Citate mbi Zotin dhe Besimet Fetare nga figura të shquara botërore

S'ka absurditet, sado i madh qoftë, që të mos t'i ngulitet njeriut fort në kokë, nëse fillon t'ia imponosh atë para moshës 5-vjeçare, duke ia përsëritur vazhdimisht, me ton tejet solemn. — Artur Shopenauer Po të them se jemi të dy ateistë. Unë thjesht besoj në një zot më pak se ty. Kur të kuptosh pse ti përjashton tërë zotat e tjerë të mundshëm, atëherë do të kuptosh dhe pse unë përjashtoj tëndin. — Stivën H. Roberts

Ose zoti do ta ndalojë të keqen, por nuk mundet; Ose mundet, por nuk do; Ose as nuk mundet dhe as nuk do. N.q.s. do, por nuk mundet, atëherë është i pazot. N.q.s. mundet, por nuk do, atëherë është dashakeq. Por n.q.s. zoti edhe mundet edhe do ta ndalojë të keqen, atëherë nga vjen e keqja në këtë botë? — EpikuriShumica e njerëzve parapëlqejnë më mirë të vdesin se sa të mendojnë; e në fakt ashtu dhe bëjnë. — Bertrand Rasëll

Zoti është një komedian tek luan para një publiku që ka frikë të qeshë. — Volteri

Nëse do të më duhej të zgjidhja një fe, Dielli dhënësi i jetës do të ishte zoti im. — Napoleon Bonapart



Ti nuk mund të përdorësh Kuranin për të vërtetuar Kuranin - Omar Ibn Bazaar



Mjeranët e shkretë i kanë mbushur mendjen vetes se do të jenë të pavdekshëm dhe do të rrojnë në përjetësi, nëse adhurojnë atë sofistin e kryqëzuar e nëse jetojnë sipas ligjeve të tij... e i marrin këto doktrina goja-gojës pa ndonjë provë të qartë. Kështu kur mashtruesit e sharlatanët hyjnë mes tyre, kaplojnë menjëherë pasuri të mëdha duke sunduar mbi këta leshko. — Lukiani

Kisha thotë se Toka është e rrafshët, por unë e di që është e rrumbullakët, pasi kam parë hijen e saj mbi Hënë e më tepër besim kam tek një hije se sa tek kisha. — Magelani

Një Galileo në dymijë vjet mjafton. — Papë Piu XII

Shiko njëherë parashikimin e motit para se të lutesh të bjerë shi. — Mark Tuein

Njerëzit i krijojnë zotat sipas vetes, jo vetëm për nga pamja, por edhe për nga mënyra e jetesës. — Aristoteli

Besimi është më i thjeshtë se mendimi. Ndaj dhe ka më tepër besimtarë se mendimtarë. — Pa emër

Një njeri i thotë Gjithësisë,"Ja, ekzistoj!""Sidoqoftë", - përgjigjet Gjithësia, -"kjo nuk është se më ngjalli ndonjë ndjenjë detyrimi". — Stivën Krejn Të vërtetosh "Ungjijtë" me provë mrekullinë, është si të vërtetosh një absurditet me provë diçka që është kundër natyrës. — Didëroi



Kur shoh detarë, njerëz të shkencave natyrore e mendimtarë, njeriu është më i urti mes gjallesave. E kur shoh priftërinj, profetë e shpjegues ëndrrash, asgjë s'më vështirohet më keq se njeriu. — Diogjeni



"Katër barnat"



Nuk kemi ç'i frigohemi zotave.Nuk kemi ç'ndiejmë në vdekje.E mira mund të përftohet.E keqja mund të durohet. — Epikuri



Pra, dhe më e liga e të ligave, vdekja vetë, s'është asgjë për ne, sepse kur ne jemi vdekja s'është dhe kur vdekja është ne s'jemi. — Epikuri



Të thuash se "ligji i dytë i termodinamikës do të thotë se evolucioni s'mund të ndodhë", është si të thuash se "ligji i rëndesës do të thotë se zogjtë s'mund të fluturojnë". — Pa emër



Nëse 50 milionë njerëz besojnë një absurditet, prapë absurditet mbetet. — Anatol Frans



Prifti është mishërimi i rrenës. — Xhuzepe Garibaldi



Të dashur miq, -- Njeriu e krijoi zotin, jo zoti njeriun. Juaji përgjithmonë, Garibaldi. — Xhuzepe Garibaldi



Gjithësia nuk u krijua as nga zotat, as nga njeriu, por ka qenë, është e do të jetë prore zjarr i pashuar. — Herakliti



Kristianët ngjajnë me një këshill bretkosash në kënetë, a me një sinod krimbash mbi një kodër bajgash tek kuakin e gërvijnë: "Për ne u krijua kjo Tokë!" — Juliani



Në fillesat e veta kristianizmi ish thjesht një mishërim i bolshevizmit. — Adolf Hitler



Më ngjan se (për mirë a për keq) argumentet e drejtpërdrejta kundër kristianizmit dhe teizmit rrallë japin efekt në popull; Liria e mendimit përparohet me shndritjen e mendjes e kjo shkon dora-dorës me zhvillimin e shkencës. — Çarls Darvin



Sa herë që morali mbështetet mbi teologji, sa herë që drejtësia i mveshet autoritetit hyjnor, mund të përligjen e të kryhen gjërat më imorale, më të padrejta e më famëkeqe. — Ludvig Fojerbah



Secili do të sillet vetë si pagan, me të tjerët të sillen si kristianë. — Alber Kamy



A mund të jetë dikush shenjtor nëse zoti nuk ekziston? Ky është problemi konkret që kam sot. — Alber Kamy



Nëse Krishti vinte sot, njerëzia as nuk do ta kryqëzonin. Do ta ftonin për darkë, do të dëgjonin ç'kish për të thënë e mandej do talleshin me to. — Tomas Karlajl



Në Bibël nuk janë pjesët që nuk kuptoj që më shqetësojnë, por ato që kuptoj. — Mark Tuein



Në gjeometri nuk ka sekte. — Volteri



Sa i përket fesë, tërë njerëzit pranojnë pa pyetur besimin e të jatit, sipas zakoni, të paaftë për të dalluar të vërtetën nga gënjeshtra. — Abdul al Maari



Bota mban dy kategori njerëzish: njerëz inteligjentë pa fe dhe njerëz fetarë pa inteligjencë. — Abdul al Maari



Tërë problemi me botën është se idiotët dhe fanatikët janë aq të sigurt ndaj vetes, ndërsa të mençurit plot me dyshime. — Bertrand Rasëll



Feja është kryevepra e artit të stërvitjes së kafshëve, sepse stërvit njeriun në atë se çfarë duhet të mendojë. — Artur Shopenauer



Kristiani i mirë duhet të ketë kujdes nga matematicienët dhe të gjithë ata që thonë profeci të rreme. Ka rrezik që matematicienët të kenë bërë marrëveshje me Dreqin për errësimin e shpirtit dhe për burgosjen e njeriut në vargonjtë e ferrit. — Shën Agustini



Nuk është dashuria e tyre për njeriun, por pafuqia e dashurisë së tyre që i ndalon kristianët e sotëm të na çojnë drejt e në turrën e druve. — Fridrih Niçe



Nuk ka aq dashuri e mirësi në botë sa të na lejohet ta shpenzojmë drejt qenieve imagjinare. — Fridrih Niçe



Kanoni kishtar 1369:"Të marrë dënimin e merituar ai... që thotë blasfemi, që dëmton rëndë moralin publik, ose që shkakton a nxit urrejtje a përbuzje ndaj fesë ose Kishës". — Kisha



Shpjegimet misticiste konsiderohen si të thella. E vërteta është se nuk janë së paku as sipërfaqësore. — Fridrih Niçe



Lutja e agnostikut: "O zot, nëse ka zot, shpëtoma shpirtin, nëse kam shpirt". — Ernest Renan



Në lidhje me zotat, nuk kam si ta di nëse ekzistojnë a jo e as se si janë a s'janë. — Protagora



Shenjtorët duhen konsideruar gjithnjë fajtorë derisa të provohen të pafajshëm. — Xhorxh Oruell



Arsyeja duhet shkatërruar në gjithë kristianët. — Martin Luteri



Më tepër mundësi ka që t'i mësosh një gomari të lexojë, sesa të verbosh arsyen dhe ta çosh atë ku do ti, sepse arsyeja duhet mashtruar, verbuar e shkatërruar. Besimi duhet ta shkelë nën këmbë krejt arsyen, logjikën, kuptimin dhe çdo gjë tjetër që shikon se duhet zhdukur nga faqja e dheut dhe nuk duhet të dëshirojë asgjë tjetër veç fjalës së zotit. — Martin Luteri



Kushdo që dëshiron të bëhet kristian duhet t'ia çjerrë sytë arsyes së vet. — Martin Luteri



Nëse qétë e kuajt do të kishin duar të vizatonin, qétë do të vizatonin zota që ngjajnë me qé dhe kuajt zota që ngjajnë me kuaj. — Ksenofani



Ndonëse dikush është krejt mosbesues ndaj ekzistencës së zotave, nëse ai ka drejtësi të karakterit, ai e urren të keqen tek njeriu. Ky zët ndaj padrejtësisë nuk e lë atë të bëjë veprime të padrejta, e kështu tek i shmanget së padrejtës i bashkohet së drejtës. — Platoni



Një pjesë e njerëzimit nuk beson fare në ekzistencën e zotave. — Platoni



Njimend e kam të vështirë të kuptoj se si dikush do të donte që kristianizmi të jetë i vërtetë, pasi vetë gjuha e shkrimit thotë se njerëzit që nuk besojnë, gjë që përfshin babanë tim, vëllanë tim dhe pothuaj krejt miqtë e mi të ngushtë, do të dënohen. Kjo është një doktrinë e neveritshme. — Çarls Darvin



Nuk besoj në besimet e predikuara nga kisha hebraike, kisha italike, kisha greke, kisha turke, kisha protestante e çfarëdo kishe tjetër që mund të njoh. Mendja ime është kisha ime. — Tomas Pein



Të arsyetosh me dikë që ka braktisur arsyen, është si t'i japësh mjekim një të vdekuri. — Tomas Pein



Nxehtë dhe ftohtë, janë opinione; atome dhe hapësirë është realiteti. — Demokriti



Krejt çka ekziston në gjithësi, është fryt i rastit dhe domosdoshmërisë. — Demokriti



Gjithçka ka shpjegim natyror. Hëna nuk është perëndi, por shkëmb i madh; dhe dielli një shkëmb i zjarrtë. — Anaksagora



Ka diçka tejet të pashëndetshme në kristianizëm. — Adolf Hitler



Kristianizmi i vërtetë, ai i katakombeve, merret me kthimin e doktrinës kristiane në realitet. Diç që shpie fare thjesht drejt shkatërrimit të njerëzimit. Nuk është gjë tjetër veçse bolshevizëm i përzemërt, nën një lustër metafizike. — Adolf Hitler



Fakti pse bota e lashtë ishte aq e dëlirë, e çelët dhe e paqtë ishte sepse nuk njihte asgjë mbi dy mynxyrat më të mëdha: sifilizin dhe kristianizmin. — Adolf Hitler



Goditja më e rëndë që ka pësuar ndonjëherë njerëzimi ishte ardhja e kristianizmit. Dhe bolshevizmi është fëmija i tij bastard. — Adolf Hitler



Kristianizmi është një rebelim kundër ligjeve të natyrës, një protestë kundër natyrës. Në zbërthimin e vet më të skajshëm, kristianizëm do të thotë kultivim sistematik i dështimit të njeriut. — Adolf Hitler



Nuk flasim për besim nëse themi se dy dhe dy bëjnë katër, as kur themi se toka është e rrumbullakët. Flasim për besim vetëm atëherë kur duam të zëvendësojmë ndjenjat për fakte. — Bertrand Rasëll



Zoti i kristianëve mund të ekzistojë, po njësoj si dhe zotat e Olimpit, a të Egjyptit, a të Babilonisë. Por asnjë nga këto hamendje nuk është më e mundshme se të tjerat, madje ndodhen jashtë zonës së njohshmërisë, e kështu s'ka asnjë arsye se pse duhet të marrim ndonjërën prej tyre në konsideratë. — Bertrand Rasëll



Nuk është si në Bibël se zoti e krijoi njeriun në imazhin e vet. Përkundrazi, njeriu e krijoi zotin në imazhin e vet. — Ludvig Fojerbah



Pastorët thonë se na mësojnë të japim lëmoshë. Kjo është e natyrshme. Ata vetë jetojnë prej lëmoshëve. Tërë lypësit predikojnë se të tjerët duhet të japin. — Robert Ingersoll



Kishat nuk kanë besim tek njëra-tjetra. Pse? Sepse e njohin njëra-tjetrën. — Robert Ingersoll



Kleriku i parë, ishte mashtruesi i parë, që takoi idiotin e parë. — Volteri



Zoti vdiq, zoti mbetet i vdekur dhe ishim ne që e vramë. — Fridrih Niçe



Etiopasit thonë se zotat e tyre janë hundështypur e të zinj, trakasit i kanë të vetët sykaltër e flokëkuq. — Ksenofani



Në parajsë, gjithë njerëzit interesantë mungojnë. — Fridrih Niçe



Një shëtitje e rastit në pavionin e të çmendurve tregon se besimi nuk provon kurrgjë. — Fridrih Niçe



I vetmi tempull që ndriçon është ai në flakë. — Pa emër



Një tekst fetar nuk duhet kurrë t'i kalojë tri faqet. Nëse i kalon atëherë fillon e kundërthotë vetveten. — Pa emër



Ekzistencializmi nuk është aq ateist sa të konsumohet duke provuar se zoti nuk ekzsiton. Përkundrazi, pohon se edhe nëse zoti do të ekzistonte, kjo s'do të ndryshonte kurrfarë gjëje. — Zhan Pol Sartër



Feja është krijuar nga njeriu për të kontrolluar individët mendjedobët, sepse në kohë mizorish dhe dëshpërimi këta e marrin fuqinë në numër. — Benito Musolini



Me sapun pagëzimi është gjë e mirë. — Robert Ingersoll



Besim do të thotë të besosh diçka që e di që s'është ashtu. — Mark Tuein



Në kristianizëm as morali, as feja nuk bien në kontakt me realitetin në asnjë pikë. — Fridrih Niçe



Kur mendoj tërë dëmet që ka shkaktuar Bibla, nuk e di nëse do të mund të shkruaj dot diçka për ta barazpeshuar. — Oskar Uajld



Tërë fetë janë themeluar mbi frikën e të shumtëve dhe zgjuarsinë e të paktëve. — Stendali



Na ka shërbyer më së miri, ky miti i Krishtit. — Papë Leoni i X-të



Falë zotit jam ateist... — Salvador Dali



Besimi nuk të jep përgjigje, thjesht të ndalon të bësh pyetje. — Frater Ravus



Njeriu pa fe është si peshku pa biçikletë. — Pa emër



Feja konsiderohet prej popullit të rëndomtë si e vërtetë, prej të mençurve si e rremë dhe prej sunduesve si e dobishme. — Seneka i Riu



Për njerëzit që nuk iu pëlqen t'iu përqeshen besimet, ndoshta është më mirë të mos mbajnë besime aq qesharake. — Pa emër



Jepi njeriut një peshk dhe do të ushqehet për një ditë. Mësoje të peshkojë dhe do të ushqehet për tërë jetën. Jepi një fe dhe do të vdesë urie duke u lutur për një peshk. — Pa emër



Besimi kristian që prej zanafille është flijim, flijim i krejt lirisë, krejt krenarisë, krejt vetëbesimit të shpirtit; Është në të njëjtën kohë përulje, një vetërrënim dhe vetëgjymtim. — Fridrih Niçe



Për sa kohë që prifti, ky mohues, shpifës dhe helmues profesionist i jetës, mbahet ende si një lloj i epërm qenieje njerëzore, atëherë nuk mund të ketë përgjigje ndaj pyetjes: "Ç'është e vërteta?" — Fridrih Niçe



Besim do të thotë të mos duash të mësosh çka është e vërtetë. — Fridrih Niçe



O njeri i patru, që nuk bën dot një krimb e megjithatë rri e bën zota me tepricë! — Mishel de Montein



Feja është një pasojë e frikës. Për një pjesë të mirë të historisë njerëzore, ndoshta ka qenë një e keqe e nevojshme, por pse vallë ka qenë më tepër e keqe se sa e nevojshme? A nuk është vrasja e njerëzve në emër të zotit një përkufizim tejet i qëlluar i çmendurisë? — Arthër Klark

Kristianizmi është feja më qesharake, më absurde dhe më e përgjakshme që ka infektuar ndonjëherë botën. — Volteri

Tërë fetë janë bërë nga njerëzit. — Napoleon Bonapart



Feja është nga sendet më të mira për të heshtur popullin e rëndomtë. — Napoleon Bonapart



Tërë institucionet kombëtare kishtare, qofshin këto hebraike, kristiane a myslimane, s'më duken asgjë më shumë se krijime njerëzore, të ngritura për terrorizimin dhe skllavërimin e njerëzimit, për monopolizimin e pushtetit dhe të fitimit. — Tomas Pein



N.q.s. zoti foli, përse bota nuk është bindur? — Përsi Bish Sheli



Mund të bëj fare mirë pa zotin si në jetën time ashtu dhe në pikturën time, por ajo pa të cilën nuk mund të bëj dot, kështu tek vuaj, është diçka më e madhe se ç'jam dhe vetë, që është jeta ime, fuqia për të krijuar. — Vinsent Van Gog



Frika i solli zotat në botë. — Petroni



Fakti se një besimtar është më i lumtur se një mendimtar, nuk do të thotë asgjë më shume se fakti që një i dehur është më i lumtur se një njeri i kthjellët. — Xhorxh Bernard Sho



Këndvështrimi im mbi fenë është si ai i Lukrecit. E konsideroj fenë si një sëmundje të lindur prej frike dhe si një burim mjerimi të parrëfyeshëm për njerëzimin. — Bertrand Rasëll



Mos u lut në shkollën time e as unë nuk do të mendoj në kishën a xhaminë tënde. — Pa emër



Klerikët e dinë që unë e di se ata e dinë se nuk dinë. — Robert Ingersoll



Një njeri që sot do të ndiqte mësimet e Dhiatës së Vjetër, do të ishte kriminel. E nëse do të ndiqte rigorozisht mësimet e së Resë, do të ishte i çmendur. — Robert Ingersoll



Duart që ndihmojnë janë fort më mirë se buzët që luten. — Robert Ingersoll



Ky krim i quajtur "blasfemi" u shpik nga priftërinjtë me qëllim mbrojtjen e doktrinave që nuk mund të qëndrojnë në vetvete. — Robert Ingersoll



Me ç'mund të kujtoj, nëpër ungjij nuk ka një fjalë të vetme në lavdërim të inteligjencës. — Bertrand Rasëll



Kretin - m. sin. idiot, nga frëngjishtja "crétin", që në fillimet e saj do të thoshte "kristian". — Pa emër

Kur isha i vogël i lutesha Zotit për një biçikletë, por më pas e kuptova se Zoti nuk vepron në atë mënyrë. Kështu që vodha një biçikletë dhe pastaj iu luta Zotit që të më falte. - Emo Philips

E thënë thjesht: Ju po vrisni njëri-tjetrin vetëm për të vërtetuar se kush ka mikun më të mirë imagjinar... - Richard Jeni

Njeriu e krijoi Zotin sipas shëmbëlltyrës së tij: intolerant, seksist, homofobik dhe të dhunshëm. - Marie Kyrie



ESKIMEZI: Nëse unë nuk di asgjë për Zotin dhe mëkatin, a do të shkoj në ferr?
PREDIKUESI: Jo, jo. nëse nuk e di nuk do dënohesh.
ESKIMEZI: Atëherë ç'm*** pate që më tregove? - NJE ESKIMEZ NE POLIN E VERIUT

I padukshmi dhe mosekzistuesi ngjajnë kaq shumë...

Vrasjet sipas Biblës: 2,270,365 (këtu nuk llogariten të përmbyturit në kohën e Nuhut, Sodoma dhe Gomorra, Murtaja etj, pasi nuk ka shifra.


DJALLI : VETEM 10



Kush është i plotmëshirshmi??? - Pa emër



Të gjithë njerëzit që mendojnë, janë ateistë. - ERNEST HEMINGUEJ

Kur një njeri vuan nga haluçinacionet, quhet çmenduri. Kur shumë njerëz infektohen dhe vuajnë të njëjtin haluçinacion, kjo quhet FE. - Pa emërPastorët thonë se na mësojnë të japim lëmoshë. Kjo është e natyrshme. Ata vetë jetojnë prej lëmoshëve. Tërë lypësit predikojnë se të tjerët duhet të japin. — Robert Ingersoll.



A NUK TE BEZDIS FAKTI QE TI MENDON ME SHUME KUR ZGJEDH MAKINEN TENDE SE SA KUR ZGJEDH BESIMIN TEND?? - A. AJNSHTAJN



ZOTI ME BERI MUA ATEIST. KUSH JE TI QE DISKUTON VULLNETIN E TIJ?? - KADRI FUSHA

Përzgjodhi: Kadri Fusha, Redaktoi: Stop Injorancës

Feja dhe statistikat fetare në Shqipëri

Pjesa më e madhe shqiptarëve sot në Shqipëri i përkasin një konglomerati jo-fetar dhe ateist që kap rreth 75% të popullsisë.


Historiku i shkurtër

Në lashtësi duke filluar që me pellazgët e mes ilirëve deri në krijimin e Bizantit nga Konstandini i Madh, dy kultet kryesore të adhurimit të natyrës kanë qenë Kulti i Gjarprit dhe Kulti i Diellit. Me vendosjen dhunshme të kristianizmit si fe të regjimit arrijmë në mesjetë, vitet 1300-1400, kur gjysma e popullsisë së Arbrit ishte ende pagane, ndërsa gjysma tjetër ndahej, sipas terminologjisë venedikase, mes latinëve (katolikëve) dhe skizmatikëve (ortodoksëve).

Paganizmi burimor dhe kristianizmi i importuar u gjendën atëbotë përballë zëvendësimit të udhëheqjes kristiane armeno-siriane të Bizantit, me udhëheqjen dhe fenë e re myslimane turko-arabe që vinte të zgjaste sundimin e Azisë në Ballkan dhe 500 vjet të tjera. Jo më kot dhe populli e quajti ushtrinë turke si ushtri bizantine, pasi nuk shihej ndonjë dallim mes tyre. Vlen të theksohet dhe se në mesjetë myslimanizmi konsiderohej nga bizantinët si herezi kristiane.

Sundimi fetar bizantino-osman do të përfundojë zyrtarisht për ne në vitin 1912 me shpalljen e pavarësisë duke sjellë në pah një popullsi pagane, kristiane e myslimane në Shqipëri. Këtu fillon dhe puna e shtetit modern shqiptar, që jo rastësisht, duke nisur që me përpjekjet e Rilindjes mishëruar në shprehjen e mirënjohur të Pashko Vasës, që prej 1912 ka punuar për dobësimin e feve dhe shfetarizimin e vendit duke i identifikuar fetë aziatike si importe të padëshiruara kulturore. Qëndrimet e Nolit me jehonën e shumë intelektualëve të tjerë për pavarësimin e institucioneve fetare nga Stambolli, Fanari e Vatikani, me ngritjen e shtetit modern do të bëhen realitet.

Programi i qeverisë së Zogut është ai që për herë të parë mes të tjerash bënte fjalë dhe për "reforma fetare". Por ç'ishin këto reforma?

Në 1923 me drejtimin e qeverisë mblidhet në Tiranë Kongresi i Myslimanëve Shqiptarë ku vendoset asgjë më pak se: shkëputja nga Kalifati, heqja e ferexhesë, kryerja e lutjes në këmbë dhe abrogimi i poligamisë, pra një çmyslimanizim i myslimanizmit, zhveshje nga thelbi i vet ritual. Në vazhdim më 1929 qeveria e shpall Kishën Ortodokse Shqiptare si autoqefale, gjë që ratifikohet nga Patriarkana vetëm pas 8 vjet mallkimesh e anatemash, në vitin 1937. Ndërkohë, po në këtë periudhë, do të kryhet dhe i vetmi census mbi përkatësinë fetare të popullsisë në Shqipëri. Është viti 1930, kur, duke ripohuar "statistikat" e administratës turke, me vetëm tre opsione të mundshme në mënyrë konvencionale popullsia e asaj kohe do të caktohet si 70% myslimane (sunitë dhe bektashinj) dhe 30% kristiane (ortodoksë 20% dhe katolikë 10%), duke kapur një numër 100% besimtarësh! Këto numra janë dhe numrat përgjegjëse për propagandën e sotme fetare. Në shtetin e Zogut do të shënohen dhe përplasjet e para midis dëshirës për pushtet të klerit dhe fuqisë së vetë shtetit që për ballafaqim do të zbatojë kombëtarizimin e tyre.

Rruga e shkelur nga qeveria e Zogut do të arrijë në ekstrem me vendosjen e diktaturës duke dhënë sot një shumicë dërrmuese jo-fetare brenda shtetit shqiptar. Reforma agrare e gushtit 1945, shtetëzon krejt 2'169 kishat, xhamitë e teqetë e vendit duke i kthyer në qendra kulture për rininë. Priftërinjtë dhe hoxhallarët shtrëngohen të braktisin të "kaluarën e tyre parazitare", dhe rreth 200 prej tyre do të burgosen e internohen madje dhjetëra do të vriten. Ateizmi militant i shfytyruar nga totalitarizmi komunist arrin në antiteizmën ekstrem shtetëror për herë të parë në histori. Në vitin 1967 nga radhët e rinisë nis shembja e objekteve të kultit, duke lënë në këmbë vetëm ato me vlerë historike, dhe Shqipëria shpallet zyrtarisht shteti i parë ateist në botë. Që prej atij çasti ushtrimi i fesë do të ndalohet me ligj.

Me zhbërjen e feve semite, kjo diktaturë ndihmoi jo pak dhe në zhdukjen e disa pjesëve të traditës burimore pagane shqiptare, pasi fetë, me përjashtim të sunitëve, në pamundësi për të çrrënjosur paganizmin, kishin trupëzuar mjaft elemente të theksuara pagane në ritet e tyre, si festat, praktikat, apo p.sh. dhe pelegrinazhi drejt vendeve ku më parë zhvillohej Kulti pagan i Diellit, mbi apo në të cilat ishin ndërtuar qëllimisht kisha e teqe. Popullsia vazhdon të këmbëngulë dhe sot në vizitën e këtyre vendeve të stërlashta të kultit diellor, që qoftë nga injoranca, qoftë nga synime të tjera kanë nisur sërish të keqinterpretohen nga neofetarët. Sidoqoftë vlen këtu të përmendet rrethi i Elbasanit për ruajtjen e vendosur të festivalit pagan të Ditës së Verës, më datë 14 mars, që tashmë është shpallur dhe festë kombëtare në Shqipëri.


Gjendja sot

Sot Shqipëria është shtet pa fe zyrtare dhe me liri besimi të garantuar me kushtetutë. Dy besimet semite (myslimanizmi dhe kristianizmi) me katër sektet e tyre (bektashizmin, sunizmin, ortodoksizmin dhe katolicizmin) kanë festa fetare të caktuara si festa kombëtare për shkak të prezencës historike në vend. Arsimi publik është jofetar dhe indoktrinimi fetar në to ndalohet me ligj. Në dallim nga shumë vende të tjera feja në Shqipëri nuk përfshihet si lëndë mësimore.
Sipas të dhënave të Departamentit Amerikan të Shtetit në vend ka 14 shkolla private fetare me 2'600 studentë.
Që prej 1991 shënohet një ardhje e madhe misionarësh kristianë nga SHBA e cila filloi të dobësohej pas trazirave në vend në 1997. Bashkë me ta vijnë dhe misionarë myslimanë nga Arabia Saudite. Në vitin 2002 do të shënohen 31 shoqata kristiane, që përfaqësojnë 45 organizma të ndryshme dhe 17 shoqata e grupe islamike. Qershia në tortën fetare janë dhe 500-600 misionarë të pavarur fesh të ndryshme.

Pas 50 vjet ateizmi formal dhe informal në vitin 1992 të dhënat japin një pamje popullsie me 74% jo-fetarë. Pas vitit 1993 e deri në 2004 sipas sondazheve të të huajve në vend rreth 50-65% e shqiptarëve deklarohen po ashtu jo-fetarë. 3 Në vitet 2005-2006 vlerësimet konkretizohen sërish tek 72%-75% jo-fetarë.

Propaganda fetare

Institucionet fetare në Shqipëri dhe vegla të ndryshme të tyre në instanca shtetërore, gjatë këtyre dy dhjetëvjeçarëve kanë propaganduar majtas e djathtas statistikat e vitit 1930 duke i marrë si të mirëqena me marrëveshje, saqë është kthyer në shabllon deklarimi i rremë se Shqipëria ka 70% myslimanë (qëllimshëm pa caktuar dhe përqindjen në bektashinj dhe sunitë) dhe 30% kristianë (20% ortodoksë, 10% katolikë). Problemi kryesor i karakterit matematik me këto "statistika" është se tregojnë dhe popullsi 100% besimtare, gjë që është të paktën komike. Neomyslimanë të caktuar, në pozicione kyçe shtetërore, pa marrë pëlqimin e popullit, e radhitën Shqipërinë në Konferencën Islamike në vitin 1992, një lajm që ra si bombë atyre ditëve në Shqipëri, por që u hesht e ëmbëlsua me subvencionime të majme arabo-saudite.

Që prej vitit 1993 në Shqipëri veprojnë dy fraksione të rrezikshme asimilimi, fraksioni ortodoks nga Greqia dhe fraksioni islamik nga Arabia Saudite i cili në Kosovë dhe Maqedoni ka marrë dhe variantin ekstrem vehabist. Duke shfrytëzuar varfërinë në zona të ndryshme të vendit janë ndërtuar pa kriter kisha ortodokse dhe xhami sunite në vende ku rëndom nuk ka as besimtarë dhe të cilat as nuk frekuentohen as nuk pasqyrojnë realitetin. Për shkak të këtyre lëvizjeve të njëanshme dhe tendencioze ka patur dhe incidente kundër bektashinjve nga shtetas jo-shqiptarë. Zonat rurale u pushtuan për rreth 6 vjet me program të hollësishëm për larjen e trurit të fëmijve parashkollorë dhe indoktrinimin e tyre në myslimanizëm. Të gjitha këto lejoheshin nga shteti, por fatkeqësisht dhe nga prindërit injorantë të këtyre fëmijëve. Megjithatë për shkaqe të mirënjohura dhe për arsye pragmatizmi numri i ateistëve dhe jofetarëve ndonëse pati një rënie sidomos në vitet e para pas diktaturës është normalizuar sërish pak a shumë në të njëjtat nivele.

Vlerësimet sot janë se rreth 25% e popullsisë janë fetarë prej të cilëve myslimanët dhe kristianët ndajnë afërsisht të njëjtat përqindje, me numër "fetarësh të vërtetë" tek 4-5%, por ku janë më të dukshëm kristianët ortodoksë dhe myslimanët sunitë.

Duhet përmendur fakti se ky realitet i cili mund të konstatohet mjaft lehtë nëse jeton në Shqipëri, luftohet nga dy degëzimet e mësipërme asimiluese po aq fort sa dhe serbët e grekët nëpër shtyp dhe internet. Qëllimi për të dy palët është i një karakteri të ndryshëm propagandistik, por me zbatim të njëjtë. Për përhapjen e mitit ka ndihmuar fuqishëm dhe injoranca dhe papërgjegjësia e gazetarëve vendas dhe atyre të huaj, ku këta të fundit sa herë që përmendin Shqipërinë i bashkëngjisin pa të keq dhe epitetin "myslimane" apo togun "shumicë myslimane". Këto ndodhin kur Ministria e Jashtme dhe përfaqësitë e shtetit shqiptar në dhé të huaj nuk ndërmarrin asnjë veprim për ruajtjen dhe paraqitjen e saktë të imazhit të vendit, saqë gjithsecili mund të thotë ç'të dojë pa asnjë lloj pasoje.

Ilustrim të kësaj dukurie përbën dhe një hollësi me vizitën e presidentit Bush. Dy ditë përpara vizitës Xhorxh Bushi do të shprehet në shtyp për Shqipërinë si "vend mysliman", por gjatë dhe pas vizitës togu në fjalë u zëvendësua shprehimisht me "vend me tolerancë fetare". Gjasat janë që dikush paska ndërmarrë hapa saktësimi, por problemi qëndron se shtypi i huaj e riprodhoi masivisht rastin e parë sidomos për të theksuar idenë se ja "një vend mysliman që e do Perëndimin". Rasti më flagrant syresh i ditëve të fundit ishte dhe ky gazetar që e çon myslimanizmin në Shqipëri në cakun e 95%-it. Vetëm se ka një problem, Shqipëria jo vetëm që nuk është vend mysliman, jo vetëm që nuk ka shumicë myslimane, por nuk është as vend me shumicë fetare!

Kadri Fusha

Këshilla një gazetari

I dashur mik - në e bëfsh gazetën me fleta të mëdha; shqiptarët do të thonë që s'fshihet dot lehtë; në e bëfsh me fleta të vogëla, do të thonë se s'është gazetë, por libër. Në e shtypsh me letra të holla, do të thonë se s'këndohen edhe prishin sytë; në e shtypësh me letra të trasha do të thonë se je "hamall" e kërkon të mbushësh vend. Në shkrofsh toskërisht, do të thonë se s'është gazetë për gjithë shqiptarët; në shkrofsh gegnisht prap ashtu, në shkrofsh në gjuhë të përzier me të dyja, gjysëm gegnisht, gjysëm toskërisht, do të thonë se është "çervish".
Në mos shkrofsh për politikë, do të thonë se s'është koha të punojmë për letratyrë, kur vendi ndodhet në rrezik; në shkrofsh për politikë do të thonë se prishë punë duke egërsuar qeverinë. Në folsh butë për Turqinë, je i paguar prej Stambollit; në shkrofsh rreptë kundër Turqisë, kërkon të të jap Sulltani të holla që t'a pushosh gazetën. Në mos gjefsh të holla që ta mbash gazetën, do të thonë se s'je i zoti, me qenë aq njerëz duan zgjimin e kombit shqiptar; në gjefsh të holla je intrigant a i shitur. Në folsh për plot çlirimin e Shqipërisë, do të thotë je djall e kërkon gjëra që duheshin gatitur në qind vjet më parë; në folç për nevojën të përpiqemi t'a shpëtojmë gjuhën dhe kombësinë, duke vënë vendin nën hijen e një Fuqisë së Madhe, s'qënke shqiptarë i vërtetë.
Në folsh mirë për shqiptarët e krishterë, hidhërohen shqiptarët muhamedanë; në folsh mirë për muhamedanët, hidhërohen të krishterët; në folsh mirë për të krishterët e për muhamedanët që janë shqiptarë të mirë, e ligsht për të ligjt, aherë do të hidhërohen të gjithë. Aq për sot, se kam frikë mos të zërë gjumi.

Faik Konica

Ku e ka zanafillën tradhëtia ndaj gjuhës shqipe?

Gjuhësia shqiptare mbrojti dhe po mbron edhe sot verbërisht Gustav Majerin...                                                                                                                                              
Madje Çabej "Hyrje në historinë e Gjuhës Shqipe", f. 152-153 përmend edhe "pëllëmbën ndër sy" që Tagvliani i jep G. Mayerit, duke i thënë se fjalori i tij nuk ka lidhje me gjuhën shqipe, por Çabej po aty këmbëngul se "nuk hiqen me një fjalë goje këto fjalë të huaja nga shqipja!!!!

Jo vetem kaq, por Çabej është i ndërgjegjshëm, kur po aty përmend arritjen e G. Mayerit se "ne flasim një dialekt të ilirishtes dhe i mbajmë këto troje, të paktën që prej shek. të X të e.s.

Por cila është kjo arritje gjuhësorë e Majerit  që librin e tij ia kushton serbit Miklosich edhe që nuk e njeh gjuhen shqipe? Le të gjykojmë arritjet e Mayerit që dija shqiptare i thur kaq lavde...

Arritjet e Majerit janë këto :

Fjalori i tij përmban 5140 fjalë ‘’shqipe’’, nga këto 1420 ai i nxjerr me prejardhje latine, 540 i nxjerr me prejardhje sllave, 1180 me prejardhje turke, 730 të padepërtueshme (edhe për këtë e ka fajin mospermbledhja akoma  e gjuhëve të tjera në Europë, ku ai shpreson në të ardhmen të depërtohen si fjalë të huaja e të zvogëlohet edhe më tej ky numër, që si e si, vetëm fjalë shqipe të mos jenë. Kaq urrejtje për gjuhën shqipe nuk kanë shprehur edhe më antishqiptarët e deklaruar publikisht...Për 400 fjalë Majer thotë se ‘’pak a shumë’’ i njeh si trashëgimi e lashtë indoevropiane, por nëpërmjet paralelizmave sllave turke etj. Me pak fjalë,  G. Majer, që pranon që nuk e njeh gjuhën shqipe edhe çuditërisht bën fjalorin etimologjik të saj, na thote: "Në 5 fjalë të shqipes , 4 janë të huaja dhe njëra mbetet shqipe.

Çmendurinë e G. Majerit e goditën dijetarët arbëresh dhe arvanitë, por këtu po kujtojmë C. Tagliavinin, i cili e injoroi krejt punën e Majerit, si një vepër me fjalë të huaja që përdoren ndër arvanitët, arbëreshët, arrnautët e gjetkë, por nuk kanë asnjë lidhje me trungun e gjuhës shqipe. - shih Çabej ’’Hyrje në  Historinë e gjuhës shqipe’’ f 152-153 dhe po aty pak më poshtë ndërhyn E. Çabej, ku i pranon si fjalë shqipe fjalët e huaja që Majeri, pa e njohur shqipen, ia ngjit asaj : ‘’Elementi i huaj që Majer nxorri në pah nuk mundet të hiqet me një fjalë goje ‘’ !!!

Veshpërkëdheluri i dijes shqiptare,  G. Majer, në kundërshtim me armatën: "Hahn, Camarda, Stier, Falmerayer, Bopp, Pott, Schleicheri, Xylander, Kupitori, Thomopulos, Krispin si dhe rilindasit shqiptarë, deri tek profesori i Historisë në Universitetin Columbia, SHBA-së Stavri Skendon, Kondën, Pilikën etj, na thotë se gjuha shqipe është një gjuhë shumëngjyrëshe edhe nuk ka lidhje me gjuhën e autoktonëve.

Që ti thuren kaq lavde këtij mashtruesi  që na do ardhacakë dhe të mohohet Armata e mësipërme duke iu shpallur luftë të hapur Rilindasve Shqiptare, nga kryeqendra  e dijes shqiptare në Tiranë, duke i quajtur  ata gënjeshtarë apo edhe ëndërrimtarë me sy hapur, do të thotë se dija  shqiptare është në krizë indentiteti dhe këtu kërkohet ndërhyrja e inteligjencës shqiptare, për ta çuar nderin e shqipes në vendin e vet. Pasi sot dija shqiptare, në vija të trasha, mbron të njejtën çështje me akademiket sllavë dhe nga ana tjetër e ka zhytur vendin në injorancë, duke e ushqyer me opiumin e thyerjes së ndërgjegjies kombëtare, që rilindasit brumosën.Pasojat janë shkatërrimtare, asimiluese madje edhe më katastrofike se gjenoncidet kundra çamëve e kosovarëve, pasi me thyerjen e krenarisë kombëtare, arvanitët e çamët ortodoks po asimilohen me ritme të shpejta shkatërrimtare, ndërsa shqiptarët ortodoksë në Shqiperi e ndjejnë veten grekë, sepse dija shqiptare nuk i mesoi të vërtetën, që ‘’Feja ortodokse i mësoj gjuhën, nën krenarinë e lavdisë së lashtë greke’’.  Me veprën e tij Majer iu vuri vulën ardhacakë, shqipfolësve, duke i bërë të ndjehen të dobët para presionit të dëbimit me dhunë nga shtëpitë e tyre dhe duke i hapur kështu rrugë, nënshtrimit. Pikërisht këtë po kërkojnë të bëjnë edhe sot Akademikët sllavë e ardhacakë në Maqedoninë  iliro-pellazge. Ndaj këtu duhet të qëndrojmë dhe të rishikojmë veprën e Majerit, nëse ajo, ka apo jo bazë shkencore. Për këtë po marrim për shqyrtim 60 fjaë në 14 faqet e para të fjalorit te tij, për ti krahasuar me gjuhën shqipe.                                                                                                                                                                    

A i njihni ju si shqip, këto fjalë të G. Majerit?

"Abat,abaci, abdest,abdhele, abisonj, abolla, abonsina,acik, addunar, aformi, aftapodh, agapis, ahci, ajan, ajazem, ajodhime, akatastasi, aksafana, aksi, aksua, alabaster, alun, alaka, alem, alemistra, aleshtis, alimonore, alipsan, alsive, allanor, alltebash, ambnis, anak, anamesa,aname, anangas, andikos, andis, angalias, angonje, angosinj, angure, agjin, agjinidhe, agjister, anthine, apalto, apanses, apikas, apodhure, apofasi, apomoni, apostull, apoth, apsith, apul, arallek, arcere, arenc, argali, argat."               

Shkroi: Altin Kocaqi

Borxhi publik në Shqipëri

Çdo shqiptar duhet të paguajë 2500$ për të shlyer borxhin publik!
https://www.facebook.com/photo.php?fbid=412653768761636&set=a.222036807823334.75632.220909724602709&type=1&ref=nf
Do ta paguajmë ne, fëmijët tanë, fëmijët e fëmijëve...derisa të dorëzohemi pa kushte në skllavëri.

P.s Të gjitha shtetet në borxhe. Ndaj kujt? Kush pasurohet kur shtetet nënshtrohen një e nga një?

Edhe pas 20 vitesh përsëri brohorasim "LIRI DEMOKRACI"

Si shpjegohet që në festën e fitores së parë të Partisë Demokratike, 20 vjet më parë, mbështetësit merren ende me autobusë, kush me hir e kush me pahir?

Si shpjegohet që për 20 vite, një e ashtëquajtur Parti Demokratike, nuk prodhoi dot një lider tjetër me demokracinë e saj, përveç Berishës?

Si shpjegohet që në festën e Partisë Demokratike refuzojnë të bëhen pjesë, pikërisht bërthama e kësaj partie?

Si shpjegohet që ende pas 20 vitesh, populli thërret ende "Liri Demokraci"?

Si shpjegohet që dje në emisionin Opinion në Tv Klan HD, tema ishte "Sali Berisha" dhe i ftuar të fliste për atë temë, ishte pikërisht Z. Berisha?

Lista e ish- personaliteteve të PD-së, që refuzojnë të dalin krah Berishës

Aleksandër Meksi, kryeministër
Bashkim Kopliku, zëvendëskryeministër
Dylber Vrioni, zëvendëskryeministër
Dashamir Shehi, zëvendëskryeministër
Gazmend Oketa, zëvendëskryeministër
Rexhep Uka, zëvendëskryeministër
Alfred Serreqi, ministër i Jashtëm
50 ish- deputetë të PD
15 ish- ministra.Funksionarë të tjerë të lartë të PD-së, të lënë në harresë

Shkroi: Stop Injorancës

Shqiptari - Politikani më i mirë i politikës së jashtme

Ilir Metës i akordohet çmimi “Personaliteti më Pozitiv i Politikës së Jashtme”

Kreu i Lëvizjes Socialiste për Integrim Ilir Meta është vlerësuar me çmimin “Personaliteti më Pozitiv për Politikën e Jashtme gjatë vitit 2010”, nga Instituti për Studime Ballkanike dhe Lindjen e Mesme IFIMES me qendër në Ljubljanë. Gjatë ceremonisë me rastin e 10 vjetorit të krijimit të Institutit IFIMES në Ljubljanë, çmimi iu dorëzuar Stjepan Mesiç, ish-president i Kroacisë, njëkohësisht President nderi i IFIMES.

Meta u vlerësua si personaliteti më pozitiv për vitin 2010, në kohën kur ishte zv.kryeministër dhe ministër i Jashtëm, për kontributin e tij pozitiv dhe real në mbarëvajtjen e politikës së jashtme të Shqipërisë dhe për ndikimin e tij personal dhe institucional për forcimin e marrëdhënieve të mira rajonale dhe të fqinjësisë së mirë mes vendeve të Ballkanit Perëndimor.

Instituti vlerësoi vizionin e Metës në krye të diplomacisë shqiptare si një personalitet politik me peshë në rajon dhe me synim të qartë për të krijuar një rajon më të hapur, më pozitiv dhe më të integruar. Për akordimin e këtij çmim rol deçiziv ka luajtur vizita e Metësn në Serbi, që ishte e para e një niveli të lartë.
---------------------------------------------------------------------------------------------------------------
Po ta mendosh thellë-thellë, i vetëquajturi kristali, i vetëquajturi Luani, i etiketuari Ilir Floriri, ka bërë realisht atë që asnjë Ministër i Jashtëm nuk e ka bërë dhe nuk do ta bënte kurrë.

Ju kujtohet kur më 12 mars 2010-ë vizitoi Beogradin, Preshevën dhe Bujanocin (duke harruar Medvegjën kreshnike) fill pasi dëgjoi shqetësimet e mëdha të shqiptarëve atje, doli e deklaroi publikisht me heroizëm se në Shqipëri, ekziston minoriteti serb?
Deklarata e tij u pasua me hapjen e 2 shkollave serbe, një në Shkodër dhe një në Fier.
Cili është ai Ministër i Jashtëm në Ballkan që ka krijuar nga hiçi duke dalë mbi historianët, një minoritet?
Në raport me E. Haxhinaston që nuk i duronte dot pordhët e tyre, Z. Meta mesa duket nuk është ankuar fare.

Nuk është e rastësishme që I. Meta dekorohet për politikën e jashtme, por për ti thënë të bardhës të bardhë e të zezës të zezë, konkurenca ka qenë shumë shumë e fortë.
U bënë dekada që gjithë politikanët tanë luajnë fort vetëm politikën e jashtme (pa i dalë koha të merren me politikën tonë të brendshme) dhe fitorja e Metës, duhet duartrokitur... 

Shkroi: Stop Injorancës

Kisha holandeze kastroi të rinjtë homoseksualë

Deputetët holandezë kanë bërë thirrje për të nisur një hetim në lidhje me dyshimet se rreth 10 të rinj holandezë u kastruan në vitet ’50 nga kisha katolike holandeze, për të hequr prej tyre homoseksualitetin.

Qeveria është nën presion për të provuar atë që disa thonë se është një skandal i mbuluar, ku djemve u hiqeshin testikujt nga klerikët.



Deputetët e kanë ngritur këtë çështje pasi një gazetë holandeze zbuloi detajet e ndëshkimeve, të cilat nuk u shfaqën askund në hetimin zyrtar që u bë për abuzimet seksuale brenda kishës.

Gazeta ka identifikuar së paku një person, të quajtur Henk Heithuis, që ishte kastruar kur ishte ende i mitur. Mendohet se të paktën dhjetë djem janë kastruar.

* Historianët theksojnë se qindra djem i janë nënshtruar kastrimit.
* Henku shprehet se është kastruar, fill pas ka raportuar abuzimet prej priftërinjve
* Qeveria Hollandeze ka deklaruar hapjen e hetimeve ndaj kishës holandeze.

Burimi: http://www.dailymail.co.uk/news/article-2117574/Dutch-Catholic-Church-castrated-10-boys-1950s-effort-purge-homosexuality.html?ito=feeds-newsxml

Termi Komb dhe Kombet

Kombësia është një ndër kategoritë kryesore mbi të cilat është organizuar bota jonë sot.

Fjala "Nation", që nënkupton sot "Kombësinë" ka ardhur prej fjalës latine "Natio". Hera e parë kur përdoret ky term është në Bolonjë në shekullin e XIII-të të mesjetës dhe nënkuptonte thjeshtë Universitetet, duke u përdorur për njerëzit që i përkisnin të njëjtit Universitet.

Nga ana tjetër, vetë fjala "latine" ka lindur për herë të parë në shek. e XIII-të.

Koncepti "Nation", si "Identitet Kombëtar" ka lindur vetëm gjatë revolucionit francez të 1789-ës.

E keni hasur besoj edhe prej shumë autorëve të ndryshëm që në vëllimet e tyre shkruajnë fjali të tipit: "sipas autorit francez të shek. të XII-të..." në një kohë kur vetë francezët nuk njihnin kombësinë, kur francezët nuk flisnin frengjisht dhe kur emri Francë nuk kishte lindur akoma...

Si shpjegohet atëherë, në një botë ku ende nuk kishte lindur koncepti i kombit, pra prej vitit 1789 e poshtë, historia na i trajton ngjarjet historike, perandoritë, perandorët, figurat e ndryshme historike si pronësi të disa kombeve të caktuara (greke, romake, osmane etj, etj)?

Nga ana tjetër, historia trajton shtetet ilire, apo Mbretin e parë të Arbrit dhe të Epirit, në një kohë kur vetë europianët nuk kishin ende sensin e kombësisë.

Ciniku më i madh që ka ekzistuar ndonjëherë, është REALITETI.

Realiteti nuk e humb kurrë rastin të të dekonspirojë edhe përballë disa gënjeshtrave të bardha.

Kur ti krenohesh me arritjet e tua, ai të buzëqesh lehtë tek veshi. Një buzëqeshje që tërbon djallin...
Kur ti shpërndan komplimenta pa doganë, ai si shpërblim në ditët e tua të dobësisë, të godet me çok kokës, si një çmim i taksës së hipokrizisë.
Eshtë po ai që na përplas në fytyrë të vërtetat e hidhura, pikërisht kur kemi nevojë të dëshpëruar të përkëdhelemi mes gënjeshtrash simpatike.
Realiteti nuk është i mysët, por as i lugët. Ai është një pasqyrë e pafytyrë, që s'të ndryshon as emër, as ngjyrë. Të lë kohë të flesh sa të duash, ditën edhe natën, por në fund ti llogarit si ditë të jetuara. Orët e tij më të arta dhe të hareshme janë kur krahason veten me realitetin që krijon çdokush prej nesh. Sa më pak të përputhen këto realitete, aq më tepër realiteti gajaset.

Realiteti është ai që nuk ndjen kurrë mëshirë për ne dhe gjithë kërshëri ndërzen turma histerike të hidhen kundra nesh, për disa detaje të pafajshme të së shkuarës.
E në këtë valle ku realiteti i pari tund shaminë, të kapur përdore, të gjithë dredhojmë, kush e kush të vallëzojë më bukur...

Realitet, o cinik, të kam shok, më ke armik.

Shkroi: Stop Injorancës

Etimologjia e fjalës "Nder"

Fjala "NDER", kjo fjalë kaq e lavdishme dhe fisnike që:

- latinisht bën "honrare",
- frengjisht "honneur",
- anglisht "honor",
- italisht "onorare",
- spanjisht "honrar",
- turqisht "onur" etj,
sipas etimologjisë zyrtare dhe etimologëve të shquar, mbetet një fjalë me origjinë të panjohur. (of unknown origin) http://www.etymonline.com/index.php?term=honor&allowed_in_frame=0 (?)

Me një sy të shpejtë, fjala "honor" dhe "Në+derë=nder=ner" (shqiptohet në të folur si ner) sigurisht që nuk janë palidhje me njëra-tjetrën, por ndërsa përpiqemi të kuptojmë krijimin dhe arsyetimin e fjalës shqipe "nder", ndoshta mundet edhe ti japim kësaj fjale ndërkombëtare edhe origjinën e saj të panjohur.

A është vallë kaq e rastësishme që kur një fjale etimologjia zyrtare nuk i gjen dot një shpjegim që të mos jetë aq qesharak sa zakonisht, i vendos vulën "e panjohur" përsipër? E po kaq çuditërisht, kjo ndodh me fjalët, ku lidhje e tyre me shqipen, është më lakuriqe se kurrë...

Përse e quajmë Shkencë etimologjinë kur kaq haptasi ajo është një vegël në shërbim të gjeopolitikës?

Shkroi; Stop Injorancës

Militantë i thekur? Punësim i garantuar!

Ja Europa shqiptare e demokrate e vitit 2012-të!
Ja meritokracia, ja kushtet e barabarta të tregut të punës, ja sesi mbushen nyjet më të rëndësishme të zhvillimit tonë shoqëror, me militantë kokëboshë, me njerëz të fisit, me shoqëri, me miq e pagesa. Ja si shpërblehen diplomat e studentëve shqiptarë, djersa dhe ëndrrat e tyre për ti shërbyer kësaj shoqërie.

Dhe me kalimin e viteve, janë pikërisht këta militantë analfabetë që marrin timonin e zhvillimit të vendit tonë. Përfundimi i kësaj drame, shihet e ndjehet edhe sot. Stop Injorancës

Skandalet e punësimit në Bashki: Albana Vokshi rekomandon 80 gra, nga pastrueset tek drejtoresha.

Prostituta: Dënim për klientët? Na latë pa bukë, unë punoj nga skamja

TIRANE- Edhe pse ilegalisht, kryeqyteti ofron seks për të gjithë. Nga 2-mijë lekëshet e lulishtes pranë “Ushtarit të Panjohur” ose dhe gropës pas Operës deri te vajzat 500-euroshe të hoteleve luksoze.

Edhe pse nuk mund të thuash me saktësi nëse ka apo jo Tirana një “Zonë me drita të kuqe”, çdo kush e tregon me bindje se në disa motele periferike të kryeqytetit ushtrohet ilegalisht prostitucioni. Por, ka edhe zëra për një prostitucion ‘elitar’, ku vajza të hijshme, të veshura klas ushtrojnë ‘zanatin’ më të vjetër në botë, për shifra më të kripura që arrijnë në qindra mijëra euro.

Gazeta Shqiptare në numrin e sotëm ka intervistuar një punonjëse të seksit në zonën tek lulishtja e “Ushtarit të panjohur”. Ajo prezantohet me emrin Tina.

Sa e keni pazarin?
"Dy mijë lekë, por ka dhe klientë që nuk më tradhtojnë dhe vinë përherë tek unë dhe u bëj edhe ulje."

Qeveria miratoi një ligj se punonjëset e seksit nuk dënohen me burg, por dëno-dënohen klientët e tyre dhe tutorët.

Si e gjykon?

"Ne nuk i bëjmë dëm askujt, përse duhet të na dënojnë, por edhe klientët tanë nuk duhet të dënohen. Me këtë vendim kam frikë se do na bien klientët."
(BalkanWeb)

Iluminati

Iluminim, quhet proçesi i ndriçimit të mendjes.

Në teologji, iluminim quhet proçesi i arritjes pranë Zotit.
Sipas etimologëve fjala iluminim "iluminate", vjen prej latinishtes "illuminatus", nënkupton shkëlqimin, dritën, ndriçimin, por nuk na thonë asgjë rreth etimologjisë së fjalës. http://dictionary.reference.com/browse/illumination

Kaq frikë ta kenë vallë fjalën rrënjë-bazë të shqipes, "yll/ill"?!
Askujt nuk i bën përshtypjse se pse nuk jepet sqarimi se nga vjen kjo fjalë dhe pse injorohet shqipja yll?

Li+ght
La +(e)st+ella
Lu+ce (e)St+ar
Lu+x
Lu+mière
Lâ+mba
Ly+s
Li+cht
Llu+m
Pra, il, el, la, lo, ly, yl, le, lu, ul, ly, li, al janë të gjitha forma të së njëjtës fjalë, të fjalës Yll, që sot e përdor vetëm shqipja në kuptimin e dritës, ndriçimit.

Shkroi: Stop Injorancës

Na kanë gënjyer. Hamzai është ende gjallë...

Ceremonia e sotme në Lezhë, në përkujtim të 2 Marsit 1444, ngjarje që shënon mbledhjen për herë të parë në një Kuvend të prijësve shqiptarë me qëllim bashkimin e tyre kundër perandorisë osmane, Presidenti i Shqipërisë B. Topi, nuk merr pjesë sepse Protokolli i Shtetit e kishte ftuar duke i ndaluar të drejtën të komunikonte me qytetarët nga podiumi, opozita mungoi dhe AKZ-së nuk iu dha leje për të tubuar nga Bashkia Lezhë.

Dhe në gjithë këtë mish-mash antivlerash, ndasish, urrejtjesh për pushtet më ironikja mbetet motoja e kësaj ditë-feste "Dita e Besëlidhjes".

Na kanë gënjyer! Hamzai është ende gjallë.

Shkroi: Stop Injorancës

Etimologjia e fjalës "Skirt"

Duke parë se si u ftoh koha në prag të ditës së verës, po mendoja me veten si ia bëjnë femrat shqiptare që qarkullojnë ende me funde dhe minifunde. Nisur nga kjo ide, u fokusova tek fjala angleze "skirt" që përkthehet "fund".

Sipas etimologëve, fjala "skirt" rrjedh prej protogjermanishtes "skurtijon".
http://www.etymonline.com/index.php?term=skirt&allowed_in_frame=0
Ç'është kjo gjuhë protogjermanike dhe përse nuk e zbërthejnë fjalëformimin e kësaj fjale? Përse "skirt" nuk është shqipja "shkurt"?

Nga ana tjetër, fjala italiane "corto" vjen prej rumanishtes "skurt". (?)
Ç'fise ishin rumunët dhe si shpjegohet që këta thrakë të romanizuar brenda një shekulli, në vend të merrnin prej latinëve, iu jepkan atyre fjale!

Në foto, miniburka.është grep, për të tërhequr mendjeshkurtit shqiptarë të merren e shqetësohen për shqipen më tepër, se sa me arabishten e të tjera kultura perverse shkretëtirash...

Shkroi: Stop Injorancës

Neritan Ceka dhe miza nën kësulë

E keni parasysh atë barsaletën, kur togeri rreshtoi togën dhe deklaroi që ai ushtar që kishte shkuar me gruan e tij, (të cilin do ta ekzekutonte në moment), kishte sipër kapeles një mizë dhe aty në çast, njëri prej ushtarëve lëviz dorën sipër kokës?!

Sapo Presidenti i Republikës. Z. B. Topi deklaroi se me hapjen e dosjeve, shqiptarët do të shohin çudira edhe tek ata që merren me politikë, Neritan Ceka në një intervistë tek një e përditshme shqiptare, deklaron se dosjeve u ka ikur koha dhe duhen groposur përfundimisht.

Stop Injorancës

Vetëvrasjet në Japoni

Si shpjegohet që ajo Japoni, ajo që ne e njohim si një prej ekonomive më të fuqishme të Planetit, vetëvrasjen e ka problem kombëtar, e cila e rradhit tek 10 vendet e para në botë, me 34-35 të vetëvrarë për 100 mijë banorë.
http://en.wikipedia.org/wiki/Suicide_in_Japan
Përveç humbjes së punës, presionit shoqëror, arsyeja themelore e vetëvrasjeve mbetet "DEPRESIONI".

Çfarë nuk shkon me këtë sistem, që mirëqenia ekonomike rritet në përpjestim të drejtë me vetëvrasjet?
Vetmi, thatësi shpirti, robotizëm, pasivitet, pabarazi, padrejtësi...

A është vetëvrasja një dëshmi e dështimit të këtij rendi shoqëror, duke qenë se prek masivisht, pikërisht shtetet e zhvilluara kapitaliste?
Depresion = D(h)e+presion.

Pra, shtim presioni.
Presioni i shtuar i jetës sot, vrapi për në punë, pasiguria për të ndërtuar jetën, për të siguruar një strehë, për të ruajtur vendin e punës, për të paguar shëndetin, pamundësia për të gjetur kohën për të takuar një mik, për të kaluar kohë në natyrë, për tu marrë me sport, për tu argëtuar, për të qenë social dhe i solidarizuar me shoqërinë ku bën pjesë.

Ndoshta njerëzit kanë më tepër nevojë për njëri-tjetrin, sesa për të mirat materiale, apo ngritjen e shërbimin ndaj monopoleve ekonomike.

Shkroi Stop Injorancës

Genocidin ndaj shqiptarë e rikujton kryekrimineli shqiptar

Berisha: Në Tiranë duhet të ngrihet një muze për genocidin ndaj shqiptarëve

Eshtë e domosdoshme që Tirana, kryeqytetin e vendit, të ketë një muze të veçantë për kalvarin e shqiptarëve këto dy shekuj, sepse për ne, harresa do të ishte turpërim i madh, do të ishte e pafalshme!
Ne flasim dhe njohim disa nga masakrat, por ju garantoj se në çdo territor të këtij vendi që kufizohet me të tjerë kalohet mbi të vdekur, të rënë vetëm e vetëm se ishin shqiptarë. Kjo është mënyra më dinjitoze për të ndërtuar marrëdhëniet e reja me kombet e vendet përreth, për të ecur të sigurt drejt së ardhmes që meritojmë. Ndaj, edhe Tirana duhet të ketë një muze të genocidit kundër shqiptarëve, në mënyrë që brezat, fëmijët tanë, fëmijët e fëmijëve tanë të shohin se cilat ishin sakrificat e paraardhëse të tyre, cila është drita që i udhëheq ata drejt së ardhmes që meritojnë”.

“Asnjë komb tjetër, pas kombit hebre, nuk ka njohur genocide, spastrime etnike, krime kundër njerëzimit, siç kanë njohur shqiptarët, të paktën që nga Lidhja e Prizrenit, deri në fund të shekullit që lamë pas. Por sot, ne jemi të lirë e kjo liri është e tëra e ndërtuar mbi një sakrificë mbinjerëzore, mbi një përpjekje titanike të një kombi të vogël për të mbijetuar, në të drejtën, në tokën, në trojet e tij. Sot, ne jemi të lirë dhe kemi një vështrim të kristaltë drejt të ardhmes sonë. Kemi besim të madh se si komb i lire lamë mbrapa periudhën e përpjekjeve për mbijetesë e ekzistencë dhe kemi hapur kapitullin e ndërtimit të së ardhmes që meritojmë, e një të ardhmeje në liri, në prosperitet, në bashkëpunim dhe miqësi me kombet e tjera të rajonit e të Europës,” tha Berisha.

Poshtë Shënim:
Si ta bëjmë Z. Berisha që vetëm gjatë qeverijes suaj janë përdhunuar të gjitha varret, bustet e statujat e figurave të kombit shqiptar? Janë shkatërruar të gjitha shtëpitë muze, të gjitha monumentet e kulturës, çdo shenjë nga e kaluara jonë e mundimshme, nga trashëgimia jonë kulturore.
Si t'ia bëjmë që ti edhe pse me PDIU-në në kualicion, nuk gjete kurrë guxim të trajtosh çështjen çame me analogun grek?
Si është e mundur që fërkon supet e Janullatosit, kur çdo e zezë në jugun shqiptar mban vulën e tij?
Si t'ia bëjmë që janë vrarë sërish shqiptarë, vetëm pse ishin shqiptarë? Mbi 2000 të rinj u vranë atëherë kur ti po vetzgjidheshe President.
26 të tjerë në një shpërthim të tmerrshëm tek një prej bizneseve të tua dhe sot ende nuk iu është dhënë drejtësi. Dikush madje u aksidentua duke shkuar për gjah...
Janë vrarë shqiptarë, në mes të bulevardit dhe janë quajtur edhe qafëpalarë e mercenarë? Madje ti i dhe 4 rroga vrasësve të tyre...
Janë quajtur faqezinj ata që janë ngritur për ti thënë NDAL akteve të tua antikombëtare, janë quajtur sharlatanë, thashethemexhinj.
Janë quajtur Aleancë Plehu ata që refuzuan ardhjen e plehrave nga jashtë. Kjo lloj vrasjeje, edhe pse më e ngadaltë, është më tepër e dhimbshme.
Vriten edhe sot çdo ditë shqiptarë në Greqi, Maqedoni apo Serbi, pikërisht sepse janë shqiptarë. Ndërkohu ju shtrëngoni duart, fqinjësia shembullore, krijoni minoritete të paqena, furnizoni me naftë makinat e vdekjes...

Në Shqipërinë tonë të lirë, zhvarrosen varret e të parëve tanë dhe trajtohen me miratimin tuaj si ushtarë grekë.
Në Shqipërinë e duarve të tua të pastra, vriten qytetarë ditën kur votohet për demokracinë.

E di ç'keni Z. Kryeministër, vazhdoni më mirë përgatitjen për festimin e 1 majit siç festuat edhe vjet dhe urojmë që Shakira të mbetet e kënaqur me 5 milion eurot që ia rrëmbeni popullit shqiptar.

Kur të ngrihet Muzeu ndaj genocidit kundra shqiptarëve, figura juaj do të zërë një vend shumë të rëndësishëm... Urojmë të jeni gjallë deri atëherë.


Shkroi: Stop Injorancës

Kriminaliteti në Shqipëri

Krimnaliteti i renditur sipas qyteteve shqiptare.

Përmeti, qyteti më i qetë.
Berati, më i trazuari

Vjedhjet po terrorizojnë Shqipërinë

Krimi që dëmton dhe prek më shumë shqiptarët është vjedhja.

Shifrat e Prokurorisë së Përgjithshme tregojnë se 40.63 për qind e krimeve që ndodhin në vend janë vjedhje. E përkthyer në shifra konkrete rezulton se vitin që kaloi kanë ndodhur 13 314 vjedhje, ose më shumë se 36 vjedhje në ditë. Por për këtë numër gjigant vjedhjesh, prokuroria ka hetuar vetëm 3409 persona dhe në gjykatë kanë përfunduar vetëm 2644 të pandehur.

Krimet me sfond seksual

Në total gjatë vitit 2011 në Shqipëri kanë ndodhur 49 krime seksuale, ku pjesa më e madhe janë krime homoseksuale me të mitur. Ndërkohë vepra e dytë më e përhapur e kësaj kategorie është kryerja e marrëdhënieve seksuale me dhunë e pasuar nga kryerja e marrëdhënieve homoseksuale me adoleshentë të moshës 14-18 vjeç. - Shekulli
Qytetet me aktivitet më të lartë kriminal:
Tirana
Durrësi
Elbasani
Vlora
Shkodra
Korça
Berati
Lezha ...e në fund Përmeti, qyteti i paqes dhe i trëndafilave.

Llozha e Madhe Shqiptare ka arritur më në fund kushtet për të marrë njohjen dhe miratimin ndërkombëtar

E ka vendosur Komisioni i Rinjohjeve Ndërkombëtare gjatë Konferencës së Mjeshtrave të Mëdhenj në Amerikën Veriore. Orienti i Madh i Italisë gjithmonë në anën e vëllezërve të Shqipërisë.

Vetëm pak vite më parë dukej si një ëndërr: Ngritja e shtyllave në Tokën e Shqiponjave, ndërsa sot ai është një realitet, në zemër të Vëllazërisë Universale.

Gjatë punimeve të Konferencës së Mjeshtrave të Mëdhenj të Amerikës së Veriut, që u mbajt në Atalanta, në kryeqytetin e shtetit të Gjeorgjisë (USA), u ngrit Komisioni i çmimeve ndërkombëtare, i cili ka detyrën e verifikimit të plotësimit të kërkesave themelore të Llozhës së Madhe ndërkombëtare vëllazërore.

Mjeshtri i Madh i Orientit të Madh të Italisë, Gustavo Rafi, ka ilustruar dhe argumentuar para kërkesës së Komisionit për njohjen e Llozhës së madhe të Shqipërisë, të përbërë dhe shenjtëruar prej Orientit të Madh të Italisë Tetor 14, 2011.
Këtë mëngjes, Komisioni publikoi raportin e tij, duke deklaruar se Llozha e Madhe shqiptare i plotëson të gjitha kërkesat për të marrë njohjen ndërkombëtare.

Vëllezërit e Orientit të Madh të Italisë - Palazzo Giustiniani, me dashuri vëllazërore përqafon Mjeshtrin e Madh të Shqipërisë, Elton CACI dhe të gjithë vëllezërit shqiptarë të bindjes.

Tani edhe më shumë së bashku, për të mirën e njerëzimit, një shenjë e ndërtuesve të botës së lirë.

Burimi: http://www.grandeoriente.it/index.php?option=com_content&view=article&id=2480%3Aatlanta-21-febbraio-2012-la-gran-loggia-di-albania-ha-i-requisiti-per-poter-ottenere-i-riconoscimenti-internazionali&catid=27%3Aeventi-e-news&Itemid=12

P.s Orienti, nënkupton lindjen, si koncept gjeografik.

Edhe sikur ta marrim të mirëqenë faktin se kjo llozhë masonike shqiptare, do ndikojë, pozitivisht apo negativisht qoftë, në realitetin shqiptar dhe për të ardhmen tonë të përbashkët, pse brenda sqetullës së tartarukeve italianë?

P.s Si e ndryshon realitetin një organizatë e tillë, e cila nuk ka qasje në politikë dhe në politikën e saj, ka në qendër vetëm paqen?

Në rast se i përket tashmë një llozhe ndërkombëtare, a përfaqëson interesat shqiptare, apo interesat dhe problematikën ndërkombëtare?

Si përzgjidhet hiearkia e tyre? Cili ua ka shkruar "kushtetutën" dhe cilat janë disa prej veprave të tyre, për të justufikuar ekzistencën e tyre si organizatë?

Shkroi dhe përktheu: Stop Injorancës

Shpirti si sinonim i mendjes

Shpirti, rëndomtë trajtohet prej njerëzve si një koncept i ndarë prej mendjes, apo edhe si koncept që shpeshherë edhe bie ndesh me të.
Thonë që në momentin kur lind njeriu, në momentin kur ai vjen në jetë është i pajisur me shpirtin e tij. Shpirt që sipas disa dogmave kryesisht teologjike, nuk vdes kurrë, madje as me vdekjen tonë fizike.

Po le të marrim një shembull për të analizuar të ashtëquajturin shpirt dhe mendjen, lidhjen, ndërvarësinë e tyre. Janë sinonime të të njëjtit koncept, apo realisht identifikojnë 2 koncepte të ndara prej njëra-tjetrës.

Si shembull marrim rastin e fëmijës me prindin.
Të gjithë jemi të njohur me faktin se kujtesa njerëzore zakonisht nuk nis para moshës 2-vjeçare e madje edhe më vonë tek njeriu.
Pra, kujtesa, mendimi, riprodhimi e arsyetimi mendor, lind pas moshës 2-vjeç dhe nëse marrim të mirëqenë faktin se njeriu lind me shpirt, atëherë rrjedhimisht shpirti lind para mendjes njerëzore.
Po nëse një fëmijë të rritur për 2-vjet tek prindërit e tij, lidhje kjo që për analizë po e quajmë "lidhje shpirtërore", e ndajmë nga prindërit dhe e dërgojmë të rritet në një familje tjetër, me prindër biologjikë apo jo, kur ky fëmijë të rritet, do të dojë me shpirt, apo me mendje prindërit e tij?

Pra, ky fëmijë do të dojë prindërit e tij që e rritën 2-vitet e tij të para (vite të cilat nuk i ka fiksuar në kujtesë), apo prindërit me të cilët bashkëjeton dhe i do në bazë të një arsyetimi logjik, në bazë të një marrëdhënieje të vazhdueshme?

Cilët prindër do të dojë ky fëmijë dhe do të ndjejë më afër ky fëmijë?
Ata të lidhjes shpirtërore, apo ata të lidhjes mendore?

Nëse supozojmë se çdokush ka një shpirt, a janë këta shpirtra të barabartë? Apo shpirti i çdokujt prej nesh është i barazvlefshëm me aktivitetin mendor të secilit prej nesh?

A pasurohet shpirti gjatë jetës? Po mendja jonë në raport me të?

Çdokush mund ti përgjigjet në heshtje pyetjeve të mësipërme, por jo të gjithë do të arrijnë të kuptojnë që ajo që quhet shpirt, nuk është asgjë tjetër veçse një krijim letrar, një sinonim i aktivitetit mendor të njeriut.

Shkroi: Stop Injorancës

Piramida e qenieve humane

Përse na duhen mbretërit kur të gjithë jemi njerëz dhe të gjithëve na rrjedh gjak i kuq?

Si është e mundur që një grusht njerëzish si Uindsorët, Rotshildët, Sorosi e të tjerë përbindsha si këta të tërheqin për hunde për një kohë kaq të gjatë mbarë njerëzimin? A do të mundeshin këto monstra t'ua hidhin paq njerëzve pa bashkëpunimin me ta?

Bashkëpunimi mes monstrave si Uindsorët dhe qenieve njerëzore në vepra çnjerëzore është një dëshmi e rëndë kundër vetë njeriut.

Aristokracia dhe pushteti i saj

Me anë të medias si dhe të gjitha mekanizmave të tjerë Aristokracia me në krye Monarkitë e Evropës përpiqet t’u mbushë mendjen njerëzve se ajo nuk ka asnjë pushtet dhe se nuk përzihet me punët e politikës, ekonomisë, financave, me çështjet e luftës, etj. Publikisht, Aristokracia menaxhon vetëm organizma dhe fondazione bamirësie, bërn promovime në fushën e letërsisë dhe të arteve, si dhe të shkencës.
Të gjithë mbretërit dhe mbretëreshat, princat e princeshat e Evropës kanë ngritur fondacionet e tyre. Këtë ata e bëjnë vetëm për të mbuluar natyrën e tyre barbare dhe kriminale, pasi pushtetin në këtë botë plot dhunë, krime, konflikte, luftra, epidemira dhe genocide e kanë vetëm këta mbretër e mbretëresha, këta princër dhe princesha. Ata kanë gisht në të gjitha fatkeqësitë e mëdha që ka kaluar, kalon dhe do të kalojë çdo komb e të çdo shtet.

Pushteti në këtë planet është i trashëgueshëm dhe pushtetin në këtë planet e gëzojnë vetëm një grusht familjesh Monarkish të Evropës të lidhur mes tyre me fije farefisnie. Qeverisja e mbarë popujve është rregullluar në atë mënyrë, që Monarkitë e Evropës të jenë gjithmonë sunduesit realë të mbarë Tokës.
Ç. Xhunga

Kombi dhe historia

Kombësia është një ndër kategoritë kryesore mbi të cilat është organizuar bota jonë sot.

Fjala "Nation", që nënkupton sot "Kombësinë" ka ardhur prej fjalës latine "Natio". Hera e parë kur përdoret ky term është në Bolonjë në shekullin e XIII-të të mesjetës dhe nënkuptonte thjeshtë Universitetet, duke u përdorur për njerëzit që i përkisnin të njëjtit Universitet.

Nga ana tjetër, vetë fjala "latine" ka lindur për herë të parë në shek. e XIII-të.

Koncepti "Nation", si "Identitet Kombëtar" ka lindur vetëm gjatë revolucionit francez të 1789-ës.

Si shpjegohet atëherë, në një botë ku ende nuk kishte lindur koncepti i kombit, pra prej vitit 1789 e poshtë, historia na i trajton ngjarjet historike, perandoritë, perandorët, figurat e ndryshme historike si pronësi të disa kombeve të caktuara (greke, romake, osmane etj, etj)?

Nga ana tjetër, historia trajton shtetet ilire, apo Mbretin e parë të Arbrit dhe të Epirit, në një kohë kur vetë europianët nuk kishin ende sensin e kombësisë.

Shkroi: Stop Injorancës

Rrugaçëria televizive

Mbrëmë, në kanalin televiziv UTV, pjesë e biznesit UFO University , http://www.albanianuniversity.al/ i cili u shndërrua në Albanian University, (pasi voli mirë për disa vite rrjesht studentë shqiptarë me nga 2500-3000 euro në vit), pronësi e një prej Ministrave më të korruptuar të Shqipërisë, në Emisionin "Fakt", drejtuar nga Çim Peka (siç dëshiron të vetquhet Shkëlqimi), plasi një skandal i paprecedentë.

Tema e emisionit ishin deklaratat e Ambasadorëve Amerikanë në Shqipëri, nga Uidhers tek Arvizu.

Përballë njëri-tjetrit ishin të ulur "analistët e pavarur" që prodhojnë idetë përparimtare dhe përcjellin kulturë, majtas Eduart Zaloshnja, Lorenc Vangjeli si dhe përballë tyre "analistët e pavarur" gjithmonë djathtas; Frrok Çupi dhe Artan Hoxha.

Ajo që më tërhoqi vëmendjen për të ndjekur debatin, ishte metafora "çokollatë" e përdorur prej Frrokut, për ambasadorin Uidhërs.

Si mundet një i vetquajtur intelektual të etiketojë një Ambasador të SHBA-ve, nisur prej ngjyrës së tij dhe kjo, në televizion?

Por kjo ishte veç fillimi.

Fliteshin e përfliteshin ambasadorët amerikanë, sikur të flitej realisht për marka të ndryshme çokollatash, me një frymë shumë të rrezikshme diabetike e diabolike.
Pasi i vetëquajturi debat televiziv u personalizua me akuza të ndërsjellta ndaj dhe prej gojëkulluarit Frrok Çupi, si ithtar i PD-së, ardhur direkt nga posti i gazetarit të "Zërit të Popullit" dhe që arriti kulmin me akuzën e Zaloshnjës që e etiketonin Frrokun si pjesë e sigurimit të shtetit, apo spiun i rëndomtë lagjeje , aty Kryeradaktori i Gazetës Agon, pronësi e F:. Nanos, publikisht i kthehet Zaloshnjës duke e akuzuar se ai kishte hyrë në P. Demokratike vetëm sepse e kishte motrën kurvë.

Në atë çast ndërpritet emisioni mes kërcënimesh dhe Zaloshnja largohet prej debatit.

A thua janë vërtetë këta njerëz, këta analistë, opinionbërës, opinionshitës, elita e mendimit shqiptar?
Çfarë mund të mendosh më pas, po të zbresësh më poshtë dhe të mendosh për atë popullin e thjeshtë që i ndjek nëpërmjet televizorit?

Eshtë e vërtetë që edukata qytetare është trajtuar në programet tona mësimore si lënda më pak e rëndësishme, por këtu nuk kemi të bëjmë vetëm me mungesë etike dhe injorancë të kulturës së debatit. Këtu kemi të bëjmë me njerëz të cilët paguhen të bëjnë avokatët e djallit, paguhen me vende pune, me favore nga më të ndryshmet.
http://www.ama-news.al/2012/02/shperblehet-dhe-frrok-cupi-berisha-e-ben-drejtor-kulture/
Frroku psh u shpërblye më 16 shkurt 2012-të me vendin e punës Drejtor, i Qendrës Kombëtare të Artit, Institucion i krijuar enkas për shpërblime lakejsh. http://lajme.parajsa.com/Kulture/id_372687/

Këtu kemi të bëjmë me intoksifikim të mendjeve të papregatitura, me qëllime mizore, të cilat përpiqen me çdo kusht të ushqejnë skllavërinë mendore, në emër të skllavopronarëve.

Injorimi dhe qëndrimi larg vëmendjes i këtyre emisioneve pseudointelektuale, është një e drejtë legjitime e çdo qytetari shqiptar.
Këtu mund të ndiqni me video, skandalin: http://www.youtube.com/watch?v=mTWR4p2X6WM&feature=player_embedded

Shkroi: Stop Injorancës

Përhapja e arsimit në Botë - Statistikat e 2011-ës

Harta e mëposhtme, është Harta e Botës, Raport i UNDHP së 2011-tës, e ndarë ndërmjet kriterit të njohjes së "shkrim-këndimit".

Shtetet e shënuara me blu të errët janë shtetet ku mbi 97% e popullsisë së tyre njeh "shkrim e këndim".
Në Europë përjashtim bën vetëm Portugalia, Bosnja si dhe Kosova, të cilat ndodhen pak më poshtë % europiane dhe pikërisht me 90-97%.

Ajo që mund të vini re nga Harta Botërore, është fakti se hemisfera veriore është më e arsimuar sesa hemisfera jugore.

Diçka tjetër që të bën përshtypje është lidhja e pashmangshme e arsimit dhe zhvillimit.
Vendet më të paarsimuara, janë njëkohësisht vendet më të varfra, vendet ku të drejtat e njeriut shkelen më haptazi, vendet me supersticionet më të larta si dhe vendet ku Institucionet fetare janë më të forta dhe përkatësisht: "Amerika e Jugut, Afrika dhe Azia".
Po të vini re me kujdes, përgjithsisht ato vende që kanë qenë de-juro dhe mbeten de-facto koloni të Anglisë apo Francës, kanë mbetur në mjerim...

A është njeriu ai që ndërton shkollën, apo është shkolla ajo që ndërton njeriun? Shkroi: Stop Injorancës

Parashikimi i ëndrrave

Dje po shihja tek Kanali T, një dokumentar nga Nadir Murra, mbi misterin e Endrrave, në ciklin e dokumentarëve ENIGMA.

Ajo teori, të cilën dokumentari e mbështeste fuqimisht, nëpërmjet intervistash me njerëz të shkencave të ndryshme, ishte ideja se ëndrrat kanë një domethënie, kanë një kuptim, japin disa mesazhe, disa kode, të cilat duhet mësojmë ti lexojmë.

Sipas besimeve më të lashta të njeriut madje deri tek Bibla, ëndrrat trajtohen si pika takimi me krijuesin.
Me sa miliard ëndrra shikojmë, sa i lartë është propabiliteti që diçka që e shohim në ëndërr, të na ndodhë realisht?

Sa është numri i ëndrrave të cilat nuk realizohen?
Sa është numri i ëndrrave ku nga dhoma jote del në një pyll dhe aty pas një liqeni të shfaqet tregu i zarzavateve dhe brenda një shoku yt i fëmijërisë që shet armë...
A duhet domosdoshmërisht ti japim ndërgjegje të pandërgjegjshmes?
Fundja ç'kuptim ka të parashikosh të ardhmen, kur ti përsëri nuk do ta ndryshosh dot?

Sepse në rast se e ndryshon, nuk quhet më parashikim.

Sipas opinionit tim, nqs ëndrrat kanë një domethënie, atëherë edhe prapanica i ka të gjitha arsyet të nisë dhe të pretendojë deshifrimin e të gjithë tingujve të saj...

Shkroi: Stop Injorancës

Nga ka ardhur fjala shqip "i/e vogël"?

Sipas historiografisë zyrtare, "vogel", është një fjalë që vjen prej gjermanishtes së lashtë, e cila përkthehet "zog", ndërkohë që vetë fjala "zog" në gjermanisht përkthehet "lëvizur". (Shiko rastësinë "vog" me "zog")

"Vogël" është njëkohësisht fjalë e vjetër anglo-saksone, që prej shekullit të 7-të dhe sipas tyre rrjedh nga fjala "Fugol", që nënkupton gjithashtu "zogun".

Devijimet që kjo fjala ka marrë në anglisht janë: "Gowle, Fowell, Fuggle, Vowell, Fowles, Vowells, Vouls, Fuggles dhe gjermanisht: Vogel, Vogl, Vogil, Vogler, Vogeller, Vogele, Vogelein, Vogelin.

Fjalët e prejardhura prej saj në shqip janë: VOGËLAK, VOGËLI, VOGËLIM, VOGËLIMË, VOGËLINË, VOGËLOHEM, VOGËLOJ, VOGËLOSH, VOGËLUSHE, VOGËLSI, VOGËLSIRË, VOGËLUAR, shumësat , VEGJË, VEGJËLI, VEGJETAL, VEGJËTAR/E, VEGJETARIAN, VEGJETATIV, VEGJOJ, VEGJORE, VEGËL, VEGIM, VEGIMTAR, VEGLËRI, VEGLORE, VEGOJ, VEGSH, VEGSHAR etj...


A mendoni se shqipja e mori realisht këtë fjalë prej gjermanishtes së lashtë dhe krijoi me të dhjetra e dhjetra fjalë e koncepte të reja, e mori gjermanishtja e anglishtja prej shqipes, ishte e njëjta gjuhë e përdorur dikur prej njerëzve, disa njerëz krijuan gjuhët e tjera duke u bazuar tek njëra gjuhë e ndritur, apo këto janë vetëm rastësi mes gjuhësh të ndryshme? Gig, gog, gogël, vigan, big, vig, vog, veg, ...?
Shkroi: Stop Injorancës

Njeriu i Ri socialist vs Njeriu i Ri kapitalist

Shqipëria gjatë 50 viteve të regjimit komunist, luftoi dhe krijoi Njeriun e Ri socialist. Sot, në 2 dekada të rënies së sistemit njëpartiak, në Shqipëri ka lindur dhe po rritet Njeriu i Ri kapitalist.
Le të hedhim një vështrim pas, për të krahasuar këta 2 Njerëzit e Rinj shqiptarë, dje dhe sot.

Njeriu i Ri socialist nuk mundej të abortonte një fëmijë, për asnjë arsye, as pse gjinia e foshnjës ishte femër, as pse foshnja ishte jashtë planifikimit familjar, pasi shteti shqiptar aplikonte politika që të nxiste lindshmërinë.
Njeriu i Ri kapitalist në Shqipëri, kryen me përafërsi(pasi klinikat private nuk raportojnë çdo abort që kryejnë) rreth 10 mijë aborte në vit, ose e thënë ndryshe 1 në 4 shtatëzani.

Njeriu i Ri socialist kishte të siguruar një vend në çerdhe, apo në kopësht për fëmijën e tij.
Njeriu i Ri kapitalist, duhet të korruptojë drejtoreshën e çerdhes për ti siguruar fëmijës së tij, një vend dhe një uturak.

Njeriu i Ri socialist mundej ta linte fëmijën e tij për të luajtur poshtë pallatit, në gjelbërim, pa patur frikë se do ta rrëmbente ndokush, pa patur frikë se do ta shtypte ndonjë makinë, pa patur frikë se do ia drogonin...
Njeriu i Ri kapitalist poshtë pallatit ka vetëm pluhur dhe beton, qindra makina të mpleksura bashkë që nuk pushojnë duke i rënë burive, për të dalë nga parkimi i improvizuar.

Njeriu i Ri socialist arsimin 8-vjeçar e kishte të detyruar dhe familja ndëshkohej fillimisht me gjobë dhe më pas edhe me burg nëse nuk dërgonte fëmijët në shkollë.
Njeriu i Ri kapitalist nuk i jep llogari askujt. Rrugët janë të mbushura me fëmijë që lypin, që shesin fara, gazeta, paketa e gjithçka tjetër, në atë orë në të cilën duhej të ishin të ulur, në bangat shkollore.

Njeriu i Ri socialist, në çdo fshat kishte një shkollë.
Njeriu i Ri kapitalist, në çdo fshat sot ka një kishë a një xhami.

Njeriu i Ri socialist e kishte të ndaluar të lypte.
Njeriu i Ri kapitalist, duke lypur mundet të fitojë edhe më tepër se një inxhinier.

Njeriu i Ri socialist vendin e punës e kishte të garantuar prej shtetit.
Njeriu i Ri kapitalist edhe vendin e punës, është i detyruar ta blejë me para.

Njeriu i Ri socialist të gjithë shërbimin shëndetësor e kishte falas.
Njeriu i Ri kapitalist paguan para edhe tek Spitalet Shtetërore.

Njeriu i Ri socialist shtëpinë e kishte të sigurt prej shtetit.
Njeriu i Ri kapitalist blen një shtëpi, as kur ajo nuk ka hipotekë.

Njeriu i Ri socialist dilte dhe e pastronte ambjentin e përbashkët ku jetonte.
Njeriu i Ri kapitalist i hedh plehrat ku t'ia ketë qejfi dhe askush nuk guxon ti thotë një fjalë.

Njeriu i Ri socialist i linte dyert hapur mes komshinjve.
Njeriu i Ri kapitalist nuk përshëndet dhe nuk njeh as komshiun që ka përballë prej vitesh.

Njeriu i Ri socialist i kalonte pasditet duke parë teatro, koncerte, cirk, duke bërë shëtitje, apo ulur mbi trotuare.
Njeriu i Ri kapitalist, kafeneve, pubeve, xhiro në makina ose në facebook.

Njeriu i Ri Socialist ushqehej dhe konsumonte kryesisht prodhime shqiptare.
Njeriu i Ri Kapitalist investon paratë e tij tek produktet greke, serbe, malazeze, maqedonase, italiane, turke, kineze etj,etj...

Njeriu i Ri Socialist nuk protestonte, nga frika se regjimi do ta vriste.
NJeriu i Ri Kapitalist nuk proteston, sepse regjimi e ktheu frikën e tij në realitet.

Njeriu i Ri Socialist festonte 1 majin, pasi punonte gjatë gjithë vitit.
Njeriu i Ri Kapitalist, feston ende 1 majin, sepse është i papunë...

Njeriu i Ri Socialist nderonte dëshmorët e 5 majit, Çlirimin më 29 nëntor.

Njeriu i Ri Kapitalist ka harruar ç'është 5 maji dhe 29 nëntorin e kanë kthyer në një ditë ndarjeje, mes 28-ës dhe 29-ës.

Njeriu i Ri socialist merrej me art, me sport, me industri, me bujqësi etj.
Njeriu i Ri kapitalist është shterpë, luan kalçeto, mbahet ende gjallë me shitjen e skrapit të këtyre industrive dhe tokat i ka lënë djerrë.

Njeriu i Ri socialist, nuk kishte të drejtë të fliste kundra sistemit.
Njeriu i Ri kapitalist mundet të thotë gjithçka kundra sistemit, por askush nuk ia vë veshin.

Njeriu i Ri socialist gjithçka e kishte shtetërore.
Njeriu i Ri kapitalist, edhe shtetin e ka pronë private.
Kjo listë mund të jetë shumë e gjatë dhe me kahe të ndryshme, pasi sigurisht jo gjithçka ka ndryshuar për keq, prandaj do e lija në dorën tuaj ta plotësonit panoramën, se si dhe sa ka ndryshuar Njeriu i Ri shqiptar.

Shkroi: Stop Injorancës