Dëmton fëmijën seksi gjatë shtatzanisë?

Frika për t`i bërë keq fëmijës...

Midis frikave të ndryshme, qëndron edhe ajo që mund t'i bësh keq fëmijës.
Rreth 70% e meshkujve qe nuk bejne dashuri me femren e tyre shtatzene e kane kete frike.
Asnje panik fetusi eshte i mbrojtur nga mbeshtjellja e tij e cila e izolon ate nga bota e jashtme. Ky leng funksionon si nje amortizator: femija ndjek levizjet, por nuk mund te jete i perfshire gjate raportit, pavaresisht nga pozicioni seksual qe do te marrin prinderit gjate kryerjes se marrdhenies. Per sa i perket mikrobeve ato nuk kane mundesi te hyjne tek femija.

Nuk ka rrezik qe penisi te shpoje mbeshtjellesen e femijes, ose qe te preke femijen, edhe ne rastet e nje penetrimi te thelle. Sepse vagina dhe mitra jane te ndara: jane rreth 4 - 5 cm midis fundit te vagines dhe kokes se femijes. Nese shtatzanite jane normale, nuk ka asnje rrezik qe raporti seksual te shkaktoje nje lindje premature.

Cfare ndjen femija ?
Femija nuk ndjen asgje dhe nuk mund te jete spektator i kesaj marrdhenieje! Atij mund t`i transmetohet mireqenia dhe kenaqesia e te emes, sidomos pergjate orgazmes. Femija eshte pikerisht si ne nje hidromasazh, i cili eshte vertete i kenaqshem.


Tre mujori i pare

Gjate tremujorit te pare, nga pikpamja seksuale, ndjesite jane pak te zbehura. Ne kete periudhe kemi te tjera gjera ne koken tone dhe nuk jemi shume disponibel edhe fizikisht, sepse ne kete faze trupi person nje sere transformimesh qe jane nen influencen e hormoneve.

Efektet sekondare

Me pare jane te vjellat dhe lodhja. Por edhe djegja e stomakut, thatesia vaginale etj... Ne se ne kete faze te shtatzanise raportet seksuale jane te rralla, '80% e rasteve jane rezultat i lodhjes se femrave dhe renia e deshires se tyre seksuale.

Edhe kur marrdhenia realizohet, gjakderdhjet qe mund te shkaktohen nga eksitimi ne kete faze e bejne te mos jete i pelqyeshem per te dyja palet. Penetrimi mund te jete i dhimbshem, duke qene se muret e vagines modifikohen dhe pesojne ndryshime. Ne kete faze ajo qe i pelqen partnerit eshte gjoksi qe fillon e rritet, por problemi eshte se shpesh ai dhemb! Kjo kerkon nje shpjegim taktik qe perkedhelejt mbi gjoks ne kete faze jane te dhimbshme.

Te dish te flasesh me partnerin

Ndani dyshime dhe dhimbje me partnerin tuaj dhe ne kete menyre ai do t`ju ndihmoje te kaloni ne harmoni kete periudhe te veshire per ju.

Tre mujori i dyte

Nje oreks seksual qe shkon ne qiell
Me ne fund erdhi rikthimi ne piste! Periudha e veshtire kaloi. Ne kete faze fillojme te ndjejme qe femija leviz dhe se eshte mire, gje qe na e mundesojne ekografite. Kjo eshte faza me e lumtur e shtatzanise pasi te vjellat dhe perzierjet fillojne te zhduken duke i lene hapsire nje kenaqesie te pafund.


Ne kete periudhe vagina i rikthehet normalietit te saj dhe keshtu rikthehet deshira e humbur per te bere dashuri.
Bonus: orgazma arrihet me lehte dhe me shume intensitet, sepse zona gjenitale eshte ne forme te shkqlqyer. Disa femra shtatzena zbulojne orgazmen qe nuk e kane provuar kurre gjate periudhes "normale"!



Tre mujori i trete

Renie e vogel e intensitetit
Vlen ta themi qe ne fillim se tre mujori i trete i shtatzanise nuk eshte i nje intensiteti te larte seksual. Femija leviz me shume dhe lodhja behet me e dukshme. Nga pikpamja teknike raporti seksual eshte gjithnje i mundshem, por nuk behet komod per shkak te madhesise se barkut. Partneri duhet te jete i i kujdesshem qe te mos lendoje nenen me dhimbje te shkaktuara nga penetracioni.

Shkaqet

Nena e ardhshme pengohet dhe bezdiset nga nje trup i rende; Ajo ka dhimbje te shpines dhe te kembeve dhe nuk merr dot fryme lirisht. Dhe per te kompletuar te gjithe kete ajo e ndjen veten te shendoshe, te shemtuar dhe me pak te deshiruar nga partneri. Ajo ka nevoje te degjoje t`i thone qe eshte ende terheqese dhe e bukur!


Cfare mendon ai?

Shikimi dhe deshira e tij ndryshojne
Mashkulli mund te rezervoje nje deshire shume intense per partneren e tij, edhe pse ajo eshte shtatzene. Ajo i duket me e bukur, me e embel dhe me sensuale. Por shume here eshte e veshtire te adaptohet: pasi barku i fryre dhe trupi ne transformim e dekurajojne mashkullin ne vend qe ta eksitojne.

Te pershtasesh seksualitetin tend

Harroni pozicionin e misionerit i cili eshte aq komod per ju. Ky pozicion veshiresohet duke filluar qe ne tre mujorin e dyte. E vetmja mundesi qe keni eshte qe partneri juaj te mbeshtetet me duar.
Gjate marrdhenies tuaj me partnerin duhet te zgjidhni pozicione qe nuk ju lendojne dhe nuk ju provokojne dhimbje te shpines dhe sforcim. Nese penetrimi mund te rezultoje i dhimbshem, disa ledhatime mund te zbusin situaten. Dhe per ta mbyllur seksi oral dhe masturbimi jane shume te pershtatshme dhe efikase gjate shtatzanise. T.O.

Shtet pa dinjitet !

Intensiteti i zhvillimeve të përditshme politike shpesh na shkëput nga panorama e përgjithshme e zhvillimeve historike që ndodhin në vendin tonë dhe na përqendrojnë tek probleme të panumërta që i lënë vendin njëra tjetrës por pa u zgjidhur asnjëherë.

Shpesh zgjedhim që të mos e shohim panoramën e përgjithshme të zhvillimeve të vendit tonë, sepse do kurajë dhe shpatulla të forta përballimi i realitetit të hidhur të këtyre dy dekadave. Mjafton të përmendet fakti që në vendin etnikisht më homogjen të Evropës është dashur dy herë që të vijnë ushtri të huaja për të mbushur vakumin e rendit të brendshëm dhe për të mundësuar pajtimin e brendshëm.

Operacioni Pelican dhe Arcobaleno janë padyshim një njollë e madhe historike në dinjitetin e shtetit tonë si dhe një dëshmi e qartë e paaftësisë dhe kalbësisë së elitës sonë politike. Një turp tjetër që do ngelet barrë mbi historinë tonë ka për të qenë edhe paaftësia për t’iu bërë krahë pjesës tjetër të kombit kur e lypi nevoja e thjeshtë iu përulëm mëshirës së perëndimit dhe ndjeshmërisë së opinionit publik ndërkombëtar. Gjithë ato vite investime në bazë materiale e kuadro ushtarake nuk vlejtën për asgjë. Ushtria nuk iu gjet këtij vendi për të mbrojtur institucioneve dhe nuk shërbeu as për flamur. Po kështu është e dhimbshme që po mbushet 20 vjetori i rënies së murit të Berlinit dhe në vendin tonë ende nuk janë zhvilluar zgjedhje mjaftueshëm të lira e të ndershme sa të jenë të pranuara nga të gjitha palët që kanë marrë pjesë në të.

Kuptohet që listës së gjatë të paudhësive të panumërta të përjetuara nga shteti ynë nuk i mungon as përdhosja e kushtetutës në prillin e vitit të kaluar, duke u ndryshuar në mënyrë krejt të turpshme dokumentin më të rëndësishëm të shtetit tonë me një proces të zhvilluar natën si të ishte mbledhje kusarësh dhe jo e kuvendit të një shteti në zemër të Evropës.

Edhe pse preambula e Kushtetutës zotohet “për mbrojtjen e dinjitetit dhe të personalitetit njerëzor, si dhe për prosperitetin e të gjithë kombit” si dhe parashtrohet detyra për përmbushjen e aspiratës “shekullore të popullit shqiptar për identitetin dhe bashkimin kombëtar” shteti amë shqiptar në më të shumtën e kohës i ka lënë jetim shqiptarët në shtetet që na rrethojnë. Në çdo hap është parë një sjellje inferiore, pa kurrfarë krenarie apo trimërie në mbrojtjen interesit të shteti shqiptar apo të popullsisë shqiptare që banon përtej kufirit.

Lidhur me Maqedoninë dihet që në hapat e para të këtij shteti, Republika e Shqipërisë e njohu e i hapi dyert nga izolimi i Greqisë, pa kërkuar asgjë në këmbim, pa kërkuar asnjë përmirësim të gjendjes së shqiptarëve aty si kusht. Edhe pse kanë kaluar 8 vite nga marrëveshja e Ohrit, shume ngelet për t’u zbatuar. Madje jo vetëm që nuk zbatohet marrëveshja por shqiptarët diskriminohen në përfaqësimin politik duke iu dhënë në ndarjen e zonave zgjedhore të paktën 10 deputetë më pak sesa iu takon të kishin në proporcion me numrin e popullsisë. Për mos të folur pastaj për nisma të tjera të hapura të diskriminimit sikurse qe vjet ligji për nxitjen e pjellorisë së popullsisë sllave apo përpjekjet për të ndryshuar hartat administrative të Shkupit apo Strugës me synim heqjen e simboleve dhe gjuhës shqipe nga këto qytete shqiptare. Vitit të kaluar kur në mënyrë nëpërkëmbëse shteti maqedonas vendosi viza për shtetasit e shtetit tonë u desh të ndërhynte Bashkimi Evropian për ta kthyer këtë vendim, sepse zëri i shtetit tonë ishte i mekur.
Kur bëhet fjalë për Malin e Zi, kryeministri deklaron që shqiptarët aty gëzojnë maksimumin e të drejtave dhe lirive dhe se ky vend është shembull i respektimit të të drejtave të minoriteteve. Ndërkohë që shqiptarët aty nga kushtet e këqija e kanë braktisur në mënyrë masive tokën e tyre, diskriminohen me fondet qeveritare duke marrë si investime një fraksion të parave që derdhin në taksa, nuk iu kthehen pronat, nuk iu mbështetet arsimi, përjashtohen nga privatizimi i ndërmarrjeve që gjenden në trojet ku jetojnë si dhe nuk iu njihet siç duhet autonomia e qeverisjes vendore.
Lidhur me Kosovën kuptohet që duhet përmendur “kontribut”i i paçmuar i shtetit tonë në uljen e stekës së negociatave duke përmendur të parët “pavarësinë e kushtëzuar” në vend që të kërkonim një pavarësi të plotë pa patur nevojën për të gëlltitur pakon e hidhur të Ahtisaarit. Sabotimet e pandërprera të Republikës së Serbisë ndaj shtetit të brishtë të Kosovës në hapat e tij të para nuk kanë kurrfarë ndjeshmërie tek Republika e Shqipërisë përderisa nuk janë pjesë e marrëdhënieve bilaterale midis Tiranës dhe Beogradit. Madje në këto marrëdhënie ne jemi si gjithnjë më inferior duke iu hequr vizat ndërkohë që ata i kanë rënduar vizat ndaj shtetasve tonë, si dhe duke mos përmendur dhe kërkuar në asnjë rast dëmshpërblimin për minimin e kufirit tonë verilindor.
Mirëpo ja po e zëmë se Kosova ka zërin e saj në lidhje me marrëdhëniet me Serbinë, ka mbështetjen e SHBA-së e s’ka shumë nevojë për mbështetjen e Tiranës. Po për shqiptarët e Preshevës, Medvegjës dhe Bujanovcit si i bëhet? Si është e mundur që të drejtat e këtyre shqiptarëve nuk përmenden asnjëherë sikurse nuk u përmendën në takimin e fundit të ministrit tonë të jashtëm me ministrin serb Jeremiç? Jo vetëm që shumë nga shqiptarët e dëbuar para 1999 aty nuk po lejohen të kthehen por të tjerë po ikin sidomos pas reprezaljeve të fundit që ka bërë policia serbe ndaj ish ushtarëve të UCK-së për akuza false për terrorizëm.
Marrëdhëniet me Greqinë mandej janë një shkelje me këmbë e dinjitetit të shtetit tonë. Jepet e drejta për të ndërtuar varreza për andartët grekë që kanë masakruar pa pikë mëshire mijëra civilë të jugut në gjysmën e parë të shekullit 20-të ndërkohë që ende nuk është ndërtuar një varrezë për viktimat e pastrimit etnik që është bërë me çamët. Madje për të mbushur këto varreza lejohet edhe përçudnimi i varreve civile të Kosinës pa mbajtur njeri përgjegjësi. Hapet shkolla greke në Himarë të cilën edhe qeveria socialiste nuk e ka lejuar si dhe emërohet ministër një zyrtar që ka fyer rëndë sovranitetin e shtetit duke marrë pjesë në një aktivitet përkujtimor të Traktatit të Korfuzit si dhe duke e deklaruar veten prefekt të Vorio Epirit.
Sikur mos të kishin mjaftuar gjithë këto së fundmi del edhe një marrëveshje për të ndryshuar territorin e Republikës së Shqipërisë duke ndryshuar me një firmë kufirin detar tonin. Marrëveshje kjo e kryer sërish fshehurazi, pa kurrfarë transparence dhe që me sa duket synon ti lajkatoj interesat gjeopolitik dhe energjetik të Greqisë. Ratifikimi i kësaj marrëveshjeje në parlament madje synohet që të bëhet shpejt e shpejt, për sa kohë opozita nuk është në parlament, dhe pa pritur që të rritet vetëdija publike dhe ndjeshmëria e popullit për shenjtërinë e integritetit territorial të Republikës së Shqipërisë. Në rrethana të tjera mbase nuk do të kishte hapësirë për alarmizëm dhe për dyshim për cenimin e interesave jetike të kombit tonë. Mirëpo rastet e panumërt të përmendur më sipër që kanë dëshmuar për nëpërkëmbjen e interesave tonë kombëtar dhe papërgjegjshmërinë e elitës qeverisëse, lënë të mendohet se kësilloj kompromisesh në kurriz të shtetit tonë nuk janë të pabesueshme. Dhashtë Zoti që të jemi gabim e ky shqetësim të jetë i pabazë dhe që ky mos të jetë një tjetër rast në aradhen e manifestimit të mungesës së dinjitetit të shtetit tonë në marrëdhëniet ndërkombëtare!
Megjithatë marrëveshje e mjegullt me implikime kaq serioze për sa kohë nuk është sqaruar, meriton maksimumin e vëmendjes nga institucionet më të larta të shtetit, në mënyrë të veçantë Presidentit dhe Prokurorisë. Presidenti është përgjegjësi numër një i sigurisë në vendin tonë dhe simbol i unitetit dhe po nuk foli për këtë gjë , nuk i ngelet shumë gjë tjetër për të justifikuar mbajtjen e ofiqit. Presidentit i takon gjithashtu të vërë në lëvizje Gjykatën Kushtetuese për të shqyrtuar nëse kjo marrëveshje ndërkombëtare shkon apo ndesh me Kushtetutën dhe konkretisht me dispozitat kushtetuese që flasin për integritetin territorial të shtetit tonë. Ndërkohë këtu ka padyshim vend edhe për hetime nga prokuroria pasi neni 208 i Kodit Penal thotë “Dorëzimi plotësisht apo pjesërisht i territorit një shteti apo fuqie të huaj, me qëllim për të cenuar pavarësinë dhe integritetin e vendit, dënohet me burgim jo më pak se pesëmbëdhjetë vjet ose me burgim të përjetshëm. Ndërsa neni 210 deklaron se Marrëveshja e bërë me fuqi apo shtete të huaja për dorëzim pjesërisht ose tërësisht të territorit apo të forcave të armatosura e materialeve mbrojtëse, me qëllim për të cenuar integritetin e vendit, dënohet me burgim nga pesë gjer në dhjetë vjet. Rrethana të këtij lloji kalojnë skajin e tolerancës dhe kërkojnë shpluhurosjen e patriotizmit dhe ndërgjegjes kombëtare edhe të njerëzve me pragmatistë që kanë një rol në shoqërinë tonë. Nëse me të vërtetë kjo marrëveshje bëhet në kurriz të integritetit të shtetit tonë duke e çuar në fund atë pak dinjitet që na ka ngelur, historia ka për të na ndëshkuar e ka për të na njollosur nëse rrimë duarkryq dhe e lëmë të vihet në jetë.


Adri, Nurellari, Shqip


http://www.gopetition.com/online/31143.html

Serbia ka institucione paralele në Kosovë - KE

Për herë të parë në raportin e progresit që do të miratohet të mërkurën në Bruksel, Komisioni Evropian do të konstatojë se Serbia mban institucionet paralele në Kosovë dhe se Qeveria e Kosovës nuk e kontrollon tërë territorin e Kosovës.

Në raportin e progresit për Kosovën thuhet se bashkëpunimi i Prishtinës zyrtare me EULEX-in nuk është në përputhje me përkushtimin politik, andaj kërkohet që ky bashkëpunim të vazhdojë në të ardhmen.
Në këtë raport gjithashtu thuhet se ka pasur një stabilitet në Kosovë, por ka pasur edhe incidente, me ç’rast janë dëmtuar veturat e EULEX-it.
Ndërkaq, në raportin e progresit për Serbinë thuhet se Beogradi zyrtar mban disa institucione paralele në territorin e Kosovës.

Komisioni Evropian kërkon nga Serbia një qasje më konstruktive ndaj pjesëmarrjes së Kosovës në nismat rajonale dhe kërkon që të inkurajojë serbët kosovarë që të marrin pjesë në zgjedhjet lokale të 15 nëntorit.
Sipas KE-së, serbët përmes pjesëmarrjes së tyre në zgjedhjet lokale të nëntorit do të rritin mundësinë që të përfitojnë edhe nga projektet e ndryshme evropiane për Kosovën.


Bota Sot

Sundimi i Ballkanit për kontrrolllin e gazsjellësve

Lajmërohet nga Komisioni Europian prioriteti i gazjellësit NABUCCO si projekt për planin e zhvillimit energjitik europian, që do ketë si synim bashkimin e rrjetit të gazsjellësve e naftësjellësve nga Turqia, tek Europa veri-lindore. Për të garantuar sigurinë e furnizimit energjitik, Europa kërkon kështu ta shtrijë gjithnjë e më shumë tregun e vetëm europian nëpër shtete që duhet të garantojnë kalimin e apo furnizimin me energji.

Komisioni europian ka sinjalizuar dje katër projektet prioritare për planin e zhvillimit energjitik europian, duke emëruar kështu komisionerët e mbikqyrjes që duhet të monitorojnë realizimin e projekteve. Në rradhë të parë gazsjellësi NABUCCO, për të bashkuar kështu rrjetin e gazsjellësve e naftasjellësve të Turqisë, për në Europën veri-lindore, pastaj dhe projektin e ndërlidhjes së rrjeteve elektrike me tension të lartë të Francës e Spanjës, lidhjet me stacionet eolitike off-shore të Balltikut dhe të Deti të Veriut, si dhe lidhja e rrjeteve elektrike të Gjermanisë, Polonisë e Lituanisë. Synimi primar është që Bashkimi Europian ka ndër mend t'ia arrijë është pikërisht ai krijimit të rrjetit energjitik të brendshëm të ndërlidhur me atë të vendeve fornizuese, duke lidhur kështu Lindjen me Përëndimin nën një treg të vetëm. Nëse nga njëra anë kërkohet përforcimi i sigurisë së furnizimit energjitik dhe ndërlidhjet me rrjetet e BE, nga tjetra do të zgjerohet gjithnjë e më shumë tregu i vetëm europian në Shtetet që do garantojnë kalimin e dhe furnizimin me energji. Në fakt, jo rastësisht, po asistojmë në një politikë europiane gjithnjë e më të tendosur për shtrirjen e hyrjen e Vendeve të reja, shpesh edhe duke u diktuar qeverive të përshpejtojnë rrugën drejt Europës.
Ajo çka po ndodh në Ballkan është një shembull i dukshëm, përsa i përket shteteve të cilat brenda dhjetë vitesh kanë kaluar nga një situatë e pasigurt dhe e shkatërruar si pasojë e luftës, një ndër të cilat vetë Europa i ka kërkuar të hyjë në tregun e vetëm dhe të respektojë, sa më shpejt të jetë e mundur, parametrat e Maastricht. Sllovenia e ka përfunduar tashmë rrugën e saj, duke u bërë i pari ndër Shtetet Ballkanike që hyn në Europë, atë do e ndjekë Kroacia, ndërsa Serbia do i duhet të humb Kosovën për të fituar të drejtën e hyrjes brenda tregut të vetëm e të mos izolohet nga sistemi i zgjeruar Europian. Turqia po përballet me krah të hekurt, duke pasur nga njëra anë presionet e Europës që kërkon të hyjë në tregun komunitar dhe të kooperojë për ndërlidhjen e rrjeteve, nga ana tjetër partitë e opozitës që e duan Turqinë jashtë entitetesh të tilla sovranacionale.

Korridori VIII
Kështu, brenda debateve politike e kontradiktave diplomatike, futen për të sjellë "paqen" projektet për realizimin e naftasjellësve e korridoret, që bëhen kështu ambasadorët e stabilitetit ekonomik e politik. dhe duke lexuar ndërmjet fjalëve të Ministrit Massimo D'Alema i cili, tek Fiera del Levante, me rastin e takimit "Puglia dhe Ballkani, rrugët e Paqes dhe të Zhvillimit", flet për Korridorin 8 si një instrument në duart e Europës për të "fshirë kufinjt" dhe për të shëruar "këtë rajon të sfilitur të Balkanit që rrezikon të jetë një vrimë e zezë brenda Bashkimit Europian". Këto deklarata sigurisht të bëjnë të reflektosh, duke konsideruar se në 1998 që pikërisht Qeveria e D'Alemës ai që vendosi për bombardimin e Nato-s në rajonit e Kosovës dhe të Serbisë, pas tensionit të propagandës dhe të lobeve që donin të shkatërronin Jugosllavinë. Pra, ajo çfarë ka sjellë gjithmonë luftë, sot maskohet si mjet për integrim ekonomiko-social e antropologjik, ndërsa vazhdon të jetë po i njëjti instrument në duart e entiteteve sovranacionale që kontrolluar e t'i shërbyer Shtetet e Balkanit. Në veçanti Korridori 8, që do lidhë rajonet e adriatiko-jonike me zonën ballkanike dhe Vendet e Detit të Zi, ai përbëhet nga një sistem i shumëanshëm nën drejtimin Est-Ovest që përfshin porte, aeroporte, interporte, rrugë e hekurudha, për një shtrirje prej 1270 km linjash hekurudhore e 960 km rrugësh. Por rëndësia e Korridorit 8 mund të kuptohet vetëm nëse inserohet në rrjetin energjitiko-infrastruktural që shtrihet deri në Lindjen e Mesme, duke pasur si ambicje prekjen e tregjeve më të pasura me naftë, falë realizimit të gazsjellësit NABUCCO.

Gazsjellesi turko-europian NABUCCO
Me një kosto që kap vlerën e rreth 4,6 miliard euro, NABUCCO do ketë si qëllim përudhëzimin e gazit natyral nga Turqia në Austri përmes Bulgarisë, Romanisë e Hungerisë, për të zvogluar vartësin e Europës përëndimore ndaj Rusisë. Ndërtimi i saj dhe shfrytëzimi i pipelines i është caktuar një konsorciumi ndërkombëtar të dretuar nga shoqëria e naftës austriake OMV, përkrah Molle (Hungeria), Botas (Turqia), Bulgargaz (Bullgaria) dhe Transgaz (Romania). Gazsjellësi pra, do të shtrihet në territorin e këtyre pesë vendeve, do ketë si pikënisje kufinjt e Turqisë me Gjeogjinë dhe Iranin, dhe si pikë finale nyjën Baumgarten në Austri, nga e cila pastaj do të degëzohet në pikat më të rëndësishme të shpërndarjes drejt Europës kontinentale.
Për më tepër, mundësia për të lidhur në të ardhmen rrjetin me burime të tjera gazi në rajon, si atë të Sirisë, Irakut, Egjiptit, përveç Turkmenistanit që po teston të ngarkuarit me punë. E në fakt, në muajin korrik, Turqia dhe Irani kanë nënshkruar një marrëveshje për përudhëzimin e gazit natyror iranian e turkmen drejt Europës, perveç një pakti për pjesmarrjen turke në shfrytëzimin e gazit në qytetin e Asaluye, në Iran me ndërtimin e një gazsjellësi dhe një naftasjellësi prej 3 300 km të financuar nga të dyja palët.
Kjo marrëveshje, padyshim përforcon pozitën e Turqisë brenda negociatave diplomatike me Europën, dhe në vetë projektin e NABUCCO-s, duke qënë se është bërë një element vendimtar për realizimin e vetmit gazsjellës që mund t'i iki kontrollit rus dhe që mund të përudhëzojë gazin Turkmenistan në Europë pa ndërtuar një gazsjellës të ri në tabanin e detit Kaspik. Të mos harrojmë mes të tjerash që në 2010, kontratat e furnizuesve të shumtë të gazit europian me Gazprom do rinegociohen, e kështu ekzistenca e një burimi alternativ gazi do e përforconte pozitën e Vendeve europiane brenda negociatave.

Gazsjellesi nenujor South Stream
Ajo çfarë kërcënon suksesin e NABUCCO-s janë manovrat e Rusisë, e cila i forcon gjithnjë pozitat e saja brenda Mesdheut e Lindjes së Mesme duke garantuar realizimin e naftasjellësit të Bourgas-Alexandroupolis i kontrolluar nga tre kompani ruse Transneft, Rosneft dhe Gazprom, të cilave mund t'i shtrohet gjatë punimeve edhe Shell apo Shteti i Kazakistanit. Ky i fundit faktikisht mund të rreshtohet përfundimisht në favor të Rusisë, në luftën strategjike që i sheh të kundërvëna Bashkimin Europian me Kinën për kontrollin e një nga më të rëndësishmit, përveç se më të paeksploruarit, burime naftë. Kështu Bourgas-Alexandroupolis, përveç se do krijojë ekonomi me shkallë të dalluar për transportimin e naftës së Detit Kaspik - që nuk do trasportohet më me anije çisternë përmes ngushtësirave të Bosforit e Dadaneleve - do i lejojë Rusisë ruajtjen e kontrollit të përudhëzimit të një pjesë bruto te Kaspikut, duke i marrë naftasjellësit anglo-turk të Bakou-Tbilissi-Ceyhan (BTC) që i bie përqark territorit rus përmes Gjeorgjisë. Po me të njëjtën mënyrë është nënvizuar rëndësia për përshpejtimin e ndërtimit të gazsjellësit nënujor mes Rusisë e Europës në tabanin e Detit të Zi, i ashtuquajturi South Stream.
Në këtë projekt është përfshirë në rradhë të parë shoqëria italiane ENI që, në kooperim me Gazprom, ka nënshkruar në muajin korrik marrëveshjen për ndërtimin e një gazsjellësi prej 900 kilometrash i cili, duke u bashkuar me të do jetë Korridori 8, do lidhë Rusinë me Italinë. South Stream në fakt do përshkojë detin e Zi deri në Bullgari, ku do ndahet në dy degëzime, njëri drejt Austrisë e tjetri drejt Greqisë deri në portin e Otrantos. Rrjeti rus do ushqejë South Stream me gaz rus të ardhur nga Azia qëndrore e nga Kazakistani.

Serbia shet NIS dhe hyn ne South Stream
Sipas te perditshmes shqiptare GAZETA, serbia do beje pjese ne projektin e ndertimit te gaz-sjellesit South Stream ndersa Shoqeria e Naftes NIS do te blihet per 51% nga GAZPROM Ruse. Akordi i bashkepunimit energjitik midis Gazpromit dhe qeverise se beogradit eshte firmosur me 11 dhjetor 2007.

Ky akordi cili parashikon pjesemarrjen e Serbise ne gazsjellsin South Stream, ku akuzicioni nga ana e ruseve te paketes aksionare te kontrollit te monoplit serb te naftes Naftna Industrija Srbije (NIS), parashikon ndertimin e infrastructures per magazinimin e gazit. Gazprom me ane te ketij akordi ka shtene ne dore nje biznes qe vlen me shume se 4 miliard dollare.
Ky lajm ishte deklaruar edhe ne takimin e krye ekzekutivit të Gazpromit Alexei Miller me perfaqesuesit e qeverise serbe, ku u propozua shitja paraprake e nje parete aksionare prej 25% të kapitalit social të NIS me impenjimin e Gazpromit per të kryer investime prej mbi 250 milione dollare per zhvillimin e tij. Alexandre Chtok drejtor i skuadres drejtuese të grupit 2K Auditing-Delovy ka deklaruar: “Shitja e NIS ben pjese ne kuadrin e pjesmarrjes se Serbise ne projektin South Stream , dhe kjo do të thote investime të metejshme ne Serbi.”

Analizza e eksperteve të Gazprom nuk ka lene mbas dore as aspektin politik të ceshtjes duke deklaruar se: “Moska mbeshtet aktivisht Beogradin ne lidhje e ceshtjen e Kosoves dhe si rrjedhoje shoqerite publike ruse mund të mbeshteten ne menyre reciproke tek Serbia”
Ky akord hyn ne nje aspekt shume të rendesishem nderkombetar per të kanalizuar naften e Detit Kaspik drejt Europes Perendimore, dhe Serbia ne kete menyre nuk do të jete thjesht nje aksioniere e rendomte por pretendon të behet lider ne rajonin ballkanik dhe rajonal persa i perket energjise!! Gjithashtu dhe Rusia do të kete tek Serbia nje aleate shume të rendesishme e cila do te kthehet ne nje plataforme strategjike per të perhapur gjithmon e më shume monopolin e ofertes se naftes se saj!

Pra politikat e naftes dhe e interesave energjitike po nxjerrin ne pah luften e heshtur te korporatave dhe shteteve per te patur kontrollin e Ballkanit jo per ta zhvilluar kete rajon, por per ta sunduar dhe kontrolluar ekonomiksht e politikisht per te bllokuar ekonomite e tyre perkatese.
Shqiperia ne kete lufte "gjak-naftepirsash" ka humbur lirine e saj ekonomike dhe politike prej 18 vjetesh duke vazhduar zvarritjen e perjetshme ne varferi totale.



Projekti AMBO
Në momentin e fillimi të projektit, ministri Pierluigi Bersani kishte nënvizuar sesi kjo marrëveshje përfaqësonte " një element të ri në strategjinë e përforcimit të sigurisë energjitike të Italisë dhe të Bashkimit Evropian ". Sidoqoftë, duke marrë parasysh evolucionin aktual të marrëveshjeve energjitike të Komisionit Europian, marrëveshjet mes Italisë e Rusisë rrezikojnë të sabotojnë, në një farë kuptimi, projektin europian të NABUCCO-s, që në fakt ka si funksion kryesorë shfrytëzimin e pipelines turke pikërisht për të evituar ato ruse.
Pra strategjia e Putin është e qartë, e ka pasoja determinuese edhe mbi Ballkanin, duke qënë se Kroacia, Shqipëria, Bosnja, Bullgaria, Maqedonia, Mali i Zi, Romania e Serbia kanë theksuar pjesmarrjen e tyre në projektin për krijimin e kooperimit ballkanik për zhvillimin e rrjeteve energjitike të lidhura me Rusinë. Ky kooperim duhet sipas fakteve t'i kundërshtojë planet euroatlantike mbi Ballkanin, po aq ambicioze, duke konsideruar realizimin e projektit të ardhshëm të konsorciumit amerikan AMBO, naftasjellësi që do përshkojë Ballkanin, duke lidhur portin e Bourgas në detin e Zi dhe portin shqiptar të Vlorës duke kaluar nga Maqedonia. Në fakt zë fill më 31 janar të 2006, marëveshja mes Shqipërisë, Bullgarisë e Maqedonisë për ndërtimin e naftasjellësit Bourgas-Vlorë që do transportojë naftën e Kaspikut nga Deti i Zi në Adriatik, ku pritet një kapacitet vjetor prej 35 milion tonelatash.
Ajo çfarë po ngjan në projektet e ndërtimit të rrjetit energjitik rus e europian, ka një influencë të madhe mbi sferën politike. Ndërsa Bashkimi Europian ushtron gjithnjë e më shumë presion mbi vendet Ballkanike dhe mbi vetë Turqinë derisa të hyjnë brenda Komunitetit në kohë sa më të shkurtra të jetë e mundur,

Rusia mundohet të garantojë autonominë e tyre nga Institucionet sovranacionale përëndimore në mënyrë që t'i kontrollojë e t'i përdorë për të zbatuar strategjinë e saj gjeopolitike. Interesat e larta në lojë, bëjnë që Ballkani të vazhdojë t'i mbijetojë një klime tensionesh e konfliktesh, brenda të cilëve popujt janë gurë për t'u manovruar, ndërsa pikat e daljes, naftasjellësit si dhe portet janë protagonistët e vërtetë.

Uria për gazin rus, Greqia firmos projektin 10 miliardë euro !!!

“Greqia kthehet në kryqëzimin më të rëndësishëm të transportit të lëndëve djegëse dhe energjisë botërore”. Këtë deklaratë e ka bërë kreu i qeverisë greke, Kostas Karamanlis, pak përpara se të nisej në drejtim të Moskës, ku Greqia ka firmosur dy ditë më parë me Rusinë ndërtimin e një gazsjellësi me një vlerë totale prej 10 miliardë eurosh.

Shikoni me vëmendje shigjetën rozë sesi devijon duke mos prekur territorin shqiptar, për të kaluar më pas pikërisht në territorin që me anë të marrëveshjes antishqiptare-greke, i kaloi Greqisë...

Kryeministri grek Karamanlis dhe presidenti rus, Vladimir Putin, firmosën kështu marrëveshjen për ndërtimin e gazsjellësit "South Stream". Bëhet fjalë për një ndër marrëveshjet më të mëdha në fushën energjetike që është firmosur vitet e fundit. Ceremonia u zhvillua në Kremlin, në praninë e ministrave të Jashtëm dhe Energjetikës të dy vendeve. Në marrëveshjen me rusët, grekët presin që të përfitojnë gaz me çmim të ulët, ndërsa përfitimet janë edhe në taksat e transitit për gazin që kalon në territorin e tyre për në pjesën tjetër të BE-së. Gazsjellësi "South Stream" (Rruga e Jugut) do të ketë dy degëzime. Ai fillon në Kaspik, kalon nën detin me të njëjtin emër, hyn në territorin bullgar dhe degëzohet në dy drejtime. Njëra degë e tij do të fillojë në Bullgari, kalon në veriun e Greqisë dhe nën det do të transportojë gaz në Itali. Dega tjetër e tij, nëpërmjet Bullgarisë, Serbisë dhe Hungarisë përfundon në Austri. Pala ruse njoftoi se ka firmosur marrëveshje me të gjitha vendet në të cilat do të kalojnë tubacionet e gazsjellësit. Marrëveshja do të zgjatë 30 vjet, ndërsa sasia e gazit të transportuar llogaritet të jetë 10 miliardë metër/kub në vit. Sipas ministrit grek të Energjisë, Kristos Folias, kjo është një ndër kontratat më fitimprurëse që janë nënshkruar ndonjëherë. Përfitimet për palën greke llogariten në disa miliardë euro. Kompanitë ruse "Gazprom" dhe ajo italiane "Eni" do të jenë edhe ndërtuesit e kësaj vepre që kap një investim kolosal dhe ka një rëndësi të madhe ekonomike për të gjithë Evropën.

Mësohet se pala ruse ka propozuar që në krye të konsorciumit që do të administrojë këtë gazsjellës të jetë ish-kryeministri italian, Romano Prodi. Projekti "South Stream" shihet nga ana e specialistëve si rival i drejtpërdrejtë i projektit tjetër për ndërtimin e gazsjellësit "Nabuço". Sipas projektit "Nabuço" që mbështetet nga Shtetet e Bashkuara të Amerikës dhe pjesa dërrmuese e vendeve të BE-së, gazi do të vinte nga Azerbajxhani nëpërmjet Turqisë, për në jug të Europës, duke pasur një diversifikim të lëndëve të para nga Rusia.


1 Maj 2008 G. ALBANIA

Nënshkruani peticionin kundra marrëveshjes shqiptaro-greke :http://www.gopetition.com/online/31143.html

Bin Laden, 600 mijë USD në Shqipëri !!!

Departamenti amerikan i Thesarit deklaron se njeriu më i kërkuar në botë ka financuar 600 000 dollare për të ngritur në Shqipëri grupe ekstremiste, të cilat do të shërbenin për akte terroriste: "Synonin konfliktet mes grupeve fetare"

Osama Bin Laden, njeriu me i kerkuar ne bote, ka dhene 600 mije dollare per te ngritur ne Shqiperi grupe ekstremiste, te cilat do te sherbenin per akte terroriste. I bere pergjegjes nga Shtetet e Bashkuara per atentatet ndaj Kullave Binjake ne Nju-Jork dhe nderteses se Pentagonit ne Uashington, si dhe per bombat ne ambasadat amerikane ne Kenia dhe Tanzani, Bin Laden ka financuar shtrirjen e rrjetit te tij edhe ne vendin tone. Faktet e fundit per lidhjet dhe interesin e miliarderit saudit me Shqiperine kane dale dje, kur Departamenti Amerikan i Thesarit ka nxjerre nje urdher per pasurite e dr. Abdul Latif Saleh.

Sipas Uashingtonit, Saleh ka qene i lidhur ngushte me Osama Bin Laden dhe eshte perzene nga Shqiperia, pas dyshimeve si antar i "grupit radikal islamik Xhihad". "Bin Laden financoi Saleh me 600 mije dollare per te nxitur ngritjen e grupeve ekstremiste ne Shqiperi", thuhet ne deklaraten e leshuar dje nga Departamenti amerikan i Thesarit. Gjithashtu, SHBA kane vleresuar se "Saleh ka qene shume i lidhur me nje numer organizatash joqeveritare ne Shqiperi, me degezime te Xhihadit Islamik Egjiptian, nje organizate terroriste e lidhur me 'Al-Kaidan'".

Ne dosjen amerikane per elementet terroriste ka rezultuar se Abdul Latif Saleh themeloi dhe kontrolloi nje grup xhihadist shqiptar, i financuar nga Fondacioni "Al Haramain", nje organizate joqeveritare e lidhur me "Al-Kaidan", e drejtuar nga Bin Laden. "Misioni i grupeve xhihadiste shqiptare ka qene te destabilizonin situaten e brendshme ne Shqiperi, duke nxitur konfliktin midis grupeve te ndryshme fetare ne vend", thuhet ne raportin e Departamentit amerikan te Thesarit. "'Al-Haramain' rekrutoi antare nga kjo organizate", - thekson deklarata e Uashingtonit, duke nenvizuar se vete Saleh asistoi ne kontrollin e tyre. Ne te njejten kohe, Saleh raportohet i lidhur me Yasin Qadin, edhe ky i perfshire prej tetorit 2001 ne listen e terroristeve boterore.

Atentati ndaj ambasades se SHBA
"Ne vitin 1998, gjashte persona u arrestuan ne Shqiperi, dy nga te cilet u denuan dhe u ekzekutuan ne Egjipt si zbatues te akteve terroriste", thuhet ne deklaraten e Departamentit amerikan te Thesarit. Ne deshmine e tyre, keta individe mesohet te kene thene, referuar dosjes amerikane, se "ka qene Saleh, i cili i ka ndihmuar te vinin ne Shqiperi". Ne deshmite e te arrestuarve, Saleh eshte identifikuar si "nje njeri qe i ka ndihmuar ata ne cdo respekt, duke filluar prej marrjes ne aeroport".
Ne nje deklarim te meparshem te Departamentit amerikan te Thesarit eshte theksuar, se ne fillim te vitit 2000, nje ndihmes i afert i nje bashkepunetori te Osama Bin Laden shkoi ne Shqiperi dhe vuri ne veprim nje filial te Fondacionit "Al Haramain". "Ne vitin 1998, drejtuesi i Xhihadit Islamik Egjiptian ne Shqiperi u raportua si financues zyrtar per kete fondacion ne Shqiperi. Ky individ, Ahmed Ibrahim al-Nagar, u raportua i ekstraduar nga Shqiperia ne Egjipt ne vitin 1998. Ne gjyqin e tij ne Egjipt, al-Nagar tregoi mbeshtetjen e tij per Osama bin Laden dhe "Al-Kaida"-n ne sulmet terroriste ne 7 gusht 1998 kunder ambasadave amerikane ne Kenia dhe Tanzani", thuhet ne deklarate.
Nderkohe, vitin e shkuar, shefi i atehershem i CIA-s Xhorxh Tenet, pranoi per here te pare publikisht, se agjentet sekrete amerikane dhe shqiptare kishin evituar nje sulm terrorist ndaj ambasades amerikane ne Tirane ne vitin 1998. Me 3 tetor 1998, ne Torino u arrestua Amoid Naji, nje tjeter veprimtar i "Xhihad"-it. Ai pranoi se kishte qendruar ne Shqiperi per disa muaj me nje plan per hedhjen ne ere te ambasades amerikane ne kryeqytetin shqiptar. Ndersa, me 24 tetor 1998, gjate aksionit per arrestimin e Selam Muhamed Omar El Said, ne shtepi e vjehrrit te tij ne periferi te Tiranes, mbeti i plagosur komandanti i grupit te RENEA-s, ndersa u vra i kerkuari.

Bllokimi i pasurive te "Al Haramain"
Shtetet e Bashkuara dhe Arabia Saudite kane nisur bllokimin e pasurive te Fondacionit Islamik "Al Haramain" ne 5 shtete, perfshire edhe Shqiperine. Selia e tij ne Tirane eshte nje ndertese dykateshe dhe ndodhet ne rrugen "Irfan Tomini", nr.58. Uashingtoni dhe Riadi i kane kerkuar Organizates se Kombeve te Bashkuara disa muaj me pare te shtoje ne "listen e zeze", pese dege te Fondacionit "Al Haramain", ne Shqiperi, Hollande, Afganistan, Bangladesh dhe Etiopi.
Ky veprim eshte vleresuar si nje perpjekje e Mbreterise Saudite per te parandaluar qe kontributet per bamiresi te perdoren si burime per terrorizmin. Nje Komision i ri Kombetar do te kete ne dore perdorimin e te gjithe burimeve financiare dhe dhurimeve per bamiresi, ka njoftuar disa muaj me pare Ambasada Saudite ne SHBA. Vete Shtetet e Bashkuara kane urdheruar bankat amerikane te bllokojne pasurite e te pese degeve dhe te ish-liderit te Fondacionit "Al Haramain", Aqeel Abdulaziz Al-Aqil. Sipas Juan Zarate, zv/asistent i Sekretarit te Thesarit, "keto dege dhe individe kane dhene mbeshtetje financiare, materiale dhe logjistike per rrjetin e "Al-Kaida"-s, Osama Bin Laden ose Talibanet, duke nxitur dhe lehtesuar perpjekjet e tyre per te realizuar aksione kunder civileve te pafajshem dhe botes se civilizuar".

Korrieri

Gazsjellesi nga Rusia, Kufijte detare, pse u fal kanali i Otrantos

Synimi strategjik i Greqisë për të hyrë në Kanalin e Otrantos në bazë të marrëveshjes për përcaktimin e kufirit detar me Shqipërinë, lidhet pikërisht me ndërtimin e gazsjellësit “South Stream” (Shtegu i Jugut).

http://www.gopetition.com/online/31143.html

Ky është një projekt i financuar nga Moska dhe i planifikuar të ndërtohet nga gjiganti rus i gazit “Gasprom” dhe koncerni energjetik italian, “ENI”. Gazsjellësi “South Stream” fillon në Kaspik, kalon nën detin me të njëjtin emër, hyn në territorin bullgar dhe degëzohet në dy drejtime. Njëra degë e tij do të kalojë në Bullgari, mandej në Serbi, Hungari dhe për të përfunduar në Austri. Dega tjetër kalon nga Bullgaria, në veriun e Greqisë, mandej fundi i kufirit tokësor do të jetë Igumenica. Nga këtej ky tubacion është vendosur të kalojë nën det përgjatë gjithë Kanalit të Korfuzit me drejtim veri-perëndimin, për të vijuar në Kanalin e Otrantos e për të përfunduar tek “taka” e gadishullit italian, e konkretisht në Brindisi. Referuar faqes zyrtare në internet të projektit gazsjellës “South Stream”, citojmë se, “ky është shtegu më i shkurtër dhe me kosto financiare shumë më të vogël sesa alternativat e tjera”.

Diplomacia greke

Në 25 prill 2009, kryeministri grek, Kostas Karamanlis viziton Sofjen me qëllim arritjen e një marrëveshjeje të përbashkët për ndërtimin e tubacioneve për transitin e gazit nëpër territoret e Bullgarisë dhe Greqisë të gazsjellësit “South Stream”. Dy ditë pas kësaj vizite, Karamanlis vjen në Tiranë për të nënshkruar marrëveshjen e përcaktimit detar me Shqipërinë. Sikundër rezulton nga kjo marrëveshje, Greqia fiton 354.4 km2 sipërfaqe ujore në detin Jon. Nga të cilat, vetëm 335 km2 ia janë marrë Shqipërisë në Kanalin e Otrantos. Po të njëjtën ditë, ministrja e Jashtme greke, Dora Bakojanis e cilëson si “arritje strategjike” këtë marrëveshje, ndërkohë që qeveria shqiptare nuk bën asgjë transparente, madje as sot e kësaj dite. Pikëpyetja e madhe e opinionit publik shqiptar: “Çfarë synon Greqia me këtë marrëveshje, të cilësuar prej saj si strategjike?”, nuk merr përgjigje nga Tirana zyrtare. Por, për Greqinë rëndësi kishte që Shqipëria e pranoi kërkesën e saj. Ndaj, me të arritur këtë marrëveshje në Tiranë, Karamanlisi niset drejt Moskës. Në datën 29 prill në Soçi të Rusisë, kryeministri Vladimir Putin firmos marrëveshje të veçanta me të gjitha vendet në të cilat do të kalojnë tubacionet e gazsjellësit “South Stream”, mes të cilave edhe Greqia. Marrëveshja do të zgjatë 30 vjet, ndërsa sasia e gazit të transportuar llogaritet të jetë 10 miliardë metër/kub në vit. Sipas ministrit grek të Energjisë, Kristos Folias, kjo është një ndër kontratat më fitimprurëse që janë nënshkruar ndonjëherë. Përfitimet për palën greke llogariten në disa miliardë euro.
Kompanitë ruse “Gazprom” dhe ajo italiane “ENI” do të jenë edhe ndërtuesit e kësaj vepre që kap një investim kolosal. Kryeministri grek, Kostas Karamanlis dhe ai rus, Vladimir Putin, firmosin marrëveshjen për ndërtimin e gazsjellësit “South Stream”. Ceremonia u zhvillua në Kremlin, në praninë e ministrave të Jashtëm dhe Energjetikës të dy vendeve.

Gazi rus dhe Kanali i Otrantos

Maketi i projektit “South Stream” është shumë i qartë në parim. Por, gjurmët e tij nuk janë përcaktuar ende në mënyrë përfundimtare, për shkak të pengesave në terren që has realizimi i këtij projekti gjigant. Moska zyrtare ka deklaruar se ndërtimi i gazsjellësit duhet të nisë nga fillimi i vitit 2011, por ende nuk dihet një datë konkrete. Një ndër arsyet, por aspak periferike për nga rëndësia, është pjesa fundore e “South Stream”. Pengesa është pikërisht Shqipëria, e cila parimisht mendohet të jetë kapërcyer me ndihmën e Greqisë. Bëhet fjalë pikërisht për Kanalin e Otrantos, për të cilin Tirana dhe Athina kanë nënshkruar marrëveshjen që i dhuron Greqisë 354.4 km2 sipërfaqe ujore. Ngutja greke për të mbyllur sa më shpejt marrëveshjen për Shelfin Kontinental me Shqipërinë lidhet pikërisht me projektin e gazsjellësit. Koha nuk pret më!

Pse Greqia kërkon Kanalin e Otrantos?

Arsyeja është e thjeshtë. Në bazë të marrëveshjes me Shqipërinë për përcaktimin e kufiri detar, tanimë Greqia ka hyrë në Kanalin e Otrantos. Kësisoj, në det ajo është në kufi me Italinë. Në rast se kjo marrëveshje me Tiranën zyrtare nuk do të ishte nënshkruar, atëherë detyrimisht gazsjellësi rus “South Stream” do të duhej të kalonte së pari në ujërat detare të shtetit shqiptar e mandej në Itali. Por, për Rusinë kjo nuk mund të ndodhte. Ndaj, me ndihmën e Greqisë Moska ka arritur të përjashtojë Shqipërinë nga ky gazsjellës. Kështu, tubacionet e gazit nën det nga Igumenica deri në Brindisi e kanë rrugën e hapur. Shqipëria është përjashtuar, dhe zot të Kanalit të Otrantos dhe gazsjellësit në det tashmë janë vetëm Greqia dhe Italia.

Tedi Blushi
G. Shqiptare

Nënshkruani sa më shpejt peticionin kundra ratifikimit të kësaj marrëveshjeje të tillë antishqiptare, nesër do të jetë vonë...

http://www.gopetition.com/online/31143.html

40 personalitetet që nuk prehen në Shqipëri.

Kryeministri Berisha premtoi dy ditë më parë që qeveria e tij do të kthejë në atdhe eshtrat e mbretit Ahmet Zogu.

Ky premtim i kryeministrit edhe pse i vonuar, duhet përshëndetur, dhe qeveria shqiptare nuk duhet të mjaftohet vetëm me kthimin e eshtrave të Zogut në atdhe, por edhe të personaliteteve të tjera që prehen jashtë Shqipërisë. Pasi janë plot 40 nga figurat më të shquara të Shqipërisë që jetuan në kohëra të ndryshme, por banesën e tyre të fundit e kanë jashtë vendit. Madje edhe krerët më të mëdhenj që kanë drejtuar Shqipërinë, si mbreti Gent, Skënderbeu, Ali Pasha, nuk i kanë eshtrat në Shqipëri. Por kësaj liste i shtohen edhe personalitete si Noli, Gurakuqi, Koliqi etj., të cilët edhe pse dhanë kontribut të çmuar për Shqipërinë, u prehën në dhe të huaj, shpeshherë duke lënë edhe amanetin që trupin e tyre ta varrosnin atje ku kishin lindur. Gazeta “Tirana Observer” boton sot emrat e personaliteteve që prehen jashtë atdheut.

Kryeministri Sali Berisha premtoi dy ditë më parë që qeveria e tij do të kthejë në atdhe eshtrat e mbretit Ahmet Zogu. Ky premtim i kryeministrit edhe pse i vonuar duhet përshëndetur, dhe qeveria shqiptare nuk duhet të mjaftohet vetëm me kthimin e eshtrave të Zogut në atdhe, por edhe të personaliteteve të tjera që prehen jashtë Shqipërisë. Janë plot dyzet nga figurat më të shquara të Shqipërisë që jetuan në kohëra të ndryshme, banesën e tyre të fundit e kanë jashtë vendit. Madje, katër nga krerët më të mëdhenj që kanë drejtuar Shqipërinë, si mbreti i Ilirisë, Genti, "Heroi ynë Kombëtar", Skënderbeu, Pashai i Janinës dhe mbreti i Shqipërisë, Zogu I, nuk i kanë eshtrat në Shqipëri. Por kësaj liste i shtohen edhe personalitete si Fan Noli, Luigj Gurakuqi, Ernest Koliqi, Vaso Pasha, Halim Xhelo, Aleksandër Moisiu, Martin Camaj etj, të cilët edhe pse dhanë kontribut të çmuar për Shqipërinë, u prehën në dhe të huaj, shpeshherë duke lënë edhe amanetin që trupin e tyre ta varrosnin atje ku kishin lindur.

Varret që mbetën pa atdhe

Mbreti i Ilirisë gjatë Luftës së Tretë Iliro-Romake, i cili drejtoi luftën kundër Perandorisë më të madhe të asaj kohe, Romës, nuk mundi dot t'i bëjë ballë ushtrisë më të madhe të asaj kohe. Ai iu dorëzua legjioneve romake, së bashku me familjen e tij, me qëllim që këto të mos kryenin masakra ndaj popullsisë vendase. Mbreti Gent, vdiq në vitin 146 para erës sonë dhe u varros në Gubbio, afër Peruxhias në Itali. Por nëse varri i mbretit Gent, në Itali, është i paprekur dhe eshtrat e tij ndodhen aty, ai i heroit tonë në qytetin e Lezhës është bosh. Sipas historianëve, eshtrat e "Heroit tonë Kombëtar", nuk ndodhen më në varrin e tij. Pasi sipas historianëve, në vitin 1478, kur forcat osmane arritën të pushtonin të gjithë qytetet shqiptare, ato arritën të gjenin varrin e Skënderbeut. Pasi e hapën, ushtarakët më të lartë turq morën eshtrat e "Heroit tonë Kombëtar", për t'i përdorur si hajmali për të qenë më të fortë dhe më trima në luftë, ashtu siç kishte qenë edhe prijësi i arbëreshëve për afro 25 vjet me radhë. Por nëse të gjithë njerëzit kanë një varr, ka nga ata që mund të kenë edhe dy.

Personalitetet me dy varre

Pashai i Janinës, Ali pashë Tepelena, dhe themeluesi i Tiranës, Sulejman pashë Bargjini, janë dy nga figurat e historisë së popullit tonë që kanë dy varre. Sulejman Pasha, sipas historianëve, duke qenë shumë i dashuruar me vendet arabe, la si amanet para se të vdiste që trupi t'i varrosej në Tiranë aty ku sot ndodhet monumenti i tij, ndërsa zemra në Bagdadin e largët, në Irak. Por nëse Sulejman Pasha e kishte lënë me amanet që të varrosej në dy vende, Pasha i Janinës nuk e kishte kërkuar vetë një gjë të tillë. Ai pasi arriti të bënte zap gjithë Shqipërinë e Jugut nën emërtimin Pashallëku i Janinës, solli tek Porta e Lartë një pështjellim të madh. Për këtë arsye ndaj tij u vendos e gjithë ushtria osmane. Në këto kushte Ali Pasha nuk mundi të qëndronte gjatë. I mashtruar edhe nga njerëzit e vet, që ishin vënë në shërbim Hurshid Pashës dhe që i premtuan se do të falej, Aliu ra në kurthin e kryekomandantit osman. Ky e siguroi se sulltani kishte nxjerrë fermanin e faljes, i cili nuk mund të zbatohej para se ai të tërhiqej në ishullin e liqenit dhe të dorëzonte fortesën e fundit, ku po vazhdonte qëndresën i vetmuar. Por në të vërtetë nuk ndodhi kështu, pasi më 5 shkurt 1822, Ali pashë Tepelena u vra me armë në dorë në manastirin e Shën Pandelemonit, në ishullin e liqenit të Janinës. Koka e tij u ekspozua në Stamboll tek sulltani, ndërsa trupin e varrosën në Janinë, që atëbotë ishte territor shqiptar. Një dervish kokën e Aliut e varrosi pranë të bijve me këtë mbishkrim, "Këtu është varrosur koka e të famshmit Ali pashë Tepelena, ish-qeveritar i Janinës, i cili për më tepër se 30 vjet qeverisi i pavarur në Shqipëri".

Amanetet

Por një fat të keq ka pasur edhe mbreti i fundit i shqiptarëve, mbreti Zog I. Ai u detyrua të largohet nga Shqipëria, pas pushtimit të vendit nga Italia në prill të vitit 1939. Mbreti i shqiptarëve vdiq në Paris, Francë, në vitin 1961. Me gjithë amanetin e tij, ai nuk mundi të varroset në Shqipëri, pasi vendi në atë kohë udhëhiqej nga diktatura komuniste. Por edhe pse Shqipëria ka 15 vjet që ka dalë nga regjimi i egër komunist, amaneti i mbretit Zog nuk është vendosur në vend. Kohët e fundit është bërë një kërkesë për kthimin e eshtrave të mbretit Zog në Shqipëri dhe përmbushjen e amanetit të tij. Amaneti i diplomatit dhe shkrimtarit të shquar Faik Konicës, që vdiq në Amerikë në vitin 1942, u përmbush vetëm pas 63 vitesh, në vitin 1995. Miku i tij i ngushtë Fan Noli u mundua menjëherë pas vdekjes së Konicës që trupi i tij të kthehej në atdhe, duke e mbajtur atë për 6 vjet në morg, por nuk arriti ta realizojë dot. Por të varrosur në dhe të huaj janë edhe shumë nga rilindësit tanë si dhe politikanë të njohur të viteve '40, të cilët u detyruan të emigrojnë pas vendosjes së regjimit komunist në vend.

Lista e figurave që u janë kthyer eshtrat

1. Ismail Qemali, 1932
2. Naim Frashëri, 1976
3. Sami Frashëri, 1976
4. Abdyl Frashëri, 1976
5. Asdreni, 1970
6. Hasan Prishtina, 1977
7. Faik Konica, 1995
8. Aleksandër Kondo, 2005

Kërkesa për kthimin e eshtrave të mbretit Zog

Një grup prej 43 deputetësh, ka kërkuar në vitin 2003 kthimin e eshtrave të mbreti Zog, në Shqipëri. Ata hartuan një projektligj për dhënien e një statusi të veçantë familjes mbretërore. Sipas kërkesës së deputetëve, eshtrat e mbretit Zog duhen të kthehen në atdhe dhe të prehen me nderime në vendin ku ka qenë e varrosur Nëna Mbretëreshë, në Parkun Kombëtar të Tiranës. Por vetëm pas gjashtë vitesh qeveria shqiptare është kujtuar për kthimin e eshtrave.

Berisha: Eshtrat e Mbretit Zog do të kthehen në atdhe

Eshtrat e mbretit Ahmet Zogu do të prehen në Shqipëri. Këtë e bëri para dy ditësh të ditur kryeministri Sali Berisha, i cili theksoi se do të krijojë një komision qeveritar shtetëror për rikthimin në Shqipëri të eshtrave. “Qeveria shqiptare merr këtë vendim duke njohur Ahmet Zogun kryeministër, president dhe më vonë mbret të shqiptarëve, si arkitektin e shtetit modern shqiptar. Si njërin prej personaliteteve më të mëdha e më të shquara, me kontributin më madhor në historinë e kombit shqiptar”, tha Berisha. Sipas tij, vitet përpara se Zogu të zgjidhej kryeministër, President dhe më pas të kurorëzohej mbret i shqiptarëve janë karakterizuar nga një veprimtari patriotike, e zjarrtë e tij që nga pavarësia deri në momentin e zgjedhjes. Më tej, Berisha shtoi se qeveria do të bëjë të gjitha përpjekjet që personalitetet e mëdha të kombit të prehen në vendin e tyre.

Lista

1. Mbreti Gent, mbreti i Ilirisë në vitin 171-167. Varri në Peruxhia, Itali, vdiq më 146 p.e.s

2. Gjergj Kastrioti Skënderbeu, prijësi i shqiptarëve për 25 vjet, varri në Lezhë, vdiq më 1468, eshtrat u marrë nga turqit si hajmali

3. Sulejman pashë Ballgjini, themeluesi i Tiranës, 1614, varri në Tiranë, zemra në Bagdad, Irak

4. Ali pashë Tepelena, Pashai i pashallëkut të Janinës për 31 vjet. Trupi i varrosur në Janinë, në vitin 1822, koka në Stamboll

5. Hoxha Tasin, rilindës shqiptar, varri në Stamboll, Turqi

6. Eqerem bej Vlora, ministër në Perandorinë Osmane, varri në Vjenë, Austri

7. Fan Noli, politikan, shkrimtar dhe klerikë, varri në Boston, SHBA, vdiq më 1965

8. Ahmet Zogu, mbret i shqiptarëve për 11 vjet, varri në Paris, Francë, vdiq më vitin 1961

9. Luigj Gurakuqi, atdhetar dhe pjesëmarrës në Shpalljen e Pavarësisë 1912, varri në Bari, Itali, vdiq më 1925

10. Vaso Pasha, rilindës shqiptar, varri në Liban, vdiq më 1892

11. Mit'hat Frashëri, kreu i Ballit Kombëtar, varri në Neë York, SHBA, vdiq në vitin 1949

12. Branko Merxhani, publicist i njohur i viteve '30, varri në Turqi, vdiq në vitin 1981

13. Ernest Koliqi, shkrimtar, ministër në qeverinë fashiste, varri në Itali, vdiq në vitin 1975
14. A.Z.çajupi, shkrimtar rilindës, varri në Kajro, Egjipt, vdiq në vitin 1930

15. Halim Xhelo, atdhetar, pjesëmarrës në Luftën e Spanjës, varri në Spanjë

16. Xhafer Deva, ministër i Brendshëm gjatë pushtimit gjerman, varri në Kaliforni, SHBA, vdiq në vitin 1978

17. Mehdi Frashëri, politikan dhe atdhetar i njohur, varri në Itali

18. Tajar Zavalani, gazetar i BBC-së, publicist i njohur, varri në Amerikë, vdiq në vitin 1976

19. Imzot Nikollë Kaçori, klerik, pjesëmarrës në Shpalljen e Pavarësisë, zv/kryeministër, varri në Vjenë, Austri, vdiq në vitin 1917

20. Rexhep Mitrovica, kryeministër i qeverisë kuislinge në Shqipëri, varri në Itali, vdiq në vitin 1967

21. Aleksandër Moisiu, aktor i njohur i viteve '30, varri në Itali, vdiq në vitin 1935

22. Hasan Dosti, ministër në qeverinë kuislinge, varri në Los Angelos, SHBA, vdiq në vitin 1958

23. Ali Këlcyra, një nga anëtarët e kabinetit në qeverinë kuislinge, varri Itali

24. Patër Anton Arapi, ministër në qeverinë kuislinge, varri në Itali

25. Koço Muka, ministër në qeverinë kuislinge, varri në Aleksandri, Egjipt, vdiq në vitin 1947

26. Ago Agaj, ministër në qeverinë kuislinge, varri në SHBA

27. Preng Previzi, ministër i qeverisë kuislinge, varri në Belgjikë, vdiq në vitin 1977

28. Vangjel Koça, publicist i njohur në vitet '30, varri në Greqi

29. Naum Veqilharxhi, rilindës, varri në Rumani, vdiq në vitin 1846

30. Qemal Jusufati, një nga anëtarët e kabinetit në qeverinë kuislinge, varri në Itali

31. Ragip Frashëri, një nga anëtarët e kabinetit në qeverinë kuislinge, varri në Stamboll, Turqi

32. Ali Kelmendi, një nga drejtuesit komunist të viteve '30, varri në Francë, vdiq në vitin 1939

33. Martin Camaj, shkrimtar i njohur, varri në Munih, Gjermani, vdiq në vitin 1992

34. Mustafa Kruja, ministër i qeverisë kuislinge, vdiq në Niagara, Falls, SHBA, më 27 dhjetor 1958

35. Xhemal Aranitasi, komandant i Mbrojtjes në Mbretërinë Shqiptare, varri në Turqi, vdiq në vitin 1961

36.Salih Myftija, një nga anëtarët e kabinetit në qeverinë kuislinge, varri në Turqi

37. Abaz Ermenji, kryetari Ballit Kombëtar, varri në Paris, Francë, vdiq në vitin 2003

38. Filip Shiroka, poet dhe prozator i njohur shkodran, varri në Bejrut, Liban, vdiq në vitin 1935

39.Vasil Andoni, sekretar i kabinetit i qeverisë kuislinge, varri Itali

40. Abaz Kupi, atdhetar nacionalist, varri në SHBA,
vdiq në vitin 1976

TO

Maqedoni, gjuha shqipe nuk përdoret në dokumente zyrtare

Qytetarët që kanë probleme të ndryshme në Qeveri vazhdojnë të detyrohen t‘i bëjnë kërkesat dhe lutjet në gjuhën maqedonase, sepse një sugjerim të tillë e marrin edhe nga zyrtarë dhe nëpunës shqiptarë në Qeveri.

Ndërsa zëdhënësi i Qeverisë, Shefik Duraku mungesën e gjuhës shqipe e sheh si gjoja çështje teknike. “Kam pasur problem në komisionin e shkallës së dytë të Qeverisë, dhe ankesën më thanë ta bëjë në maqedonisht, sepse është më mirë. Ose nëse do të ishte në shqip, as që do të përfillej dhe zvarritet”, - thekson Idriz M, nga Kumanova, i cili thekson se ka pasur komunikim me Qeverinë, por kryesisht në gjuhën maqedonase zyrtare. Ai thekson se nuk mund të sigurojë informata dhe të njihet me aktivitetet, njoftime dhe shpalljet qeveritare, për shkak se edhe burimet e informimit apo faqja e internetit të Qeverisë, vazhdon të jetë vetëm në gjuhën maqedonase.

Zëdhënësi i Qeverisë, Shefik Duraku ka theksuar se mungesa e aplikimit të gjuhës shqipe bëhet për çështje teknike. “Problemi është teknik dhe nuk kemi pasur ndonjë shqiptarë që të azhurnonte faqen e Qeverisë dhe të mirëmbajë versionin shqip. Me konkurset e reja që kemi pranuar kuadro, do t‘i punësojmë disa që të merren me këto çështje për azhurnimin e faqes”, - ka theksuar zëdhënësi Duraku. Ekspertët për çështje juridike theksojnë se Qeveria me këtë shkel të drejtën e përdorimit të gjuhës shqipe, por disa herë kjo nevojë ka hasur në veshë të shurdhër. G.SH

Orgjina dhe simbolet e flamurit !

"Flamuri Shqiptar ashtu si dhe gjuha e tij, kanë karakter Kozmik, andaj ai duket se është po aq i vjetër sa dhe vet ndërgjegja njerëzore!

Gjithashtu, i gjen të mishëruara brënda simbolit të tij, të gjitha etapat historike në të cilat ka kaluar gjaku i Shqiptarëve, nëpër mijë-vjeçarët dhe peripecitë e civilizimit të vet të famshëm"!
Çdo dukuri, ngjarje, fenomen shoqëror, ka origjinën si fillim proçesi historik. Kemi këtu parasysh momentin e lindjes dhe shkëlqimit të tij. Pastaj maja e arritjes apo suksesi udhëton nëpër kohë dhe transformohet derisa vjen dhe na gjen ne në ditët e sotme. Natyrisht i nënshtrohet një ndryshimi të pandërprerë, i cili i jep një kuptim të ri, formë dhe domethënie të veçantë. Kur bëhet rezistent, arrin pavdekësinë! Mbetet koncepti qëndror, i veçantë, dhe më i rëndësishmi!…
Në fakt, këtë shkrim timin, unë dua t'ja dedikoj flamurit tonë kombëtar … Flamuri ynë, përbëhet siç edhe dihet prej dy ngjyrave kryesore. Nga e kuqja dhe e zeza! E kuqe, është fusha e flamurit! E zeza, qëndron në mes, me shqiponjën e famshme dykrerëshe. Pyetja shtrohet se pse duhet të jetë kështu? Ç'farë mesazhi fshihet për mijra e mijra vjet, mbrapa këtyre dy ngjyrave? Nga e kanë origjinën pra, këto simbole? Po ne brezi i sotëm, a mundemi të zbërthejmë codin e saj të vërtetë?…

Një filozofi e vjetër thotë; "Nëqoftëse përpiqet njeriu, për të gjithçka është e mundur"!…



Mbi flamurin Shqiptar padyshim në gjatësinë e shekujve është folur, shkruar, dhe komentuar mjaft! Autorë të ndryshëm, kanë thënë gjëra të rëndësishme rreth tij. Janë pasqyruar opinione, dhënë argumenta, edhe më tutje do të vazhdojnë të bëjnë po kështu! Eshtë padyshim, shumë-shumë e rëndësishme të gërmosh, mbledhësh, flasësh dhe komentosh rreth këtij simboli, sepse është shenja më kuptimplote, si dëshmitari i përjetshëm i origjinës tonë! Historia e tij është krejt e veçantë, siç është e veçantë dhe historia e popullit tonë. Sa i vjetër duhet të jetë ky symbol? Po populli Shqiptar, sa i vjetër është? Pikërisht rreth këtij subjekti, do të përdridhemi në këtë shkrim…

Le të themi fillimisht, se flamuri ynë kombëtar për të cilin po flasim, egziston si diçka materiale, dhe ka një përdorim të gjithanshëm praktik! Atë mundet ta mbash në dorë, në tavolinë, t'ja u tregosh të tjerëve në takime të ndryshme, si përfaqësi shtetërore, në ceremonitë, në përvjetore festash, ndeshje ndërkombëtare futbolli etj... Por nga përmbajtja, ai është një koncept abstrakt... Ai përfaqëson gjithashtu në mënyrë krejt të sintetizuar; filozofinë, kulturën, traditën, dhe eksperiencën e epokave të tëra... Eshtë dëshmitar i momenteve pozitive dhe negative... Dëshmitar i dorës parë në sukseset, dhe dështimet tona poashtu... Ai është vetë shpirti ynë! Njerëzit kanë vdekur nën hijen e tij... dhe kanë lindur poashtu... (dhe jo si ndonjë politikan që papërgjegjësisht deklaron për flamurin, sikur të ishte fjala për gruan e tij, duke thënë se, ai është thjesht një leckë)... Por flamuri i "Bijve të Shqipes" nuk është leckë, ai është Shenjti, sepse nëpërmjet tij ne zbulojmë origjinën tonë se nga vijmë, dhe që në mënyrë të dukshme na shtyn sot, të vazhdojmë të ruajmë lidhjet tona shpirtërore me Krijuesin!

Shkëputja në kohë

Sot shpesh hasim në pyetje praktike rreth elementëve përbërës të flamurit, si p.sh; se pse fusha është e kuqe? Po shqiponja pse është me dy koka? E të tjera si këto!... Sot gjindja, duan të dinë diçka më shumë... Dhe padyshim që ata kanë të drejtë...!

Me gjithë vështirësitë që vijnë prej shkëputjes në kohë prej filozofisë origjinale të të parëve tanë, sidomos në këtë mijëvjeçarin e fundit, unë kam qënë i mendimit se, ja vlen që ta nisësh një mision modest zbulimi, për të nxjerrë në sipërfaqe atë shpirt gjenial dhe të mrekullueshëm që kanë treguar gjatë epokave të kaluara, të famshmit "Bijtë e Shqipes"! Filozofia e jetës së tyre, s'ka dyshim që gjëndet e pasqyruar, në librat e shenjtë, në shpella, në gurët e varreve, në shkollat dhe universitetet, në librat e shenjtë!... Ata lanë gjurmë kudo ku shkelën, duke kaluar dhe jetuar!... Ata ishin mjeshtra ndërtimesh, njerëz me kurajo të veçantë, optimist të pandreqshëm, dhe mësues të mëdhenj poashtu!

Luftëtarë të rreptë, që njëherë në një kohë askush nuk ja u pa shpinën! Gjuha e tyre ishte gjuha e Zot-it!.. Megjithëse se gjatë tremijë e pesëqind vjeçarit, të cilin po e lëmë mbrapa, ne si komb kaluam tronditje dhe katastrofa të tmerrshme; shkëlqimet dhe rëniet e perandorive më të mëdha të kohëve si ato të Yllirëve, Hittitëve, Persëve, Maqedonasve, Romakëve, apo Bizantit, prap-se-prapë mbijetuam!... Dhe padyshim kjo është shenjë e mirë, është shenja e vërtetë e një rizgjimi të madh kolektiv!...



Kishte të drejtë profeti Nostredamus (1503-1566), kur predikonte për ne p.sh; "Shqiptarët ende nuk i kanë luajtur të gjitha kartërat e tyre dhe se padyshim ata përsëri do ta habisin gjithë botën në arenën ndëkombëtare"! Robert D'Angely, "Enigma", bot, Toena, Tiranë, 1998.

Për Yllirët që ishte popullsia e parë dhe origjinale e Europës dhe për vlerat e tyre në fushën dijes e teknologjisë, historiani i shquar Italian, Enzo Gatti, me një ironi krejt të dukshme, theksonte;

"E, pra, qytetërimi Grek dhe ai Romak nuk njihen që ta kenë krijuar, as pëlhurën, as bronxin, as rrotën, as qeramikën, mullinjtë me erë; dhe as grurin, as vreshtat, as ullinjtë, as shkrimin, dhe as rrugët e tulave... Ulliri dhe vreshti, simbole sigurie, paqeje dhe gëzimi, janë krenaria e popujve mesdhetarë: e Albano-Yllirëve"!...

Më poshtë akoma ai vazhdon,"Ky civilizim pati me siguri, shumë shekuj mirëqënie, zhvillimi e paqeje. Shtrirja e tij e gjatë në kohë e tregon qartë këtë gjë. E vetmja njësi matëse e zhvillimit paqësor është prodhimi i punës së njeriut!" Marrë nga, Libri, "Yllirët", bot i "Bargjini", Tiranë. 2005.

Për arësye metodologjike, ne do të përdorim për argumenta historike edhe disiplina të tjera simotra shkencore, si; Arkeologjia, Matematika, Gjeometria, Gjeografia, Letërsia, Gjuhësia, Filozofia, Folklori, Astronomia, Astrologjia, etj; Kjo gjë na bën pra, që të shkelim brënda territorit të historisë së sotme moderne!



Joseph Campbell u bë në vitet 80', "Babai Shpirtëror" i lëvizjes për zbulimin e të kaluarës sonë mithologjike dhe të interpretimit të saj me konceptet dhe eksperiencën e zhvillimit të shek. XX. Në programin e PBS, kanali 13, i intervistuar nga gazetari i shquar televiziv Amerikan Bill Moyers, deklaroi; "Mithet janë mbartësit e potencialit shpirtëror të jetës njerëzore" dhe si përgjigje të kësaj thënie në vazhdim, Moyers duke u bashkuar me idenë e tij thekson; "Mithet janë historira, rezultat i kërkimit të njeriut nëpër mijra-vjeçarët, për domethënien apo thelbin e të vërtetës"! Të dy ata me argumentat e tyre, në parim kishin të drejtë, por nëqoftëse mithet nga e kaluara nuk i përgjigjen nivelit të sotëm shkencor mbi vetvehten, dhe natyrës që na rrethon atëherë ato humbasin kredibilitetin për ç'farë flasin! Paul Von Ward, "Solaris Legacy" page xviii, publ, by Inner Eye Books, 1998.

Jo pa qëllim e vura këtë sentencë mbi mithologjinë, sepse ajo është bërë tani gati një nga burimet kryesore informative për një të kaluar tepër të largët. Mithologjia sot siç duket, ka mbetur elementi më rezistent përballë katastrofave të ndryshme natyrore që ka kaluar planeti ynë herë-pas-here, dhe gjithashtu dallgëve lajthitëse që janë pasqyruar në vetë psikologjinë e njeriut si individ, dhe kolektiv poashtu!

Diplomati i shquar Amerikan i fillimit të shek. XX, dhe adhuruesi i Shqiptarëve, Georg Fred Williams në artikullin e tij të famshëm "The Shkypetars" botuar fillimisht në revistën autoritative Amerikane të asaj kohe "Harper's Weekly" në vitin 1915, thekson mbi origjinën e Shqiptarëve si p.sh;

"Në parahistori, përpara se rapsodët Homerikë t'u këndonin hyjnive dhe heronjve mithologjikë, jetonte një popull me emrin "Pellazgë"… Duke zbritur më poshtë në artikullin e tij, ai vazhdon; "Ndërtimet me gurë të pagdhëndur, përballë Partenonit, në Akropolin e Athinës edhe sot e gjithë ditën quhen Pellazgjike"!… Këta banorë të lashtë, që njihen si "Pellazgët Hyjnorë" ndërtuan gjithashtu muret e mëdhenj primitive "Qiklopikë";(Ato të Phenix-it të Delvinës, apo ato të Ulqinit) (shën i imi), që siç e ka theksuar edhe Prof. Pokoki, ato janë ngritur shumë kohë përpara se Grekët të vinin në jetë"! Dihet që me teknologjinë e gurëve "Qiklopikë" janë konstruktuar edhe piramidat e Egjyptit!

Një paralele e çuditshme, kjo ndoshta për pseudo-historianët, të cilët ende vazhdojnë të manipulojnë me të kaluarën e Shqipëtarëve. Por edhe më tej, gjatë këtij shkrimi ne do të hasim kalimthi, dhe në mënyrë krejt të natyrshme, paralele të tëra të civilizimit Pellazgo-Yllir, me atë të Egjyptit të lashtë të Piramidave, që pothuajse kanë fare pak diference për kohën dhe hapësirën ku janë zhvilluar.

Megjithëse për kushtet e vështira të cilat ne po kalojmë si komb sot jemi të ndërgjegjshëm, se nuk do të jetë aq e lehtë që të saktësohet koha kur u kryen këto ndërtime, por jo aq e pamundur! Një gjë shihet se është e sigurtë, se ato janë ndërtuar prej duarve të mjeshtrave Pellazgjikë (paraardhësit e Shqiptarëve të sotëm), dhe se ato janë ndërtuar në një kohë, tepër-tepër të largët, mijëra-mijëra, vjeçare...


KULTI I ZEUSIT
Përpara se ti hyjmë një spjegimi të mirëfilltë mbi simbolin e Shqiponjës dhe se ... Lexo më tutjeçfarë përfaqëson ajo në flamur, neve na duhet, siç bëhet në raste të tilla që të kthehemi mbrapa në kohë, në kërkim të origjinës, dhe arësyeve se përse ky simbol gjatë epokave, ka kalur në kaq shumë proçese ndryshimi emrash!
Arkeologu i pasionuar dhe atdhetari ynë i madh At Shtjefën Gjeçovi, në studimin e tij mbi Pellazgo-Yllirët shkruante; "Zeus-i, kishte tre preferenca të cilat ishin; Lisi që simbolizonte jetëgjatësinë (rreth 1500 vjet), Dhia Amaltia (që njihej për qumështin e saj shërues), dhe Shqiponja, (zogu simbol i Diellit)"! Nga Libri "Trashëgimi Thrako-Yllire, Vepra, vëll. 2. Prishtinë, 1985.
Nga vinte origjina e këtij kulti, që duket se ka qenë më i vjetri në civilizimin human? Eshtë pikërisht kjo gjë, që historianët e ndryshëm tashmë i janë kthyer me forcë të madhe, dhe po zbulojnë shumë enigma të njeriut, dhe peripecitë që ka kaluar ai për ta populluar planetin Tokë!... (Maksim Zoto)

Per te lexuar te gjithe artikull e plote, kaq interesant dhe intrigues, klikoni ketu :
http://www.forumivirtual.com/historia/11467-orgjina-dhe-simbolet-e-flamurit.html