Të gjithë ata që nuk u ndëshkuan për Gërdecin

Në vitin e gjashtë janë të gjithë të lirë.
Ata që gabuan për arsye teknike, i ka nxjerr gjykata, ata që firmosën për arsye politike, nuk u dënuan kurrë, ndërsa ata që e nisën biznesin në emër të pushtetit të Familjes, ende nuk janë pyetur.
Historia e tragjedisë së Gërdecit është nga ato ngjarje që ndajnë në dy pjesë historinë e një shoqërie dhe një pushteti. Ngjarje të tilla fiksojnë kufirin mes pushtetit të krimit në politikë dhe shoqërive të lira, por ndajnë dhe kufirin mes lirisë dhe dinjitetit brenda një grupi politik dhe nënshtrimit para autoritarizimit dhe duarve të përgjakuara të një familje në pushtet.









1. Sali Berisha

Historia e fshehjes së këtij krimi ka nisur pak minuta pas tragjedisë në zyrën e kryeministrit Sali Berisha. I njoftuar për tragjedinë, ai ka nisur me kujdes fshehjen e provës së parë dhe më të rëndë kundër tij, praninë e baxhanakut të vet, tashmë si viktimë në këtë tragjedi. Komunikata e parë për shtyp e tij përmendte emrin e baxhanakut, por të ndryshuar, nga Muhamet Hoxha në Mehmet Hoxha. Në pamjen filmike të transmetuar publikisht dhe të lexuar me zërin e tij, vërehet një pauzë para se të përmendë emrin dhe me qetësi e lexon Mehmet në vend të emrit Muhamet.

“Deri tani janë identifikuar emrat e 3 viktimave: Rajmonda Tudi, 40 vjeç, Mehmet Hoxha, 59 vjeç, Jetmir Kolloshi, 19 vjeç, ndërsa dy nga viktimat janë ende të paidentifikuara. 4 prej tyre janë gjendur në vendin e shpërthimit dhe një tjetër më tutje”.

Përpjekja e tij që në momentet e para të tragjedisë për ta devijuar të vërtetën larg tij dhe familjes se tij, ishte dhe mbeti linja politike qe po varros ketë të vërtetë.

Këtë “ngatërresë të qëllimshme emri”, Berisha e përdori dhe dy ditë më pas në sallën e parlamentit të Shqipërisë. Edhe pse familja e tij ishte familjarizuar me tragjedinë, edhe pse gruaja e tij Liri Berisha dhe dy fëmijët e tij ishin në ceremoninë e varrimit të baxhanakut të tij, ai vazhdonte të sillej sikur nuk e njihte Muhametin.

Berisha, një bashkëshort shembullor dhe i dhënë pas lidhjeve familjare të gruas së tij deri në detaje, po përpiqej të paraqitej para shqiptarëve ashtu siç nuk është, si një njeri që nuk njeh baxhanakun e vet.

2. Liri Berisha

Përpjekjet për ta mbajtur larg familjes së tij këtë histori, i zbulon pa dashje gruaja e tij në intervistat e saj publike. Liri Berisha bëri tentativën e parë për ta rrëfyer gabim këtë histori.

Në një intervistë dhënë gazetës “Panorama”, në datën 15.04.2008, zonja Berisha thotë se ajo dhe i biri i saj nuk ia kishin treguar Sali Berishës faktin që ai kishte një baxhanak, që punonte në Gërdec dhe që ishte nga të vrarët mes viktimave.

Ja si e përshkruan ajo momentin kur është ndjerë keq që Berisha nuk dinte gjë për baxhanakun. “Problemi ishte se ai nuk pati rast ta takonte asnjëherë. Ata (motra me të shoqin), kishin vetëm tre muaj që kishin ardhur. Saliu lexonte emrin aty dhe unë thosha: “E zeza, si nuk ia kemi thënë!” Ato kohë kishim trevjetorin e vdekjes së mamasë dhe kishim menduar që ta linim për më vonë prezantimin familjar me njerëzit e familjes. Isha unë ajo që ia caktova si detyrë tim biri t’ia shpjegonte situatën” (“Panorama”, 15 prill 2008).

Shpjegimi i zonjës Berisha ka disa mangësi thelbësore. Mangësia e pare ka të bëjë me vetë imazhin e familjes Berisha dhe marrëdhëniet perfekte që ata kanë si çift. Çifti Berisha shquhet për raporte shumë të sinqerta me njëri-tjetrin dhe marrëdhënie shumë të mira. Në një raport të tillë familjar, që kurrsesi s’mund të besojmë se është hipokrit, nuk mund të ndodhë që zonja Berisha të mos i ketë folur asnjëherë burrit të saj për baxhanakun, i cili po punonte në një punë që e kishte rekomanduar djali i tyre. Por hijet e dyshimit rriten më poshtë, kur zonja Liri Berisha tregon se si ka mësuar që kunati i saj po punonte në Gërdec. “Kur një ditë shkojmë në varreza te prindërit, e pyes motrën nëse i shoqi kishte filluar punë dhe ajo më tregoi se po punonte diku afër Marikajt. Kur e pyes se çfarë bën, ajo mu përgjigj: “Mban ca arka municionesh”. Është i kënaqur me punën? – e pyeta. “Jo dhe aq, mban ca arka, por do të rrijë veç pak, sa të gjejë një punë tjetër më të mirë”. Në kohën që vdiq, kishte marrë vetëm dy rroga”. (“Panorama”, 15 prill 2008).

Kjo deklaratë e zonjës Liri Berisha bie ndesh me deklaratat e motrës së saj, Vjollca Hoxha, (Rama) e veja e Muhamet Hoxhës vrarë në Gërdec. Zonja Hoxha, e cila duket se ka qenë në periferi të përfitimeve nga pushteti i kunatit të saj, e tregon ndryshe historinë. Në një intervistë në “Gazeta Shqiptare” më 15 qershor 2008 ajo thotë se burri i saj ishte kthyer në Shqipëri që në muajin nëntor, kurse ajo vetë që në fillim të vitit 2007, dhe jo siç thotë Liri Berisha, “ata (motra me të shoqin) kishin vetëm tre muaj që kishin ardhur”. Vjollca Hoxha (Rama), motra e Liri Berishës, në një intervistë ekskluzive për “Gazeta Shqiptare”, rrëfen se ishte kthyer në Shqipëri në qershor të 2007 për të vizituar familjarët, dhe se në Shqipëri e mbante një operacion që duhej të kryente, pasi kishte këputur meniskun. Më pas kishte ftuar dhe Muhametin të kthehej në Shqipëri, derisa të përfundonte operacioni.

Nga ana tjetër, të dy motrat nuk bien dakord për faktin se a kishin dijeni ato për punën që bënte i ndjeri Muhamet Hoxha. Vjollca tregon se nuk e dinte që bashkëshorti i saj punonte në një fabrikë demontimi të armëve: “Po si mendoni ju, që po ta kisha ditur, do lejoja që im shoq të punonte aty? Unë me të vërtetë s’jam e pasur, kam punuar si gjithë shqiptarët e tjerë nëpër Evropë, tri punë në ditë, nga kuzhiniere te pastruese, por nuk isha duke vdekur nga uria që të lejoja që im shoq të punonte aty, në mes të rrezikut”, thotë gjatë intervistës së saj Vjollca Hoxha (Rama). (“Gazeta Shqiptare”, 15 qershor 2008).

Ndryshe nga kjo, zonja Liri Berisha në intervistën e saj thotë: “Kur e pyes (motrën) se çfarë bën (burri), ajo m’u përgjigj: “Mban ca arka municionesh””. (Gazeta “Panorama”, 15 prill 208). Këto lajthitje të zonjës Berisha në intervistën e saj publike për Gërdecin dëshmojnë se ajo, ose nuk është e sinqertë me opinionin publik, ose nuk ka qenë e sinqertë me motrën e saj dhe bashkëshortin e saj, Sali Berisha.

Motra e saj provon se ka qenë me burrin në Shqipëri prej vitit 2007 dhe se nuk e ka ditur se burri i saj punonte mbajtës arkash municionesh. Dëshmitë rreth Gërdecit dhe hetimet e bëra nga prokuroria provojnë në të vërtetë që Muhamet Hoxha nuk mbante arka, por numëronte arka dhe ishte një lloj përgjegjësi në këtë punë.

3. Shkëlzen Berisha

Ndërkohë që Berisha gënjente publikisht për emrin e baxhanakut të tij, duke shpresuar se shqiptarët nuk do ta mësonin këtë të vërtetë, i biri i tij, Shkëlzen Berisha, fliste në telefon me Mihal Delijorgjin. Tabulati i zbardhur prej Prokurorisë provon se Shkëlzen Berisha ka folur në orën 12:48 minuta në telefon me Mihal Delijorgjin. Biles nëse i hedh një sy tabulateve të Mihal Delijorgjit, shikon se njerëzit më të afërt me të cilët ai ka ndarë shqetësimin për tragjedinë që ndodhi në 30 minutat e para, janë gruaja e tij, kunati dhe Shkëlzen Berisha

Pra. siç shihet, që në orët e para të tragjedisë kemi patur një përfshirje direkt të familjes së kryeministrit për të fshehur rrethanat që kjo histori i lidh me ta.

4. Fatmir Mediu

Po si është përfshirë djali i kryeministrit në këtë histori? Është e vështirë ta ndash ku mbaron të qenit e tij si pronar real i këtij biznesi dhe ku ka qenë thjesht ndërmjetës. Ata që e njohin nga afër para shpërthimit, dëshmojnë se ai fliste hapur për këtë biznes, biles shpesh i shqetësuar që administrata e babait të tij nuk e ndihmonte sa duhet të bënte dokumentacionin gati.Shoqëria e tij me Fatmir Mediun në ato muaj ka qenë publike. Ata ishin bashkë në zyrë, në Sheraton, në makinë, në restorant. Sipas dëshmive që dalin nga blloku i sekretares së Ministrit, rezulton që Shkëlzen Berisha për një periudhë të shkurtër të ketë qenë aty mbi 50 herë.
Këto blloqe autentike argumentojnë çdo kundërshtim që mund të vije në vazhdim në lidhje me përfshirjen tashmë të provuar të zotit Berisha në aferën e Gërdecit. Këto dy blloqe kanë të  dokumentuara dhe të faktuara të gjitha vizitat “për kafe” që ka bërë në zyrën e Ministrit të Mbrojtjes Fatmir Mediu, të  Shkëlzen Berishës. Të gjitha takimet kanë të shënuara datat përkatëse dhe personat përkatës.
Nga marsi 2007 deri në mars 2008 zoti Shkëlzen Berisha de facto ka pasur një zyrë të tijën në institucionin e Ministrisë së  Mbrojtjes. Pesë nga shume bisedat që janë bërë mes zotit  Shkëlzen Berisha dhe drejtuesve te tjerë të Ministrisë duke  përfshirë dhe Ministrin e Mbrojtjes janë incizuar me gadget  regjistrues nga dy prej të pandehurve, njeri prej të cilëve  ndodhet në gjendje arresti, por këto materiale janë zhdukur dhe nuk i janë dorëzuar prokurorisë.


5. Aldo Bumçi Lobimi i tij në këtë heshtje shihet qartë edhe tek mënyra se si ka raportuar Ministri i Drejtësisë, Aldo Bumçi, në adresë të tij për komentet e vendimit të qeverisë që do t’i hapte rrugë demontimit. Ky është dhe fakti më komprometues që lidh direkt djalin e Kryeministrit me këtë biznes, ku ministrat janë thjesht ushtarë raportues të tij.
Nga faksi i Ministrisë së Drejtësisë në adresë të Ministrisë së Mbrojtjes, Bumçi ka nisur komentet e vendimit në një kopje për Shkëlzen Berishën. Edhe pse tri dite më parë e kishte nisur shkresën zyrtarisht, një fotokopje të saj ka bërë kujdes t’ia nis në një zyre të asaj ministrie ku Shkëlzen Berisha ishte bërë familjar, me faks. Edhe pse Bumçi e Berisha u përpoqën ta përgënjeshtrojnë faktin, sekretarja e Bumçit e konfirmoi atë në prokurori.

6. Rrahman Selmanllari
Një tjetër dëshmi e fortë që Shkëlzen Berisha ishte pronari real këtij biznesi, ishte Rrahman Selmanllari, një mik i vjetër i tij, i cili e përdorte shpesh si mbulesë e veprimeve të tij si sekser.
I thirrur nga prokuroria, Rrahman Selmanllari pranon se ka miqësi me Shkëlzen Berishën, por mohon të ketë lidhje me Gërdecin.
Dëshmia e tij është e rreme, por ai nuk është marrë i pandehur për këtë. Së pari kemi dëshminë e kunatit të tij që punonte në atë që quhej “Grupi hije” në Gërdec dhe që ishte një grup special që nuk i jepte llogari askujt.
Pra dëshmia e Selmanllarit që nuk ka lidhje me Gërdecin, dhe që nuk njeh askënd që punon aty, hidhet poshtë nga dëshmitë e njerëzve të tij që e pranojnë se janë punësuar aty për shkak të tij. Ekziston një dokument që provon se Rrahman Selmanllari ishte i autorizuar i kompanisë amerikane SAC që po instalonte fabrikën e demontimit.
Njeriu i Shkëlzen Berishës ishte personi kyç që drejtonte gjithë punën në Gërdec dhe ende sot nuk është thirrur nga gjykata për dëshmi të rreme. Po ashtu nuk është thirrur as nga prokuroria, as nga gjykata Shkëlzen Berisha.
Nuk janë thirrur në prokurori as pronaret e firmës Trans Digging Construction, që është firma e cila ka kryer punimet për ndërtimin e fabrikës së Gërdecit.
Pronarë të kësaj firme janë Delijorgji, vajza e Fahri Balliut dhe dy vëllezër me mbiemër Mata.
Kjo kompani ka vepruar veç të tjerash pa leje ndërtimi dhe me arrogancë në prishjen e ndërtesave ushtarake çfarë tregon se ka pas mbrapa mbështetje të fortë politike. Aksionerët e saj nuk u thirrën asnjëherë nën hetim, duke u injoruar kështu zanafilla e këtij projekti politik.

Mero Baze - Gazeta Tema

Historia tronditëse e Ilir Kupës, të arratisurit të mbijetuar nga burgjet greke

Më kanë rrahur për orë të tëra, më kanë lidhur me zinxhirë këmbë e duar dhe më linin varur sa më iknin ndjenjat. Më përmendnin me ujë të ftohtë, më kanë goditur edhe në organet gjenitale, aq sa më vjen turp t’i tregoj”.


Kështu e ka nisur rrëfimin e tij Ilir Kupa, i cili u arrestua pak ditë më parë në Tiranë. Në një intervistë të gjatë dhënë dje për “Gazeta Shqiptare”, 27-vjeçari, i arratisur nga burgjet greke, deklaron se vetëm i vdekur mund të kthehet sërish atje. Në këtë intervistë, Kupa rrëfen planin e arratisjes nga burgu bashkë me shokët e tij, vrasjen e shokëve, fjalët e fundit të Marian Kolës, fshehjen në malet greke, i mbuluar me gjethe të thata, mënyrën si i fut në kufirin shqiptar, ditët e tij të lirisë, momentin e arrestimit nga policia, si dhe apelin që ka për shtetin shqiptar.
Për çfarë akuzoheni në shtetin grek dhe sa ju kanë dënuar atje?
Unë në Greqi akuzohem për grabitje. Në mënyrë të paligjshme jam dënuar me 57 vjet+10 vjet, kur për këtë vepër penale, në bazë të ligjit grek, është 5-6 vjet maksimumi.
Si ju lindi ideja për t’u arratisur, pse vendosët që të rrezikonit jetën duke u arratisur? Sa kohë kishit që e përgatisnit planin e arratisjes? Ideja për t’u arratisur më lindi mua, së bashku me shokët e mi, pasi pamë që na u bë një padrejtësi shumë e madhe ligjore dhe njerëzore. Marian Kola, unë dhe shokët e mi, kishim të paktën dy muaj që flinim me këtë ëndërr, për të shijuar lirinë pranë familjeve tona në Shqipëri. Gjithashtu, ne u arratisëm, sepse mua personalisht gjatë kohës që kam qenë në burg, policia greke padrejtësisht më futi edhe babain në burg, meqenëse babai im ishte gjysmë i paralizuar dhe shumë i sëmurë (mund ta verifikoni, se tashmë ndodhet në Shqipëri). Pas katër muajsh, kur ai mori pafajësinë, me një laps alla të Asfalisë greke, u tha: “Kemi ngatërruar emrin tënd me emrin e babait”. Në mënyrë të padrejtë dhe pasi fitoi pafajësinë, e kthyen në Shqipëri me impuls, ku për 5 vjet të mos shkelë në zonën Shengen. Pasi babai im doli nga burgu, menjëherë në mënyrë krejtësisht të padrejtë futën edhe vëllanë tim të vogël në burg, i quajtur Zyber Kupa. Ai sot pret të dalë në gjyq (Apel) për të marrë pafajësinë, pasi akuzohet për një vepër penale që ai nuk e ka kryer, pasi Zyberi në momentin e ngjarjes, për të cilën akuzohet, ndodhej në vendin e punës me dokumente të rregullta dhe 200 km larg ngjarjes, gjë për të cilën dëshmoi ligjërisht edhe pronari i tij përpara organeve kompetente. Për këtë akuzë të vëllait tim është i njëjti akuzues i vetëm që më akuzoi edhe mua, “policia greke”, Asfalia (i njëjti person, polic grek), i të njëjtit rajon për të tre ne familjarisht. Kjo verifikohet fare lehtë nga drejtësia shqiptare. Pra, është e kuptueshme fare lehtë që ne ishim piketuar për t’u dënuar dhe dëbuar me një plan të mirëkurdisur nga qarqet më ekstremiste antishqiptare që, edhe në këtë moment që po flas, vetëm për shqiptarët kryejnë gjueti shtrigash, duke i vrarë dhe përdhunuar pa iu dridhur dora.
Shteti grek ju akuzon për një grabitje të bujshme në atë vend, si dhe për akuzën e vrasjes. Ju keni marrë pjesë në grabitje dhe si do iu përgjigjeshit këtyre akuzave?
Pikë së pari, për akuzën e vrasjes nuk jam unë autori, gjë e cila vërtetohet edhe nga ekspertiza greke. Ndërsa për akuzën e grabitjes, gjithçka është e lidhur me mbijetesën, pasi forca të shumta speciale (ekzekutore), helikopterë, deri edhe forca të Ushtrisë, na ndiqnin ditë e natë për të na vrarë dhe jo për të na arrestuar dhe fakt për këtë është që shokun tim Marian Kola, qeveria greke e kishte shpallur “armik publik”, domethënë ai njeri që ekzekutonte këtë njeri, merrte shpërblim nga shteti grek. Dhe sa herë që ai është arrestuar, policia greke ka pasur qëllim për ta ekzekutuar, siç ka ndodhur edhe në Virona-Atikis, kur e arrestuan. Policia greke ka vrarë edhe një shqiptar tjetër në këtë operacion, i cili punonte hidraulik, babai i një fëmije, krejtësisht i pafajshëm, pasi e ngatërruan me Marian Kolën. Dhe asnjë polic grek nuk u akuzua për këtë krim, përkundrazi, polici grek që kreu këtë vrasje thërriste në greqisht “To e faga enan”, që do të thotë “E hëngra njërin, e hëngra njërin”, dhe kjo është e regjistruar në kamerat greke (shikohen edhe në internet).
Pas arratisjes u vranë tre nga shokët tuaj, mes të cilëve edhe Marian Kola. Mund të më përshkruani momentin e ekzekutimeve të tyre dhe veçanërisht të Marianit, i cili thuhet se është vrarë në duart tuaja?
Pas arratisjes, në datën 2 korrik të vitit 2013, u ekzekutuan dhe masakruan me mbi 300 plumba në trup (sipas ekspertizës) nga forcat speciale greke dhe Ushtria, shoku im Flamur Sinani, me 300 plumba në trup dhe veçanërisht në kokë, si dhe shoku im tjetër dhe nipi i Flamurit, Ermir Sinani, 27 vjeç. Edhe ky i masakruar nga të njëjtat forca me mbi 300 plumba në trup (sipas ekspertizës). Vrasja e tyre ka ndodhur pa asnjë lloj paralajmërimi. Masakër kjo që as nazistët gjermanë nuk kanë kryer në Luftën e Dytë Botërore. Skena ishte e lemerishme dhe e paimagjinueshme, me këtë lloj kasaphane, që asnjë regjisor i filmave të Hollivudit nuk mund të krijojë e mendojë. Në datën 21 korrik, unë dhe Marian Kola, teksa po tentonim të kalonim në kufirin shqiptar, pikërisht në afërsi të lumit Kalamas, në fshatin Vrasina, në orën 04.10 të mëngjesit kemi rënë në pritë nga forcat komando “E.K.M”. Kemi qenë të rrethuar nga të gjitha anët dhe pa asnjë lloj paralajmërimi. Mbrapa shpine është hapur zjarr nga dhjetëra gryka zjarri në drejtim të shpinave tona. Në këtë moment, fjala e fundit që dëgjova nga shoku im, Marian Kola, ishte: “Ilir, ec se na vranë”. Kemi ecur duke vrapuar afërsisht 10 metra mes breshërisë së plumbave të dhjetëra automatikëve. Në një moment unë jam rrëzuar, me sekonda jam ngritur duke ecur mbas shokut tim Marianit, i cili është rrëzuar më pas nga një plumb që ka marrë pas shpine. Është ngritur përsëri, e kam thirrur katër herë Marianin, i jam afruar një metër dhe të shtënat e qindra plumbave nuk kishin pushim. Në atë moment e pashë që shoku im më shikonte me sytë gjysmë të përlotur, sikur donte të më thoshte diçka, dhe i gjithë trupi i lëshohet duke dhënë shpirt në duart e mia, me plumbin e marrë në krah të majtë, pas shpine, afër zemrës (sipas ekspertizës).
Si arritët t’u shpëtonit plumbave të policisë greke, duke qenë se ju ishit në të njëjtin vend me Marianin? Ku u fshehët? 
Edhe sot e kësaj dite, nuk e di se si jam gjallë nga e gjithë ajo breshëri plumbash. Një Zot i madh e di se si kam shpëtuar; edhe Mariani, nga gjithë ata plumba ka marrë vetëm një pas shpine. Në momentin e ngjarjes, pasi shoku im ndërroi jetë, jam zhytur në lumë, kam ecur 300-400 metra drejt lumit dhe më pas kam ndaluar, pasi isha i terrorizuar nga humbja e shokut tim. Kam hequr çantën nga trupi, antiplumbin që u kishim marrë policëve grekë, kam qëndruar rreth pesë minuta për të ardhur në vete dhe më pas kam vënë re se forcat speciale po afroheshin drejt meje duke qëlluar. Atëherë kam marrë drejtimin e maleve, nga ora 04.20 deri në orën 06:00 të mëngjesit, kur zbardhi drita. Në këtë kohë u ngritën 3-4 helikopterë të forcave speciale, ku nga këta dallohej një helikopter që ishte vetëm me snajpera. Gjatë gjithë këtij operacioni, gjatë ditës deri në orën 22:00 kam qenë i mbuluar me degë të prera e gjethe të thara, sepse në terren u shtuan dhe dhjetëra forca policore këmbësore, të shoqëruar edhe me shumë qen. Kur u errësua, në orën 22:00, kam filluar të lëviz me shumë kujdes, pasi isha në ndjekje edhe nga shumë forca speciale me kamera termike. Kështu kam arritur të fshihem ditën e parë.
Sa kohë ke qëndruar në male para se të futeshe në Shqipëri?
Pas vrasjes së shokut tim Marian Kola, unë kam qëndruar në tokën greke në pritje për të ardhur në Shqipëri, deri më datë 27 korrik 2013, ndërsa më datë 28 korrik të vitit 2013, në mëngjes, unë kam hyrë në tokën shqiptare në Sarandë.
Shteti grek të konsideron si një nga kriminelët më të rrezikshëm. Por, në fakt kush është Ilir Kupa? Mund të na tregosh shkurtimisht për jetën tënde?
Ilir Kupa është një shqiptar si gjithë të tjerët, që së bashku me familjen e tij që në moshën 12-vjeçare emigroi në shtetin fqinj Greqi, për një jetë më të mirë, pas gjithë diktaturës që kaloi shteti shqiptar. Nga mosha 12 vjeç deri në moshën 15-vjeçare, duke parë se familja ime kishte nevojë për të ardhura, se në fund të fundit ne për ato lekë shkuam në Greqi, sepse edhe mundësitë e shkollimit, jo vetëm për mua, po për gjithë shqiptarët nuk ishin të tilla që ne të mund të kishim mundësi shkollimi (jo se na mungonte angazhimi dhe përkujdesja e familjes).Prandaj, u detyrova që në këtë moshë të bëja punë nga më të vështirat, si në ndërtim, ose punë të ndryshme krahu. Punën unë dhe familja ime nuk e quanim turp, por nder. Ndërsa, për atë që Greqia mua më quan kriminel, dua të theksoj që njeriu asnjëherë nuk lind kriminel, por ai rritet dhe edukohet në familje, në rrethin e tij shoqëror. Unë deri në momentet që shkova dhe jetova në Greqi kam punuar me nder dhe respekt, edhe për vetë faktin se prejardhja ime familjare përbëhej nga njerëz shumë punëtorë, të ndershëm dhe të respektuar, mbi të gjitha. As unë e as shumë shqiptarë të tjerë që qarqe të caktuara në Greqi na quajnë kriminelë, nuk jemi të tillë. Gabime edhe kemi bërë, por vlera e një shoqërie të civilizuar është që këta njerëz të rehabilitohen e të bëhen të vlefshëm për shoqërinë, aq më shumë në një vend demokratik, me një kulturë demokratike mbi 2000-vjeçare. Unë jam martuar që në moshën 20-vjeçare. Kam pasur një ëndërr për boksin, e cila ishte një ëndërr shumë e madhe, të cilën e ndoqa mbi 3-4 vjet radhazi me shumë pasion, pasi ëndërroja që të bëhesha një kampion i suksesshëm. Kam qenë në Kategorinë A, ku kam arritur rezultate shumë të mira për moshën që unë përfaqësoja, gjë që e vërteton edhe marrja e shumë diplomave dhe kupave për këtë lloj aktiviteti, si dhe shumë medalje. Në një moment, nevoja për më shumë të ardhura në familja bëri që unë në vitin 2006, ta braktis sportin. Jeta ime nuk ka qenë shumë e lehtë. Unë larg familjes kam qëndruar me të vetmen ëndërr dhe dëshirë, që, shumë shpejt të bashkohesha me ta dhe të filloja një jetë të re, normale, si çdo familje tjetër, dhe akoma shpresoj dhe e pres me padurim që të ndodhë kjo gjë. Pasi ëndrra ime është që fëmijët e mi të shkollohen dhe të edukohen me vlerat e një shoqërie të civilizuar demokratike, si e vetmja mënyrë që edhe atyre, kur të rriten, të mos iu ndodhin gjëra të paparashikuara në jetë, por t’i bëjnë ballë jetës me kulturë dhe dinjitet njerëzor dhe shoqëror.
Ilir, të vjen keq që nuk ke arritur të qëndrosh pranë fëmijëve teksa ata rriten? Cila është periudha më e gjatë që ke qëndruar larg familjes tënde?
Po, më vjen keq, madje shumë. Detyra e një prindi është që ai të rrisë dhe të shijojë kohën me fëmijët e tij, aq më shumë që unë gjithë jetën kam ëndërruar që të kem një grua, një nënë të mirë, që të më rrisë dhe të më edukojë fëmijët, për të cilët të krenohem. Aq më shumë unë, që nuk kam arritur t’i shijoj këta fëmijë në një moshë që ata kishin nevojë më shumë për përkujdesjen atërore. Po të mos ishte krijimi i familjes që unë me sa më shumë dinjitet t’i shërbeja shoqërisë, unë sot në mundësinë më të madhe do të isha i vrarë si shokët e mi, Flamur dhe Ermir Sinani, dhe Marian Kola. Periudha më e gjatë që kam qëndruar më larg familjes sime, ka qenë 3-4 vjet.
Të kthehemi tek dita kur hyre në Shqipëri; si munde të futeshe pa të vënë re askush?
Përkujdesja ime maksimale ka bërë që unë t’i shpëtoja ruajtjes së kufirit nga forcat speciale greke, të pajisura me mjetet më të sofistikuara të zbulimit.
Natën e arrestimit, me kë ishe në makinë? Është e vërtetë se ke qenë me dy persona të tjerë, njëri prej të cilëve është konsideruar edhe si person i rrezikshëm?
Unë Ilir Kupa, deklaroj nën përgjegjësinë time se njëri prej personave që ishte në makinë atë natë, ishte njeri shumë i rregullt me ligjet e shtetit shqiptar, aspak i rrezikshëm. Ndërsa me personin tjetër nuk kam njohje të madhe që të them shkallën e rrezikshmërisë së tij; unë nuk e besoj, se nuk kam dijeni.
A është e vërtetë se ke deklaruar që ke marrë pjesë në grabitjen e një qendre tregtare? Ke qenë apo jo babagjysh?
Edhe njëherë deklaroj në mënyrë publike, si dhe nën përgjegjësinë time ligjore, se nuk kam deklaruar ose nënshkruar në asnjë dokument, i cili të më akuzojë për këtë lloj akuze. Unë jam shumë i indinjuar për këtë, pasi në Shqipëri nuk kam asnjë vepër penale përveç dy armëmbajtje pa leje, një armë që ia kam marrë policit grek dhe një tjetër “Beretë”, të cilën ma ka dhënë shoku im, për të vetmen arsye që të vetëmbrohesha nga Interpoli grek, sepse isha shumë i sigurt se do më qëllonin në mënyrë të pabesë si shokët e mi. Për këtë ka edhe fakte, se ato armë asnjëherë nuk janë përdorur në Shqipëri gjatë kohës që unë kam qëndruar për një periudhë 6-mujore, as edhe në momentin gjatë arrestimit nga policia shqiptare. Nuk kam qenë asnjëherë babagjysh i vjedhjes së qendrës tregtare.
Të kthehemi tek policia greke; mund të më tregosh se si i torturon ajo shqiptarët?
Fillimisht dua të them se Greqia, si një shtet europian, me kulturë 2000-vjeçare, qëndron larg standardeve evropiane dhe konventave ndërkombëtare për mbrojtjen e të drejtave të njeriut, sipas Komitetit të Helsinkit, nënshkruese në të cilin ajo është nga të parat. Aktualisht në atë shtet mbizotëron, gati për të gjithë emigrantët dhe sidomos në mënyrë të veçantë për emigrantët shqiptarë. Ka trajtime, përndjekje, poshtërime, masakrime jashtë çdo imagjinate njerëzore. Këto, unë dhe shumë shqiptarë të tjerë i kemi parë dhe i kemi vuajtur në kurriz për gati 23 vjet. Konkretisht, po flas vetëm për një rast që e kam jetuar personalisht. Në moshën 13-vjeçare, në vitin 1999, gjatë një aksioni, si në qytetin e skllevërve të shek.18-19, të ndërmarrë nga policia greke kundër shqiptarëve, mua personalisht, pasi më vendosën prangat, filluan të më godasin nga më të ndryshmet, në të gjitha pjesët e trupit, me shkopinj gome, shpulla, shkelma, sharje nga nënat, deri edhe sharjen e shtetit shqiptar. E gjitha kjo, vetëm se nuk kisha dokumentet e mjaftueshme. Kjo është diçka e vogël, që besoj se e ka jetuar çdo shqiptar në Greqi që ka qenë dhe është emigrant.
Mund të më tregosh disa nga torturat që policia greke të ka bërë gjatë kohës që ke qenë në burg?
Mua personalisht, Ilir Kupës, policia greke më ka bërë tortura nga më çnjerëzoret, sa edhe imagjinata njerëzore nuk mund t’i imagjinojë. Fillimisht po tregoj një rast të thjeshtë. Në rajonin Tmima-Vopio-Anatoliku-Atikis në Nea-Ionias, mua personalisht më kanë vendosur prangat mbrapa. Forcat speciale më kanë tërhequr zvarrë. Më pas, në një dhomë më kanë lidhur njërën dorë në hekura varur. Nuk kisha mundësi të ulesha; goditesha, barbarisht në të gjitha pjesët e trupit me shkopinj gome dhe shkop druri, shkelma, grushte, pështyma, sharje nga atdheu, familja ime. Kam qëndruar mbi 7 ditë i lidhur me pranga në këmbë, pa u shtrirë ose ulur. Mbas 20-30 orëve i lidhur, trupi im këputej dhe varej dhe në këtë moment, policët grekë më hidhnin ujë të ftohtë. Kjo ka vazhduar 7 ditë rresht. Në çdo ndërrim turni, policët grekë kishin urdhër që ne të rriheshim barbarisht. Më pas vazhdonte sharja edhe me shokët e mi; duke na zhveshur lakuriq dhe duke na goditur në organet gjenitale, na hidhnin përsëri ujë të ftohtë. Kjo ishte një torturë shumë e thjeshtë, se kishte tortura shumë të rënda, të cilat më vjen frikë dhe turp që t’i zë në gojë. Torturat në qelitë greke për mua dhe shokët e tjerë ishin të njëjta si ato të Guantanamos, në mos edhe më të rënda. Ndërsa, për disa shqiptarë të tjerë ka edhe tortura më të forta, deri edhe tek përdorimi i rrymës elektrike. Pas arratisjes së 22 marsit të vitit 2013, në të gjitha burgjet greke, policia dhe forca të trajnuara për tortura të specifikuara, fillonin me masakrimin dhe thyerjen e kyçeve të këmbës, duarve, klavikulës, gishtërinjve të duarve dhe këmbëve. Kjo është më shumë e theksuar në burguan e Trikalasë (ata që nuk u arratisën). Por, shqiptarët keqtrajtohen mbi të gjitha edhe për faktin se janë myslimanë. Kur na rrihnin, na thoshin dhe thonë akoma, “Do t’ju bëjmë mish për derra”.
Cila është e vërteta e arrestimit të vëllait tuaj?
E vërteta e vëllait tim të quajtur Zyber Kupa, pikë për pikë është kështu: Në vitin 2009, muaji tetor, në vendin e quajtur Kalkidha, ka ndodhur një vepër penale. Në vitin 2011, pas dy vitesh, policia greke më arrestoi vëllain, sepse policia greke e të njëjtit rajon që më kishte arrestuar edhe mua, thoshin, pas dy vitesh që kishte ndodhur ngjarja, se i kishin dhënë foton e vëllait tim të dëmtuarit dhe ai kishte pretenduar se autori i ngjante me vëllain tim. Deklaratat e tij në fillim ishin krejtësisht të kundërta, gjë që mund të vërtetohet nëse shihen deklaratat e tij. Pas 6 muajsh burg, vëllai im doli në gjykatë në vitin 2012, pasi ishte lënë i lirë për një periudhë njëvjeçare. Në gjykatë u paraqitën shumë dokumente, deklarata dhe fakte që vërtetuan pafajësinë e tij, siç ishin edhe vetë deklaratat e pronarit të tij. Edhe prokurori ishte i të njëjtit mendim, se vëllai im ishte i pafajshëm. Kur të gjithë ne prisnim lirimin e tij të menjëhershëm, një gjykatës hidhet dhe thotë: “Çështjen tënde shumë shpejt do e zgjidhim në Apel, prandaj mos u mërzit”. Vëllai im, theksoj se është dënuar padrejtësisht, me të vetmen arsye se ishte vëllai i Ilir Kupës. Ai nuk ka bërë asnjëherë asnjë gabim, por ka qenë shumë korrekt me ligjet e shtetit grek. Kërkojmë nga drejtësia shqiptare që ta verifikojë këtë çështje. Si rasti i vëllait tim të dënuar padrejtësisht në burgjet greke mund të jenë të dënuar mbi 60 për qind e të burgosurve shqiptarë.
Pasi u fute në Shqipëri, sa kohë kishe që jetoje në Tiranë? Gjatë kësaj kohe, nuk mendove që të largoheshe jashtë Shqipërisë?
Unë në Tiranë kam qëndruar për një periudhë shumë të gjatë, rreth 2-3 muaj. Por, asnjëherë nuk më ka shkuar ndër mend që të shkoja në një vend tjetër, pasi të gjitha sakrificat e emigrimit tim në shtetin grek ishin me të vetmin synim dhe qëllim, që unë të krijoja një shumë minimale financash që të krijoja familje, ashtu siç e krijova, dhe më pas të vija dhe të punoja në vendin tim, Shqipërinë, pasi unë këtu kam lindur dhe këtu do vdes. Unë kam qenë gjithmonë një njeri që nuk kam pasur frikë që të gjykohem nga drejtësia, e aq më shumë nga drejtësia greke, e cila punon me dy standarde, duke i paragjykuar shqiptarët dhe jo sikur të ishin njerëz që bëjnë pjesë në Evropën demokratike, por sikur të ishin kafshë. Unë dua të gjykohem nga një drejtësi me parime dhe qëllime të drejta, sidomos nga ajo shqiptare.
Ilir, si ishin ditët e tua të lirisë? A kishe frikë ditët që jetove në Tiranë, apo ishe i lumtur që ishe pranë familjes tënde?
Ditët e lirisë nuk ishin ditë lirie për mua, pasi me vete mbaja në kurriz një barrë shumë të rëndë, akuza të padrejta, nga një shtet që shqiptarët e mua personalisht na shikonin si njerëz që vetëm duhen vrarë dhe jo duhen gjykuar e dënuar mbi bazën e ligjeve. Unë nuk kisha ditë lirie në Shqipëri, pasi në ndërgjegjen time si shqiptar më ka lënë gjurmë në memorie një përgjegjësi: si nuk bëra më shumë, që të shpëtoja shokët e mi të vrarë, të masakruar e të hequr zvarrë barbarisht nga policia greke, për t’i kthyer ata në Shqipëri, për të shkuar pranë familjeve të tyre, dëshirë dhe fjalë që ua prenë në buzë të automatikëve dhe qindra mijë fishekë të derdhur mbi trupat e tyre mbrapa shpine. Unë i lirë ndihesha në Shqipëri vetëm me të vetmen bindje, se, sido që të vinte puna për gabimet e mia, do dënohesha nga njerëzit e një gjaku. Unë i lirë ndihesha në Shqipëri, se në fund të fundit thithja ajrin e vendit tim, që më lindi dhe më rriti, dhe nuk thithja ajrin e një shteti, i cili më shumë ka tymin e grykave të zjarrit, sesa oksigjen për të jetuar njeriu.
Ilir, cili është apeli që ke për shtetin shqiptar?
Apeli im për shtetin shqiptar, por jo vetëm i imi, por edhe i qindra-mijëra shqiptarëve të tjerë që jetojnë dhe punojnë në shtetin grek, është që të interesohet shumë më shumë për të drejtat dhe liritë e bashkëkombësve të vet të cilët jetojnë në Greqi, e jo të bëjë pazar në kurriz të tyre, siç është edhe rasti im aktualisht, ku jashtë çdo ligji dhe norme e konvente ndërkombëtare për ekstradimin me Greqinë, disa qeveritarë të lartë, po bëjnë pazare për të më ekstraduar në Greqi, në kundërshtim me ligjet (nuk dihet shuma, se do i paguajë Greqia). Unë Ilir Kupa, i them “Stop” kësaj masakrade të kurdisur me kujdes në zyrat më antishqiptare në Athinë e në pritje për t’u zbatuar nga disa punonjës të Ministrisë së Brendshme, që çdo gjë mund të jenë, vetëm shqiptarë nuk janë, të cilët, në qoftë se ndërmarrin një veprim të tillë, shumë shpejt do përballen me ligjin. Dhe apeli im më kryesor për shtetin shqiptar është që, në mënyrë të menjëhershme, Ministria e Drejtësisë, Ministria e Brendshme dhe veçanërisht Prokurori i Përgjithshëm, Adriatik Llalla, të ngrenë një grup ekspertësh dhe të studiojnë me themel çështjen time dhe shokëve të mi, të vrarë e masakruar pabesisht nga bandat e posaçme të policisë greke, që janë ngritur posaçërisht, me të vetmin synim, që të eliminojnë shqiptarët fizikisht. Ky grup pune duhet të hapë të gjitha dosjet që ndodhen në Greqi dhe Shqipëri dhe të më bëhet një hetim i drejtë dhe i pavarur, për gabimet dhe fajet që unë kam bërë, dhe mbi bazën e tyre të më bëhet një rigjykim i drejtë, sipas ligjeve dhe konventave kombëtare dhe ndërkombëtare për të drejtat e njeriut. Theksoj dhe e kërkoj këtë gjë, sepse nuk është vetëm rast i imi dhe i shokëve të mi të vrarë, por edhe problemi se policia greke vitet e fundit ka vrarë dhe masakruar shumë shqiptarë pa arsye, ashtu siç ishte edhe në fund vrasja e 2 vëllezërve shqiptarë, pa arsye, nga zona e Korçës. Shteti shqiptar, ka ardhur koha që me një politikë dhe strategji të mirëmenduar duhet t’i thotë “Ndal” njëherë e mirë kësaj masakrade të grekëve ndaj shqiptarëve të pafajshëm, që punojnë dhe jetojnë me nder dhe dinjitet në Greqi, por se vriten se janë shqiptarë. Unë i vdekur shkoj në Greqi! Më mirë vdes këtu në Shqipëri, se të shkoj dhe të masakrohem në Greqi! Apel u bëj të reagojnë, edhe trupit diplomatik të akredituar në Shqipëri, Avokatit të Popullit, Komitetit Shqiptar për Mbrojtjen e të Drejtave dhe Lirive të Njeriut dhe, veçanërisht, Ambasadës Amerikane në Tiranë.

Balkanweb

Roma fa schifo

Italiani di merda, che vogliono distruggere la nostra Roma


Roma fa schifo
Qenka një faqe në Facebook me emrin "Roma fa schifo", që gjasme do të thotë se "Roma ta shpif" dhe ku postohen papushim foto të paimagjinueshme nga Roma, të cilat të japin më tepër idenë se janë shkrepur në Bathore, Babrru apo Kamëz, para se Bashkinë e Tiranës ta merrte në dorë Luli.
Ju lutemi të gjithë emigrantëve shqiptarë në Itali e gjetkë, ta raportojnë masivisht këtë faqe me qëllime dashakeqase. Roma është kryeqendra e Botës, Roma është një qytet i magjishëm që nuk ka lidhje me ato fotot e tmerrshme që postohen aty. Ne jo vetëm duam ta bëjmë Tiranën si Roma, por madje kur kthehemi nga Italia duke shfryrë uf-puf, me zor shtyjmë ditët në mëmëdheun tonë të pistë.
Në emër të të gjithë shqiptarëve që gjysmat e fjalëve i kanë italisht, raportojeni këtë faqe që padrejtësisht kërkon të na prishë imazhin hyjnor që kemi për Romën dhe Italinë në përgjithësi.
Nuk mund të jetë kurrsesi e vërtetë që Roma të jetë kaq e ndyrë dhe nëse gjen ndonjë pisllëk, atë padyshim e kemi hedhur ne shqiptarët.

Në foto një çast i shkëputur nga metroja e Romës, asaj Rome që e ëndërruam aq shumë para dy dekadash dhe me aq forcë duam ti ngjajmë sot .

Shkroi: Stop Injorancës

Janullatos valëvit flamurin e Vorio-Epirit, aktivitet për aneksimin e Shqipërisë

Zbardhen fakte që kompromentojnë rëndë pozitat e kryepeshkopit të Shqipërisë, z. Anastas Janullatos, i cili duket se fshihet pas shumë aktivitetesh antishqiptare në territorin tonë, me qëllim aneksimin e Shqipërisë së Jugut. Historiani Arben Lalla, dëshmon me fotografi praninë e Anastas Janullatosit në aktivitete antishqiptare, ku është valëvitur flamuri i aneksimit të Jugut të Shqipërisë, ndërsa janë bërë plane për Vorio-Epirin.

“Kur ofrova për lexuesit të dhëna rreth origjinës nga Çamëria të kryepeshkopit të Shqipërisë, z. Anastas Janullatosit, kisha parasysh rrënjët e tij të gjakut shqiptar, por jo ndërgjegjen e tij kombëtare. Sot do të sjellim fotografitë ku shihen qartë ngritja e flamurit për aneksimin e Jugut të Shqipërisë (Autonomisë së Vorio Epriti) në Derviçan më 15 Gusht 2013, në festën e Zonjës së Madhe (Panagias) ku i pranishëm ishte edhe kryepeshkopi i Shqipërisë, z. Anastasios.

Besoj se hirësia e tij Anastasios nuk do të mohojë pjesëmarrjen e tij gjatë shpalosjeve të simboleve antishqiptare që provokojnë ndjenjat kombëtare të shqiptarëve dhe integritetin e Republikës së Shqipërisë.  Më 15 gusht 2013 në sheshin e fshatit Derviçan gjatë festës fetare dhjetëra të rinj kishin veshur bluze me simbole të ushtrisë së andartëve grekë, që kanë kryer masakra mbi popullsinë shqiptare në vitin 1914 dhe shpallën shkëputjen e Jugut të Shqipërisë duke krijuar një qeveri fantazmë me ministra të ardhur nga Athina”, shkruan Arben Llalla. Tolerimi i shtetit shqiptar ka bërë që në fshatrat ku jeton minoriteti grek të zhvillohen aktivitete antishqiptare që bien ndesh me Kushtetutën e Republikës së Shqipërisë dhe nëse ne reagojmë, grekët do na  ngrenë akuza pa argumenta si nacionalistë. Kjo është metodë klasike për t’u kyçur gojën atyre që thonë dhe mbrojnë të vërtetën. Siç duket, afrimi i 100 vjetorit të shpalljes së autonomisë së Vorio Epirit (17 Shkurt 19142014), ka ndezur zemrat dhe shpirtrat e disa minoritarëve grekë që nuk duan fqinjësinë e dy vendeve, por acarimin e tyre duke zhvilluar aktivitete të ndryshme antishqiptare në territorin e Shqipërisë. Nuk është hera e parë që grekët e sotëm i çojnë të vdekurit e mëdhenj prej varrit që t’i shfrytëzojnë për nevojat e veta, duke i treguar kështu në versione në të cilat nuk kanë qenë kurrë. Sëmundja greke për një aneksim të Jugut të Shqipërisë, për një autonomi politike, nuk janë ndjenjat anë të jashtme të tyre. Ato i kanë rrënjët në vetëdije dhe në nënvetëdije, në mentalitet, në dëshira e pasione, ku të shprehura, ku të pashprehura, të realizueshme e të parealizueshme, ato vijnë prej thellësive të historisë njerëzore për të dalë në sipërfaqe në momente të caktuara.
Arben Llalla
Historiani Arben Llalla, ka komentuar edhe reagimin e shtypit grek pas publikimit të studimit për origjinën e Janullatosit. “Pas botimeve të dy studimeve të mia në lidhje për origjinën shqiptare të kryetarit të Greqisë, z. Karlos Papulia dhe të kryepeshkopit të Shqipërisë, z.Anastas Janullatosit, ka patur disa reagime të publicistëve grekë në gazetat e printuara dhe elektronike, por unë do t’i këshilloja që të reagonin me kundër argumenta dy personalitetet me ndërgjegje kombëtare greke, z.Papulia dhe z.Janullatos, për origjinat e tyre shqiptare, pra atë të gjakut dhe jo të reagojnë disa papagaj që vetëm çirren me akuza politike”, shkruan Llalla.
Aktivitetet antishqiptare
Në një kohë kur Presidenti i Greqisë, Karolos Papulias, artikulonte mesazhe për fqinjësinë e mirë në Tiranë, kisha greke organizonte aktivitete për fantazmën e Vorio-Epirit. Më tre nëntor, kisha greke ka organizuar në Lamia një aktivitet për aneksimin e Jugut të Shqipërisë, për ta bërë pjesë të Greqisë, siç bënë trojet shqiptare deri në Prevezë pas konferencës famëkeqe të Londrës në vitin 1913. Duke se të gjitha deklaratat dhe përpjekjet e Athinës për fqinjësi të mirë, janë thjeshtë një maskë, pas të cilit fshihen qëllimet e artikuluara qartë nga neonazistët e Agimit të Artë. Aktiviteti është fotografuar dhe në foto duket qartë të rinj grekë, për tundin simbolet greke dhe bëjnë plane për Vorio Epirin. Ky aktivitet është organizuar nga kisha greke, e cila shpeshherë ka ndërhyrë në punët politike. Gjithçka ka ndodhur kur në Shqipëri kishte zbarkuar presidenti grek, për t’i dhënë një zgjidhje ngërçit të krijuar mes Shqipërisë dhe Greqisë, për probleme të kaluara, por edhe për probleme të reja, të krijuara kryesisht nga shteti grek. Ndërkaq, aktivitete të tilla për ankesimin e Shqipërisë së Jugut janë bërë të zakonshme në Greqi. Aktivitete të tilla janë zhvilluar edhe në Shqipëri, ku kanë marrë pjesë krerët e minoritetit grek si dhe përfaqësues të lartë të shovinizmit grek.
Përmendoret e ushtarëve grekë
Historiani dhe njohësi i mirë i çështjeve greko-shqiptare, Arben Llalla, ka reaguar edhe për vendosjen e disa përmendoreve të andartëve grekë në territoret shqiptare, të cilët kanë luftuar dhe luftojnë për aneksimin e Jugut të Shqipërisë. Po përmendore të tilla ka në çdo fshat ku banon minoriteti grek dhe strukturat shtetërore shqiptare nuk kanë fare qasje në këto fshatra, bile gjuha shqipe nuk është zyrtare dhe anashkalohet. “Është e vërtetë se më 15 Gusht 2013 sheshi qendror i  fshati Sopik në Gjirokastër u pagëzua me emrin e Mihal Zerva. Mihal Zerva ka lindur në Janinë, ai është njëri nga aktivistët e flaktë të lobit grek në SHBA që promovojnë greqizmin e jugut të Shqipërisë. Ai ka qenë disa vite kryetar i Federatës së Epiriotasve në SHBA dhe sot është kryetar i Fondacionit grek në SHBA. Është financuesi i aktiviteteve të ndryshme në aspektin propagandistik për aneksimin e jugut të Shqipërisë ose siç i thonë grekët Autonomisë së Vorio Epirit. Por nuk është vetëm sheshi i Sopikut me përmendore të grekëve që punojnë dhe luftojnë për aneksimin e Jugut të Shqipërisë”, ka deklaruar Lalla. Ai ka shtuar se në shumë fshatra shqiptare, ku jeton minoriteti grek, janë ngritur përmendore për figurat kombëtare greke, të cilët kanë masakruar popullsinë shqiptare. Adriatik Doçi

http://sot.com.al/politike/anastas-janullatos-val%C3%ABvit-flamurin-e-vorio-epirit-aktivitet-p%C3%ABr-aneksimin-e-shqip%C3%ABris%C3%AB-s%C3%AB#sthash.IneDTDvm.dpuf

Fati i shqiptarëve çamë, një nga sekretet më të errëta të historisë bashkëkohore evropiane

Prej kohësh është ndjerë nevoja që opinioni botëror të njohë të vërtetën e dokumentuar mbi çështjen e Çamërisë dhe banorëve të saj. Libri “The Cham Albanians of Greece – A Documentary Story” (Shqiptarët Çamë të Greqisë – Një Tregim i Dokumentuar), i cili edhe nga titulli shihet qartazi se shpalos të dokumentuar tragjedinë çame, është përgjigje adekuate. 

Përmbajtja e librit e informon opinionin ndërkombëtar mbi krimet që ushtroi Greqia ndaj shqiptarëve të Çamërisë, mbi një shekull më parë e në vazhdim. Libri mbart një vlerë të madhe edhe për vetë opinionin shqiptar, pasi shërben për t’iu përkujtuar atyre të shkuarën e hidhur të kombit shqiptar dhe përcjell porosinë për të mos e harruar këtë tragjedi e cila nuk është mbyllur akoma, paçka asaj që pretendon Greqia.
Duke folur mbi tematikën e librit, historiani i njohur dhe anëtari i Akademisë Mbretërore Britanike, Dr. Noel Malcolm thekson se “fati i shqiptarëve çamë është një nga sekretet më të errëta të historisë bashkëkohore evropiane”. 
Ndërsa duke folur për rëndësinë e përmbajtjes, Malcolm bën me dije se libri është një koleksion i dokumenteve të rëndësishme, që hedhin dritën e nevojshme mbi temën e trajtuar.
Libri, është përmbledhje e dokumenteve të nxjerra nga arkivat e Ministrisë së Jashtme Britanike dhe arkiva të tjera. Material dokumentues janë korrespodencat e diplomatëve shqiptarë, britanikë dhe të tjerë, në lidhje me këtë çështje. Po ashtu, janë përmbledhur memorandume, raporte, shkrime nga shtypi, vlerësime apo kujtime të personaliteteve të ndryshme dhe dokumente të tjera relevante që vijnë nga anë të ndryshme të botës.
Libri ndahet në tre kapituj kryesorë, që përfshijnë periudhën e kohës së sundimit otoman, periudhën pas Marrëveshjes së Lozanës dhe periudhën e pas Luftës së Dytë Botërore. Libri ilustrohet me harta të ndryshme, ndërsa për të dokumentuar në mënyrë vizuale një pjesë të tragjedisë çame, janë dhënë edhe disa fotografi të nxjerra nga arkivi i UNRRA-s. (...)
Athina asnjëherë nuk është pajtuar që të hapë çështjen çame dhe të përgjigjet pse e privuan nga shtetësia greke këtë popullsi vendëse, me kombësi shqiptare. Asnjëherë grekët nuk dhanë përgjigje pse ua konfiskuan pasuritë këtyre njerëzve, të cilët ishin pronarë të shtëpive dhe tokave të mëdha, në njërën nga pjesët më të pasura dhe më të bukura të Greqisë. Athina vazhdimisht e ka injoruar ekzistimin e problemit çam dhe në anën tjetër ka shkaktuar probleme dhe komplikime politike e diplomatike, duke përdorur komunitetin grek në Shqipëri, i cili krahasuar me atë çam është inekzistent. Megjithëse përzënia e çamëve, ishte as më pak e as më shumë spastrim etnik, Greqia asnjëherë nuk u ballafaqua me ndonjë kritikë apo sanksion serioz ndërkombëtar. Një veprim i këtillë krijoi sinjale të gabuara, pasi la të kuptohej se ishte themeluar një presedan dhe mund të vazhdohej me përzënie të popujve edhe në situata të mëvonshme. Duke u bazuar në këtë shembull, por edhe në disa të tjerë, një veprim të tillë provoi edhe Serbia e Millosheviçit mbi popullsinë shqiptare të Kosovës një gjysmë shekulli më vonë. Për fat të mirë, në këtë rast nuk u përsërit “suksesi” i Greqisë, dhe imitimi serb i këtij krimi dështoi. Greqia nuk do të duhej ta injoronte këtë tragjedi, që e ka shkaktuar vetë dhe që është dokumentuar me profesionalizëm në këtë libër.  Libri “The Cham Albanians of Greece” nuk është vetëm libër i karakterit historik. Ky libër-dokument do të duhej të shërbente jo vetëm për ta kujtuar Greqinë për të keqen që ka bërë, por edhe për t’i dhënë rast që të fillojë të mendojë për të përmirësuar gabimin dhe të bëjë të mundur lejimin e kthimit të çamëve në shtëpitë e tyre dhe kompensimin e tyre për dëmet e shkaktuara.

Në anën tjetër, pas botimit të këtij libri, as shqiptarët dhe qeveritë e tyre nuk do të duhej të vazhdonin me të vjetrën, duke vajtuar impotencën që kanë treguar deri tani ndaj Greqisë.

Tashmë të shash gay-t në Shqipëri rrezikon deri në 2 vite burg

Institucioni i Avokatit të Popullit, në bashkëpunim me 2 organizata LGTB kanë prezantuar ndryshimet e fundit të Kodit Penal dhe aspekte konkrete se si grupe të marxhinalizuara do mund të përfitojnë nga ndryshimet e fundit.

"Ndryshimi i parë i rëndësishëm ka të bëjë me përfshirjen si rrethanë rënduese të një krimi dhe motivim për shkak të orientimit seksual dhe identitetit gjinor.

Ky ndryshim ndodhi në nenin 50 të Kodit Penal. Shkronja "j" ndryshohet si më poshtë vijon: Kur vepra është kryer e shtyrë nga motive që kanë të bëjnë me gjininë, racën, ngjyrën, etninë, gjuhën, identitetin gjinor, orientimin seksual, bindjet politike, fetare ose filozofike, gjendjen shëndetësore, predispozicione gjenetike ose aftësinë e kufizuar", - tha zëdhënësja e Avokatit të Popullit. Sipas ndryshimeve të vetë Kodit Penal, kush fyen për shkak të orientimit seksual rrezikon nga gjobë deri në 2 vite burg.

(m.a/Gazeta Shqiptare/BalkanWeb)

Tashmë të shash gay-t në Shqipëri rrezikon deri në 2 vite burg

Institucioni i Avokatit të Popullit, në bashkëpunim me 2 organizata LGTB kanë prezantuar ndryshimet e fundit të Kodit Penal dhe aspekte konkrete se si grupe të marxhinalizuara do mund të përfitojnë nga ndryshimet e fundit.

"Ndryshimi i parë i rëndësishëm ka të bëjë me përfshirjen si rrethanë rënduese të një krimi dhe motivim për shkak të orientimit seksual dhe identitetit gjinor.

Ky ndryshim ndodhi në nenin 50 të Kodit Penal. Shkronja "j" ndryshohet si më poshtë vijon: Kur vepra është kryer e shtyrë nga motive që kanë të bëjnë me gjininë, racën, ngjyrën, etninë, gjuhën, identitetin gjinor, orientimin seksual, bindjet politike, fetare ose filozofike, gjendjen shëndetësore, predispozicione gjenetike ose aftësinë e kufizuar", - tha zëdhënësja e Avokatit të Popullit. Sipas ndryshimeve të vetë Kodit Penal, kush fyen për shkak të orientimit seksual rrezikon nga gjobë deri në 2 vite burg.
(m.a/Gazeta Shqiptare/BalkanWeb)

Greqi, fshati ku historia flet gjuhen shqipe

Kamera amatore është sërisht e vetmja zgjidhje për një pjesë të grupit të xhirimit të pa shpallur “non grata” e që mund të udhetojë drejt fshatit që sot ka një emër tjetër, Dhrosopigi.

Fshati i Spiro Bellkamenit, luftëtarit të shumë betejave ndaj grekëve e osmanëve për çlirimin e tokave shqiptare në gjithë këtë zonë e deri thellë në Korçë duket i heshtur mes banorëve të paktë që ikin e vijnë rrugicave të tij.

Jane miqësore dhe disa prej tyre nuk refuzojnë apo nuk druhen të tregojnë të vërtetat e tyre.

« Nëna ime nuk dinte greqisht. Plakat, më parë, përfshi nënën time, flisnin vetëm shqip », thotë Stravro Stilollari, banori i Belkamenit.

Stavro e ka mbartur gjuhen brez pas brezi, kjo edhe sepse shkolla ne gjuhen shqipe ka funksionuar siç tregon vetem nje vit diku ne 1909 – 1910. Qe atehere, ajo eshte mbyllur nga greket per te mos u hapur me kurre.

“Shiko, të të them kështu janë rrënjët, sido që të bëhet rrënjët janë rrënjë. Une e ndiej se jam shqiptar, them se jam shqiptar. Po jo se dua që të bëhet Shqipëria këtu apo të bëhet, atje’’, pranon me sinqeritet, me një shqipe të pastër Stavro.

Por, ndryshe nga babai mendon djali, qe shqip kupton shume mire, por qe nuk pranon te flase. E per me teper hedh poshte pohimet e te atit.

« Nuk mësuam shqip sepse nuk kemi pasur gjyshe në shtëpi dhe për shkak të punës pastaj dhe mungesës së kohës nuk mësuam shqip. Unë ndihem grek sepse të tillë jemi », thotë i biri.

Në masë dërrmuese të gjithë të moshuarit flasin me drojtje shqip. Edhe pse thonë se janë grekë ata vetë tregojnë se këtë gjuhë e kanë mësuar në shkollë, ndërsa atë shqipe e kanë trashëguar nga të parët. Toskërishtja e këtyre anëve është e qartë edhe pse e grryer jo pak nga koha.

« Epo grekë jemi nuk jemi shqiptarë. Plakat ishin shqiptare ama dinin edhe ato greqisht me neve që vinim në shkolo”, shprehet një e moshuar e Dhrosopigisë.

Shumica shmangen, e nuk duan të ngatërrohen siç thonë jashtë kameras, pasi kjo mund t’u hapë jo pak probleme me autoritetet lokale, por edhe qe ndrore.  

Disa theksojnë mes fjalësh të shkurtëra e të tërhequra se tashmë gjithçka po humbet. Shqipja rron mes te moshuarve ndersa po vdes perfundimisht tek te rinjte.

« Fëmijët e mi nuk llafosin shqip, nuk dijnë. Këtu dijnë shqip nga neve e lartë, nga neve e poshtë jo”, thotë një tjetër i moshuar.

Ne Bellkamen ka te tjere edhe me serte edhe pse pergjigjen e japin ne te njejten gjuhe.

E kuptueshme kjo edhe per shkak te presionit te jashtezakonshem qe ka patur ne keto zona e qe ka bere qe shqiptaret te shkrihen pas mbetjesh jashte kufirit zyrtar shqiptar.

 « As qe e di nga kane ardhur. Nuk e di une. Une jam grek, ç’pune kam une me shqiptaret, jam grek jo shqiptar », shprehet një tjetër banor.

Ne muzeun e fshatit fotot e sendet e vjetra pasojne njera tjetren , tregues te identitetit te hershem te tij.

E megjithatë mes tyre nuk gjen askërrkund qoftë edhe një tregues të vogël se këtu është folur e flitet gjuha shqipe. E megjithate mes radheve te mesuesit e rojtarit te ketij muzeu mund te kuptosh qartazi edhe pse greqisht prejardhjen e ketij fshati.

“Aty rreth 1844 erdhem ne kete fshat nga Plikati, perpara tij patem ardhur nga nje tjeter vend, më duket se nga Erseka, Vithkuqi dhe nga Voskopoja, e nga zona e Sulit. Njerezit qe erdhen ketu kishin origjine te njejte, tradita, doke, zakone te njejta », thotë rojtari.

 «Ne llafosnim shqip, ne fshat bënim këto që të thashë, këto zakonet që bëjmë, këto gostirat, këndonim shqip, edhe na drejtoheshin të ardhurit duke na thënë shqiptarë ».

Edhe pse banoret jane perqendruar ketu, fshati rrenjet e tij i ka lart ne mal. Sot, kudo ne fshatin e vjeter kane mbetur vetem rrenoja veç kishes qe eshte rikonstruktuar nga e para.

Diku ne nje cep duket edhe shtepia e Spiro Bellkamenit, komandantit te nje cete kombetare te njohur gjate viteve 1908- 1912 e qe u vra sipas arkivave të kohës, pikerisht ne kete vit ne pabesi nga agjentet greke ne Nivicë.

Sot, per te nuk gjen me asgje ne kete fshat, perveç radhëve greqisht ne nje liber botuar se fundmi.

Fshati mbetet pas e bashke me te edhe e shkuara e tashmja qe lidhen pashmangshmerisht me te njejtat rrenje te perbashketa qê nëse do të njihen si të tilla nuk do bënin gje tjeter veç do të forconin urat e miqësisë e fqinjësisë së mirë midis shqiptarëve e grekëve, Shqipërisë e Greqisë.

Njohja e historisë si një realitet i ngritur mbi dokumenta e fakte ndihmon mirëkuptimin, shkëmbimin, vlerat e nuk duhet të nxisë aspak ato pjesë të politikës që mbijetojnë duke ushqyer ndasitë.

« Ky eshte Ballkameni, fshati ku historia flet shqip. Per “Top-Channel”, nga Kapshtica, “non grata””, përfundoi reportazhin e tij, Marin Mema.
Videoja: http://youtu.be/0_-cKRaW4ck

Faji i shqiptarëve apo deformim i historisë?

Është vënë re, në harkun e viteve të fundit, se mbi bazën e metodës “moderne” të shtjellimit të Historisë dhe në emër të “së vërtetës historike”, në fakt lexojmë shpalosjen e tezave anti-shqiptare të dy shekujve të fundit (19-20) mbi historinë e popullit, figurat e shquara dhe Shtetin Shqiptar. Boshti rreth së cilës shtjellohen këto shkrime është: Shqiptarët janë fajtorë për copëtimin e trevave të tyre, për urrejtjen, shovinizmin dhe genocidin e ushtruar nga fqinjët e tyre, se Shteti shqiptar po bën një luftë të fshehtë ndaj komunitetit fetar ortodoks, dhe “politika bizantine shqiptare … ka reminishencat raciste, osmane në kuptimin e drejtimit të vendit dhe të marrëdhënieve me jashtë”. Përse duhet t’iu kushtojmë vëmendje shkrimeve që haptas janë sajesa dhe s’kanë asnjë mbështetje të fakteve historike ?

Siç shprehej studiuesi i metodës historike Marc Bloch, edhe në shkrimet ku shtrembërohet historia, studiuesi mund të gjejë fakte që plotësojnë pasqyrimin e realitetit të kohës. Në këtë kënd-vështrim, dobia e trajtimit të këtyre shkrimeve, është se këto ide, vërehen edhe në disa shkrime, debate televizive dhe median elektronike të autorëve të tjerë shqiptarë dhe të huaj. Pra është një realitet i sotëm i medias dhe ideve që qarkullojnë në shoqërinë shqiptare dhe më gjerë. Një nga tezat qendrore është ajo e “fajësisë” së shqiptarëve si bashkëpunëtorë të forcave pushtuese. Kjo tezë nuk është e panjohur për popullin tonë. Letra e “rrezikut shqiptar” është luajtur gjithmonë në tavolinat ndërkombëtare prej shteteve fqinje, për t’iu paraprirë kërkesave për pushtim. Kështu “viktima” greke, ju kërkonte Fuqive të Mëdha ta lejonin ta shtynte kufirin e saj deri “në malet Akrokeraune, në vijën që kalonte në distriktin e Himarës dhe që vazhdonte në lindje deri në Liqenin e Ohrit...dhe një shkëmbim të popullsive “greke dhe shqiptare në kushte humane dhe të barabarta”. Si variant më të mirë, sugjeronte krijimin e shtetit federativ greko-shqiptar, si “minimumin e pranueshëm” nga “epirotët” për ruajtjen e paqes në Ballkan”. Miti i “fajësisë” së shqiptarëve, ushqehej jo vetëm nga letërkëmbimi i diplomacisë serbe apo greke, por edhe nga institucionet arsimore dhe kulturore të këtyre shteteve. “Më 29 qershor 1945 Akademia e Shkencave greke deklaronte: Populli grek nuk mund të rrijë indiferent kur grekët e Vorio-Epirit vazhdojnë të masakrohen, të asgjësohen nga një popull që është ende në fazën parahistorike të zhvillimit, pa as një literaturë dhe pa asnjë shkencë, që ka vetëm një alfabet që e ka marrë hua... “. Siç vërehet, “fajësia” nuk qëndron vetëm tek “masakrat” ( asnjëherë të dokumentuara) të kryera nga shqiptarët, por edhe sepse janë “ një popull i prapambetur...”. Po kështu risjellja e “fajësisë” së shqiptarëve të kohës osmane, bëhet për të krijuar lidhjen historike të veprimeve “kriminale” të popullit tonë, me ditët e sotme. Në mungesë të dokumentacioneve, shfrytëzohen “romane horror” që shkruhen edhe nga personalitete europiane, siç ka qenë:
Transplantimi i organeve të robërve serbë, krimet e shqiptarëve gjatë luftës së Kosovës (1998-1999) dhe sidomos “Gozhda e ndryshkur e Nastradinit”- diskriminimi i minoritetit grek në jug të Shqipërisë”. Mbi bazën e kësaj letërsie të llojit racist në vitin 2002 nëpër rrugët e Selanikut shoqatat “Vorioepirote” shpërndanin fletushka kundër Shqipërisë dhe kërkonin ndërhyrjen e NATO-s për të “shpëtuar” rreth 80 mijë minoritarë grekë që jetojnë nëpër disa fshatra të Sarandës, Gjirokastrës nga gjoja “terrori” që ushtrojnë shqiptarët kundër tyre. Për të trija këto akuza, megjithë gjyqet, komisionet dhe verifikimet e ndërkombëtarëve, nuk është dëshmuar asnjë fakt. Qytetarët europianë e më gjerë, konsumues të masmedias dhe deklaratave të papërgjegjshme të disa politikanëve apo funksionarëve , ndikohen nga “fjalët” dhe askush nuk ju dëshmon të kundërtën.
Shteti ynë mjaftohet me rolin e mikpritësit të komisioneve hetimore dhe jo të përfaqësuesit të një populli të damkosur, që kërkon përgjegjësinë e prishjes së imazhit në arenën europiane dhe botërore. Për rrjedhojë, viktima (me cytjen e BE-së) ulet e çnderuar përballë kriminelit të papenduar e të pandërgjegjësuar dhe këndohen hymne fetaro-shtetërore, të “bashkëjetesës në kohën moderne”. Kongresmeni Joseph J. DioGuardi më 25 Korrik 2008 në Kongresin e SHBA pohon se:
“Është ironike që plani i Ahtisaarit u jep serbëve në Kosovë të drejtat më të mira të minoriteteve si askujt tjetër në Evropë, teksa ende kemi shqiptarët në Luginën e Preshevës dhe në Mal të Zi që jetojnë nën kushte të aparteidit edhe sot”. Europianët që e kanë kaluar këtë përvojë në kurrizin e tyre, nuk e kanë të vështirë të pranojnë, se zgjidhja më reale për Ballkanin është pikërisht vendosja e popullsisë shqiptare në kushte të barabarta me popujt e tjerë ballkanikë dhe europianë.
Fatbardha Demi/Publiciste

Alket Rizai: Në burgjet greke shqiptarët torturohen barbarisht

Alket Rizai ,shqiptari që ka bërë tre super arratisje nga burgjet greke  ka folur sot në një lidhje direkte nga burgu i Malandrinos.
“Mua me akuzojnë për katër vrasje ,nuk kam bërë asnjërën. Në këtë shtet nuk gjen drejtësi jo vetëm unë, por gjithë shqiptarët.”- nënvizon Alketi.
Ai është shprehur se prokurorët dhe gjykatësit  e kanë nxjerrë  të pafajshëm, ndonëse në procesin kundër tij kanë marrë pjesë  72 dëshmitarë dhe asnjëri nga ata nuk  nuk ka vënë dorën  mbi të, por janë detyruar të dëshmojnë kundër tij.“Gjendja ime tani është shumë e mirë, ndodhi ajo që patë, mora peng 7 policë. E bëra për të dhënë një mesazh, na dënojnë kot se jemi shqiptar. Mua më akuzojnë kot. Më akuzojnë për 4 vrasje. Në këtë shtet nuk e gjen dot të drejtën, jo unë por të gjithë shqiptarët."
Ai ka apeluar për ambasadën shqiptare që të shkojnë të shohin ,pasi pas arratisjes nga  Trikala është ushtruar  dhunë  mbi të burgosurit shqipatarë  duke u thyer duart dhe brinjët  70 prej tyre.
I pyetur se cfarë rruge do ndjekë ai për të qënë i lirë, Rizai shton, “Kush është ai qorr që nuk do sy. Nuk e di surprizën e radhës, por do riarratisem. Që nesër do doja të kthehesha në Shqipëri për gjykim, jam 100% i pafajshëm nuk po them se nuk jam ëngjëll, as djall por këta më kanë kapur për ngjarje që si kam bërë. Nuk kam lidhje fare me vrasjet. Fundja fundja e kam pranuar që kam grabitur bankat greke. Deri në pikën e fundit të gjakut tim do luftoj jo vetëm për vete por për mijëra shqiptar të dënuar padrejtësisht”, tha ai më tej.

AVOKATI: ARRATISJET E RIZAIT, JO PËR SHOW, POR SHENJA ANKIMI
Për News 24 është prononcuar edhe avokati i Alket Rizait. Sipas tij “Në Greqi ekziston një racizëm ekstrem 50% e të burgosurve janë të huaj atje, pjesa më e madhe janë turq dhe shqiptarë”, sqaron avokati.

Ai thekson se, Greqia është vendi i 4 në botë për racizëm në vendimet që jep për të burgosurit e huaj.
“90% e dënimeve jepen vetëm sepse janë shqiptarë”, tha ai më tej.

Ndërsa arratisjet e klientit të tij i cilësoi si shenja ankimi për këto vendime dhe jo shou. (ma.ar/er.nu/BalkanWeb)

Persekutimi i një të riu shqiptar prej shtetit zvicerian

Në këtë intervistë të zgjeruar, Ismajl Qerimi nga Vushtria e Kosovës flet për dramën e shumëfishtë që po përjeton që prej afro një dekade, ku pas një aksidenti në punë, u operua në mënyrë joprofesionale dhe për më tepër pa praninë e specialistit anestezist. Kjo ndërhyrje kirurgjikale rezultoi e pafalshme sipas specialistëve që e vizituan më vonë. Kushdo që e ka lexuar romanin “Rrethi i kujtesës” do t’i dukej më komode eksperimentimi me medikamente që bëhej në një klinikë naziste ndaj një partizaneje shqiptareje në vitet e Luftës së Dytë Botërore në raport me kalvarin e vuajtjeve dhe privimeve që ka hequr dhe vazhdon të vuajë Ismajli në vitet ‘2000. Sepse zhgënjimi i tij më i madh do të vinte më pas si pasojë e diskriminimit, antihumanizmit dhe presioneve që ka përjetuar dhe po përjeton ende për të mbyllur gojën  dhe për të mos ta publikuar këtë skandal. 

Historia e tij e dhimbshme është e vështirë të përshkruhet nëpërmjet një interviste, sado voluminoz që të jetë sepse bëhet fjalë për afro një dekadë që ai vuan familjarisht pasojat e papërgjegjshmërisë së bluzave të bardha, të përfshirjes së tyre indirekte në presione dhe më pas të burracakërisë së një makine të tërë shtetërore në kurriz të shëndetit dhe sigurisë së tij dhe të familjes. Me një gjëndje shëndetësore tashmë të cunguar përgjithmonë, ai tregon madje edhe për atentatet e organizuara për ta eliminuar fizikisht.
Duke pasur në dispozicion nga ana e tij mjaft dokumente të skanuara të cilat provojnë vërtetësinë e thënieve të tij, arrita që të bindesha plotësisht se këtu kemi të bëjmë me një skandal të shumfishtë.
Dhe, si për ironi të fatit,  Ismajl Qerimi nuk jeton as në Ruanda dhe as në ndonjë republikë të humbur bananesh por në zemër të Europës. Në një shtet që po i afrohet 800-vjetorit të formimit të tij dhe konsiderohet si model në  funksionimin e tij. Pikërisht në Zvicër. 
Në kushtet e një dëshpërimi dhe ankthi të tejskajshëm që ai ndien cdo ditë, ku sic shprehet edhe vetë, jo aq për vete se sa për pasigurinë e  familjes së tij, Qerimi i është  drejtuar tashmë  Gjykatës Europiane të  Strasbourgut. Ai falenderon për ndërhyrjen pranë Ambasadës së Zvicrës në Prishtinë të Ministrit të Jashtëm të Kosovës Enver Hoxhaj në lidhje me problemin e tij, ndonëse ajo ra në vesh të shurdhër të autoriteteve zvicerane. Dhe, në mbyllje të këtij prononcimi, duke konsideruar si më efikase dhe më me peshë në arenën ndërkombëtare institucionet e shtetit shqiptar në raport me ato të Kosovës, ai i bën thirrje për ndërhyrje edhe Kryeministrit të Shqipërisë Sali Berisha.

Fillimisht dicka per veten tuaj. Kush është Ismajl Qerimi, kur erdhët  ne Zvicer, per c’arsye dhe si u integruat…?
Në radhë të parë ju falenderoj për mundësinë që po më jepni për të komunikuar me publikun nëpërmjet kësaj interviste. Quhem Ismail Qerimaj dhe jam nga Dumnica e Vushtrisë  në  Kosovë ku edhe kam lindur më 1975. Lashë Kosovën në vitin 1992 për arsye politike si pasojë  e shNë radhë të parë ju falenderoj për mundësinë që po më jepni për të komunikuar me publikun nëpërmjet kësaj interviste. Quhem Ismail Qerimaj dhe jam nga Dumnica e Vushtrisë  në  Kosovë ku edhe kam lindur më 1975. Lashë Kosovën në vitin 1992 për arsye politike si pasojë  e shtypjes dhe e represionit të  atëhershë m dhe në vitin 1993 kam ardhur në Zvicër ku më priste vëllai im i cili kishte emigruar më parë. Pas një viti fitova statusin e refugjatit politik dhe u vendosa në kantonin e Vaudit. Gjatë këtij viti mund të them se u integrova mjaft mirë profesionalisht dhe vendosa që  ku edhe kërkova azil dhe u vendosa këtu përfundimisht. Në vitin 1997 u njoha më Isabela Pereira, një vajzë e mrekullueshme me nënshtetësi franceze dhe origjinë portugeze, me të cilën edhe u martova në vitin 2000 dhe kemi një djalë 7-vjecar Adrin. Unë fillova punë në postën zvicerane ndërsa bashkëshortja ime ka punuar menaxhere biznesi në lavanderi.
Tani le te ndalemi ne aksidentin që ju ndodhi në punë. Si ndodhi?
Aksidenti ndodhi më 26 nëntor të vitit 2003 kur një pako me peshë afro 30 kilogram më ra në dorën e majtë nga një lartësi prej 4-5 metra. Shefi me dërgoi urgjentisht në Poliklinikën Vidymed në Lozanë. Dy mjekë më kanë kontrolluar, Dr. Moeri dhe Dr. Stuzenegger, të cilët, me anë të radiografisë, gjetën lëndim të damarit të syrit dhe të një kisti palmaire radiale (një lloj palme muskulore). Nga kjo ditë kam ndërprerë punën duke marrë ilace kundër dhembjeve. Në mes kohës, gjatë përcjelljeve mjeksore, më është dhënë një injeksion për të m’i ndaluar dhimbjet në dorën e majtë, gjë që më ka mundësuar që ta rifilloj punën në 19 shkurt të vitit 2004. Kështu, pas disa muajve, Dr. Moeri dhe Dr. Stuzeneger, më sugjeruan që t’i shtrohem njè ndërhyrjeje kirurgjiale, i cila mu bë më 22 shtator 2004 në klinikën La Source. 3 ditë para operimit më komunikuan pushimin nga puna…
Gjatë bisedës theksuat disa herë se ky operacion rezultoi fatal për juve. A mund të na shpjegoni në mënyrë më të kuptueshme për lexuesin se çfarë ndodhi me ju?

Në çdo operacion pacientit i mundësohet prania një mjeku anestezist por kjo nuk ndodhi me mua. Unë jam vendosur direkt në sallën e operacionit dhe një infermiere erdhi për të luajtur rolin e anestezistes. Këtë e vërteton edhe deklarata e firmosur nga mjeku  i amnestezisë Dr. Pierre Ledermann, i cili, në dijeni profesionale të kësaj ndërhyrjeje të papërgjegjëshme kirurgjike ndaj meje, pohon se nuk ka qenë i pranishëm në operacionin tim, cka dhe është e vërtetë. Prandaj edhe vendosja e emrit të Dr. Ledermann si i pranishëm në protokollin e hartuar nga ana e Stuzenegger dhe mosvendosja e emrit të infermieres Sabine Noel e cila në të vërtetë e zëvendësoi atë, ka qenë një tentativë e pastër për të fallsifikuar dokumentet. Kjo për arsye se Stuzenegger ka qenë i ndërgjegjshëm se zëvendësimi i një mjeku anestezist me një infermiere në sallën e operacionit përbën një shkelje të rëndë ligjore. Ju keni në dispozision edhe dokumentin e këtij protokolli që vërteton këto që sapo ju thashë. Vetë mjeku anestezist Pierre Ledermann duke mohuar me anë të një deklarate të firmosur pjesmarrjen e tij në operacion, i le  në dorë dopjogjashtën Dr. Stuzenneger pasi ai nuk kishte përse të mbante përgjegjësinë e paaftësisë së tij, për më tepër që dihet se si u përkeqësua gjëndja ime shëndetësore pas operacionit. Ndërkohë mjeku kirurg Dr. Michael Stuzenegger filloi menjëherë operacionin dhe aplikoi anestezinë lokale nën sqetull. Kam ndjerë një dhimbje të padurueshme, dora më ishte mpirë fare. Ishtë një torturë e vërtetë dhe e mbaj mend mirë se kam ulëritur nga dhimbja. Kirurgu ishte në panik dhe i bërtiste infermieres në një kohë që në vend të saj duhej të ishte anestezisti. Ai vazhdoi operacionin në dorën time dhe kjo shënoi fillimin e një makthi të gjatë për mua. Pas operacionit jo vetëm ndjeja dhimbje të konsiderueshme dhe reduktim të ndjeshëm të forcës në parakrahun e majtë.
Që  nga ky operacion shëndeti dhe jeta ime pësuan një traumë fizike dhe psiqike.
Nga dhimbjet  u detyrova menjëherë pas operimit që të kërkoj ndihmë mjeksore në urgjencë, ku për të dytën herë më kanë aplikuar morfinë kundër dhimbjeve dhe aty mjekët më thanë se duhet të konsultoj kirurgun tim sepse këto dhembje nuk janë normale. Pas konsultimeve me Dr. Sturzenegger shkova te Dr. Huggenbuhler, i cili më bëri ekzamimin EMG dhe më konstaton se nuk ka përmirësim. Kirurgu im, kësaj here, më propozon një rioperim, duke dyshuar se operimi i nervit carpien ishte gabim, por duke u arsyetuar se duhet konsultuar sigurimin e aksidenteve, SUVA (Sigurimi Aksidental Profesional ne Zvicer), për ta përcjellur gjendjen shëndetsore, gjegjësisht të dorës sime. SUVA më propozoi një klinikë speciale për riadaptim në Sion… Në këtë klinikë iu kam nënshtruar seancave fizioterapive dhe ergoterapi dhe të papërshtatshme të cilat më kanë dëmtuar duke ma paralizuar grushtin të cilin nuk kam mundur ta hap. Duke u përpjekur që të ma hapin grushtin, ata kanë praktikuar shumë infiltrime ingjekcionesh në muskuj (Calcitonine, Botoxe e Redia), që nuk kanë pasur asnjë sukses. Mjekët e SUVA-s nuk e kanë marrë seriozisht gjendjën time shëndetësore, madje edhe duke më quajtur si stimulues (!!!). Për injorimin e shërimit tim nga ana e mjekëve, i kam njoftuar edhe anëtarët e familjës sime. Unë kam këmbëngulur se përse më mbajnë, të mbyllur si një jetim, duke më keqtrajtuar me sjelljet e tyre vulgare e agresive…Pas insistimit tim për kontrolle më profesionale, ata më në fund praktikuan prova të cilat, sipas tyre,  rezultuan  me diagnozën “algoneurodystrophie”.  Mjekët e SUVA-s më thanë se përmirësimi i gjendjes shëdetësore do të bëhët me kalimin e kohës. Gjithnjë, gjatë qëndrimit tim në klinikën e Sionit, dhembjet e mia nuk kishin pushim, për çka edhe u kërkoja ndihmë infermiereve dhe mjekve për të më marrë parasysh dhimbjet e padurueshme, por ata në vend që të kujdeseshin sipas profesionit të tyre human, më provokonin duke më nxituar që me fajin tim, të lëshoja klinikën dhe të mbetesha në mëshirën e dhimbjeve. Dhe më në fund, ata më lëshuan nga klinika pa më dhënë kurrfarë përmirësimi të gjendjës sime shëndetësore. Pas 4 ditësh nga dalja nga klinika, në banesën time më vazhduan dhimbjet e padurueshme duke u rritur me kriza edhe më të madha, duke u përhapur në krahun e majtë dhe në shpatullë, nën sqetull, në anën e majtë të fytyrës si dhe në anën e majtë të boshtit kurrizor duke shkuar deri në tru. Pastaj mu keqësua edhe frymëmarrja. Mu skuq veshi i majtë, qafa në anën e majtë, si dhe të gjitha pjesët e trupit nga ana e majtë gjithashtu. Familja ime, e shqetësuar nga kjo gjendje shumë delikate e shëndetit tim, thirri ndihmën e shpejtë, e cila erdhi në kohë dhe më dërgoi në SUVA. Aty, duke më parë të tillë, më dhanë ushqim artificial-infuzion dhe pastaj Morphine. Neurologu deklaroi se është i panjohtuar për këto simptome dhe kërkon ndihmë e shefit neurologjik për sëmundjën algoneurodystrophie. Pas shumë orvë pritje, më në fund arriti neurologu, i cili pas ekzaminimit, konsaton se gjendja ime ishtë tejet e komplikuar dhe nuk ka mundësi të më ndihmojë. Ai më sygjeroi që të shkoj në banesë duke më premtuar se, në konsultim me kolegët e vet, do të bëj të mundshme një egzaminim më të përsosur. Por kjo nuk ndodhi deri më sot. Pse-në ata e dinë ??!!…
Po ju vetë e dini arsyen pas kaq kohësh?

Po. Fillova që të dyshoj derisa u binda plotësisht se të gjitha këto injorime dhe keqtrajtime medicinale kanë qenë të ndikuara nga mjekët e Sigurimit Shëndetësor, SUVA. Mjekët e dinin mirë shkakun e gabimit profesional mjekësor dhe detyrimisht edhe dëmin moral dhe material që më detyrohen ligjërisht. Por bashkëpunimi i tyre jo në favor të shëndetit tim, por të rrënimit të mëtejshëm të tij tregon se asnjëri prej tyre nuk dëshironte të merrte një hap të duhur për një kujdes më human. Madje ata janë të interesuar që të më paraqesin edhe si të sëmurë psiqikisht, mjaft që të mbulojnë fajin e tyre duke e pasur nesër më të lehtë para gjykatës pasi fjalët e një të sëmuri psiqik nuk merren në konsideratë. Por unë posedoj dokumente të hartuara nga mjekë të tjerë të cilët vërtetojnë pretendimin tim, pra atë se ndaj meje është bërë një ndërhyrje e pafalshme kirurgjikale e cila më ka lënë pasoja të pariparueshme.
Mjekja Dresse Pappas, në konsultimet e saja me vëllezërit e mi, ka konstatuar se gjendja e keqësuar e imja vjen nga një operim plotësisht i gabuar nga mjeku i lartëpërmendur. Por më lëjoni që të vijoj kalvarin e vuajtjeve të mia nga bluzat e bardha zvicerane. Pas brengave të arsyeshme të familjarëve të mi dhe të miqve si dhe të shqetsimeve të mia personale, vendosa të që të shkoj në HUG (Spitali Universitar i Gjenevës) në Gjenevë. Kjo u bë me këmbënguljën time duke i bërë SUVA-s një kërkesë për kontrollim në këtë spital. Kisha një shpresë se në Gjenevë, meqë aty kanë selinë shumë institucioneve ndërkombëtare për të drejtat e njeriut si dhe Komiteti Ndërkombëtar i Kryqit të Kuq, por shpresat m'u shuajtën qysh në ditën e parë. Aty pashë dhe përjetova keqtrajtime fiziko-psiqike të paimagjinuara nga një njeri i thjeshtë. Në ditën e dytë, pas paralizimit tim fizik, gjë që më ndodh nganjëherë në krizat e mia shëndetësore, shefi i repartit neurologjik, në prezencën e vëllait tim, Agimit dhe të gruas sime, Isabelës, ma kapi këmbën duka ma tërhequr herë djathtas herë majtas, duke më provokuar një dhembje të hatashme nga e cila më vinin edhe britma e ulërima të paimagjinuara…Kjo sjellje ç'njerëzore për mendimin tim dhe të Agimit, u bë për të na hequr nga trajtimet e mëtejshme mjekësore me qëllim për të mos shpenzuar para për mua nga ana e sigurimit shëndetsor, SUVA. Ai po ashtu e provokoj rëndë edhe vëllain tim Agimin duke pritur një ngatërresë, me atë rast sikur, po të largohasha unë nga spitali, të na linte neve fajtor duke më quajtur stimulant. Nga të gjitha këto, si dhe keqtrajtime të tjera të cekura më lart, qëllimi i tyre ishte që të më hiqnin qafe me çdo mënyrë, e në fund të fundit edhe të më shpallnin si të çmendur për të më dërguar në ndonjë çmendurinë… As vetë nuk e di se si ia kam arritur t’i shpëtoj këtyre kurtheve të kurdisura nga këta mjekë të pashpirt që kanë bërë Betimin e Hipokratit.
Pas një kërkese për sqarime, bërë nga familjarët të mi, për keqtrajtimet që m'u bënë në spitalin Universitar të Gjenevës, na u përgjigjën me një falje formale.  Zhgënjimet dhe humbja e besimit te këta mjekë vetëm sa m’u shtuan…
A jeni vizituar jashtë  Zvicrës?

Duke mos humbur shpresat për një trajtim human e mjekësor dhe duke hulumtuar edhe nëpërmes internetit, vendosa që të shkoj për një kontrollim rutinor në një poliklinikë e specializuar për duar – d.m.th. te një specialist i njohur në Belgjikë, konkretisht te Dr. Huard në  klinikën “Parc service electromyographie”. Kjo u realizua më 26 gusht  2005. Pasi kontaktova, me anë të telefonit, mjeku belg më caktoj një takimin të shpejtë, për çka edhe i jam shumë mirënjohës. Ai më dëgjonte me shumë vëmendje për të gjitha peripecitë e mia dhe pas shikimit të dokumenteve mjeksore që ia tregova si dhe pas kontrollimit shumë të kujdesshëm më tha:
“-Kush është ai mjek që të ka thënë se duhej t’i nënshtroheshe një operacionit të tillë?!!
Dhe pasi më sqaroj se “ky hap i mjekëve zviceran ishte shumë i gabuar, dhe si pasoj e krejt kësaj, sëmundja jote nuk vjen vetëm nga “algoneurodystrophie”, por nga ky operim i gabuar duke të dhënë se gabimisht anestazionin post-opératoire, dhe diagnoza e saktë quhet “plexus brachial”..
Nga nevoja për një shërim adekuat kam shkuar te shumë specialistë, si në Kosovë, Austri e Gjermani gjithe ashtu në Francë, ku më kanë thënë se diagnoztifikimi i mjekut nga Belgjika ishtë i saktë, kuptohet pas një ekzaminimit të tyre. Me fjalë të tjera janë tèrè nervat e mia të lënduara ne territorin plexus brachial dhe gjithashtu një infektim toksik. Askush nuk dëshiron ta marrë përgjegjësinë për këtë gabim të pafalshëm mjekësor, i cili e ka shkatërruar ardhmërinë e jetës sime. Pas kthimit nga Belgjika, iu drejtova CHUV-it për t’më ndihmuar me medikamente në bazë të diagnozës së saktë që më dha mjeku belg. Një mjek zviceran më udhëzoi që të shkoja te shërbimet kundër dhimbjeve. Aty më kanë dhënë disa ingjekcione shumë të forta në qafë, të quajtura “blocs sténillaires” por pa sukses. Një trajtim tjetër, me anë të barnave, në vend të Neurotin të zëvendësohën me barin Lyrica, i cili, nga shuma e dozës, reagoj negativisht duke m’i rritur dhimbjet tej mase, për çka gruaja ime u detyrua , në mesnatë, të më dërgoj në Urgjencë të CHUV (Qendra Spitalore Universitare e kantonit te Vaudit) . Aty prita afërsisht 4 orë derisa erdhi mjekja kujdestare. Ajo, sigurisht nga një paragjykim subjektiv ngaqë  kishte parë dosjën time, më priti me një arrogancë, që në çdo rast nuk mund të imagjinohet të ketë sjellje të një profesioni human, sepse në moment përpiqej të ma hap grushtin duke më bërë dhimbje të papërballueshme. Gruaja ime duke parë këtë gjendje u mundua që t’iu sqaroj mjekës se nëse vazhdohet të trajtohet kështu mund të vjen deri te paraliza dhe do të keqësohet gjendja ime deri në një paralizim tè cilin e kisha nè raste tè tilla. Ajo iu kèrcènua shoqès sime duke i thènè dil jashtè. Gruaja ime duke parè keqtretimet qè mè bèheshin, i kèrkoj qè tè mè lironte se do tè ishte mè mirè se sa tè paralizohesha terèsisht edhe njè herè nga trupi. Ajo e nxitur nga egoja e vet, pèr t`u arsyetuar pèr sjelljet e veta thirri punonjësit e sigurimit të spitalit pèr ndërhyrje, gjoja pèr ndihmè. Ata na keqtrajtuan fizikisht e psiqikisht duke na larguar me dhunë nga spitali. Pèr pasojat fizike qè i pèrjetuam  kemi dèshmitè faktike sepse ishim fotografuar me njè aparat kur erdhèm nè shtëpi. Disa orè mè vonè, unè dhe gruaja ime, shkuam nè shèrbimet kundèr dhimbjeve, ku u trajtuam nga mjeku Dr Grange,tè cilin e informova pèr incidentin e rëndë te mjekja kujdestare e CHUV. Dr. Grange, pas vizitës që mè bèri ishte shumè i trazuar dhe mbeti pa fjalë për sjelljen e mjekes ndaj meje dhe gruas sime sepse ishte i vetmi që më kuptonte dhe përpiqej që të më ndihmonte sinqerisht dhe me profesionalizëm në shërimin tim…
Këtë gabim të pafalshëm gjatë operimit tim si dhe kushtet në të cilat unë u operova pa specialist anestezist e ka konstatuar dhe dokumentuar edhe Dr. Ann-Marie Bendahan në Strasbourg e cila është në të njëjtën kohë edhe Sekretare e Shoqatës Kombëtare të Mjekëve të Këshillit të Rekursit në Francë. Zonja u tregua shumë  humane në  rastin tim. Ajo u prek dhe në të njëjtën kohë u revoltua shumë kur pas vizitë s që më bëri mësoi gafat e pafalshme profesionale të  Dr. Stuzenegger pasi, të  cilat i konsideroi si “sharlatane”. Ju mund të  shihni edhe deklaratat që  Dr. Ann-Marie Bendahan ka lëshuar për rastin tim dhe që  i keni në  dispozicion. Në  të  njëjtën kohë kjo zonjë e nderuar më është shprehur e gatshme që  të dëshmojë profesionalisht para çdo gjykate, si në  Zvicër ashtu edhe në Gjykatën Europiane në Strasbourg për çështjet që  kam hapur kundër klinikës “La Source” dhe Dr. Stuzenneger që më shkatërruan jetën. Po kështu edhe mjaft mjekë të tjerë belgë, austriakë, kosovarë dhe zviceranë, pasi më kanë vizituar janë në të njëjtën linjë profesionale.
Nga të gjitha këto që u thanë më lart, jeta ime është ç'orientuar. Kjo vjen nga injorimi, mungesa e humanizmit dhe e vullnetit të mirë nga ana e disa mjekëve në Zvicër si Dr. Stuzengger dhe ekipi i tij. Edhe më  pas ky i fundit u tregua mjaft arrogant. Unë  habitem se si monstra të  tilla kanë  pranuar  betimin e Hipokratit. Ata preferojnë që të mbeten solidarë në gënjeshtrat e tyre  në vend që të tregojnë të vertetën e të më shërojnë. Përballë këtij moskuptimi dhe në këtë padrejtësi, unë gjendem në tridhjetë vitet e mia, i dënuar të mbetem handikap përjetë. Eshtë kjo arsyeja për të cilën ngjarja ime më ka detyruaruar që t’ju lutem juve për ta publikuar në mënyrë që kjo padrejtësi mos të përseritet më kurrë dhe duke shpresuar se mund të më ndihmoni.
Gjatë bisedës jeni shprehur për presionet, incidentet e deri në atentatet fizike që janë kryer ndaj jush dhe pjestarëve të familjes suaj  me qëllim që t’ju detyrojnë që të heshtni për këtë skandal. Lutem të ndaleni konkretisht në rastet që ka qenë më të rëndë dhe flagrant.

Një atentat i rëndë më ka ndodhur në korrik të vitit 2006 kur isha në Kosovë. Po pija një kafe më një mik timin në një lokal të Prishtinës dhe shoh të na afrohet një person që fliste frëngjisht dhe që  po tentonte të më fotografonte. I thashë që të largohej se nuk doja të fotografohesha nga një i panjohur, por ai vijonte të më shikonte dhe kjo më bëri të dyshoj. Pas pak minutash hipëm në makinë dhe duke u kthyer jashtë Prishtinës, në afërsi të një tuneli që fillonte pas një ure, një person na kishte dalë përpara në anën e majtë para hyrjes së tunelit. Ai shkrepi një pistoletë në drejtimin tim. Shpëtova për mrekulli sepse kisha ngadalësuar instiktivisht paksa shpejtësinë kur pashë këtë skenë dhe pashë flakërimën e plumbit pak metra para automjetit. Qysh atë ditë e kuptova përfundimisht se duan të më eleminojnë në pamundësi për të më mbyllur gojën për të drejtat e mia legjitime të përdhunuara në mënyrë flagrante nga shteti zviceran. Miku im ishte prezent dhe mund të dëshmojë për këtë atentat që për pak më kushtoi jetën. Gruaja u trondit shumë dhe gjatë një kontrolli të imët që i bëri automjetit tonë për siguri, gjeti një aparat të vogël përgjues. Vëllai e ruajti këtë për të bërë denoncimin dhe për momentin më largoi larg nga shtëpia për arsye sigurie.
Jam sulmuar edhe pranë banesës sime natën e 22 shkurtit 2009 nga 5 persona të maskuar dhe të armatosur. Dhe ky atentat erdhi gjatë  periudhës kur unë  komunikoja me gazetën “Lausanne Cites” në  lidhje operacionin e gabuar gjatë operimit tim në  klinikën “Source”. Me fjalë të tjera unë kam qenë  dhe vijoj të jem i survejuar në  lëvizjet e mia sepse ata e dinë  se çfarë  më  kanë  punuar. Po kthehesha në  shtëpi dhe pashë  5 persona në  2 automjete. Ata kishin parkuar njërën makinë në vendparkimin tim dhe tjetrën në anë të rrugës. Kur e pashë këtë skenë nga makina ime kam tentuar që të kthehem me shpejtësi nga rruga kryesore, bërtita dhe i telefonova vëllait tim që banon aty pranë. Gruaja ime që ndodhej në shtëpi dëgjoi thirrjet e mia dhe doli të dera. Ata u larguan menjëherë sepse më panë kur telefonova nga makina. Njëri prej tyre deshi të më qëllonte, por në atë moment kaloi një makinë dhe dritat e drejtuara nga ne e frikësuan agresorin duke kujtuar se mbase ishte policia. Kjo rastësi më shpëtoi. Ndërkohë unë arrita që të bllokoja njërin prej tyre me ndihmën edhe të vëllait që mbëriti menjëherë. E mbërthyem në  flagrancë  dhe i morëm kartën e identitetit për ta denoncuar në polici, së bashku me një foto që ia bëmë po aty me celular. Ishte nga Lituania. Në stacionin e policisë në Renens na pyetën se nga kush dyshonim se më vjen ky agresion. Ia bëmë të qartë se qysh nga dita e operimit tim fatal, shumë incidente kanë ndodhur me mua dhe për këtë bëj fajtor punonjësit e paguar të SUVA dhe klinikën “La Source”. Policët u treguan indiferentë duke më thënë se kjo akuzë nuk ka se si provohet… Kur u ktheva në shtëpi përjetova një tronditje akoma edhe më të madhe. Gruaja ishte zverdhur dhe shokuar nga incidenti pasi kishte parë cdo gjë në momentin kur doli nga shtëpia. Në këto kushte depresive ajo humbi fëmijën tim të dytë sepse ishte shtatzënë…
Vetëm pas pak kohësh mësova nga burime të mirëinformuara se lituanezi që kapëm dhe denoncuam kishte dy të afërm nga rrethi i tij familjar që punonin në klinikën La Source. Pra dyshimet dhe akuza që bëra bashkë me vëllain qenë të bazuara dhe të sakta sepse unë nuk kisha të bëja me atë njeri. Në këto kushte e denoncova edhe këtë fakt por përgjigja ishte mëse qesharake; Sipas policisë lituanezi që bënte pjesë në grupin që më sulmuan para shtëpisë nuk jetonte më në Zvicër (!!!). Në fakt kam informacione të sakta se ai jeton edhe sot në Zvicër. U demoralizova edhe më tepër pasi mësova se tashmë aleatë me bluzat e bardha të klinikës Source dhe SUVA-s ishte bërë edhe policia. Përfundimisht gjykata vendosi pushimin e cështjes për mungesë  provash (!!!) megjithë se ne  e denoncuam në  flagrancë  agresorin në  fjalë  pasi e detyruam që  të na jepte identitetin. Edhe këto jua vë në dispozicion të dokumentuara.
Përpara takimeve të  planifikuara me mjekë, avokatë  apo aktivistë  të  të  drejtave të  njeriut kam vuajtur me dhjetra presione dhe incidente nga më të ndryshmet, si tentativa për të më aksidentuar me makinë, prishje të qëllimshme të automjetit tim dhe të  vëllait, gjoba të paarsyetuara nga policia etj. Segmente të rëndësishëm të shtetit zviceran janë të përfshirë në gjithë këto që j'ua thashë sepse të gjithë këshilltarët e shtetit në Ministrinë e Shëndetësisë janë të mirëinformuar me dosjen dhe vuajtjet e mia. Por ata preferojnë që të qëndrojnë në hije dhe në heshtje. Ju përmenda vetëm 2 nga sulmet dhe atentatet më  të  rënda që kanë organizuar kundër meje por ka edhe shumë  të tjerë gjatë këtyre 10 viteve. Ndërkohë  mund t’ju them se pas publikimit që  “Lausanne Cites” i bëri shkurtimisht  operimit tim të gabuar në artikullin “Gabime mjekësore”, autori i kë tij shkrimi, gazetari Fabio Bonavita u largua nga ajo gazetë sepse redaksisë i ishte bërë presion nga ata që nuk ishin dhe nuk janë të interesuar që e vërteta e dramës sime të dalë  në  dritë. Këto janë sjellje antihumane dhe kriminale e një makinerie të tërë shtetërore që kam hequr dhe po vazhdoj të vuaj këtu në Zvicër.
Në këto kushte flagrante diskriminimi dhe represioni ju iu drejtuat gjykatës dhe prokurosisë. Cfarë  padish dhe kundër kujt i keni ngritur konkretisht?
Po dhe kam hapur gjyq kundër SUVA-s, kirurgut Stuzengger, klinikes “La Source” dhe kundër infermieres Sabine Noel e cila u fut në mënyrë joligjore në sallën e operacionit duke zëvendësuar mjekun anestezist., si shkaktarë të përkeqësimit të mëtejshëm të gjëndjes sime shëndetësore. Për mua ka një cështje sociale për pensionin prej 9 vjetësh, një procedurë penale që prej 3 vjetësh dhe një procedurë civile. Në të trija rastet ka vetëm zvarritje të qëllimshme për të mos ardhur në vendimin i cili dukshëm që është në favorin tim. Vetëm para pak kohësh më kanë zhdukur një pjesë të rëndësishme të dosjes sime civile në Gjykatën e Kantonit të Vaudit duke arritur të më thonë me pafytyrësinë më të madhe se dosja ime nuk ka ekzistuar kurrë. Por unë posedoj të gjithë dokumentet origjinale duke qenë i vetëdijshëm më përpara për këto manovra të ulëta nga ana e tyre.
Po qëndrimi i avokateve tuaj cili ka qenë dhe është aktualisht?
Avokat Guigax nuk ishte në gjëndje që të përballonte presionin psikologjik të sistemit të Kantonit të Vaudit dhe e braktisi cështjen time. Avokat Poggia më ka dhënë vetëm premtime por deri tai asgjë edhe pas pagesave që ka marrë nuk po shoh ndonjë inisiativë të tij në celjen e gjyqit. I pyetur për cështjen time ai ka deklaruar se nuk do të mbronte viktimën në një cështje të  kundër një klinike private apo shtetërore (!!).Por atë nuk e detyroi askush që ta merrte rastin tim. Ndërkohë me avokatin e tretë fillova procedurën pensla dhe civile por edhe ky u tërhoq pas presioneve që i erdhën nga funksionarë të kantonit të Vaudit pasi kishte përfituar edhe ky mjaft pagesa për shërbimin e tij të pakryer ndaj meje. Por atë nuk e detyroi askush që ta merrte rastin tim.
Duke iu rikthyer pyetjes suaj mund të them se, në rastin më të mirë avokatët zviceranë i shoh të pafuqishëm për cështjen time. Ky është  realiteti në  Zvicër.
Në Zvicër ka më shume se 100 mijë shqiptarë të Kosovës si residentë të rregullt që prej disa dekadash. A keni kërkuar ndihmën e organizatave dhe bashkësisë të shumta të shqiptarëve që operojnë atje prej shumë kohësh?
Kam tentuar por për hir të  së  vërtetës ndihma e tyre nuk ka shkuar përtej këshillimeve konfidenciale sepse që  të  reagosh direkt ndaj padrejtësive shtetërore këtu në  Zvicër është  shumë problematike sepse hakmarrja të vjen në  më nyra të  ndryshme. Pra ndikimi i tyre është  krejtësisht i papërfillshëm.
Përtej fakteve të qarta dhe të frikshme që dëshmuat që janë ndërmarrë ndaj jush, a shihni ndonjë arsye tjetër të kësaj sjellje kriminale që ka ushtruar dhe po ushtrojnë ende ndaj jush nga segmente te rëndësishme të shtetit helvetik?
Mëgjithëse u mbushen 5 vjet qyshkur Kosova u shpall shtet i pavarur, mund t’ju them se gjëndja e shqiptarëve të Kosovës por edhe e shqiptarëve në përgjithësi në Zvicër nuk ka shënuar kurrfarë përmirësimi përsa i takon përmbushjes së të drejtave të tyre.
A keni ende shpresë te drejtësia për shkeljet që ju janë  bërë ? Si do të operoni konkretisht për ta çuar deri në  fund këto padrejtësi që  jua kanë  bërë  dhe që  po i vuani edhe në  vazhdim? 

Unë shpresoj gjithmonë se drejtësia do të fitojë por jo në Zvicër. Tani cështja ime ndodhet në Gjykatën Europiane të Strasburgut dhe do ta vazhdoj luftën time deri në fund në bazë të dosjes së plotë të provave të pakontestueshme që i kam paraqitur atje. Sidoqoftë unë bëj apel Federatës së Zvicrës ose thënë ndryshe pushtetit qendror, që të reagojë ligjërisht ndaj këtyre presioneve dhe krimeve që po vijojnë të më bëhen mua dhe familjes sime, vetëm e vetëm se po ngre zërin për të drejtat e mia të mohuara. I kam shkruar gjerë sisht  një  letër prej mëse 20 faqesh edhe Këshilltares Federale Znj. Calmy Rey por asnjë  përgjigje apo reagim nuk kam marrë nga ana e saj. Po kështu ka ndërhyrë  me një  letër pranë Ambasadës së  Zvicrës në Prishtinë për problemin tim edhe Ministri i Jashtëm i Kosovës Enver Hoxhaj. Këtë letër e kam dorëzuar unë së bashku me Këshilltarin e z. Hoxhaj. Përsëri heshtje.
Në rast se cështja ime do të vazhdojë të zvarritet atëherë unë do të dal publikisht së bashku me familjen në një grevë të pakthyeshme urie përpara një prej institucioneve kryesore të shtetit zviceran. Le të shërbejë vetësakrifikimi im me qëllim që kjo fatkeqësi që më ndodhi mua të mos u ndodhë emigrantëve të tjerë në Zvicër. Durimi im ka marrë fund dhe kjo që ju thashë do të ndodhë shumë shpejt nëse autoritetet përgjegjëse në këtë vend do të bëjnë të paditurin. Në një shtet demokratik është detyrë parësore mbrojtja e jetës së shtetasve të tij.
Në mbyllje a keni ndonjë mesazh për të dhënë?
I lutem publikisht Kryeministrit të Kosovës dhe Kryeministrit të Shqipërisë që ta ngrenë zërin më shumë për të drejtat e mohuara të shqiptarëve në mërgim. Në vecanti lutja ime personale shkon për Kryeministrin e Shqipërisë, zotin Sali Berisha që të ushtrojë autoritetin e tij politik për këto që po heq prej 10 vjetësh në Zvicër dhe që  drejtësia të  vihet në  vend. Kjo sepse zëri i shtetit shqiptar ka më shumë peshë në arenën ndërkombëtare sepse Shqipëria sapo mbushi 100-vjet shtetformim dhe është  vend anëtar i NATO-s. Për më tepër që zoti Berisha është  vetë  mjek dhe  e ka ushtruar këtë  profesion të  nderuar për shumë  kohë  dhe e kupton akoma më  mirë  se c’farë do të  thotë që të abuzohet në  këtë  mënyrë  ndaj një  pacienti si në  rastin tim të  faktuar. Historikisht sytë e shqiptarëve të  Kosovës si dhe të shqiptarëve të tjerë jashtë kufijve administrativë të Shqipërisë kanë qenë drejtuar kurdoherë nga shteti amë. Familja ime, djali im 7-vjecar kanë plotësisht të drejtë që të jetojnë në paqe dhe në harmoni si dhe me dinjitet pas afro 10 vitesh frikë, ankthi dhe pasigurie për të nesërmen.

INTERVISTOI  ARBEN  LAGRETA http://gazetaditore.com/2013/03/15/i-denuar-per-te-heshtur/Koha Ditore