Etreli injektohet në domate për pjekjen e shpejtë: Ja si helmohemi

Etreli, një stimulues për rritjen e perimeve, i cili nuk përfshihet në listën e produkteve të mbrojtjes së bimëve të regjistruara për t’u importuar dhe tregtuar në Republikën e Shqipërisë, përdoret nga fermerët shqiptarë për të përshpejtuar rritjen e perimeve të ndryshme.

Më shumë përdoret për skuqjen e domateve të serave. Farmacistë të ndryshëm arrijnë ta fusin stimulantin që kryen skuqjen e domates nëpërmjet doganave, pa e zhdoganuar atë, ndërsa AKU-ja duket se e ka të pamundur zbulimin e këtyre hormoneve, të cilat shiten në ambalazhe të medikamenteve të tjera.

Gazetarët e “Fiks Fare” janë përqendruar në dy rrethe, të cilat kanë edhe numrin më të madh të serave në vendin tonë. Ndërsa prodhimi i tyre tregtohet jo vetëm në Tiranë, por edhe jashtë vendit.

Pas gjetjes dhe blerjes së ilaçit që përdorej për skuqjen e domates, i cili ishte Etreli, gazetarët kanë mësuar nga farmacistët e farmacive bujqësore se këtë medikament “e siguronin nga Greqia”.

Medikamenti, që sillet pa u zhdoganuar, dërgohej në qytetin e Beratit dhe prej andej shpërndahej në farmacitë e zonës së Lushnjes dhe Beratit.

Farmacistët që e shesin këtë medikament tregojnë edhe mënyrën e përdorimit, por këshillojnë gazetarët e prezantuar si fermerë që të përdorin doreza plastike, pasi ky medikament është shumë i fortë.

Mënyrat e përdorimit të Etrelit te domatja janë të shumta. Disa fermerë e lyejnë domaten e papjekur me një sfungjer ose çorape grash, por duke qenë të kujdesshëm që të mos lenë pika të medikamentit në kokërr, pasi më pas domatet kur dalin në treg janë me pika të zeza.

Farmacistët, kur e shesin Etrelin, të tregojnë edhe dozat e përdorimit të tij dhe mënyrën sesi duhet të hollohet me ujë

Ky lloj medikamenti shpejton pjekjen e domateve nga një deri në dy javë.

Ndërsa një tjetër farmacist i medikamenteve bujqësore në Lushnje, pasi u ka afruar Etrelin gazetarëve, u ka sugjeruar atyre “që domatet që u hidhnin hormone të mos i përdornin për familjet e tyre, por të lenë pesë rrënjë domate pa spërkatur me hormone, që t’i konsumojnë për vete”.

Gjithashtu ai rekomandon që Etreli mund të tretej në ujë edhe me doza më të larta nga ato që ishin të shënuara në etiketë, pasi përshpejtonte pjekjen.

Pas sigurimit të medikamentit, gazetarët kanë kontaktuar me fermerët e zonës së Beratit dhe Lushnjes, ku kanë mësuar prej tyre se Etrelin e përdornin edhe ata për serat e tyre. Një fermer në Berat është shprehur se “simulantët në perime përdoren jashtë norme”.

Tregojnë përpara kamerës së Fiks Fare edhe procesin e përdorimit të Etrelit, duke ia hedhur domates në kërcellin e saj ose direkt në pjesën ku domatja është bashkuar me degën. Edhe këta fermerë rekomandojnë që domatet, të cilat piqen me anë të këtij ilaçi, të mos konsumohen nga fëmijët.

Fermerët pranojnë se e kanë përdorur Etrelin vazhdimisht në serat e tyre.

Një prej fermerëve i këshillon gazetarët që ta mbajnë të fshehur Etrelin, pasi përdorimi i tij është i ndaluar. Më tej ai tregon se ky medikament ka përqindje të lartë aciditeti.

Në Lushnje fermerët tregojnë se simulantin e “përdorim vazhdimisht, për të dalë sa më shpejt prodhimi në treg”.

Ata janë të sigurt se sot është e vështirë që të dallohet nga konsumatori domatja që është trajtuar me hormone. (G. Tema)

Letra e dashurisë që 13 vjeçarja ka marrë nga 53 vjeçari. Ndalohet pas denoncimit të prindërve

“Tashmë më ke hyrë në zemër.
E di që diferenca e moshës mund të të frikësojë, por nuk kam ç’të bëj, ti më ke hyrë në zemër.
U bë kohë që unë të shoh dhe ndjej për ty, ndaj të lutem të më japësh një mundësi. Pa ty nuk mund të jetoj dhe nëse ti nuk më pranon , nuk e di se çfarë do mund të bëj; por jam i vendosur që ti të më duash ashtu siç të dua unë ty.
Nuk arrij të mendoj për askënd tjetër veçse për ty,nuk gjej më ngrohtësi dhe qetësi askund tjetër veçse për ty , , ndaj të lutem gjeje mundësinë dhe më tako, sepse ndjenja që kam për ty është është shumë e fortë dhe serioze.

I yti Alberti”.

Kjo është letra e dashurisë që është dërguar një vajze të mitur, 13 vjeç, nga 53 vjeçari Albert Goskolli. Vajza ka treguar në familje, dhe prindëit kanë bërë denoncimin në Policinë e Korçës.

Goskolli baba i dy fëmijëve e ka pranuar këtë fajt para uniformave blu, se pavarësisht se ishte I martuar dhe kishte një familje, ushqente një simpati ndaj vajzës.

‘Nuk i kam bërë prresion dhe as kam tentuar të përfitoj prej saj, por pëlqimin që kam ia bëra të ditur pëmes letrës , me shpresën se dhe ajo mund të ndjente diçka për mua – citohet në gazetën “Panorama” 53 vjeçari./A.XH

Ipeshkvi i Kosovës kundër Mehmetit: Shqiptarinë nuk e shpëtoi islami, por Kisha Katolike

Duke folur për deshqiptarizimin e Shkupit, Mehmeti theksoi se pas Luftës së Dyte Botërore, mbeti një periudhë 40-vjeçare, ku u punua vazhdimisht në deshqiptarizimin e Shkupit.

“Atë kohë, arritën ta zbrazin Shkupin afro 60%, duke dëbuar shqiptarët në Turqi. Nga Maqedonia u mbushnin trenat me shqiptarë që i çonin në Turqi. Për këtë, arsye vinin shumë nga Kosova në Shkup, sepse ishte rruga më e lehtë për të ikur për Turqi”, ka thënë Mehmeti, shkruan gazeta Express.

Ndërkaq, duke folur për atë sesi kanë arritur shqiptarët ta ruajnë identitetin, Mehmeti tha se kjo është arritur përmes islamit.

“Absolutisht, matematikisht, mund të dëshmohet, edhe nëpërmjet asaj që e thash ma parë, se islamizmi e ka shpëtuar shqiptarinë në disa vise shqiptare, absolutisht! Unë ua dëshmoj me këtë: ortodoksët shqiptarë nuk i keni, katolikët shqiptarë nuk i keni në Shkup. I keni vetëm shqiptarët myslimanë”, tha Mehmeti.

Ipeshkvi së Kosovës: Perandoria Osmane ka shkatërruar trashëgiminë, atë e shpëtoi Kisha Katolike

Ndaj kësaj deklarate të Kim Mehmeti, se ka qenë islami që e ka shpëtuar Shqiptarinë reaguar ashpër Ipeshkvi së Kosovës, Shan Zefi, i cili ka thënë se është e kundërta e asaj që është thënë nga shkrimtari.

“Shqiptarinë nuk e ka shpëtuar islamizmi, por është Kisha Katolike ajo që ka mbajtur gjallë fijet e Shqiptarisë”,- ka thënë Don Shan Zefi për “Express”.

Sipas tij, është islamizmi, konkretisht Perandoria Osmane që ka shkatërruar gjithë trashëgiminë materiale, kulturore dhe shpirtërore të shqiptarëve.

“Ky është një fakt historik që nuk e mohon askush”, ka shtuar ai. Don Shan Zefi thekson kontributin e Kishës Katolike në ruajtjen e kombit. “Kisha Katolike ka qenë roje e kombit shqiptar, e assesi Perandoria Osmane dhe islamizmi i shqiptarëve”,- ka deklaruar Ipeshkvi. Shekulli

Shteti dhe tersi

Babai një shokut tim kishte një ters të tmerrshëm...
Herën e parë që i përplasën makinën, e kishte të parkuar poshtë pallatit. Kështu kur u zgjua në mëngjes dhe e gjeti copa, s'kishte kë të akuzonte për dëmin.
Makinën e dytë ia grabitën maskat dhe pasi kryen një vjedhje, ia dogjën. Përsëri, mbeti me gisht në gojë...
Herën e tretë që iu aksidentua automjeti, ishte dita kur e kishte zbukuruar sepse kishte transportuar një nuse ditën e dasmës për tek lokali ku do zhvillohej dasma. Edhe këtu makina iu aksidentua e parkuar dhe autori nuk u gjend.
Hera e katërt ishte në hyrje të Korçës, ku i rrëshket automjeti si pasojë e ngricës dhe mosmarrjes të asnjë mase prej mirëmbajtësve të rrugës dhe aty duke rënë në kanal aksidenton rastësisht, një ishkomshien e tij të vjetër.

Por ajo që i vuri kapak të gjithave ishte ndodhia e fundit. Ishte duke ecur nëpër lagje për qejfin e tij me shpejtësinë më minimale të mundshme. Kur "Bam" e godet një makinë policie dhe ia bën automjetin copë. Kësaj rradhe mendoi me vete i gjori, se të paktën e kapi në flagrancë autorin, por jo...

Policët që me shumë gjasa ishin nisur vetëtimthi për tek restoranti i tyre për të kapur në kohë peshkun e freskët që do të paguanin me paratë që kishin marrë nën dorë jo vetëm që nuk e dëmshpërblyen për dëmin e shkaktuar, por duke e cilësuar si fajtor që nuk i kishte hapur rrugë patrullës së policisë në ndjekje me sirenë, e gjobitën që ai të paguante edhe për dëmin e shkaktuar automjetit të policisë.

Pse? - do thoni ju me vete...
Sepse ka shtet këtu!

Shkroi: Stop Injorancës !

Faji i shqiptarëve apo deformim i historisë?

Është vënë re, në harkun e viteve të fundit, se mbi bazën e metodës “moderne” të shtjellimit të Historisë dhe në emër të “së vërtetës historike”, në fakt lexojmë shpalosjen e tezave anti-shqiptare të dy shekujve të fundit (19-20) mbi historinë e popullit, figurat e shquara dhe Shtetin Shqiptar. Boshti rreth së cilës shtjellohen këto shkrime është: Shqiptarët janë fajtorë për copëtimin e trevave të tyre, për urrejtjen, shovinizmin dhe genocidin e ushtruar nga fqinjët e tyre, se Shteti shqiptar po bën një luftë të fshehtë ndaj komunitetit fetar ortodoks, dhe “politika bizantine shqiptare … ka reminishencat raciste, osmane në kuptimin e drejtimit të vendit dhe të marrëdhënieve me jashtë”. Përse duhet t’iu kushtojmë vëmendje shkrimeve që haptas janë sajesa dhe s’kanë asnjë mbështetje të fakteve historike ?

Siç shprehej studiuesi i metodës historike Marc Bloch, edhe në shkrimet ku shtrembërohet historia, studiuesi mund të gjejë fakte që plotësojnë pasqyrimin e realitetit të kohës. Në këtë kënd-vështrim, dobia e trajtimit të këtyre shkrimeve, është se këto ide, vërehen edhe në disa shkrime, debate televizive dhe median elektronike të autorëve të tjerë shqiptarë dhe të huaj. Pra është një realitet i sotëm i medias dhe ideve që qarkullojnë në shoqërinë shqiptare dhe më gjerë. Një nga tezat qendrore është ajo e “fajësisë” së shqiptarëve si bashkëpunëtorë të forcave pushtuese. Kjo tezë nuk është e panjohur për popullin tonë. Letra e “rrezikut shqiptar” është luajtur gjithmonë në tavolinat ndërkombëtare prej shteteve fqinje, për t’iu paraprirë kërkesave për pushtim. Kështu “viktima” greke, ju kërkonte Fuqive të Mëdha ta lejonin ta shtynte kufirin e saj deri “në malet Akrokeraune, në vijën që kalonte në distriktin e Himarës dhe që vazhdonte në lindje deri në Liqenin e Ohrit...dhe një shkëmbim të popullsive “greke dhe shqiptare në kushte humane dhe të barabarta”. Si variant më të mirë, sugjeronte krijimin e shtetit federativ greko-shqiptar, si “minimumin e pranueshëm” nga “epirotët” për ruajtjen e paqes në Ballkan”. Miti i “fajësisë” së shqiptarëve, ushqehej jo vetëm nga letërkëmbimi i diplomacisë serbe apo greke, por edhe nga institucionet arsimore dhe kulturore të këtyre shteteve. “Më 29 qershor 1945 Akademia e Shkencave greke deklaronte: Populli grek nuk mund të rrijë indiferent kur grekët e Vorio-Epirit vazhdojnë të masakrohen, të asgjësohen nga një popull që është ende në fazën parahistorike të zhvillimit, pa as një literaturë dhe pa asnjë shkencë, që ka vetëm një alfabet që e ka marrë hua... “. Siç vërehet, “fajësia” nuk qëndron vetëm tek “masakrat” ( asnjëherë të dokumentuara) të kryera nga shqiptarët, por edhe sepse janë “ një popull i prapambetur...”. Po kështu risjellja e “fajësisë” së shqiptarëve të kohës osmane, bëhet për të krijuar lidhjen historike të veprimeve “kriminale” të popullit tonë, me ditët e sotme. Në mungesë të dokumentacioneve, shfrytëzohen “romane horror” që shkruhen edhe nga personalitete europiane, siç ka qenë:
Transplantimi i organeve të robërve serbë, krimet e shqiptarëve gjatë luftës së Kosovës (1998-1999) dhe sidomos “Gozhda e ndryshkur e Nastradinit”- diskriminimi i minoritetit grek në jug të Shqipërisë”. Mbi bazën e kësaj letërsie të llojit racist në vitin 2002 nëpër rrugët e Selanikut shoqatat “Vorioepirote” shpërndanin fletushka kundër Shqipërisë dhe kërkonin ndërhyrjen e NATO-s për të “shpëtuar” rreth 80 mijë minoritarë grekë që jetojnë nëpër disa fshatra të Sarandës, Gjirokastrës nga gjoja “terrori” që ushtrojnë shqiptarët kundër tyre. Për të trija këto akuza, megjithë gjyqet, komisionet dhe verifikimet e ndërkombëtarëve, nuk është dëshmuar asnjë fakt. Qytetarët europianë e më gjerë, konsumues të masmedias dhe deklaratave të papërgjegjshme të disa politikanëve apo funksionarëve , ndikohen nga “fjalët” dhe askush nuk ju dëshmon të kundërtën.
Shteti ynë mjaftohet me rolin e mikpritësit të komisioneve hetimore dhe jo të përfaqësuesit të një populli të damkosur, që kërkon përgjegjësinë e prishjes së imazhit në arenën europiane dhe botërore. Për rrjedhojë, viktima (me cytjen e BE-së) ulet e çnderuar përballë kriminelit të papenduar e të pandërgjegjësuar dhe këndohen hymne fetaro-shtetërore, të “bashkëjetesës në kohën moderne”. Kongresmeni Joseph J. DioGuardi më 25 Korrik 2008 në Kongresin e SHBA pohon se:
“Është ironike që plani i Ahtisaarit u jep serbëve në Kosovë të drejtat më të mira të minoriteteve si askujt tjetër në Evropë, teksa ende kemi shqiptarët në Luginën e Preshevës dhe në Mal të Zi që jetojnë nën kushte të aparteidit edhe sot”. Europianët që e kanë kaluar këtë përvojë në kurrizin e tyre, nuk e kanë të vështirë të pranojnë, se zgjidhja më reale për Ballkanin është pikërisht vendosja e popullsisë shqiptare në kushte të barabarta me popujt e tjerë ballkanikë dhe europianë.
Fatbardha Demi/Publiciste

Shqiptarët vs Komunizmi

Tani, si përfundim:
"Komunizmi shkatërroi popullin shqiptar, apo populli shqiptar komunizmin?"

Shkroi: Stop Injorancës !

Humor me anglishten

Nuk i kuptoj dot fare këta anglishfolësit...

Takojnë një mik fëmijërie, eksitohen.
Korrin një sukses, eksitohen.
Dëgjojnë një lajm të mirë, eksitohen.

Lindin një fëmijë, eksitohen.
Shkojnë të shohin një film në kinema, eksitohen.

Ore, po ka ndonjë gjë që nuk i eksiton këta?
Shkroi: Stop Injorancës !

- If we are the human race, then who is winning?

- Lindsey told Jessica that she had cancer.
Who had cancer?

Kur një dialekt kthehet në një gjuhë?
Kur përdoruesit e tij formojnë një ushtri e një flotë detare...

Zotat dhe njerëzit

Duke nisur që nga fillesat e racës humane, njeriu në pamundësi për të shpjeguar fenomene të ndryshme natyrore, zhvilloi mistikën, të mbinatyrshmen, irealen dhe subjektiven.
Ai i vendosi çdo fenomeni natyror një emër Perëndie, të cilit i falej dhe e falenderonte për çdo të mirë që i dhuronte, duke bërë edhe flijime në emër të tyre. Kështu pra lindi kulti.
Toka që të jepte prodhim apo që deti të ishte i qetë, njerëzit duhej ti faleshin Perëndive të tyre.
Padyshim mbi të gjitha Perënditë qëndronte Perëndia e Diellit, e dritës, e ngrohtësisë. Perëndia që siguronte vazhdimësinë e jetës në tokë. Ky Perëndi në kultura e në kohë të ndryshme ka patur emra të ndryshëm.

Më pas, besimi monoteist i bazuar në një Zot absulot i feve orientale të shkretëtirave, duke parë se ai i shërbente më së miri pushtetit, u kthye prej Perandorit Kostandin (ilir) të Romës si feja e Perandorisë Romake dhe filloi të përhapej me shpatë e propagandë për të zëvendësuar paganizmin popullor.
Duke qenë se paganizmi i kishte rrënjët shumë të thella në traditat popullore, atëherë u gjet me vend vjedhja e riteve, traditave dhe festave pagane. Të tilla janë krishtlindjet, pashkët, etj...
Të njëjtën gjë bëri më pas edhe islami dhe kështu bota dalëngadalë hyri në pushtetin e plotë monoteist të këtyre feve orientale.
Por njëkohësisht me besimin tek e mbinatyrshmja në çdo etapë të zhvillimit human ka ekzistuar edhe mendimi racional, mendimi kritik që shpeshherë e ka vënë në lojë dhe e ka demaskuar këtë besim të mbinatyrshëm, shpeshherë madje duke e paguar edhe me jetën e vet.

Le të mundohemi ti ndajmë njerëzit sipas kategori më të mëdha përballë konceptit të Zotit/Zotrave

1.) Besimtarë

a.) Të moderuar
Tek besimtarët e moderuar hyn ajo pjesë popullsie që besimin fetar e sheh si një pasuri kulturore të trashëguar. Ky besimtar nuk e ka për gjë të qeshë me hoxhën, priftin apo çdo klerik tjetër fetar.
Besimtari i moderuar është besimtar zakonisht me raste festash dhe librin e tij të shenjtë me shumë gjasa as që e ka lexon ndonjëherë. Nuk e ka aspak problem nëse dikush i takon këtij apo atij besimi. Besimi fetar tek ta është thuajse çështja e fundit që mund ti interesojë. Besimtari i moderuar as nuk mundohet ta kuptojë fenë e tij apo të vërë në dyshim vërtetësinë e saj. Mban një besim fetar të caktuar, me logjikën e ftohtë se çdokujt i duhet një. Këta njerëz janë përgjithsisht indiferent ndaj skandaleve fetare dhe ndodh se në rast provokimi, rrezikojnë që gradualisht të radikalizohen.

b.) Radikalë
Këtu hyn ajo pjesë popullsie e cila e hap, shfleton e lexon përmendësh librin e shenjtë të fesë së saj. Kjo është njëkohësisht edhe arsyeja që shpjegon radikalizimin e tyre, pasi librat e sotëm të shenjtë kanë shprehje të mëdha barbarizmash, që tregon qartë edhe për kohën dhe mendësinë kur ata janë shkruar. Bibla e Kurani ashtu siç edhe është bërë, kanë ende nevojë për tu ndryshuar dhe për tu kthyer të adaptueshëm për nivelin kulturor të sotëm.
Tek besimtarët radikalë hyn ajo pjesë e popullsisë e cila indoktrinohet që në moshë minore, pa zhvilluar ende aftësitë e tij intelektuale për të kuptuar botën e gjithë konceptet bazë të saj.
Gjithashtu tek kjo kategori hyjnë njerëzit që në momente kritike të jetës së tyre dhe në mungesë të një mjeku specialist psikiatër apo psikolog, zgjedhin vetë apo të imponuar, të indoktrinohen dhunshëm duke u rehabilituar tek një fe për të kuruar një problem kalimtar, përmes një sëmundje të përhershme.
Një tjetër kategori që lehtësisht bëhet pjesë e kësaj kategorie është shtresa e paarsimuar e shoqërisë. Të gjithë këta njerëz gradualisht humbasin aftësitë e tyre artikuluese dhe kthehen në një kontigjent realisht të rrezikshëm për shoqërinë. Për të mbrojtur, sipas tyre, fenë apo Profetët e tyre, ata janë të gatshëm të bëjnë gjithçka, deri tek aktet më ekstreme. Dallohen për mungesë tolerance dhe një gjuhë urrejtjeje të shprehur me të gjitha format e saj.
Nuk janë të pakta rastet kur ka patur vetëvrasje masive mes anëtarëve të një kulti të caktuar, që kanë besuar se kështu do të arrijnë parajsën e tyre.

Këto ngjarje, realisht tregojnë masën dhe forcën e indoktrinimit fetar, për të shplarë trutë e një njeriu.

2. Agnostikët
Këtu hyjnë njerëzit që mendojnë se ekzistenca apo mosekzistenca e një qenieje supreme është e panjohur dhe e pamundur të kuptohet.

3.) Ateistët

a.) Pasivë
Ata që nuk besojnë në ekzistencën e një qenie supreme apo gjithçka tjetër propogandojnë dogmat fetare, por as nuk i bëhet vonë nëse njerëzit e tjerë besojnë të tilla budallëqe sipas tij.

b.) Aktivë
Janë ateistët të cilët nuk mund të qëndrojnë indiferentë kur shohin se si në emër të një pushteti fetar manipulohen çdo ditë mendjet e njerëzve, në emrin e një Zoti imagjinar, i cili ashtu siç paraqitet përmes dogmës fetare jo vetëm nuk ka sens e logjikë, por për më tepër duket edhe barbar e i padrejtë.

Shkroi: Stop Injorancës !

Alket Rizai: Në burgjet greke shqiptarët torturohen barbarisht

Alket Rizai ,shqiptari që ka bërë tre super arratisje nga burgjet greke  ka folur sot në një lidhje direkte nga burgu i Malandrinos.
“Mua me akuzojnë për katër vrasje ,nuk kam bërë asnjërën. Në këtë shtet nuk gjen drejtësi jo vetëm unë, por gjithë shqiptarët.”- nënvizon Alketi.
Ai është shprehur se prokurorët dhe gjykatësit  e kanë nxjerrë  të pafajshëm, ndonëse në procesin kundër tij kanë marrë pjesë  72 dëshmitarë dhe asnjëri nga ata nuk  nuk ka vënë dorën  mbi të, por janë detyruar të dëshmojnë kundër tij.“Gjendja ime tani është shumë e mirë, ndodhi ajo që patë, mora peng 7 policë. E bëra për të dhënë një mesazh, na dënojnë kot se jemi shqiptar. Mua më akuzojnë kot. Më akuzojnë për 4 vrasje. Në këtë shtet nuk e gjen dot të drejtën, jo unë por të gjithë shqiptarët."
Ai ka apeluar për ambasadën shqiptare që të shkojnë të shohin ,pasi pas arratisjes nga  Trikala është ushtruar  dhunë  mbi të burgosurit shqipatarë  duke u thyer duart dhe brinjët  70 prej tyre.
I pyetur se cfarë rruge do ndjekë ai për të qënë i lirë, Rizai shton, “Kush është ai qorr që nuk do sy. Nuk e di surprizën e radhës, por do riarratisem. Që nesër do doja të kthehesha në Shqipëri për gjykim, jam 100% i pafajshëm nuk po them se nuk jam ëngjëll, as djall por këta më kanë kapur për ngjarje që si kam bërë. Nuk kam lidhje fare me vrasjet. Fundja fundja e kam pranuar që kam grabitur bankat greke. Deri në pikën e fundit të gjakut tim do luftoj jo vetëm për vete por për mijëra shqiptar të dënuar padrejtësisht”, tha ai më tej.

AVOKATI: ARRATISJET E RIZAIT, JO PËR SHOW, POR SHENJA ANKIMI
Për News 24 është prononcuar edhe avokati i Alket Rizait. Sipas tij “Në Greqi ekziston një racizëm ekstrem 50% e të burgosurve janë të huaj atje, pjesa më e madhe janë turq dhe shqiptarë”, sqaron avokati.

Ai thekson se, Greqia është vendi i 4 në botë për racizëm në vendimet që jep për të burgosurit e huaj.
“90% e dënimeve jepen vetëm sepse janë shqiptarë”, tha ai më tej.

Ndërsa arratisjet e klientit të tij i cilësoi si shenja ankimi për këto vendime dhe jo shou. (ma.ar/er.nu/BalkanWeb)

A ishte ndërhyrja ajrore e NATO's në Kosovë një dështim?

Misioni I -Ndalimi i spastrimit etnik (I dështuar)

Misioni II - Shkatërrimi i ushtrisë serbe (I dështuar)
Misioni III - Bombardimi pa shkaktuar gjak të pafajshëm civil (I dështuar)

Pas 78 ditë bombardimesh ku në 11 mijë fluturime u hodhën mbi 20 mijë bomba nuk u vranë më tepër se 1000 ushtarë serbë, shifër kjo që i dedikohet pikërisht UÇK-së, e cila me anë të sulmeve të saj, i detyroi forcat serbe të ktheheshin në shënjes tra të lehta për t'u goditur.

Pasojat: Bombat e mbetura të pashpërthyera morën jetë të tjera njerëzish civilë të pafajshëm në Kosovë dhe Serbi.
Gjatë sulmeve ajrore në Beograd u dëmtuan gabimisht ambasadat e Kinës, Pakistanit, Indisë, Spanjës, Zvicrës, Suedisë, Izraelit, Hungarisë etj.

Përfundim: Ndërhyrja ajrore nuk mund të na sjellë një fitore më të shpejtë në luftë.
Së dyti, sulmet ajrore nuk mund të përdoret në luftra ku rrezikohen jetë civilësh të pafajshëm.

Koreanët, vietnamezët dhe serbët nuk u dorëzuan si pasojë e goditjeve ajrore dhe asnjë shtet tjerë nuk do ta bënte ndonjëherë...
Për më tepër:

Përgatitur nga Qendra për Informacionin e Mbrojtjes, USA!