Finlanda përgatitet të ndalojë plotësisht duhanin

Në projektligjin e përgatitur parashikohet heqja nga shitja e produkteve të duhanit.

Finlanda po bëhet gati të jetë vendi i parë që do ta ndalojë plotësisht pirjen e duhanit. Në projektligjin e përgatitur parashikohet heqja nga shitja e produkteve të duhanit.

Planifikohet që ligjet në lidhje me duhanin në këtë vend të bëhen edhe më të rrepta.

Me projektligjin e ri që pritet të hyjë në fuqi në pranverë parashikohet që edhe në makinat private të ndalohet pirja e duhanit nëse brenda ka fëmijë të moshës nën 18 vjeç.

Ministria e Shëndetësisë në Finlandë deklaroi se projektligji i ri parashikon shpëtimin e plotë nga duhani por kjo nuk është një luftë kundër prodhuesve të duhanit, është thjesht një situatë në lidhje me shëndetin e popullsisë.

Prodhuesit e duhanit po përgatiten të ankohen zyrtarisht kundër vendimit të qeverisë.

Ndërkohë shumica e popullsisë, 20% e të cilës është pirëse duhani, e mbështet projektligjin në fjalë.

Trt

...është natë !!!

Natë është natë…
Natë dimri e gjatë
Veshur në të zeza
Heshtja pllakos ngadalë.

I vetem ne ballkon
Me erresiren perballe
Ne mesnaten romantike
Me nje cigare qe me behet mike.

Kjo nate e "paqte" na fton
Ne gjarperinjte vertikale
Te rrime perseri shtrire
Te zhveshur nen lekuren tone
Per tu ndjere me te lire
Ne naten e lengates
Per gjymtyret e mpire
Ne genjeshtren obelike
Per moralin tone te nxire

Nate dhunimesh c'njerezore
Nate epshesh mbinjerezore
Renkime perpelitjesh femerore
Ku ngjizen pasardhesa
Eros, pasion lakuriqesi
Ne mbulesat e mendafsha
Qe mbulon turpin e botes
Ankth, frike e mistere
Qe vertiten rreth kokes


Dritat shuhen
Ringjallen nentokes… minjte
Ne tavolinen e qiellit
Yjet ndezin qirinjte
Per terrin me origjine djallezore
Ku dhe djalli thur endrra feminore
Ne kete vater te pabesive
Te tradhetive shekullore
Shtrat i ngrohte i ogurezive
Miter e qellimit mizor
Qe dites i behet banor

Qepallat e tua dorezohen
Duke ftuar qerpiket te perqafohen
Per te mbrojtur shkelqimin
E te tuve sy
Per te fshehur endrrat
Qe thur per ne te dy
Endrra netesh pa gjume
Gjume endrrash pa nete
Nete gjumi pa endrra
Endrra…
Gjume…
Nete…!
.. dhe koha harron veten e vet
Me ty nje cast, nje pafundesi
Ti je nena e te keqijave
Por e keqja nuk je Ti

Unë isha me ty sonte
O natë që lind mëngjese
Do ta përshëndes diellin
Ti them sa shumë e deshe…!


Stop Injorancës
http://www.facebook.com/NdalPaditurise2

Personazhë dhe karaktere

Nëse dëshiron t'ia thuash të vërtetat njerëzve pa i ligështuar, thuaja ato nëpërmjet humorit. G. B. Show.

Në artikullin e sotëm kemi trajtuar karaktere dhe personazhë të ndryshme, midis një dialogu të shkurtër. Çdokush nga ju mund ta pasurojë artikullin, duke shtuar tipare të tjera njerëzish, bashkangjitur edhe me një situatë të shkurtër përshkruese.

ZILIQARI
- Kush ka qenë miku juaj më i ngushtë, apo krahu juaj i djathtë ?
- Eshtë pronari i Fabrikës së tullave në autostradë, por që për hir të së vërtetës e ka një biznes të ngritur me para të pista dhe një ditë me siguri do falimentojë.

GAZETARI
- Kemi ndonjë të re sot ?
- Kam një lajm të mrekullueshëm. Kam arritur të intervistoj, atë vrasësin e 3 fëmijëve të tij.

PATRIOTI
- Me kë skuadër jeni në kampionatin Botëror të futbollit ?
- Me Shqipërinë.

OPTIMISTI
- Jeni i dëshpëruar, që dolët i fundit në garë ?
- E rëndësishme për mua është vetëm pjesmarrja.

ALTRUISTI
- Po e vuani ende tradhëtinë e partneres tuaj ?
- Jo absolutisht, e rëndësishme për mua është lumturia e saj, që besoj tashmë e ka gjetur.

KOKEFORTI
- Keni të drejtën e dëshirës tuaj të fundit, përpara ekzekutimit, keni diçka për të thënë ?
- Dua të flas me avokatin tim.

NOSTALGJIKU
- Ke ndonjë plan për nesër pasdite ?
- Ah, jam i zënë. Për nesër, kam planifikuar që gjatë pasdites të shoh fotot e verës.

DEMBELI
- Nesër nga ora 8:00 jeni të lutur të paraqiteni pranë kompanisë tonë, për të dhënë intervistën e punës.
- A ka mundësi ta shtynim takimin 2-3 orë më vonë, se kam disa punë në atë orë...

INJORANTI
- I dashur, mqs nesër do të udhëtosh, shiko parashikimin sinoptik të motit për nesër.
- Ik mi gru, mos u përzi kot me ato punë, ato punë i di Zoti...

PESIMISTI
- Si e kaluat natën e ndërrimit të viteve ? Ishit tek prindërit ?
- Po ç'rëndësi ka kjo, viti 2009 shkoi dhe nuk kthehet më...

MILITANTI
- Punonjësi i "Internet kafe"-së: Zotëri, nuk e kuptoj pse i ndërroni kompjuterat çdo 2 minuta? Nuk punojnë?!
- Militanti: Tek sondazhi i sitit të top channel ka më shumë vota tek alternativa: "Përmbytjet erdhën prej përgjegjësive njerëzore"...thashë t'i barazoja... (Shtuar nga Genc Tato)

EKSTREMISTI FETAR!
- Çfarë mendimi keni për dashurinë ?
- Dashuria për Zotin është e plotfuqishme është e pafund...Vetëm ai mund ta shpëtoj tokën. Kthehuni dhe besoni sa jeni ne kohë... sepse do digjeni në ferr përjetë, do torturoheni, do të ulërisni nga dhimbjet. Zoti na do. (Shtuar nga Ana Anushi)

POLITIKANI
- Keni dhënë deri më sot ndonjë premtim që nuk e keni mbajtur ?
- Shiko, dëgjo. Pyetja juaj është shumë me vend. Që nga dita kur kemi ardhur në pushtet, kemi ndërtuar shkolla, spitale dhe kemi shtruar rrugë. Në bazë të statistikave tona, jemi qeveria më e sukseshme e këtyre 20 viteve të fundit. Ju premtojmë shqiptarëve që sa më shpejt do të udhëtojnë të lirë, sepse ne jemi qeveria që i mban premtimet.
( Sa përgjigje korrekte duket, rilexoni edhe njëherë pyetjen )

Shkroi dhe përgatiti: Stop Injorancës http://www.facebook.com/NdalPaditurise2

Njerëzit mësojnë në gjumë

Dihet që gjumi është i nevojshëm për të mbijetuar. Mendohej se ai ishte vetëm një periudhë pushimi por kohët e fundit dijetarët kanë parë një lidhje midis kujtesës dhe gjumit.

Freud (Frojdi) që në 1897-tën shkruante se nuk mendonte që ëndrrat ishin të pakuptimta por ishin një mënyrë për të lëvruar përvojat e fituara.
Në eksperimentet e fundit të bëra me njerëz është vërejtur se ato pjesë të trurit që kanë qenë në veprim gjatë ditës janë në veprim edhe gjatë natës.
Edhe kur trupi pushon pjesa qëndrore e trurit vazhdon të punojë pa ndërprerje ndonëse edhe pjesa ballore e trurit, ajo që ka të bëjë me vetëdijen, shkëputet.

Gjithashtu pas një gjumi të rregullt, të nesërmen njerëzit ishin më të përgatitur për të kryer zanatin e ri që kishin nisur të bënin një ditë më parë.
Është vërejtur edhe se ata që nuk flënë sa duhet e kanë të vështirë të mësojnë gjëra të reja.

Tërë këto vrojtime tregojnë se diçka ndodh me trurin kur flemë.
Kështu është arritur në përfundimin se ndonëse ne nuk e kuptojmë, truri ynë gjatë natës vazhdon të punojë për sqarimin e çështjeve që na dalin gjatë ditës. Pra gjumi është i rëndësishëm për të mësuar gjëra të reja. Kjo vlen jo vetëm për njerëzit por edhe për kafshët, zogjtë e insektet.

Gjatë një nate fjetjeje të zakonshme kryhen 4 deri 5 qarqe gjumi secila me nga 5 gjendje të ndryshme. Në gjendjen e parë të një qarku gjumi është kaq i lehtë sa një individ që zgjohet gjatë kësaj gjendje thotë se nuk është e vërtetë që ka qenë duke fjetur. Në gjendjen që vjen pas kësaj flihet pak më thellë, dhe quhet gjum themeltar. Në gjendjen e tretë dhe të katërt flihet thellë dhe gjatë këtyre gjendjeve trupi trupi merr vehten.

Pas tyre vjen i ashtuquajturi gjum me ëndrra që ka si tipar dallues lëvizjen e shpejtë të syve (rapid eye movements - REM).Muskujt e trupit lëshohen krejt. Dijetarët mendojnë se kjo është një masë sigurie që të mos ecim në gjumë apo të përjetojmë ëndrrat me veprime. Përveç kësaj, truri e lëshon kontrollin mbi temperaturën e trupit. Gjaku ynë ftohet dhe i përshtatet temperaturës së mjedisit.

Gjumi REM zgjat vetëm disa minuta gjatë qarkut të parë të gjumit. Pas tij nis qarku i dytë ku shkohet përsëri përgjatë të 5 gjendjeve të përmendura më sipër. Në qarqet që pasojnë REM është pak më i gjatë.

Është pikërisht gjendja REM ajo në të cilën ne mësojmë pasi rritet shumë e ashtuquajtura kujtesë implicite (e ndërlikuar). Është ajo lloj kujtese gjatë së cilës njeriu nuk mendon në mënyrë aktive, por që në mënyrë automatike gjendet aty dhe na mëson më tepër duke na shtuar aftësitë si fizike ashtu edhe mendore.

Kështu pra gjendja REM që arrihet vetëm kur flihet gjum i thellë, është shumë i rëndësishëm, sidomos për ata studentë që duan të përmirësojnë kujtesën e tyre.

Gjatë gjumit të thellë bëhet shartimi i fragmenteve të kujtesës së ditës dhe mendohet se ajo pjesë e trurit që quhet Hippocampus vendos se çfarë duhet ruajtur në kujtesë.

Mendohet se kujtesa e një çasti ruhet e ndarë në pjesë në disa vende të trurit. Një vend ruan ngjyrën, një tjetër formën, dhe një tjetër figurën.

Në vendin ku është ruajtur ngjyra e një sendi, ruhen edhe ato fragmente të kujtesës që kanë të njëjtën ngjyrë dhe është më e lehtë ti sjellësh ndërmend kur kujton ngjyrën në fjalë.


Përgatiti Alvin Ekmekçiu - Bazuar në materialet e gazetës suedeze Dagens Nyheter

'Rape aXe', prezervativi antipërdhunim !

U deshën thuajse dy vjet testime, por tani është realitet.

Vjen në treg prezervativi anti-përdhunim, që është frut i punës së një gruaje, që gjithmonë ka qenë në vijën e parë për të luftuar dhunën.

Afrikano-jugorja, Sonnette Ehlers, për arsye profesionale është marrë me shumë viktima përdhunimi dhe ka vendosur të kontribuojë personalisht, me qëllimin për të bllokuar një krim të tmerrshëm. Megjithatë nuk mungojnë polemikat...

Menyra sesi funksionon ky "mjet" eshte fare e thjeshte. Behet fjale per nje membrane plastike qe ne brendesine e saj fsheh lende ngjitese dhe qe vendoset ne vaginen e femres. Por nese bie ne kontakt me organin e mashkullit, mberthehet menjehere pas tij dhe e bllokon.

Ne kete situate, mashkulli qe bie pre e kesaj nuk mbetet vecse te largohet, pasi nuk ka menyre tjeter per ta hequr membranen pervecse me nderhyrje kirurgjikale. Ehlers uron qe cdo mjek qe duhet te perballet me heqjen e ketij prezervativi te quajtur “rape axe” te lajmeroje autoritetet per te dorezuar perdhunuesin para drejtesise.

Por nje shqetesim me vete eshte edhe garancia qe agresori te mos kete menyre per t’u hakmarre, perpara se te kerkoje nje mjek te disponueshem per te hequr morsen plastike. Me pak fjale eshte ngritur pikepyetja nese dicka e tille ka realisht nje vlefshmeri, apo jo.


•infoalbania•