë dhe anasjelltas, vendet më pak të zhvilluara, kanë përqindje më të lartë?

Stop Injorancës

Nëse duhani lejohet në ambjentet tuaja të punës, ja kush është edhe arsyeja, pikërisht Neni 15. (S.I)

2011-11-29T15:23:00.000+01:00

Nëse duhani lejohet në ambjentet tuaja të punës, ja kush është edhe arsyeja, pikërisht Neni 15.

Stop Injorancës !