Prishtinë, protestë në mbrojtje të shamisë së kokës

Arlinda Zekaj është ndaluar të shkojë në shkollë me shami koke, sipas traditës islame. Zekaj ndjek shkollën e mesme në Ferizaj.

Para ndërtesës së Qeverisë së Kosovës sot është protestuar në shenjë kundërshtimi me përjashtimin nga shkolla të 16 vjeçares, Arlinda Zekaj. Zekaj është ndaluar të shkojë në shkollë me shami koke, sipas traditës islame. Zekaj ndjek shkollën e mesme në Ferizaj. Protestuesit mbanin në dorë parrullat “Stop diskriminimit” dhe “Mbulimi i mendjes është i ndaluar, jo i kokës”. Kushtetuta e Kosovës i garanton liritë fetare, por nuk lejon shaminë e kokës apo simbolet e tjera fetare në shkollat publike tw cilat konsiderohen laike.

Burimi: http://www.ikub.al/1005070127/Article_Prishtine-proteste-ne-mbrojtje-te-shamise-se-kokes.aspx

Ndiqni videon e protestës: http://www.top-channel.tv/video.php?id=15109

Greva e opozitës, Nano drekon me Bashën

Në kohën kur kriza politike është në kulmin e saj dhe 202 socialistë ndodhen në ditën e shtatë të grevës së urisë, rishfaqet në skenën shqiptare Fatos Nano dhe bashkëshortja e tij Xhoana.

Për ironi të fatit, ish-kreun e PS-së nuk e gjejmë pranë tendës së grevistëve por vetëm pak minuta larg saj, në një restorant në katin e 20-të të një pallati të sapondërtuar. Ai dhe bashkëshortja, janë në shoqërinë e një miku të ri, ministrit të Brendshëm Lulzim Basha.

Takimi ka nisur dje rreth orës 13.30 në një nga restorantet që ndodhet përballë godinës së Radio Televizionit Shqiptar, në rrugën "Papa Gjon Pali II" dhe ka zgjatur disa orë. Ata kishin njoftuar më parë për këtë drekë dhe restoranti kishte marrë të gjitha masat që të ishte sa më diskrete. Pasi ka nisur takimi midis Nanos dhe Bashës, ishte tepër e vështirë që të ngjiteshe në restorantin që ndodhet në katin e 20-të, ku po qëndronin dje dy politikanët.

Menaxherët e lokalit kishin marrë të gjitha masat për të vendosur çdo klient të rastësishëm në tavolinat larg tryezës ku ndodhej Nano dhe Basha. Sapo të zbrisje ashensorin e katit të 20- të të pallatit shumëkatësh, punonjësit e restorantit dhe personat që kujdeseshin për sigurinë e ministrit të Brendshëm, të përcaktonin vendin se ku duhej të ulej.

Ministri Lulzim Basha dhe ish- kryeministri Fatos Nano, ishin ulur në pjesën jugore të restorantit, ndërkohë që nuk lejohej që të ulej person tjetër në tavolinat që ndodheshin pranë tavolinës ku ata po drekonin.

Gjithashtu personeli i restorantit nuk të lejonte që të bëje dhe fotografi, duke u justifikuar se është i ndaluar fotografimi nga ambientet e restorantit. Mësohet se dy protagonistët e takimit të djeshëm, kanë qëndruar bashkë për disa orë.

Pak ditë më parë ish-kreu i PS-së, Fatos Nano ka darkuar në Vjenë me kryeministrin Berisha ku kanë diskutuar për krizën politike dhe kërkesat e Partisë Socialiste. Pas takimit Berisha ka shprehur edhe mundësinë që Nano ti bashkohet PD-së.

I pyetur nga mediat ai ka pohuar se Fatos Nano e ka derën e hapur në PD. Takimi i djeshëm me Lulëzim Bashën duke se po e afron edhe më shumë Fatos Nanon me kampin e djathtë.


Shekulli

Ushqimet me më shumë OMGJ

Produktet OMGJ ditët e sotme përbën një nga temat më të diskutuara pas gripit të derrit. Bimët – kafshët apo mikroorganizmat të cilave u janë ndryshuar veçoritë duke transferuar genet e një lloji tjetër me anë të metodave bioteknologjike quhen “organizma me gjenetikë të ndryshuar” ose “transgjenike”.
Edhe ju mund të keni ngrënë ndonjë produkt apo ushqim transgjenik ose me OMGJ.

Sipas lajmit të publikuar në adresën howStuffWorks jepen 5 produktet ku përdoret më shumë OMGJ:

1. Aspartam (ëmbëlsues sintetik): Megjithëse teknikisht është një lëndë sintetike, përftohet si rezultat i kombinacionit të dy amino acideve natyrale. Këto acide prodhohen nga dy lloje të ndryshme bakteresh dhe në disa raste njëri prej baktereve ndryshohet për të shtuar prodhimin.
A është i dëmshëm aspartam? Aspartam nuk përmban lëndë gjenetike. Megjithëse nuk ekziston ndonjë provë e cila të verifikojë mundësinë e shfaqjes së kancerit nga aspartame tek minjtë e laboratorit të cilëve iu është dhënë aspartame, është pare leucemi dhe kancer limfatik.

2. Vaj kanola: Vaji kanola ose i njohur ndryshe si vaji i lakrës së egër është një nga lëndët më të përdorura. 80% e kanolës së përdorur në Kanada është ndryshuar gjenetikisht. Gjenetika e kanolas ndryshohet për të rritur imunitetin ndaj disa ilaçeve bujqësore të përdora për të zhdukur bimët e dëmshme. Në këtë mënyrë kontrollohen më lehtë barërat e egër dhe përdoret më pak ilaç bujqësor dhe merret më shumë prodhim.

3. Qumështi: Hormoni rBGH bën të mundur që lopët të prodhojnë më shumë qumësht dhe hap rrugën e mastitit (infeksionit të gjirit). Këtë lopë të sëmura duhet të jenë vazhdimisht nën kontrollin e doktorit dhe të mjekohen me antibiotikë. Hormoni rBGH rrezikon njerëzit nga kanceri.
Bota është ndarë më dysh për sa i përket sigurisë së qumështit të marrë nga lopët të cilave iu është injektuar rBGH. Pavarësisht se përdorimi i këtij hormoni është ndaluar në Bashkimin Evropian dhe Australi, në Amerikë është lejuar dhe FDA-ja nuk ka vendosur ndonjë kusht për përdorimin e këtij qumështi.

4. Soja: Në mes gjithë produkteve soja është produkti me një ndryshim të thellë gjenetik. Në vitin 2007 më shumë se gjysma e botës prodhoi një lloj të ndryshuar. Gjenetika e sojës ndryshohet për shkaqe të ndryshme. Arsyet më të përhapura janë rritja e imunitetit ndaj insekteve dhe kërpudhave, pasurimi i produktit nga ana e vitaminave, yndyrave dhe proteinave. Kështu mund të përdoret si ushqim për kafshët. Në të njëjtën kohë soja përdoret edhe si kimikat në farmaci. Në Amerikë nëse përdoret sojë në produkte të ndryshme, patjetër shkruhet në etiketë dhe këta zakonisht janë sojë me gjenetikë të ndryshuar. Këtu nuk bëhet fjalë vetëm për qumësht soje apo tofu, përdoren edhe ushqime që përmbajnë sojë si bukë, gjevrekë me drithëra, akullore dhe çokollatë.

5. Misri: misri përdoret kudo në Amerikë. Në të vërtetë Amerika është prodhuesi më i madh i misrit. Në vitin 2000 Ministria e Bujqësisë pohoi se 25% e misrit të prodhuar në Amerikë ndryshohet gjenetikisht. Produktet që përmbajnë misër janë soset e sallatave, margarina, mielli dhe shurupi i misrit.

Misri i pastër mund të infektohet me OMGJ nga arat me misër të ndryshuar gjenetikisht nëpërmjet erës. Shkencëtarët theksojnë se nga ky fenomen mund të infektohen sipërfaqe të mëdha.

T. Observer

Quhen thesare, po përse flasin

Pak orë para hapjes së Ekspozitës së Dorëshkrimeve Bizantine dhe Pasbizantine, organizatorët dolën para medias për sqarime të rastit dhe duke i dhënë rëndësinë që meriton paraqitja e kësaj trashëgimie arkivore që vjen nga shekujt.


Drejtoresha e Drejtorisë së Përgjithshme të Arkivave Nevila Nika tha që në fillim se s'është hera e parë që prezantohen kodikët, por kësaj radhe veç imazheve dhe riprodhimeve, vizitorët kanë mundësinë të shohin nga afër origjinalët e tyre.


Prurja e vërtetë e ekspozitës konsiderohen deshifrimet e një pjesë të dorëshkrimeve prej paleografëve.


Iniciator i kësaj pune është Agamemnon Celikas, Drejtor i Arkivit Historik dhe Paleografik i Fondacionit Kulturor të Bankës Kombëtare të Greqisë. Celikas, i cilësuar nga Nika një nga paleografët më në zë të sotëm, i pranishëm dje në Arkiv, ndihmoi procesin deshifrimit dhe udhëhoqi dy paleografët e rinj shqiptarë Sokol Çunga dhe Andi Rembeci.


"I kemi quajtur thesare por nuk e dinim se ç'përmbanin", tha Nika duke tërhequr vëmendjen me këtë lajm mbi kodikët. "Dimë që ata zënë një vend qendror në kulturën shpirtërore të vendit tonë, janë një copë e historisë së Shqipërisë dhe e popujve të Ballkanit.


Vijnë që nga shek. VI dhe tani jemi në mijëvjeçarin e tretë. I kemi ruajtur dhe mbajtur mbyllur këtu për gjashtë dekada dhe tani kemi mundësinë t'i nxjerrim nga izolimi dhe t'i shohim të gjithë". Ajo përmendi ekspozimin e dy kodikëve të Beratit që janë shpallur nga UNESCO pasuri shpirtërore e njerëzimit, ashtu si vetë qyteti është prej tri vitesh në mbrojtjen e UNESCO-s.


Ekspozita e dorëshkrimeve do të shkojë në fakt në Berat. Për kushte sigurie nuk do të lëvizin kodikët origjinalë, por riprodhimet e tyre.


Paleografi Celikas sqaroi se brenda dorëshkrimeve bizantine dhe pasbizantine të shekujve VI-XIX, duke marra parasysh përmbajtjen e tyre dhe shënimet kronikale që janë shkruar mbi to në kohë të ndryshme, është fiksuar pamja e jetës së vendit dhe e gjithë zonës ku gjuha greke ishte gjuhë e njohur.


"Këto dorëshkrime tregojnë pjesëmarrjen e Shqipërisë në botën bizantine, praninë e saj të gjallë brenda kësaj kulture dhe konkretisht tregon mënyrën se si funksiononte shoqëria e atëhershme në lidhje me kishën".


Celikas pohoi se ndërtimi i ekspozitës është ngritur së pari duke respektuar kriterin kronologjik, atë estetik dhe së fundi kriterin filologjik. Është marrë parasysh edhe kriteri paleografik.


Çdokush që është i interesuar ka rastin të ndjekë edhe zhvillimin e shkrimit grek në këtë hark kohor. "Me deshifrimin e një sërë shkrimesh kuptojmë se cili ishte mentaliteti i çdo periudhe. Shumë nga kodikët janë unikë në botë. Janë thesare që i kapërcejnë kufijtë e Shqipërisë", shtoi paleografi grek.


Jorgos Jakumis, drejtor i Fondacionit Grek të Kulturës në Tiranë mendon se suksesi i ekspozitës duhet matur me vizitueshmërinë e saj. Diskutimi mbi kodikët hyn tek temat e niveleve shkencore, por ç'kuptim do të kishte që komunikimi me një trashëgimi si kjo të mbetej privilegj i një grupi, i një elite.


Prandaj Jakumis shpreson me shërbimin që i është bërë ekspozitës me katalogë, broshura dhe materiale të tjera edukative të ndërtuar me gjuhë të thjeshtuar, të tërhiqen rreth 600 nxënës.


"E ç'vlerë kanë thesaret nëse i mban të kyçura?" Kjo është një nga fjalitë e deshifruara së fundi në një prej kodikët e të cilën drejtoresha Nika e përmend si për të reflektuar për statusin e arkivave vërtet të hapura.


Arsyet pse, kush dhe për cilët janë porositur, shkruar këta kodikë i gjen brenda tyre. Nika i referohet një historie gjeneze, lindjes së një kodiku prej një murgu. "Ishte i dënuar dhe për të shlyer fajin ndjente nevojën të shkruante një libër si këta që do të shihni në ekspozitë." Ajo kujtoi kohën kur i kundronin kodikët si memecë, i shikonin për bukurinë e tyre dhe pyesnin kush qenë ata që i kishin mbajtur për kaq shekuj.


Ajo shpreson që në një të ardhme do të vijnë njerëzit e duhur, paleografë shqiptarë të shkrimeve bizantine për t'u marrë me deshifrimin e tyre, në fund të fundit me deshifrimin e kontributit që shqiptarët kanë patur në perandoritë e mëdha. Dhe aty bëri një premtim: pas ekspozitës së shkrimeve otomane, bizantine dhe pasbizantine, do të vijë shumë shpejt radha e një ekspozite me shkrimet e vjetra shqipe.


Në Arkivin e Shtetit ruhen 119 kodikë të plotë dhe fragmente kodikësh, por në fondet e tjera të arkivit ka të tjerë dhe në total numri i tyre shkon në afro 300.
Me rastin e ekspozitës sot mbahet në Arkiv një konferencë shkencore.

Rreziku Vehabist dhe heshtja e institucioneve

Asht e pranueme prej të gjithëve, edhe botnisht, se islamizmi në Shqipni mori me kohë trajta mjaft të ndryshme nga ai i origjinës, pra islamizmi arabik.

Nuk kanë mungue edhe studiues që janë shtye deri atje sa të thonë se islamizmi shqiptar ka konturime kombëtare, e jo pa arsye, çka e ban të dallueshem prej shtresimeve ma ekstremiste që janë sot në botë.

Në vendin tonë prej kohësh kanë egzistue dy rryma të fesë Islame: njena asht Islami Sunit, rrymë paqësore e tolerante, që praktikohet nga shumica e shqiptarëve, tjetra asht rryma Bektashiane, edhe kjo përparimtare dhe me ngjyrime të theksueme atdhetare.

Shkaqet e një islami paqësor, tolerant e respektues ndaj besimit të të parëve të tyne, duhen kërkue tek dy fakte:

a) pse islamizimi ndër shqiptarë ka qenë një dukuni e imponueme me teh të shpatës e me mjete të tjera nga ma të dhunëshmet;

b) pse shqiptarët e islamizuem nuk i humbën kurrë lidhjet me rrajët, pra me prejardhjen e tyne të krishtenë.

Janë këto edhe arësyet ma bindëse pse islami ndër ne nuk u shfaq me format të dhunëshme si në shumë vise të tjera të Lindjes.

Mirëpo, tash së fundi, ka dalë në skenë edhe një rrymë e re, Islami Vehabist, që përfaqësohet nga një lukunì të rijshë që këta 20 vjetët e fundit u shkolluen në vendet e Lindjes, siç janë Pakistani, Arabia Saudite, Jemeni, dhe kanë sjellë në Shqipni traditen islame ekstremiste, ate vehabiste. Ekstremizmi i kesaj rryme fetare arabe po damton randë bashkëjetesën paqësore fetare mes nesh, aty edhe marëdhanjet tona me mjedisin Europian, ku jemi etnoformues që në ag të historisë së njerëzimit.

Veprimtaria e këtyne fanatikëve u pa edhe në SHBA, kur tre shtetas Maqedonë, me kombësi shqiptare, u përpoqen të hidhnin në erë bazën ushtarake te Njuxhersit.

Ata nuk lanë mjet pa përdorë që të imponohen: korrupsionin, kërcënimet, shpifjet, vjelljen e një urrejtje patologjike për gjithçka asht mirëfillit shqiptare.

Zanin kobzi të këtyne xhihadistëve mund ta dëgjoni në Forumin Islamik Vehabist të Olsi Jazexhiut, në mes të Tiranës, ku Efendiu këndon për trimnitë e kamikazeve që hedhin në erë mija të pafajshëm, deri tek hymnizimi i kryekriminelit Osama Bin Laden, pse, veç të tjerash, në synimet kryesore të tyne asht lufta kundër SHBA, kudo që të përfaqësohen, pra edhe në Shqipni.

Tashma, veçnarisht në botën e internetit, fanatikët e Forumit Vehabist të drejtuem nga Olsi Jazexhi dhe të mbeshtetun nga islamistët arnauto-otomanë si Tan Turku (i vetëquejtun “çami”, por që damton si askush tjetër çashtjen çame), Abedin Rakipi e lloji i tyne, kanë fillue haptas luftën fetare, luftën antikristiane dhe antiamerikane, tue mos respektue në diskutime as normat ma fillestare të mirësjelljes, e ku fyemja dhe harbutëllleku konkurojnë me pafytyrësinë, madje, gjoja, edhe nga një pozicion shqiptar – islamik, që na mbrokan këta plehna.

E randësishme për ta asht sundimi i tyne dhe jo shqiptarizmi, e randësishme për ta asht vëllaznia islamike vehabiste dhe jo bashkimi i shqiptarëve pa dallime feje, krahine dhe ideje. Veprimtaria antishqiptare e tyne ka përmbytë, si thamë, veçanarsiht internetin. Mjafton një “serche” në gogle dhe në pak sekonda do t’ju shfaqet para syve dobiçi që na ka lanë në derë Dovlet Merhumi. Identiteti i shqiptarëve asht fye me mija herë nga këta hora. Figura e Heroit Kombëtar Gjergj Kastriotit asht kthye prej kohesh në një tabelë qitje ku islamikët arnauto-vehabistë zbrazin gjithë urrejtjen e tyne anadollake. E njejta gja ngjet me sulnmet kundër Nanë Terëzës, ndaj së cilës përdoret fjalori ma i turpshëm.

Veçanarsiht e egër u ba lufta dhe urrejtja e tyne kur disa familje kosovare (Kabashi, Mehja etj) u rikthyen në besimin e të parëve të tyne. Theksoj, “u rikthyen”, pse termi “u konvertuen” asht i pavend, i pasaktë dhe dashakeq. E pra në historinë e re shqipatre raste rikthimi në besimin e të parëve, në krishtnim, ka pasë disa herë, aty edhe figura të shqueme, si Faik Koncia, që u pagëzue më 1895, pagëzimi i fëmijve nga atdhetari i madh Idriz Seferi, pagëzimi i bujshëm i Isa Boletinit, deri tek pagëzimi i Presidentit Rugova, që mori emnin Pjetër, në nderim të gjigandit të Historisë Kombëtare, Imzot Pjetër Bogdani. Po egërsi deri në kërcënime me vdekje ka pasë vetëm tash së fundi, e pikërisht nga këta plehna, që nuk kanë asgja të përbashkët me besimin e mirëfilltë, cilido qoftë ai, jo ma me të drejtat ma elementare të njeriut.

Vehabistët pretendojnë që me forma tjera, pra jo në kuadër të Bashkësisë Islame, të ndryshojnë interpretimin tradicional të normave islame. Dihet se Vehabistët janë – selefi (selefizëm) – dmth jomedhhebizëm, gja që nënkupton se janë kundër katër medhhebeve ekzistuese (shkollave juridike islame), prandaj edhe kërkuen kohë ma parë ndryshimin e nenit 2 të statutit të Komunitetit Musliman. Në këte nen asht përcaktue se tradita fetare në Shqipni asht ajo “Hanefi”, pra, linjë e butë, ndërkohë që u kërkue ndryshimi i saj në linjen e fortë të quajtun “Vehabizëm”.

Po në ç’klimë fqinjësije e bashkpunimi ndërkombtar, por sidomos mbrenda vendit, zhvillojnë veprimtarinë e tyne këta mikrobë të rrezikshëm?

Na nuk kemi nevojë për demokraci, na nuk kemi nevojë për parti politike, na nuk kemi nevojë për të drejtat e njeriut perëndimore, na nuk kemi nevojë për lirinë e tyne të fjalës. Për çfarë na duhet asht Kur’an-i. Ai rregullon jetën tonë të përkryeme. Ky asht legjislacioni ma i mirë në historinë e njerëzimit, ai asht fjala e All-llahut. Nuk ka asgja ma të mirë se ligji i All-llahut”.

Kosova.albemigrant.com