"Të digjesh për të vërtetën - një trashëgimi historike"

"Ju ndoshta keni më shumë frikë të më shqiptoni dënimin, se sa unë ta pranoj atë", - u tha Giordano Bruno inkuizitorëve, i gjunjëzuar dhe gërmuq, duke i parë në sy njërin pas tjetrit.

Megjithatë, e dogjën në "Campo dei Fiori" (në "Fushën e Luleve"). Pak më vonë turma e pagojë iku në shtëpi, erdhën pastruesit me fshesa e lopata për ta fshirë atë që kishte mbetur nga Giordano Bruno. Shumë grimca të hirit të tij i fërfëlloi era, fluturuan të harlisura në ajër. Krishtin e patën gozhduar të gjallë, kurse zëvendësi i Krishtit në Tokë, poqi të gjallë Giordano Brunon...

Ashtu dhe Galileo Galilei e të tjerë...

Që nga kryqi ku u vranë njësoj deshën të klithnin: "Oh Atë, falja gabimin, nuk din ç'po bëjnë! Por ata ua patën lidhur gojën...
Se ndryshe mund t'u flisnin turmës... Lidhja e gojës, ishte parandalim... Si edhe në komunizëm... Si edhe në pseudodemokracitë e imituara... Si në shumë vende të botës... Si dje, edhe sot... i lidhet goja "Njeriut" (atij të vërtetit në minorancë) nga frika e vetëdijesimit të turmës...

Diku për shembull vetëm grave... Diku tjetër krejt popullit... Sepse mbyllja e gojës si prevencion u siguron rehati gjatë masturbacionit...

Dëmtuesit më të mëdhenj të Krishterimit ishin pasuesit e tij, që në vend të dashurisë, predikuan vdekjen... Rrënuesit më të mëdhenj të komunizmit ishin ndërtuesit e tij, që në vend të komunizmit rindërtuan diktatura të reja. Dëmtuesit më të mëdhenj të Islamit janë ithtarët e tij, që në vend të dashurisë predikojnë vdekjen.
Nuk mund të bëhet ndryshe: Dogmat dhe idetë kanë afat skadimi...


Naser Aliu

Heqja e vizave ? Shqipëria më parë duhet të dalë nga Organizata e Konferencës Islamike

Komisioni për Liritë Civile, Drejtësi dhe Punët e Brendshme në Parlamentin Europian miratoi sot rezolutën për heqjen e vizave për Shqipërinë dhe Bosnjën.

Pasi kaloi në votim, rezoluta mori 49 vota pro dhe 2 abstenim, ndërkohë që u rrëzua amendamenti i bërë nga deputeti Daniel Van Der Stoep për kushtëzimin e liberalizimit me largimin e Shqipërisë nga Konferenca Islamike.

 Pas kesaj, pritet qe rezoluta të kalojë për votim në Parlamentit Europian, duke i hapur rruge keshtu ne menyre perfundimtare heqjes se vizave per vendin tone dhe Bosnjen.

 Amendamenti i Daniel Van der Stoep
Sipas amendamentit, i cili paraqitet nga eurodeputeti i majtë holandez, Daniel Van der Stoep, si Shqipëria ashtu dhe Bosnja, më parë duhet të tërhiqen nga kjo konferencë që të fillojë zbatimi i heqjes së regjimit të vizave me dy vendet ballkanike "Kjo rregullore hyn në fuqi në qoftë se Shqipëria si anëtare dhe Bosnja si vëzhguese në Organizatën e Konferencës Islamike të heqin dorë respektivisht nga statusi i anëtarit dhe i vëzhguesit", - thuhet në amendament. Propozimi për këtë projektligj është bërë nga një eurodeputet i majtë i Parlamentit Evropian. Ky amendament i Van Der Stoep pritet të diskutohet në mbledhjen e Komisionit për Liritë Civile, Drejtësi dhe Punët e Brendshme bashkë me opinionin e Komisionit të Jashtëm lidhur me heqjen e vizave, e paraqitur nga raportuesja Sara Ludford. Dy vendet e BE-së, si Holanda dhe Belgjika, kanë probleme me shumë vende myslimane për shkak të mospranimit të ambasadorëve të tyre homoseksualë. Në një kohë kur të gjithë zërat nga Parlamenti Evropian tregonin për përmbushjen e kritereve dhe heqjen e vizave, eurodeputeti holandez paraqet këtë amendim, i cili mund të rrezikojë shtyrjen e procesit të liberalizimit të vizave për vendin tonë, pasi drafti do të shkaktonte një ngadalësim të procedurës.

 E pranishme në mbledhje ishte edhe eurodeputetja sllovene, Tanja Fajon, e cila është shprehur pro heqjes sa më të shpejtë të vizave për të dy vendet, Shqipërinë e Bosnjën, pasi, sipas saj, tashmë kushtet janë plotësuar. Vendi ynë ka përfituar një sërë kredish nga kjo organizatë, por asnjëherë nuk ka qenë përfaqësuar gjatë mbledhjeve të saj nga zyrtarë të lartë.

Organizata e Konferencës Islamike (OKI) është një organizatë ndërkombëtare me një delegacion të përhershme në Kombet e Bashkuara, me 57 shtete anëtare. Në të pranohen vende që kanë jo më pak se 5 për qind të popullsisë së tyre me përkatësi islame. Teorikisht, mund të bëhen anëtare edhe Franca me Gjermaninë ndërkohë, Maqedonia është anëtare vëzhguese. Gjuhët zyrtare të organizatës janë arabisht, anglisht dhe frëngjisht.
____________


Pak dite me pare, Ministri i Jashtëm slloven Samuel Zbogar dhe homologu i tij italian Franko Fratini i kanë bërë thirrje BE-së për të kompletuar procesin e liberalizimit të vizave për Shqipërinë dhe Bosnjë-Hercegovinën deri në fund të vjeshtës. Nisma vjen vetëm një javë pas raportit të Komisionin Evropian, i cili vlerësoi se Shqipëria dhe Bosnja e Hercegovina përmbushën të gjitha kërkesat e nevojshme.
___________


Eurokomisionerja Malmstrom deklaroi se "Komisioni Evropian mendon se Shqipëria i ka përmbushur kushtet për liberalizimin e vizave", ka thene ajo, duke iu referuar raportit te fundit te KE.
Malmstrom, e ngarkuar për çështjet e brendshme në BE, tha se tani pritet mendimi i Këshillit dhe Parlamentit Evropian. Ajo shtoi se ndonëse disa shtete nuk janë ende të vendosura lidhur me procesin e liberalizimit të vizave vendimi përfundimtar do të merret nga Këshilli.
___________

Raporti i përgatitur nga tre ekspertët e Komisionit Evropian, të cilët erdhën në Shqipëri tregon se vendi ynë i ka plotësuar tre kriteret e mbetura dhe se është gati për të përfituar nga procesi i liberalizimit të vizave. Në dokumentin që i është shpërndarë Parlamentit Evropian dhe vendeve anëtare të BE-së thuhet se kriteri për zhvillimin e një strategjie dhe politike për mbështetjen dhe riintegrimin e shqiptarëve të riatdhesuar është plotësuar plotësisht. "Është bërë progres i mirë. 

Shekulli

Tjetër skandal në Maqedoni. I refuzohet leja e qëndrimit të përhershëm, publicistit Arben Llalla

“Strukturat e policisë së Maqedonisë këtë herë kanë vendosur ti mos i japin lejen e qëndrimit të përhershme historianin dhe publicistit nga Elbasani edhe pse ai është i martuar prej 7 vitesh dhe plotëson të gjitha kushtet dhe ligjet Kushtetuese”.
Urim GJATA

Ministria e punëve të brendshme të Maqedonisë pasi disa herë i ka refuzuar të drejtën e shtetësisë me bazë të martesës, duke e shpallur historianin dhe publicistin Arben Llallën person të rrezikshëm që rrezikon integritetin dhe qytetarët e Maqedonisë.
Këtë herë, MPB i ka refuzuar lejen e qëndrimit të përhershëm publicisti Arben Llalla edhe pse i plotëson të gjitha kushtet. MPB duke i refuzuar të drejtën e lejes së qëndrimit ka bërë shkelje të rëndë të Kushtetutës së R. Maqedonisë dhe Ligjeve Ndërkombëtare të OKB, BE. Janë të njohura botërisht ligjet për bashkimin familjarë, ndërsa MPB po nxit dhe punon për shkatërrimin dhe ndarjen e familjeve shqiptare. Sipas Arben Llallës ky refuzim ka prapavija politike pasi ai ka refuzuar me neveri propozimet e MPB që të jetë “lojal”. MBP po punon që të ketë që sa më pak shqiptar të paraqiten pa të drejtën e shtetësisë dhe lejeve të qëndrimit duke ju refuzuar të drejtën e qëndrimit dhe për ti depërtuar në shtetin amë, në Shqipëri apo Kosovë. Partitë politike shqiptare në këtë drejtim janë shterp ashtu si në shumë probleme që kanë shqiptarët e Maqedonisë. Thjeshtë politikanët shqiptarë e kanë mendjen të pasurohen në rrugë jo ligjore sa më shumë dhe për të qenë në qeveri duke harruar premtimet e votuesve të tyre. Muaj prill 2011 Në Maqedoni do të filloj regjistri i banorëve të kategorive të ndryshme si qytetar me shtetësi, qytetar me leje qëndrimi, qytetar ilegal. Strukturat shtetërore të Maqedonisë po punojnë që numri i shqiptarëve të bjer dhe një pjesë e tyre të deklarohen emigrant ekonomik që jetojnë ilegalisht edhe pse kategori e qytetarëve ekonomik dhe ilegale nuk ekzistojnë në këtë shtet.


Kushtet që duhet të plotësoj i huaji për leje të qëndrimit të përhershëm
Të ketë kurore martese me shtetase të R.M mbi 5 vjet
Të ketë vazhdimësi të lejes një vjeçare mbi 5 vite
Të ketë strehim banimi të tijën (vërtetim të pronësisë së banimit që disponon)
Të ketë të ardhura jetese të sigurta (vërtetim ku punon)
Të ketë figuracion shëndetësor (librezë shëndeti)
Të mos jetë i dënuar asnjëherë (vërtetim nga gjykata e qytetit ku jeton)

Kush është Arben Llalla

Arben Llalla ka lindur më 17 janar 1972 në qytetin e Elbasanit. Mbaroi shkollën fillore dhe të mesme në vendlindje. Nga të dy linjat familjare rrjedh nga familje të shëndosha kombëtare që i kanë dhënë shumë Shqipërisë. Është i diplomua në Universitetin Shtetëror të Tetovës në degën Histori. Nga viti 1992 e deri 2004 ka jetuar dhe punuar në Greqi. Që nga viti 1997 ka punuar gazetar duke bashkëpunuar dhe shumë gazeta dhe revista shqiptare në botë. Në 1998 ka filluar të bashkëpunojë me Lidhjen e Arvanitasve të Greqisë për studime historike dhe ka patur një bashkëpunim të ngushtë me studiuesin dhe shkrimtarin e njohur Aristidh Kola. Në vitin 2000 filloi të botonte studimet e para për jetën dhe kulturën e arvanitasve të Greqisë. Deri më sot ka botuar në disa revista dhe gazeta shqiptare mbi 70 punime shkencore historike që kanë të bëjnë në veçanti me arvanitasit që nga themelimi i shtetit grek. Në dhjetor të viti 1998 është themelues i “Forumit të Emigrantëve shqiptar”- dega Selanik, dhe deri më tetor 1999 ishte kryetar i saj. Në shkurt të vitit 2000 zgjidhet Sekretar i Përgjithshëm i shoqatës “Shqiptarët e Selanikut”, ishte në këtë post deri më shtator 2000. Më 2004 ishte përfaqësues i Ekzekutiv në Maqedoni i Lobit shqiptaro-amerikan në fushatën “PAVARËSIA E KOSOVËS TANI”, në mbështetje rezolutës së Kongresit amerikan.
Autor i dy librave:
a) “Gjurmë të letërsisë së vjetër të shqiptarëve të Greqisë 1860-1889”, 2006, Tetovë. b) “Aristidh Kola dhe shtypi shqiptar”, 2007, Tetovë.
Pjesëmarrës në disa Simpoziume Ndërkombëtare për Historinë dhe të drejtat e njeriut.
VLERËSIME
1). Në tetor të vitit 2007 dega e PD në Selanik i jep mirënjohje me motivacionin; “Për kontributin tuaj në ndihmë dhe në mbrojtje të emigrantëve shqiptar në Selanik. Si kontributor në ngritje të imazhit shqiptar dhe të gjithë kombit. Për rolin në të mirë të paqes, prosperitetit dhe ardhmërisë”.
2). Në 28 nëntor 2008 Lidhja e Shoqatave Shqiptare në Greqi i jep mirënjohje me motivacionin: “Për kontributin që ka dhënë në mbrojtje të të drejtave të emigrantëve shqiptar në Greqi (1998-2004). Dhe për ndihmat humanitare që ka mbledhur dhe dërguar për refugjatët shqiptar të Kosovës gjatë luftës së vitit 1999”
3). Më 28 nëntor 2008, revista shqiptare “ALBANEZUL” që botohet në Bukuresht të Rumanisë që nga viti 1888 e shpall Arben Llallën “ANËTARË NDERI për kontributin e tij permament në pasurimin e kulturës shqiptare”.
4) Më 13 mars të vitit 2009, u nderua me çmimin “AMBASADOR PAQE” nga organizata ndërkombëtare UPF që gëzon statut të veçantë nga OKB.
5) Më 7 mars 2010, me rastin e 123- vjetorin e Ditës së Arsimit Shqip, Lidhja e Arsimtarëve Shqiptarë “Naim Frashëri”, Kumanovë-Likovë i ndan Mirënjohje për kontributin në fushën e Historisë dhe Pulicistikës.

HESHTJA E INSTITUCIONEVE TË SHQIPËRISË
Ka më se një vit që Arben Llalla me anë të postës elektronike ka vënë në dijeni zëvendësministren jashtme z.Edit Harxhi dhe më vonë ish-ministrin e jashtëm Ilir Metën për këtë problem, por edhe për rreth 100 mijë shqiptar që pa të drejtë Republika e Maqedonisë u mohon të drejtën e shtetësisë dhe të lejeve të qëndrimit. Dijeni për këtë problem delikat kanë edhe këshilltarët e Kryetarit të Republikës z.Topi. Pasi vetë ka kontaktuar me ta. Ai ka bërë denoncim për këtë problem disa herë në Ambasadën e Shqipërisë në Shkup që në vitin 2006 e deri më 2010, por siç deklaron: “Shqipëria ka diplomatë shterpë që shohin vetëm interesat e tyre familjare. Këtë e them me dhimbje sepse kam njohur rreth 30 diplomatë shqiptar. Shumë diplomatë i kam edhe miq të ngushtë, por mendimi im është se janë të dobët në detyrën që u është ngarkuar. Ajo ministri më ngjan më shumë si qendër për dhënie të bursave për fëmijët e të punësuar në këtë ministri.

Faktet janë para syve tanë, por mungon guximi i atyre që duhet ti thonë”. U shpreh publicisti Arben Llalla i cili njihet për studimet shkencore për arvanitasit dhe Çamërinë. Për çështjen e shpalljes së Arben Llallës person i rrezikshëm dhe së fundi refuzimi nga MPB e lejes së qëndrimit të përhershme ka reaguar Komiteti i Helsinkit dega Maqedoni, ndërsa Avokati i Popullit në Maqedoni nga presionet e ndryshme politike dhe nga MPB që ka patur e ka braktisur zyrtarisht këtë çështje pa koment.

 Shqip Media.com

U burgos padrejtësisht, i kërkon 400 mijë euro policisë

LUSHNJE- Familja e një 17 vjeçari të akuzuar padrejtësisht për përdhunimin e një të miture kërkon dëmshpërblim nga institucionet shtetërore, të cilat u kanë nxirë jetën këto muajt e fundit.

Adoleshenti u arrestua tre muaj më parë i akuzuar për përdhunimin e një 9-vjeçareje dhe që nga ajo ditë familja e tij është mbuluar nga turpi. Djali në asnjë rast nuk e ka pranuar akuzën dhe tre muaj më pas policia ka zbuluar se përdhunuesi është një tjetër person. Pas arrestimit të 50-vjeçarit Bardhyl Dervishi, policia dhe prokuroria kanë liruar Hoxhën duke u mjaftuar me një "na fal" të thatë. Për këtë arsye familja sot kërkon 400 mijë euro dëmshpërblim për burgun e padrejtë dhe për dëmin moral që i është shkaktuar.


"Denoncimi im ka qenë me emra konkretë. Unë akuzoj inspektorin e zonës, prokurorin e çështjes dhe oficerin e policisë gjyqësore. Këta persona më kanë futur në burg djalin, i cili ka qëndruar rreth 3 muaj në mënyrë të padrejtë në qelitë e paraburgimit për të mitur në Vlorë",- tha dje babai i 17-vjeçarit, Fitim Hoxha. Pas disa muajsh hetime, ai është deklaruar i pafajshëm nga gjykata. Sipas babait të tij, djali 17-vjeç, është rrahur në polici për të pranuar akuzën e përdhunimit të vajzës 9-vjeçare. Ai tregon se gjatë kësaj kohe kur djali ka qenë në burg, e gjithë familja është detyruar që të jetojë me turp. "Ne si familje kemi qenë nën një trysni psikologjike nga bashkëfshatarët. Unë isha i bindur se djali im nuk e kishte kryer atë krim të turpshëm por prapë nuk mund të dilja në fshat. Rrija në pyll gjithë ditën i fshehur pasi më vinte turp të dilja. Na bënë me turp duke shmangur çdo takim me njerëzit e afërt dhe banorët e fshatit",- tregon babai i 17-vjeçarit.


Ngjarja për të cilën u akuzua Hoxha ka ndodhur në 27 qershor të këtij viti në fshatin Kolonjë të rrethit Lushnjë, ku sipas policisë ishte dhunuar seksualisht një 9-vjeçare. Për këtë ngjarje ka pasur tre të arrestuar por dy prej tyre janë liruar ndërsa i treti, 17 vjeçari Hoxha, është vënë nën masën e sigurisë burg pa afat. Prokuroria e Lushnjes, edhe pse ka firmosur arrestimin e 17- vjecarit të dyshuar dhe ka nisur një hetim tjetër, i cili ka zgjatur rreth tre muaj. Pas përfundimit të këtij hetimi gjykata e ka lënë të lirë 17- vjeçarin nga Ardenica e Lushnjes duke e deklaruar të pafajshëm ndërkohë ka ndaluar si të dyshuar për këtë akuzë shtetasin Bardhyl Dervishi, rreth 50 vjeç, banor i këtij fshati. I arrestuari Dervishi punonte në një klub në manastirin e Ardenicës. Këtij të fundit pas shoqërimit nga policia në mjediset e paraburgimit në Lushnje, i është komunikuar akuza e përdhunimit të vajzës. ___________

Rreth nje jave me pare, policia arrestoi Bardhi Dervishanin, i dyshuari si autor i përdhunimit të vajzës 9- vjeçare në fshatin Ardenicë të Lushnjës, ngjarje e ndodhur në fund të muajt qershor të këtij viti dhe u lirua nga burgu adoleshenti qe mbahet i izoluar per kete akuze. Nga hetimi është arritur të provohet se Bardhi Dervishani, i njohur në fshatin Ardenicë si njeri me probleme morali, është personi që më 26 qershor 2010 abuzoi seksualisht me të miturën 9- vjeçare. Bazuar provat e gjetura nga hetimi,prokurori i çështjes urdhëroi arrestimin e Dervishanit, të cilit dje Gjykata e Vlorës i vendosi masën e sigurisë "arrest me burg" deri në përfundim të hetimeve.

Kristaq Thanasi, G. Shekulli

Çudi irlandeze, martohen binjakët

Një martesë aspak e zakonshme ndodhur në Irlandë ka ngjallur habi në Britaninë e Madhe madje ka nisur të prodhojë tituj gazetash dhe kronika lajmesh në të gjithë botën.

Martesa ka si protagonistë një cift binjakësh që janë motër dhe vëlla të cilët për shume vite e kanë mbajtur në sekret të plotë lidhjen. Ata janë martuar gjatë një ceremonie në bashki duke sfiduar ligjin e duke u betuar për besnikëri të përjetëshme me njëri-tjetrin.

Sipas ligjeve britanike është ilegale që dy binjakë të martohen por ata kanë ndërruar emrat dhe mbiemrat duke e anashkaluar këtë pengesë. Gjatë lidhjes mes tyre ata kanë lindur një fëmijë dhe janë në pritje të një të dyti. Për mos t’u kuptuar nga policia dhe më pas ndëshkuar nga ligji ata kanë vendosur të emigrojnë jashtë Irlandës pasi sekreti i mbajtur prej për një kohë të gjatë nuk mund të mbetet më i tillë.

Historinë e kësaj dashurie, ditën e martesës përfshi planet për të ardhëmen ata i kanë rrëfyër për gazetën “The Irish Mail On Sunday”. “Kurrë nuk do të pendohem apo të mendojë dy herë për veprimin që bëra duke u martuar me vëllain. Që kur ne nisëm lidhjen tonë e dija që do të përfundonte me martesë”, ka thënë irlandezia e quajtur Maura. Megjithëse motër dhe vëlla ata u rritën në dy qytete të ndryshme e më pas janë takuar rastësisht në një pub ku ka nisur edhe romanca e dashurisë.


T. Channel

Përmirësoni paragjykimet tuaja!

Një vajzë e mashtruar nuk është kurvë,

një djalë i sjellshëm, nuk është homoseksual.

Një njeri me duart kallo, nuk është injorant,

një njeri me syze nuk është patjetër intelektual.

Një njeri muskuloz, nuk është i fortë

një njeri që nuk qesh, nuk është serioz.

Një njeri i paditur, nuk është i pafajshëm

një njeri që di të qeshë, nuk është karagjoz.

Një njeri egoist, mund të jetë altruist

një njeri tolerant nuk është i dobët.

Një njeri altruist mund të jetë egoist

një njeri që fal, nuk ka botë të vogël.

Një njeri i ndjeshëm, nuk pret vetëm dhimbje,

një njeri i vrazhdë, nuk pret ëmbëlsi.

Një njeri i tradhëtuar, nuk është pa faj

një njeri i dashuruar, nuk është në verbëri.

Një njeri ateist nuk është detyrimisht komunist,
një njeri besimtar nuk është domosdoshmërisht trutharë.
Një njeri verbërisht militant, edhe mund të vetënumërohet si qytetar,
një njeri pa interes rreth politikës,  edhe mund të vetëndjehet atdhetar.


Një njeri i urtë, nuk është i humbur,

një njeri që shpejt humb durimin, është i padurueshëm.

Një njeri llafazan, nuk është i fituar

një njeri i mendjengushtë, është i pashërueshëm.

Një njeri i sinqertë, nuk jeton i shqetësuar

një njeri i vetmuar, nuk mund të jetë i zgjuar.

Një paragjykim, është gjykimi ynë i parë,

një gjykim i parë, nuk mund të jetë detyrimisht i gabuar. 

Shkroi: Stop Injorancës http://www.facebook.com/NdalPaditurise2



Vdes ngadalë

Vdes ngadalë

ai që nuk udhëton,

ai që nuk lexon,

ai që muzikë s'dëgjon,

ai që nuk arrin të gjejë hijeshi me sytë e tij. 

Vdes ngadalë

ai që behet skllav i së zakonshmes,

duke shkelur përditë në të njëjtën rrugë,

ai që s'ndërron kurrë zakonet,

që s'ndërron kurrë as ngjyrat e rrobave,

që nuk i flet kurrë një të panjohuri.



Vdes ngadalë

ai që shmang pasionin

dhe dallgët e emocioneve,

ato që syve u japin dritë

e jetë zemrave të plagosura.

Vdes ngadalë

ai që s'ndërron kurrë udhë

kur fati i keq atë e zë Në punë a në dashuri.

Ai që nuk rrezikon

për të realizuar ëndrrat.

Ai që asnjëherë në jetë

s'u shmanget as këshillave me vlerë

Vdes ngadalë

ai që nuk përmbys tryezën,

që është i pakënaqur nga puna,

që nuk rrezikon sigurinë nga pasiguria për të ndjekur një ëndërr,

që nuk i lejon vetes asnjëherë në jetë të thyejë rregullat e vendosura.

Vdes ngadalë  

 ai që shpërfill krenarinë e tij,

që nuk i lë të tjerët ta ndihmojnë,

që i kalon ditët duke u qarë për fatin e tij të keq,

që ankohet për shiun që nuk pushon.

Vdes ngadalë 

ai që i shmanget projektit para se të fillojë,

që nuk pyet për gjërat që nuk i di,

dhe që nuk përgjigjet për gjërat që di.

E shmangim vdekjen me doza të vogla,

duke kujtuar gjithmonë se të jesh gjallë

kërkon një përpjekje shumë më të madhe

se thjeshtë fakti që marrim frymë.

Vetëm durimi i paepur do të na bëjë të arrijmë lumturinë më të madhe. 

Atëherë jeto!

Rreziko sot,

Vepro shpejt,

Mos e lër veten të vdesësh ngadalë,

Mos e privo veten të ndihesh i lumtur …

Palbo Neruda

Në vend të një elegjie për shqiptarin e mashtruar nga ambasada shqiptare në Londër.

"Ju lutem më ka vdekur vëllai... Më duhet të nisem urgjentisht për Shqipëri më duhet një leje kalimi që lëshohet nga ambasada. Ata nuk ma hapin tel... numri që keni publikuar në gazetë nuk del... Ju lutem më ndihmoni, çfarë duhet të bëj, me duhet të nisem. T’i jep lamtumirën e fundit... të shkoj në varrim... e kisha.. ai vdiq..."

Kjo ishte telefonata rrënqethëse që morëm nga Ylli, një qytetar shqiptar që i duhej një dokument nga ambasada shqiptare në Mbretërinë e Bashkuar. Provuam më kot të kontaktonim me numrin zyrtar, provuam edhe në numrin e emergjencisë, të reklamuar në faqen zyrtare të ambasadës...Ngushëllime vëlla, ti qytetar shqiptar që të ra të fati i keq të përplasesh në dyert e përfaqësisë tënde diplomatike, në shtëpinë e shqiptarëve në MB... në vendin kur të drejtat tua duhet të mbrohen, ku duhet të ndihmohesh, madje 24 orë, në çdo kohë...Mbahu i dashur qytetar, askush në ambasadë nuk qenka, kanë dalë... në ndonjë drekë a ndonjë darkë... në ndonjë takim forum bashkim shoqatash... a në dreq të mallkuar. Ata nuk janë aty, kanë lënë zyrat e ngrohta të ndërtesës 4-katëshe të ambasadës së Republikës së Shqiptarisë në Mbretërinë e Bashkuar. Ata kanë ikur ndonëse ora akoma nuk ka vajtuar as katër, ndonëse orari zyrtar është deri në pesë. (09. 00-17.00). Ti nuk e kishe luksin që të përballeshe me tonin gati kërcënues të zyrtarëve të ambasadës, nuk e kishe luksin e sorollatjes së kotë.Nuk e kishe fatin të përballesh me “shefin” dhe shefat e ambasadës që pa-dashje ua prish “chatin” apo i ndërpret nga bisedat ne Facebook apo apo... Kurrë më shumë zyrtarë se tani nuk ka patur dhe më kot do të llogarisësh në mendjen tënde se kur ishte aktiviteti i fundit që bëri kjo ambasadë. Më kot mund të llogarisësh vlerën monetare që shtetit shqiptar shpenzon për zotërinjtë, pra taksat e qytetarëve shqiptarë duke përfshirë edhe të ndjerin vëllain tënd. Më kot llogarit që vetëm për shtëpinë e Shkëlqesisë shteti shqiptar paguan £4000 në muaj...Më kot beson se ai numër i publikuar në faqen e internetit të ambasadës apo në gazetë duhet të funksionojë, se është detyrim kushtetues, se...Më kot mund të përpiqesh të llogarisësh për pagesat e tjera, rrogat, shpenzimet e udhëtimit, shkollat e fëmijëve... lista është e gjatë...Këta zyrtarë nuk mund të imagjinojnë i dashur qytetar shqiptar se çdo të thotë të jesh në shërbim të qytetarëve. Nuk mund të imagjinojnë se çfarë do të thotë të “djegësh” Anglinë dhe të shkosh në varrimin e vëllait dhe të duhet një leje kalimin që do t’u kushtonte vetëm pak minuta.Ata kishin ikur e ti mbete rrugëve të Londrës se mbase dikush njeh dikë prej tyre e mbase i lutet e me shoqëri disi zgjidhet kjo punë, se mbase ndonjëri do të mund t’i sakrifikojë 5 minutat e tij për t’i kryer këtë punë këtij fatziu që i ra t’i shqetësojë këta zyrtarë... 

Kurajo mik,Ata edhe të nesërmen do ta vazhdojnë punën aty në zyrat e ngrohta, të vazhdojnë “chatin” të shikojnë facebook për pak orë sa për të thënë se kanë qenë aty. Ji aq i civilizuar që të mos hakmerresh edhe nëse nesër do të bie të vish sërish në Londër, edhe nëse do të bie t’i takosh edhe nëse do të bie të bisedosh me ta. Kultura juaj nuk mund të lejojë që të hakmerresh. Por pasi të qetësohesh, pasi të shkosh në Shqipëri, ke plot të drejtë të ankohesh jo vetëm tek Ministria e Jashtme, por deri tek Kryeministri dhe Presidenti dhe madje të hedhësh në gjyq, ata zyrtarët, ata burrat me kollare, që paguhen nga taksapaguesit shqiptarë.Kështu do të kryesh një detyrë morale. Ndoshta dikush që do të ketë nevojë ashtu si ty do të mund të gjejë një punonjës në zyrat e Ambasadës Shqiptare, do të mund të telefonojë në numrin e emergjencisë dhe dikush do të përgjigjet... 

Burimi: The Albanian

Himara, nga hartat antike deri te Petro Marko..

1. BALLINË MBISHKRIMORE NGA PETRO MARKO.

"Pra ç'jemi ne? Shqiptarë! Po pse e humbëm gjuhën? Unë do të them ato që di: "Pse nënat plaka, gjyshet dhe gjyshet dinë më mire shqipen se greqishten? Pse qajmë e këndojmë në shqip? Pse fjalët e urta i themi në shqip?

Siç duket që nga viti 1820 e tëhu, greqizimi u bë me qëllim politik nga vetë Greqia, që fitoi lirinë me gjakun e shqiptarëve, qoftë në Mesolongji, qoftë në revolucionin grek. Suli dhe Himara ishin shqiptarë, po dy krahina autonome që nuk njihnin as Greqinë, as Shqipërinë, së cilës i kishte humbur edhe emri. Suli dhe Himara ishin kurdoherë në luftë me turkun. Erdhi koha që Himara u nda: Himara bregdetare mbeti e lirë dhe e krishterë, kurse Himara e brendshme, Labëria, Kurveleshi, Lumi i Vlorës e Dukati u myslimanizuan dhe u ndanë. Megjithëse u ndanë në dy fe nuk e humbën kurrë lidhjet e gjakut dhe të fisit. Çdo fshatar kishte të tijtë në një fshat të myslimanizuar që në kohën e Ali Pashë Tepelenës. Kur bëheshin operacione ndëshkimore nga turqit, bregasit nuk shkonin përtej maleve, në Mesaplik e në Kurvelesh, për t'u mbrojtur, siç bënin gjer në atë kohë, por iknin me varka për në Korfuz ose për në Gjirit, nën mbrojtjen e venecianëve. Aty shkonin pleq e plaka dhe fëmijë. Burrat luftonin. Aty rrinin shumë vjet, gjersa mbaronin operacionet ndëshkimore. Thonë se banorët e Dhërmiut shkonin në ishullin grek, kurse ata të Himarës në Gjirit. Prandaj, dhe kur flasin greqisht, dhërmijasit flasin si korfjanët, kurse himarjotët, si gjiritlinjtë."

Këtë e vura si shtresë të parë, prej penës dhe kujtesës së Petro Markos, kur ende nuk kish trokitur bastuni i Bardit të Historisë, Prof. Kristo Frashërit. Këtu nuk jemi në ndonjë garë, as në ndonjë betejë që duhet të fitojmë. Asgjësend të kësillojshme nuk ka. Vetëm se gjithkush në vetëdije, le të ndjesohet, se kemi qenë aq të gatuar njësojshëm me himarjotë sa asgjëkund s'ka pasur ndarje. Këtë e rrëfen historia. Mirëpo, me Himarën po luhet. Luhet në të dy krahët. Secili në simbolikën dhe synimet e tij. Ngjarjet e fundit kërkojnë një optikë të qartë, pjekuri dhe gjakftohtësi, sepse ndryshe Himarën që është Njëjtësi Krahinore Gjeohistorike Shqiptare kaq e njohur do ta shndërrojmë në një mburojë të shformuar dhe të paaftë të gjithëpërfshijë veten në ardhmërinë e saj. Vetëm arsyetimi dhe faktet të largojnë nga trillimi. Teksa kërkoja harta antike, atë ditë kur Prof. Frashëri jepte intervistë të veçantë, Himara diku në një arkiv të Librarisë së Kongresit Amerikan, shpalosej natyrshëm prej lashtësisë. Doja t'ia nisja sa më shpejtë on-line, Profesorit, jo si një historian, por si një hartograf. Mirëpo atëbotë, si me porosi, me dy dhërmijotë që janë pronarë hotelesh në Ocen City në SHBA, takuam duart dhe përnjohëm mbiemrat tanë. Unë u ndjeva keq kur i thashë si emrin ashtu dhe mbiemrin tim osman. Kurse ata shqiptuan atje së largu "BUA" dhe "GJONI".

2. DUKE FLUTURUAR NGA PENË E SPIRO MILLOS DERI TEK MBIEMRI "BUA"

Në vijim të Mbishkrimores së Petro Markos, vijnë argumente rrënjorë për Spiro Millo-n që përmend Prof. Frashëri çka tregon se si erdhën mbrapshtitë për të bërë bashkim me Greqinë e për t'u bërë dorëzanë edhe për shumë agallarë të Labërisë së atëhershme, të cilët do të betoheshin dhe që do të ngrinin flamurin grek në Dheun e tyre, e të qeveriseshin nga ligjet greke etj., etj. E ky Spiro Millo, si gjithë himarjotët e tjerë "nuk fliste fare greqisht..." ( Shiko: "Arvanitasit" e A. Kolës) , " përveçse shqip" (po aty). Ky Millo e mësoi edhe greqishten, dhe pastaj vjen ajo kënga që ruhet në epikën orale të jugut: "Spiro Millo me penë, Zaho Millo me pallë, çliruan Greqinë dhe e bënë Himarë..." Suliotët dhe Himarjotët, hamendësohet se ishin gegë që pas vdekjes së Skënderbeut rrodhën më në jug, si në Himarë dhe Sul. Thuhet, kësilloj, se suljotët dhe himarjotët ngjajnë shumë. Është një kumt i madh historik i himarjotëve, atë që ata ia dërguan Papës Grigor i Trembëdhjetë më 1581 se " Të detyrosh mbret Filipin, që të sjellë ndihma, nga Mbretëria e Napolit, nga fisi ynë i romakëve dhe arbërorëve ... se ne do të vendosim flamurë dhe ... do të marrim tërë arvanitien dhe Morenë..." Kush ishin këta? Ishin ata që kishin zbritur në fund të shekullit XIV si pasardhës së fesë së krishterë, që në ngulimet e reja morën emrin arvanitas. Kështu që Himara qe dhe mbeti e krishterë në mënyrë tërësore. Ndërsa, në fqinjëri dhe në juglindje ishin Çamët që banonin rrotull Thiamisit (Lumit Thiamis) që quhet edhe Dhesprotia (Thesprotia) me rrënjë fjalën DHE. Kurse Lebrit ishin në krahë të himarjotëve dhe të lidhur me ta... Duke medituar për dy mbiemrat e parë që sollëm në fillim të shkrimit, Gjon-ët dhe Bua-t, dy fise të mëdha që dokumentohen herët edhe në regjistrat turq si ai i vitit 1583 ku gjen: Gjin, Gjon dhe Bua. Mbiemri i fundit është arbëror, pra tërësisht arvanitas nga Estradiotët e shekullit të XV dhe XVI si Mërkur Bua që ishte nga buronjë shqiptare e Buajve edhe pse jetonte në More (Man), por që ishte me rrjedhë prej Buajve që erdhën nga Veriu dhe pse jo dhe nga Dhërmiu i dikurshëm. Nuk ka më në More, por ama, e gjen sot në Dhërmi dhe deri në Ocen City, në SHBA. Kladët, Shpatët, Grivët janë sythe të së njëjtit trung, janë Bua. Gjin Bue Shpata ishte pjesë e familjes më të shquar të Shpatajve arbërorë dhe e familjes Bua. Ai ishte një kryesundues i Despotatit të Artës Lord i Artës, i Lepantos. Edhe në regjistrin turk që sjell Prof Frashëri në shpinoren e Himarës së regjistruar dalin: Meksi, Gjoni, Gjini, Pali, Tanushi, Gjipali, Gjikalli, Leka etj., emra shqiptarë. Kështu që hartat antike i nisa mbi këta dy mbiemra shqiptarë të Dhërmiut dhe thënien kryebreg të Petro Markos.

3. SFOND HARTOGRAFIK.

Kërkimi hartografik që nga lashtësia sjell dëshmi të veçanta jo vetëm për kufijtë dhe shtrirjet gjeohapësinore, por dhe emërtimet e shkruara në to. Këto "ngastra" shkrimore po edhe simbolike, mund të sjellin një kontribut, sado të vogël për historinë. Χίμαιρα, (Chimaira) thuhet se ka sjellë emërin Himarë. Po kësilloj vijohet: se fjala rrjedh prej greqishtes, χείμαρρος (cheimarros), me kuptimin e përroit. Kjo është një hamendje por jo një ngjasim përfundimtar. Në këto harta, që po sjellim, emërtimi shkruhet në shtrirjen krahinore që nga buzëdeti deri më në lindje: CHIMERA ndërsa në veri mban një emërtim të veçantë po të njëjtë që përkon vetëm me pozicionimin e qendrës së banuar. Po edhe malet që i rrinë përsipër, nuk janë ato që në hartat e Ptolemeut quhen "Akrokeraune = malet e Vetëtimës ) por malet e Chimera-s. Edhe pse në vetvete hartografia e kohës është skematike, prapëseprapë na e shton edhe më shumë përfytyrimin se nuk bëhet fjalë për një Himarë të veçantë si qendër e banuar por si një krahinë e tërë. Kjo ka shumë rëndësi për njëjtësi. Në veriperëndim radhiten emërtimet: Sopot që na del për herë të parë dhe në bregdet, po edhe aq i njohuri gjiri i Gramës (Grammata) . Shkrimet në hartë janë latinisht: CHIMERA, e cila në shqipen tingullore (KIMERA) që nuk ngjason me "χείμαρρος (cheimarros) = keimaros që thuhet në disa fjalorë dhe enciklopedi si një synim për ta çuar medoemos tek fjala me rrënjë greke : χείμαρρος (cheimarros) = përrua, çka nuk është aspak i drejtë. Pse të mos kërkohet në buronjë të shqipes? Ka një hamendje që himarjotët kanë një përzierje të re që erdhi nga veriu, nga fiset gege. Kështu: CHIMERA = KI MER ERA= QË i MERR ERA. Ky përfytyrim që na shfaqet, ka përsipër malet e Vetëtimës = Akrokeraune, me erë dhe vetëtima, me një hapësirë detare që sjell erëra mesdhetare. Dhe ja në verilindje, për herë të parë na del: Sopot: që vjen prej "bregore" Në latinisht do të thotë " llaç" në serbokroatisht "brinjë" Kurse "Gramata" kuptueshëm ka lidhje me shkrimet e shumta në atë gji të marinarëve dhe prerësve të gurëve të qyteteve antike themeluar nga kolonitë greke. Edhe në një hartë tjetër e cila duket se nuk i ka përdorur të gjithë emërtimet që cekëm atypari, na sjell sërish krahinën tërësore, po edhe Himarën si qendër të banuar është shkruar në drejtimin verilindor. i vetmi ndryshim në këtë hartë më të hershme është se poshtë Himarës = Kimerës është shkruar me shtrirje të gjerë në drejtim të juglindjes EPIRE deri tek Thiamis, lumi që i ka dhënë emrin Çamërisë. Duket se sipas rendit të të shkruarit Kryekrahina është Epiri dhe Çimera është pjesë e tij pra, e Mbretërisë së Epirit, ku Pirro u ngrit në sopin më të lartë të majave epirote. Pra, hartat flasin dhe dëshmojnë.

4. NJË HARTË E VORIO-EPIRIT2*

Hartën e Vorio Epirit (fotot shoqëruese), në përfshirje të gjeohapësirës historike shqiptare, e realizuar në vitin 1919, mund ta komentojmë së bashku, si një fakt dëshmues, se era që duket se fryn këto kohë të fundit pa "orkestra të mëdha" ndjell dhe sjell imazhin dhe synimin e fqinjëve tanë, që edhe pse nuk citohet në dokumente zyrtarë të sotëm, përcjell kuptueshëm veprime po kaq arkivale sa ç'është edhe kjo hartë e ashtuquajtur "etnografike" Kjo hartë përkon me mbledhjen e "Komisionit të çështjeve greke dhe Shqiptare" të kryesuar nga francezi Kabon, pas përfundimit të Luftës së Parë Botërore më 1919. Është pjesë e propagandës së hershme e qeverisë greke ( të Venizellosit ) që kërkonin me çdo kusht që Epirin e krishterë të Veriut ta përfshinin me Greqinë. Kështu iu sulën shtetit shqiptar që sapo kish fituar mëvetësinë, për të rivendikuar gjithë pjesën jugore të Shqipërisë, ku nuk ishin vetëm të krishterë por edhe myslimanë dhe ku vetëm një pakicë ishte greke. Një kufi i vizatuar me simbole tërësorë hartografikë plot 7 vjet pas shpalljes së mëvetësisë së Shqipërisë, kufizon me një ngjyrim të kuq vijën e fundme të ( Epirit të Veriut = Vorio Epirit ) që fillon në Vishocicë e vijon mbi Progër, mes përmes malin e Ivanit pastaj përbri Pogradecit, e ngjitet në lartësitë e Osnatit duke përfshirë pjesën më të madhe të Gorës dhe pastaj po kaq e prêt edhe Oparin ku e kanë origjinën Muzakajt (Mussakie) në ujëndarjen e Ostrovicës. Në përfshirje të mëtejme vijon me Panaritin, Grabockën, e Treskën, pothujse merr pjesën më të madhe të Dëshnicës dhe del e vështron në Qafë të Kiçokut. Pastaj pret Trebeshinën dhe del në Memaliaj për ta përfshirë Tepelenën, i mësyn luginës së Bënçës, ngjitet në Këndrevicë, kufizon Vërmikun, duke futur brenda tërë Kurveleshin e Sipërm. Mandej, zbret pa teklif në Kurvelesh të Poshtëm dhe përfshin Bolenë, Kuç e Kallarat. Ngjitet në Male të Vetëtimave ( Mali i Çikës) zbret në Qafë të Llogorajt, ecën mbi Karaburun dhe zbret deri në gjirin e Grammatës atje ku bashkohet Dheu me Detin. Kjo hartë e ardhur që nga viti 1919 nuk tremb as nuk kanos, nuk përcjell ksenofobi, dhe as alarm, veçse dëshmon se ku e ka shtratin një ëndërr e kahershme e fqinjëve tanë jugorë.

5. "GREQIA KËRKON NGUSHTICËN E OTRANTOS"

Këtë e thotë Prof. Kristo Frashëri për herë të parë gjatë këtyre dy dhjetëvjeçarëve të fundit dhe sidomos pas një beteje me vetveten që pati qeveria e Shqipërisë së sotme për Paktin Detar, të gremisur me Greqinë. Mund të thuhet se ka ikur koha që të flasësh me terma të tillë të vjetruar sepse " ... ne tani jemi në NATO, dhe ç'kuptim kanë ato hamendjet se do të dalë këtu apo do të dalë atje... me gjeostrategji dhe gjeopolitikë të prapambetur..." Dhe këta njerëz nxjerrin gjuhën, po edhe fjalë të përbaltura të shqipes së tyre të përzierë, gjase duan të stisin e sajojnë një valëzim miqësor që vjen deri këtu në buzë të Aosit (Vjosës) herë me varre ushtarësh, herë me pensione e herë më shkolla...bukur e bukur...i qepin veprat e tyre. Kur Profesor Frashëri u kujton Otranton, ata as që duan t'ia dinë se ku ndodhet, por e kanë mendjen tek koordinatat e krahëve notues të tyre diku në Dhërmi, e që nuk duan që duan t'ia dinë për këtë rrugë të shkurtër në Apenine, ku janë mbytur e s'arrin dot sa e sa shqiptarë në tragjedinë e izolimit të tyre katastrofik. As që duan të kuptojnë se Otranto nuk është një vijë, po është një hapësirë detare jetësore e të dy vendeve tona: Italisë dhe Shqipërisë, që rrojnë kundruall në jetë të jetës. Ndërkaq me atë marrëveshje duhet t'u jetë prishur qetësia e notit "shou" që bëhet çdo verë në Dhërmi. Dhe Prof. Frashëri i bie kambanës apo burisë historike se "Himara ka një rëndësi të jashtëzakonshme politike dhe strategjike për Greqinë. Greqia kërkon që t'i afrohet sa më tepër Ngushticës së Otrantos. Synimi i saj është që t'i bëjë karshillëk Italisë. Këtu e ka burimin edhe përpjekja për t'i rrëmbyer Shqipërisë ujërat e saj...në zonën e Korfuzit dhe në Detin Jon, pra në afërsi të Otrantit..." Kjo është një e vërtetë e madhe, se asgjë nuk është kaq e thjeshtë sa ç'duket, se nuk dihet ende se 'ç'fshihet në ato arka të kyçura me njëqind çelësa'. Ky është gjykimi i qetë, i rëndë në vend të vet si një shkëmb, si pjesë e maleve të Vetëtimës, me një mirësi arbërore, duke trokitur me bastunin e moshës së tij të Bardhë. Mirëpo, Tirana jonë e politikës së pocaqisur nuk ka se si t'i thotë një fjalë të mirë Chimera-s, por bën not dhe në ujanën e Jonit lëshon një "belingua" si një lajkë që u ngjan të sharave që iu bëhen studiuesve nga gjuhë politikanësh Në ato ballafaqime të turpshme dhe njollosëse, ndër ato lektoriume Universitetesh, qeveritarët bënë matje, të pamatura, me zellin e një të përunjuri, pa pikën e drojës dhe pa pikën e turpit, kanosin me gishtat e tyre, Udhët e Bardha në Palasë ku zbriti Cezari, pa frikë prej pranisë hijerëndë të Kepit të Gjuhëzës që është ai Gishti i Madh i trojeve tona që shikojnë vetëm në Perëndim, dhe lënë anash ujdhesat greke që ai Pakt i solli deri në mes të Otrantit dhe që me të drejtë, Prof. Frashëri e quan synim strategjik.

***

DICITURAT: Harta të Vorio Epirit dhe Himares qe shihet me emrin Chimera. Harta është në shkallën 1: 200 000. Firmosur: Data: Hellenique le Julliet 1919. Le Chef: Lt. Colonel: BOTZARIS Vu Le Chef d'Etat- Major: Colonel PANGALLOS. Botohen per here te pare

Myslim Pasha, G. Shekulli

Prifti: Guma vdiq si martir i krishtërimit

I ndjeri Aristotel Guma, i cili humbi jetën, mbrëmjen e 12 gushtit 2010 si pasojë e një aksidenti, është cilësuar nga Mitropoliti i Gjirokastrës, Dhimitri Sianidhi si “martir i krishtërimit”.

Deklarata e tij është bërë gjatë meshës fetare që u zhvillua në kishën e Himarës, në përkujtim të ditës së 40-të nga ndarja prej jetës së 37 vjeçarit Guma. “Gazeta Shqiptare” ka arritur dje të sigurojë pamjet filmike të një video amatore që ka xhiruar për gati 12 minuta ceremoninë fetare që vijoi për 3 orë e gjysmë mes këngëve kishtare si dhe meshës që u zhvillua e gjitha në gjuhën greke. Është hera e parë që opinionit publik shqiptar i bëhet e ditur ajo ç’ka është thënë mesditën e 19 shtatorit brenda në kishën e Himarës për shkak se mediat nuk u lanë të ishin të pranishme.

“Aristoteli vdiq si ortodoks i devotshëm sikur dhe martirët e parë të krishtërimit, ashtu dhe martirët më të rinj të periudhës së sundimit turk. Ky vend (Shqipëria) ka pasur martirët e tij dhe ka vuajtur gjatë në kohën e diktatorit Hoxha. Në këtë kishë kur ajo sapo ishte hapur, bashkë me kryepeshkopin kemi takuar disa gra, të cilat me një zë na janë ankuar dhe na kanë rrëfyer për burra që të helmuar nga propaganda ateiste e asaj kohe vranë bashkëshortet dhe fëmijët e tyre. Tani u martirizua dhe ai (Aristotel Guma)”, është shprehur mes të tjerash Mitropoliti grek i Gjirokastrës.

Shikoni pak bizhuteritë e varura në qafë. Kushedi sa krenar ndjehet perëndia... (S.I)

Referuar pamjeve filmike, Sianidhi është shprehur gjithashtu se “kur një njeri si Aristoteli pagëzohet, jeton dhe vdes si një i krishterë ortodoks i mirë, atëherë shpirti i tij kalon në jetën e përtejme në prezencë të Zotit tonë Jezu Krisht. Aristoteli duke mishëruar virtytet e një ortodoksi të mirë, jetoi jetën e tij dhe në një moment të vështirë që ajo i solli, vdiq si ortodoks i devotshëm”, është shprehur Sianidhi.

Ceremonia

Ceremonia përkujtimore në nderim të 37 vjeçarit, Aristotel Guma, i cili në datën 19 shtator 2010 mbushi 40 ditë nga ndarja e jetës, është zhvilluar pa incidente, ndërkohë që në të kanë marrë pjesë përfaqësues të lartë të politikës greke por dhe asaj shqiptare. Ceremonia nisi në orën 8 të mëngjesit ku shumë banorë të Himarës por dhe mjaft persona të tjerë të ardhur enkas nga Greqia shkuan fillimisht në vendin ku 40 ditë më parë ndodhi aksidenti fatal që i mori jetën të riut nga Himara. Të gjithë të pranishmit janë drejtuar më pas në Kishën e Himarës, e cila ndodhet ngjitur me shkollën greke të përuruar pak kohë më parë. Edhe pse pritej që në këtë ceremoni të merrte pjesë kryepeshkopi i Kishës Ortodokse Autoqefale shqiptare, Hirësia e Tij, Anastas Janullatos, në vend të tij mbërriti një tjetër përfaqësues i lartë i kishës, Mitropoliti i Gjirokastrës, Dhimitri Sianidhi.

Tedi Blushi, G. Shqiptare