Shtanga! Asnjëherë nuk ka patur patrullë policie këtu.
Për më tepër sapo kisha hequr rripin e sigurimit. Polici më hodhi një vështrim të gjatë, por nuk më ndaloi.
Diku më tutje në hyrje, përballem me një fugon policie, nga këta të grupit të gatshëm. Rruga mund të na nxinte të dyja automjetet, por shoferi i automjetit të policisë zgjodhi të hyntë në mes, duke më detyruar të kthehem edhe njëherë pas.
E pashë shoferin vëngër, kur në atë çast ndjej shikimin e egër të disa gorillave që shtrëngonin dhëmbët. U gëlltita.
Sapo hyj tek sheshi i pallatit, vërej një miting policësh, me nga të gjithë llojet e automjeteve e strukturave të tyre.
Policë me kallashë, policë me maska, si dhe policë pa uniforma që vinin vërdallë si bletë. Ngre kokën lart dhe shoh që edhe në tarracën e pallatit kishte lëvizje. S'po kuptoja ç'po ndodhte...
Banorët e pallatit shikonin nga dritaret dhe fëmijët kishin ndërprerë lojën e tyre duke zgurdulluar sytë.
Direkt më shkoi në mendje që para një muaji këtu rrahën keqazi një polic dhe bëra lidhjen se me siguri e paskan vrarë fare dhe kështu që i kanë ardhur kolegët në varrim.
Kurioziteti më shtyu të pyesja kalamajtë poshtë pallatit.
Ç'ka ndodhur? - i pyes.
E ke parasysh atë hundëgjatin - m'u përgjigj me pyetje më i shkathti prej tyre dhe unë që instiktivisht ia kthej "Po".
E pra, ai ka ardhur për vizitë,- ma ktheu djaloshi.
Në të qindëtat e sekondës ia bëra lidhjen.
Kuptova arsyen se pse dje u shtrua rruga me çakëll poshtë pallatit. Kuptova pse tabelat "Mos hidhni mbeturina o plehra" ishin mbuluar me fletë të bardha A4. Kuptova se pse ai tubacioni i ujit të pijshëm që derdhej në rrugë prej më shumë se një viti, ishte mbyllur. Kuptova pse Policia Bashkiake nuk kishte lejuar parkimin e makinave të qytetarëve.
Kuptova që nuk kishte ardhur shoku Sillo për gjyeti derrash, sepse derrat i kishte të gjithë me vete.
Por ajo më e rëndësishmja që kuptova, ishte fakti që na kishte ardhur për vizitë, vetë kryederri!
Shkroi: Stop Injorancës
No comments:
Post a Comment