Britani, kadeti shqiptar nderohet me medalje

Një kadet shqiptar përfundon me rezultare të shkëlqyera shkollimin në Akademinë Mbretërore Ushtarake “Sandhurst” në Britaninë e Madhe.

Bleard Vuçaj ishte njëri prej dhjetë studentëve të huaj, nga 260 kadetë të diplomuar këtë vit nga kjo akademi me traditë 300 vjeçare. Momentin e dorëzimit të medaljes “Hodgson's Horse Merit Award”, për nder të origjinës së kadetit Vuçaj, është ngritur Flamuri Kombëtar Shqiptar.

Kjo medalje e larte i jepet studentit/kadet te huaj qe ka demonstruar performance te larte dhe per merita te vecanta.

Ne emer te mbretereshes Elisabeta II, ceremonine e pershendeti zv/shefi i shtabit te pergjithshem te Ushtrise te Mbreterise se Bashkuar, Gjenerali Sir Nikolas Hjuten, i cili zyrtarizoi diplomimin e kadeteve dhe nisjen e parades ushtarake qe njihet si parada mbretereshes. Kadeti Bleard Vucaj tha per Top Channel se pjesemarrja ne kete parade e beri ate te ndihej krenar, pasi ceremonia eshte madheshtore.

“Thjeshte te jesh pjese e kesaj parade te krijohet nje ndjesi e mire mbi te gjitha te ben te ndjehesh krenar. Kenaqesia eshte akoma me e madhe kur te jepet edhe nje medalje”, u shreh ai.

Ambasadori i Shqiperie ne Mbreterine e Bashkuar, Zef Mazi, ne urimin e tij zyrtar tha se, performanca dhe rezultatet e kadetit Vucaj jane nje nder per vendin tone, per familjen e tij dhe ne radhe te pare per vete kadetin. Sipas atashehut ushtarak te Shqiperise ne Britanine e Madhe, Qemal Shkurti, objektivi i kesaj akademie eshte forcimi i atributeve te intelektit dhe karakterit, te cilet, te kombinuar me zhvillimin e kompetences profesionale, pajisin oficeret me ate nivel te larte pergjegjesie per drejtim qe ne emerimin e tyre te pare.

infoarkiv.com

Për çdo të interesuar për miqësinë e tij, kjo është faqja e tij në Facebook : http://www.facebook.com/bleard.vucaj

Nga ditari i një marsiani !

Artikullin e sotëm ia dedikoj një planeti të vogël e simpatik, të quajtur, Tokë.

Virusi që injektuam në këtë planet, sot, pas afro 6 miliard vjetësh, ka evoluar duke shfaqur forma të çuditshme dhe të rrezikshme, komike edhe tragjike. Ai ka shfaqur një formë dominale të tij, e cila sot dominon mbi format e tjera virale, por gjithashtu mbi habitatin e vet. Ky virus, të cilit i dedikoj artikullin e sotëm, vetëquhet NJERI.

Ai komunikon, merret me sport, art, kulturë, shkencë e teknologji, por ajo që do doja të trajtoja, është bota e tij e brendshme, reaksionet e çuditshme, që ai përjeton.
Virusi vjen si rezultat i bashkëveprimit të dy viruseve të gjinive të ndryshme. Ndryshe nga format e tjera virale të gjalla, ky virus ka bazuar pjesën thelbësore të ekzistencës së tij, tek proçesi natyral i riprodhimit. Ndryshe nga format e tjera, këtë proçes nuk e kryen vetëm për riprodhim. Aq shumë janë afeksionuar pas kësaj detyre të thjeshtë biologjike, sa prej saj dhe për të sëmuren, vuajnë, vriten, krijojnë poezi ...apo edhe dashurojnë...

Pavarësisht se të gjithë lindin dhe vdesin poligamë, ata kanë krijuar një organizim të ri shoqëror, bërthamë e vetë shoqërisë, e cila quhet familje, të përbërë nga dy partnerë dhe krijesat e tyre.
Padyshim që kjo specie është specia më hipokrite e gjithë universit, jo më kot fjalori enciklopedik universal i të gjithë botëve, fjalën hipokrit e quan sinonim të species humane.

Pse hipokritë ?

Njerëzit e quajnë familjen të shenjtë dhe njëkohësisht dhunojnë, shkelin, përbuzin, përdorin apo vrasin fëmijë të familjeve të tyre, duke shkatërruar familjet e shenjta të njëri tjetrit, këto familje që janë baza e shoqërisë së tyre. Njëzëri shprehen se e duan familjen e tyre, e ndërkohë krijojnë familje tjetër. Ditën bëjnë zhurmë dhe natën zhurmues. Pendohen kur bëjnë gjërat që pëlqejnë. Përherë ajo që duhet bërë, nuk është e njëjta me atë që duan të bëjnë.
Qeshin me lotët e dhimbjet e njëri-tjetrit, vuajnë nga suksesi i të tjerëve. Luftojnë pambarimisht për të qenë njësoj, por janë të lumtur që janë kaq ndryshe. Endërrojnë të prishin ëndrra.

* Ofendojnë njëri-tjetrin me fjalë si"derr", por derri nuk mund të jetë kurrë aq i ndyrë.
* Shahen mes tyre me fjalë si "gomar",, por gomari nuk mund të jetë kurrë aq budalla.
* Ironizojnë njëri-tjetrin me fjalë si:" majmun", por nga ana tjetër refuzojnë të quhen kafshë.

Janë komikë. Pandehin se qënie jashtëtokësore, me anije kozmike të mbushura me drita, si të festës së tyre të Vitit të Ri, i vizitojnë e monitorojnë gjatë gjithë kohës e kështu qindra e mijëra konspiracione të ndryshme...

Respektojnë të vjetrit, të vjetrën e çuditërisht vrasin të renë. Koncepti i punës tek ta është ndërtuar në formë piramide, ku ata që qëndrojnë më poshtë dhe që punojnë më tepër, fitojnë më pak. Rriten shpejt, por piqen ngadalë.
Ajo që më shqetëson seriozisht tek virusi dominant human, është ndalja e proçesit të tyre evolutiv. Duke mbajtur të gjallë e duke u përkujdesur për të sëmurët, të gjymtuarit, të dobtit e të pafuqishmit, po eleminojnë në mënyrën më të ndyrë konkurentët më të fortë dhe më cilësorë.

Jetojnë, pothuajse të ndarë për së gjalli, duke e menduar të lodhshme një përjetësi bashkë.

Të nderuar qënie të të gjithë Universit. Frika jonë e përbashkët, se ky virus mund të fuqizohej sa të gllabëronte planetet një e nga një, ishte false.

Raca humane jo vetëm që nuk përbën një rrezik, por ajo vetë është në rrezik !

Vitit 6.754.982.363 P.B.B 1 ( Pas Bing-Bangut të parë) Gazeta Univers !

Shkroi dhe përgatiti: Stop Injorancës http://www.facebook.com/NdalPaditurise2

Seks në tre ! Pro apo kundra ?

A është seksi treshe një mënyrë e mirë për të rindezur shkënditë në një marrëdhënie? Meshkujt, në përgjithësi janë gati, veçanërisht nëse bëhet fjalë për dy femra dhe një mashkull. Edhe disa femrave u pëlqen kjo ide por thjeshtë nuk e shprehin.

Fakti që seksi treshe kur e mendon në mendjen tënde duket si diçka e hatashme, nuk do të thotë se është i tillë edhe në të vërtetë. Prandaj, është mirë që para se të dalësh në konkluzione të gabuara dhe të kuptosh nëse seksi treshe është i mirë apo jo për marrëdhënien tënde, duhet që të analizosh disa fakte.

Gjëja e parë që duhet të analizosh është marrëdhënia juaj. Që të ndash partnerin/en me dikë tjetër, qoftë ky një bashkëshort apo një e dashur, duhet që të kesh besim të madh.
Nëse ke qoftë edhe dyshimin më të vogël se pas seksit treshe partneri mund të të japë duart, atëherë kjo gjë nuk është për ty.

Në qoftë se ti mendon se do të ndiheshe keq nëse se partneri/ja do të tregonte më shumë interes seç duhet për pjesëtarin e tretë, atëherë edhe kësaj radhe po ju them që seksi treshe nuk ka për ta gjallëruar marrëdhënien tuaj. Do të fiksohesh aq shumë në atë pikë saqë do të fillosh të shikosh rrezik edhe aty ku ai nuk ekziston.

Një gjë tjetër shumë e rëndësishme që duhet të kesh parasysh është mendimi se për kë po e bën? Po e bën për vete, për partnerin/en, apo është dëshira e të dyve? Cila është arsyeja që doni të bëni seks treshe? Për ta forcuar marrëdhënien tuaj apo për ta shpëtuar atë? Dallimi është shumë i madh edhe nëse kufiri mes këtyre të dyjave është pothuajse i padallueshëm.


Duke pasur parasysh se për kë është, në qoftë se ti do ta bësh vetëm për kënaqësinë tënde personale, seksi treshe ka shumë gjasa që ta shkatërrojë marrëdhënien tuaj. Mos harro se në një marrëdhënie janë dy veta, jo vetëm një. Nëse je duke e bërë për partnerin, duhet të jesh i/e sigurt se me të vërtetë e do një gjë të tillë. Përndryshe ka shumë gjasa që më vonë ...

Por, nëse mendon se është gjëja e duhur për ta bërë, për veten tuaj dhe për partnerin, atëherë seksi treshe mund t'i japë shumë gjallëri marrëdhënies tuaj.

Tani që i sqaruam disa gjëra, është koha për të kuptuar nëse seksi treshe di t'i japë apo jo marrëdhënies tuaj gjallërinë e dëshiruar. Cilat janë rregullat bazë? Po, patjetër që ka rregulla nëse do të bësh seks treshe.

Kush do të jetë pjesëtari i tretë? Dikush që njihni apo një i panjohur? Secila nga zgjedhjet ka pro dhe kundër. Mund të jetë më e lehtë me një të njohur, por mos harro se me të do të takoheni prapë. Si do të silleni me të pas ngjarjes? Natyrisht që marrëdhënia mes jush nuk do të jetë e njëjta. Nga ana tjetër, me një të panjohur nuk ke pse shqetësohesh shumë, megjithatë fakti që nuk njiheni mund të shkaktojë tension dhe të prishë gjithçka.

Vazhdojmë më tej me përbërjen e treshes. Ta zëmë se ju jeni një çift heteroseksual (mashkull-femër), i kujt gjinie do të jetë pjesëtari i tretë? Meshkujt kanë tendencën të mendojnë se ajo e treta është patjetër një femër. Mirëpo e vërteta është se një femër mund të kënaqet po aq me dy meshkuj sa edhe një mashkull me dy femra.

Këtu nuk ka vend për pretendime, këto gjëra duhet të sqarohen që më përpara. Imagjinoje pak si do ndjeheshe një mashkull po të shikonte partneren e tij me një mashkull tjetër. E njëjta gjë është edhe për femrat. Përgjithësisht, femrat janë më tolerante ndaj eksperimenteve me të njëjtën gjini, megjithatë kjo nuk duhet marrë si e mirëqenë në momentin që jeni akoma duke bërë plane të përgjithshme.

Mungesa e rregullave bazë do ta vrasë marrëdhënien tuaj. Seksi treshe është i mrekullueshëm për shumë çifte vetëm nëse përcaktohet që më përpara se çfarë nënkuptohet me termin seks treshe. Që seksi treshe të lëshojë me të vërtetë xixa duhet që çifti të diskutojë me logjikë dhe jo me pasionin e momentit. Duhen marrë mirë parasysh pasojat.

Çdo detaj është në varësi të dëshirave dhe nevojave seksuale të gjithsecilit. Për shumë çifte seksi treshe sjell një shkëndijë të re në marrëdhënien e tyre. Sidoqoftë, më e mira e të mirave, nëse jeni ende të rinj, seksin treshe lërjani më mirë fantazisë. Është e sigurt se do t'iu shërbejë më shumë se gjëja e vërtetë.

Telegrafi

Nafta; Shqipëria në ethet e “arit të zi”, shpresa për miliarda dollarë

Nafta shqiptare rrethohet nga një histori misteri, ku mjaft kompani janë tërhequr dhe afërsisht 600 milionë dollarë janë harxhuar në këto 18 vite vetëm për kërkimin e arit të zi të territorin shqiptar.


Këto miliona dollarë, sipas Ministrisë së Ekonomisë, kanë shkuar kot.

Të dhënat zyrtare flasin se Shqipëria deri më sot ka shfrytëzuar afërsisht 50 milionë tonë naftë. Këto të dhëna flasin se në fushat naftënxjerrëse në Patoz-Marinxë dhe rrotull tyre ka ende 380 milionë tonë naftë të cilat tashmë janë duke u shfrytëzuar. Kjo sasi nafte, në rast se konvertohet në para, do të thotë rreth mbi 10 miliardë dollarë. Por nuk mjafton këtu, pasi nëntoka premton shumë. Studimet flasim për miliarda tonë naftë dhe gaz të cilat vlejnë qindra miliarda dollarë, çka do e kthenin Shqipërinë, ndoshta një nga vendet më të pasura të rajonit. Këto pasuri, në rast se gjenden, do të bënin që Shqipëria të kishte një pozitë më të fortë politike.

Për shqiptarët e ardhmja premton. Tashmë nuk përbën lajm fakti se shqiptarët jetojnë në nëntokën më të pasur të rajonit. Nafta dhe gazi shqiptar, hidrokarburet, rrethohen nga një histori misterioze, e mbushur me optimizëm dhe dështim, por kërkimet për “arin e zi” në Shqipëri nuk po rreshtin. Në Shqipëri operojnë disa kompani të cilat kanë shprehur bindjen e tyre për sukses. Po harxhohen miliona dollarë për të hapur puse mbi 4 mijë metra të thella.


Zbulimet

Rezervat e naftës dhe gazit në vendin tonë janë shumë më të mëdha nga sa mendohej më parë. Vetëm pak kohë më parë në mediat shqiptare u publikua një studim i kompanisë amerikane Gustavson Associates LLC e cila studioi zonën e Shqipërisë së Mesme dhe atë të Veriut duke konkluduar se në këto zona ekziston një rezervë nafte prej gati 3 miliardë fuçish. Gustavson Associates LLC, një kompani e njohur në studimet 3-dimensoniale, arriti në përfundimin se në nëntokën e kësaj zone ekzistojnë edhe 3 trilionë rezerva gazi natyror. Ky studim u bë në bashkëpunim me zviceranët e Manas Petrolium të cilët fituan të drejtën e kërkimeve në Shqipërinë për ar të zi. Studimi prekte vetëm 4 mijë kilometra katrorë dhe shkrihej nga Durrësi deri në Shkodër. Vlera e kësaj nafte, duke e llogaritur me çmimin e bursës e cila është aktualisht 40 dollarë për fuçi, do të shkonte rreth 120 miliardë dollarë. Kjo shifër mund të rritet për shkak të vlerës në lëvizje të arit të zi, që sipas ekspertëve ndërkombëtarë, nafta do të rritet përsëri. Nga ana tjetër, vlera e 3 trilionë gazi natyror të zbuluar në këtë zonë, do të shtonte vlerën në qindra miliarda dollarë të tjerë.

Gustavson Associates, në studimin e saj shkruan se Shqipëria këtë sasi e ka në thellësi prej 3500 metrash, të mbështjellë nga një shtresë e karbonizuar, çka e bën të vështirë kërkimin, por jo në rast se përdor teknologjinë e fundit. Gjithsesi, ende kjo sasi është duke u kërkuar dhe ende nuk dihet cilësia e kësaj nafte. Përgjithësisht nafta shqiptare ka qenë e cilësisë më të ulët dhe ajo e zonës së Patozit ka përmbajtje të lartë bitumi. Pavarësisht kësaj, përpunimi i naftës sot ka arritur kulmin sa madje edhe kompania shqiptare ARMO, e cila përpunon këtë naftë, me gjithë teknologjinë e saj të viteve ‘70 kineze, arrin të nxjerrë edhe benzinë vergine, të cilësinë së parë dhe shumë të kërkuar.


Zviceranët: Do t’ia dalim

Zbulimin e amerikanëve po kërkon të vërë në jetë kompania zvicerane Manas Petrolium. Kjo kompania nisi muaj më parë një projekt prej 10 milionë dollarësh, për nxjerrjen e kësaj sasie nafte dhe gazi nga nëntoka shqiptare. Duke filluar nga mesi i tetorit të vitit 2008, kjo kompani ka nisur nga puna. Siç a bërë me dije edhe vete, projekti i tyre po nis fillimisht nga seksioni D dhe ka nisur një bashkëpunim me kompani të tjera. Ata janë mbështetur nga Instituti i Gjeofizikës së Izraelit, i cili u ka konfirmuar se kjo sasi ekziston. Madje ky institut gjatë këtij viti, do t’i ndihmojë zviceranët për krijimin e një databasi për zona të tjera.

Njëkohësisht Manas Petrolium do të nisë brenda këtij një bashkëpunim me kompaninë kroate CROSCO si dhe ka nënshkruar një marrëveshje mirëkuptimi me kompaninë ruse JSC "SPC" NEDRA. Kroatët e CROSCO-s do të bëjnë kërkime në një zonë të caktuar, ndërsa rusët do të sjellin ekspertët më të mirë të gazit. Manas Petroleum Corporation fitoi në dhjetor të 2007-ës koncesionin qeveritar për aktivitetet e eksplorimit, zhvillimit dhe prodhimit të hidrokarbureve falë akordit midis Ministrisë se Ekonomisë, Tregtisë dhe Energjisë përfaqësuar nga Agjencia Kombëtare e Burimeve Natyrore dhe DWM Petroleum AG, pjesë e Manas Petroleum Corporation. Studimi është kryer mbi një terren që përhapet mbi 4000 kilometra katrore duke nisur nga Durrësi deri në Shkodër: në blloqet A-B e D-E, zona jugore e Tiranës që ka një naftë shumë të ngjashme më atë të Cakranit dhe zona veriore e Tiranës që përhapet nëpër blloqet B, D dhe E.

Gustavson Associates, LLC, e cila bëri studimin, është shprehur optimiste për sukses. Sipas saj, situata është e ngjashme si zbulimi i miliona tonëve gaz që u bë vite më parë në Itali. “Zbulimi i parë ka nxjerrë në pah struktura të forta karboni të njëjta me ato që janë zbuluar në vitin 1990 në Apenine të Italisë. Probabiliteti i suksesit është kompleks për shkak të fortësisë nën të cilën gjendet struktura naftëmbajtëse”, - ka njoftuar kjo kompani.


Kërkimet

Pas rënies të komunizmit në Shqipëri, të parët që e vizituan atë, ishin bosët e kompanive të naftës. Sipas Ministrisë së Ekonomisë, që nga viti 1990, në Shqipëri kanë ardhur mbi 15 kompani të huaja të cilat kanë harxhuar afërsisht 600 milionë dollarë vetëm për kërkime nafte. Këto kompani kanë pasur harta të shumta për kërkim nafte madje kishin të gatshme edhe studime shqiptare që ishin bëtë nga ish-Agjencia Kombëtare e Hidrokarbureve.

Sot mund të cilësohet si fatkeqësi fakti se vendi importon gati 80 për qind të naftës, ndërkohë që para vitit 1990, Shqipëria ishte një vend eksportues. Banka Botërore ka publikuar një studim për këtë çështje dhe ka vërejtur se në Shqipëri janë kryer shpime në 4 666 puse nafte, nga të cilat 3 123 janë operative, ndërsa 981 të tjera janë mbyllur dhe braktisur. Historia flet se niveli më i lartë i prodhimit të naftës u bë në vitin 1974 me rreth 2,448,227 tonë dhe prodhimi i gazit në vitin 1982 me rreth 937 milion Nm3/vit. Nga viti në vit, numri i puseve ka ardhur në ulje. Njëkohësisht edhe shërbimi ndaj puseve ka rënë ndjeshëm.

Një kërkim i bujshëm nafte u bë nga kompania amerikane Shell Oil dhe Corporex para vitit 1997. Pasi shpenzoi 25 milionë dollarë për kërkime, ajo u dorëzua dhe ngjarjet e 97-ës e larguan atë nga vendi duke ndërprerë kërkimet në mes. Amerikanët e Shell Oil mendonin se në Shqipëri mund të gjenin mbi 800 milionë fuçi nafte.

Aktualisht, kompania kanadeze Bankers Petroleum po nxjerr naftë në zonën e Patoz-Marinxës dhe të gjithë prodhimin po e eksporton. Italia është vendi që po blen më shumë këtë naftë bruto.

Çudia qëndron në faktin se në Shqipëri ka edhe shumë kompani të tjera koncensionare, por ato nuk po veprojnë, me përjashtim të kanadezëve dhe zviceranëve. Ministria e Ekonomisë ka dhënë leje gjatë 18 viteve për dhjetëra kompani amerikane, austriake, kroate, kanadeze, suedeze madje edhe greke.

Kërkime nisën edhe kompani të tjera si ajo amerikane Occidental, OMW, kompania shqiptare AlbPetrol, kompania INA, Premier Oil si dhe Coparex por që në fakt kanë njohur dështim dhe janë larguar nga vendi.


Studimet e reja

Qeveria shqiptare krijoi pak kohë më parë Agjencinë Kombëtare të Burimeve të Reja. Nëpërmjet një ligji të ri, tashmë çdo kompani e huaj që dëshiron të operojë në vendin tonë, e ka më të lehtë. Kjo agjenci po bën edhe studime të reja për zona të tjera për të cilat nuk mendohej se mund të kishin naftë apo gaz. Në këtë agjenci po punohet për përgatitjen e dokumentacioneve përkatëse për zonat e caktuara studimore për t'i dhënë ato me marrëveshje hidrokarbure, sikurse është përcaktuar edhe në ligjin përkatës.

Tashmë ka nisur studimi në mjaft blloqe të lira, kryesisht në gjithë zonën juglindore të vendit. Një tjetër zonë që po studiohet është edhe ajo në rrethet e Vlorës, Gjirokastrës, Delvinës, Sarandës, Lushnjës, Fierit dhe të Mallakastrës.


Optimizmi

Mjaft ekspertë shqiptarë janë shprehur optimistë për rezultat. Vendi ynë është ndër të paktët në rajon që ka rezerva të konsiderueshme nafte. Ekspertët e konsiderojnë këtë si një avantazh krahasues që Shqipëria ka ndaj vendeve të rajonit, shumica e të cilave nuk disponojnë rezerva nafte. Në rast se vendi arrin t’i shfrytëzojë këto burime të zbuluara, do të përfitohen mjaft të ardhura, vendi do të pavarësohet nga energjia si dhe shteti do të fitojë një pozitë tjetër dhe më të fortë politike në rajon.

Ky optimizëm i ekspertëve, veçanërisht të inxhinierëve të naftës dhe gjeologëve shqiptarë, buron nga fakti se në kohët e sotme gjysma e rritjes se rezervave në vendet kryesore prodhuese të naftës, ka ardhur nga rivlerësimi i tyre duke marrë në konsideratë zhvillimet teknologjike, kostot e zhvillimit dhe të gjetjes së rezervave dhe çmimet e tregut.

Rritja e teknologjisë shihet si avantazh. Nga ana tjetër, mjaft ekspertë e shohin këtë vonesë të nxjerrjes së naftës edhe si avantazh. Nafta po shtrenjtohet, burimet në botë parashikohet të pakësohen dhe deri në vitin 2080 pritet që nafta të përfundojë në tokë. Atëherë në këtë situatë, nafta shqiptare do të shitej me çmime tepër të larta. Sondat moderne arrijnë deri në 8 mijë metra, ndoshta më tepër, të depërtojnë në koren e tokës, ndërkohë që studimet flasin se nafta shqiptare ndodhet vetëm 3500 metra poshtë nën tokë. Gjithsesi, hapja e një pusi nafte kërkon afërsisht mbi 20 milionë dollarë shpenzime. Hapja e rezervave të kësaj nafte do të niste një epokë të re për Shqipërinë.


Kompanitë që kanë dështuar

Shell Oil & Corporex
Oçidental
OMË
AlbPetrol
INA
Premier Oil
Coparex


Hartat gjeologjike të Shqipërisë.

Hartat gjeologjike të Shqipërisë kanë filluar të hartohen nga studiues të huaj qysh prej shekullit XIX.

Hartat që përfshijnë gjithë territorin e Shqipërisë, nga shkalla 1:2 000 000 deri në 1:200 000 janë 15, nga të cilat 6 në dorëshkrim, ndërsa të tjerat janë botuar në vende të ndryshme.

Të parët që ndërmorën një studim gjeologjik në Shqipëri ishin dy francezë, natyralisti A. Boue dhe gjeologu A. Vuquesnel që krijuan hartat e para gjeologjike në vitet 1828-1879.

Më pas vitit 1903, shumë gjeologë të tjerë të huaj filluan studimet gjeologjike në territorin e Shqipërisë.

Kështu, A. Marteli gjatë viteve 1903-1912 kreu studime në krahinën e Vlorës dhe rezultat i këtyre ishte një hartë gjeologjike në shkallë 1:200000 botuar në Romë më 1912. F. Nopsca pas studimesh shumë vjeçare botoi në Budapest hartën gjeologjike 1:200000 të Shqipërisë së Veriut.

Gjithashtu, harta gjeologjike të rajoneve të ndryshme të Shqipërisë përpunuan e botuan gjeologe të ndryshëm si Weters, Hammer, Roth, Telegt, Goebel.

E rëndësishme ishte harta 1:200000 botuar nga J. Bourcart në Paris më 1921, titulluar “Harta Gjeologjike e Shqipërisë Juglindore”.

Për herë të parë një hartë e plotë e Shqipërisë u publikua në Salzburg më 1929 nga Ernst Nowack, gjeolog austriak i kontraktuar nga qeveria shqiptare për këtë qëllim. Harta ishte frut i punës së mirëfilltë të Nowack dhe përpunim e korelim i kësaj pune me harta të botuara dhe më parë.

Ne 1943 S. Zuber ka përgatitur, në dorëshkrim, hartën gjeologjike 1:200000 të Shqipërisë.

Më 1950, E.A. Stankeev. Z. A. Mishunina dhe E. A. Ivanova përgatitën hartën gjeologjike të Shqipërisë 1:200.000 për përdorim në industrinë e naftës bashkë me shënimet sqaruese e cila u botua më 1957, në Leningrad në tirazh të kufizuar.

Një grup gjeologësh shqiptarë (T. Biçoku etj.) duke u mbështetur në rilevimet gjeologjike të bëra gjatë 1950-1965 dhe në vrojtimet e punimeve të redaktim revizionimeve të bëra nga grupi gjatë 4 vjetëve (1963-1964), përpiluan dhe botuan, më 1967 në Tiranë, në shqip e frëngjisht, hartën gjeologjike të Shqipërisë në shkallën 1:200000 bashkë me tekstet shpjeguese (1970, 1971).

Pas 19 vjetësh u botua edhe harta e tretë gjeologjike e emërtuar “Harta Gjeologjike e Republikës Popullore Socialiste të Shqipërisë” shkalla 1:200000, hartuar nga një grup gjeologësh (R. Shehu etj.) dhe tekstin shpjegues (1990).

Në vitin 2000 nën koordinimin e A. Xhomos etj. ka përfunduar në dorëshkrim, për ribotim harta gjeologjike 1:200000 e Shqipërisë. Harta u botua në vitin 2002 dhe emërtohet “Harta Gjeologjike e Shqipërisë”. Kjo hartë është frut i bashkëpunimit mes Institutit të Kërkimeve Gjeologjike, Institutit të Naftës dhe Gazit dhe Fakultetit të Gjeologjisë dhe Minierave.

Të gjitha hartat janë shoqëruar me tekste shoqëruese shpjeguese.

Përveç hartave gjeologjike të shkallës 1:200000, janë hartuar edhe harta të shkallëve të ndryshme të cilat kanë mbetur të papublikuara dhe gjenden në Fondin Qendror të Gjeologjisë dhe atë të Instituti të Kërkimeve Gjeologjike. Prej vitit 1997, ka filluar edhe botimi i serisë së hartave gjeologjike në shkallë 1:25000 në bazë të plansheteve topografike (gjithsej 101 planshete). Gjithashtu ka pasur edhe botim të hartave gjeologjike në shkallë 1:50000 të masivëve ultrabazikë Shebenik, Bulqizë e Tropojë të realizuara në vitet ‘90. Gjithashtu, është punuar nga departamenti i Gjeologjisë Krahinore dhe Kartografimit të IKGJ për botimin e hartave ndërkufitare Greqi-Shqipëri, Maqedoni-Shqipëri, Mali i Zi-Shqipëri dhe Kosovë-Shqipëri, në bashkëpunim me Shërbimet Gjeologjike të vendeve respektive.
Botimi i hartave gjeologjike po vazhdon me qëllim që i gjithë informacioni i mbledhur t’i bëhet prezent botës shkencore dhe publikut.
Përveç kësaj, nga Drejtoria e Gjeoinformacionit pranë Shërbimit Gjeologjik Shqiptar, po punohet për dixhitalizimin dhe kalimin në formë elektronike të këtyre hartave duke krijuar harta interaktive shumëqëllimore dixhitale, të cilat nëpërmjet Sistemeve Gjeografike të Informacionit GIS të jenë të gatshme për përdorim online nga përdoruesit periferikë të çdo lloj moshe e profesioni, duke qenë kështu të afta të plotësojnë të gjitha kërkesat që shoqëria shtron para shkencës gjeologjike.
Gjithashtu, janë botuar edhe Harta Hidrogjeologjike, Metalogjenike, Gjeofizike të shkallës 1:200000.


Burimi: Drejtoria e Shërbimit Gjeologjik

Emigrantët: Jo 300 abetare, por shkolla !

Gjuha shqipe, një gjuhë e vdekur, por edhe një sfidë për shtetin shqiptar.

Kryeministri Sali Berisha jo pak herë ka marrë angazhimin në hapjen e shkollave shqipe në Greqi, por deri më sot angazhimi mbetet vetëm një premtim, por me gjithë kërkesat e njëpasnjëshme të komunitetit shqiptar drejtuar edhe ministrit të Arsimit dhe ministrit të Jashtëm nuk ka asnjë përgjigje konkrete.

Qeveria Berisha duhet ta kuptojë se, humbja e gjuhës shqipe tek fëmijët e emigrantëve është një përgjegjësi kombëtare.

Është detyrë e shtetit shqiptar dhe jo një dhuratë politike për zgjidhjen e problemit të mësimit të gjuhës shqipe të fëmijëve në emigracion.
Hapja e shkollave apo të kurseve në gjuhën shqipe në rrugë shtetërore sjell padyshim edhe hapjen e shkollave të tjera kudo, pasi shqiptarët tashmë kanë vite që po emigrojnë në Greqi, Itali, Angli apo Amerikë, por fatkeqësisht gjuhës shqipe i është lënë spontanitetit dhe kontributit individual vullnetar, rutinës dhe premtimeve. Fjalëve të shumta nga ana e politikës shqiptare, si dhe të disa kurseve dhe asgjë më shumë.
Në gjithë diasporën emigrantët të vetëm e të përbuzur me mundësitë që u jepet, bëjnë të pamundurën për mësimin e gjuhës shqipe. Kjo në mënyrë vullnetare nuk do të ishte një zgjidhje e plotë pa kontributin e shtetit shqiptar, që vazhdon akoma të ëndërrojë se kjo zgjidhje mund të bëhet nga dikush tjetër. Mendimi i gabuar se shteti e mbaron detyrimin e tij kundrejt dhënies falas të 300 abetareve për komunitetin shqiptar në Greqi, tregon qartë indiferentizmin në këtë drejtim.
Po kush mund ta zgjidhë më mirë këtë problem se sa vetë shteti? Cila është kostoja e politikës shqiptare që ngurron për të firmosur marrëveshjen me Greqinë ? Gjithsesi, është e pajustifikueshme vonesa e tejzgjatur e ministrive tona të Arsimit e të Jashtme, për të kërkuar nga qeveritë e vendeve ku kemi një numër masiv emigrantësh shqiptarë.
Greqia, si çdo vend tjetër i BE-së, e ka për detyrë të krijojë kushtet për të mundësuar mësimin e gjuhës shqipe për fëmijët e emigrantëve shqiptarë. Nga ana tjetër “Qeveria Berisha" s’ka bërë asgjë, ndërsa mburret se po i fryn financat nga viti në vit, megjithëse ka premtuar se do të realizojë hapjen e shkollave shqipe jashtë vendit tonë.
Synimi është që shteti dhe shoqëria të shqetësohen dhe të bashkohen sot, për ta ngadalësuar e kufizuar sa më shumë që të jetë e mundur këtë hemorragji kombëtare, sepse nesër do të jetë shumë vonë. Për këtë shqetësim shteti duhet te ndërgjegjësohet për interes të kombit.
Edhe pse mungon dëshira dhe mbështetja zyrtare e qeveritare nga të dy anët e kufirit, edhe pse idetë dhe nismat për këtë qëllim keqinterpretohen e sulmohen, nga lart e nga poshtë, me paragjykime dhe veprime paralizuese dhe ndëshkuese, përsëri nuk kanë munguar lëvizjet sfiduese. Janë emigrantët që marrin vetë iniciativa dhe vënë përpara shtetin që të bëjë detyrën që i takon. Kështu me punë vullnetare është bërë e mundur që sistemi i shkollave plotësuese në gjuhën shqipe pati shtrirje më të gjerë në disa qytete të mëdha në Gjermani, Zvicër, Belgjikë, Austri, Suedi, Finlandë, Francë, SHBA, Australi etj.
Problemi i mësimit të gjuhës shqipe për fëmijët e emigranteve është prekur jo pak herë, kjo më shumë bën fjalë për shtetin fqinjë helenë. Ky vend nga ana e tij e ka zgjidhur këtë problem këtu e 30 vite më parë, duke filluar nga Evropa, Afrika, Azia e deri në Alaskë. Asnjëherë nuk e pa mësimin e gjuhës greke në diasporë si një zgjidhje të “kontributit vullnetar” apo si një biznes, siç pretendon një pjesë e politikës shqiptare. Në Greqi funksionojnë shkolla të ciklit të ulët dhe të mesëm nga vendet e Polonisë, Bullgarisë, nga vendet aziatike dhe ato afrikane, arabe, etj. Këto shkolla nuk janë ngritur me kontribut vullnetar, por janë hapur me rrugë ligjore nga vetë shtetet e tyre përkatëse. Ambasada shqiptare 3-4 vitet e fundit është mjaftuar vetëm me shpërndarjen e 300 abetareve të dhëna nga MASH, si dhe nga z. Fatmir Toçi. Por a mjafton kjo?

Ndiqet penalisht sepse përkrahu gjuhën shqipe.

Një fjalë e urtë na mëson se: “Çelësi i burgut i popujve të robëruar është gjuha”, si dhe “Çdo gjuhë është një dritare për ta parë dhe njohur më mirë jetën”. Por? Ish drejtoresha e shkollës fillore nr. 132 në Athinë znj.Stela Protonotariu ndiqet penalisht sepse përkrahu mësimin e gjuhës shqipe, ku në këtë shkollë fëmijët e huaj përbënin 75 për qind të numrit të përgjithshëm. Një veprim racist që pa dyshim diskriminon edhe fëmijët shqiptar në mësimin e gjuhës amtare. Jepet një dënim para syve të fëmijëve të dëshpëruar dhe të indinjuar. Një realitet që indinjon çdo njeri të epokës së sotme, përball një sistemit mesjetar. Një realitet që ndodh në vendin fqinjë, në djepin ku lindi demokracia, arti dhe kultura. Një realitet që tregon shumë e që lë për të dëshiruar, kur mëson se një drejtoreshë shkolle ndiqet penalisht në një vend të BE, pasi krimi që kishte bërë ishte se pas mësimit u kishte dhënë klasa fëmijëve të emigrantëve shqiptarë të mësonin gjuhën e tyre. Veprimi i saj human dhe njerëzor u ndesh përball sistemit të sotëm të shtetit grek, që e pushon nga puna dhe e penalizon para organit të drejtësisë. Sot kjo mësuese apo nënë, paguan ndershmërinë dhe dinjitetin e saj përball shovinizmit. Ishte një krim që duhej dënuar, apo një vlerësim që duhej dhënë nga qeveria greke. Ky fenomen tregon qartë se Greqia nuk është e gatshme për një shkollë shumëkulturshe, por është e gatshme vetëm për një shkollë nacionale, për një shoqëri të ndarë në shtresa. Penalizimi i drejtoreshës tregon edhe një herë se në politikën vendase sundon nacionalizmi dhe shovinizmi i tepruar grek. Tregoi se mësimi shumë kulturor mund të mësohet dhe mbetet vetëm në letër vetëm me anën e ligjit nr. 2413 të 1996, ku bën fjalë për dhënie ambientesh dhe mikpritjen e mësimit të gjuhës. Gjithashtu parashikimet e ligjit për mësimin e gjuhës amtare për fëmijët e emigrantëve mbeten vetëm teori dhe premtime, kur asnjëherë nuk u zbatuan. Nga ana tjetër, Greqia, ashtu si çdo vend tjetër i Bashkimit Evropian, e ka për detyrë të krijojë kushtet për të mundësuar mësimin e gjuhës shqipe për fëmijët e qytetarëve shqiptarë. Shteti shqiptar sot më shumë se kurrë, duhet te ndërgjegjësohet për interes të kombit. Kërkesat për mësimin e gjuhës shqipe janë edhe për fëmijët që jetojnë në Itali dhe Angli.
Emigrantët, në përgjithësi, gjetën në këtë vend një popull me një arsimim më të ulët se vetë ata, si dhe një vend tepër fanatik të besimit fetar, ku një grek i vërtetë është vetëm ai i fesë së besimit ortodoks dhe askush tjetër. Ky nivel i ulët arsimor luajti një rol të rëndësishëm në mbarë politikën greke. Izolimi nga mësimi i gjuhës shqipe bën një gabim taktik e politik të rëndë, që në thelb dëmton fëmijët e një kombi të huaj që të integrohen normalisht në jetën shoqërore të vendit pritës.

Rilindësit e sotëm në emigracion

Komuniteti shqiptar në Greqi prej shumë vitesh nga politika shqiptare shkolla dëgjon dhe shkolla nuk po shikon. Por, atë qe nuk bën shteti e bëjnë rilindësit e rinj në emigracion. Janë disa shoqata që prej vitesh bëjnë të pamundurën në të mundur, pasi gjatë këtyre viteve shteti shqiptar ka qenë prezencë vetëm në premtime boshe. Mungesa e tij në këtë drejtim ka dhënë shembullin më të keq në krahasim me komunitetet e tjera, edhe pse komuniteti shqiptar përbën 65.4% të gjithë emigracionit në Greqi, ai mbetet bishti i emigracionit në këtë vend. Për nëntë vjet radhazi Shoqata “Iliria” në Volos ka hapur falas kurse për mësimin e gjuhës shqipe, ndërsa në Athinë për mësimin plotësues të gjuhës shqipe kanë filluar në 7 mars të 1998 nga z. Jovan Mëhilli. Në këtë kohë rreth 2 mijë fëmijë shqiptarë nuk shkonin në shkolla. Këmbëngulja e këtij rilindësi bëri që gjerat të marrin rrugën e duhur për momentit. Pati reagime nga komuniteti shqiptar, ku më pas shteti ynë detyrohet të nënshkruajë një marrëveshje nga ish ministri Et’hem Ruka, ku Ministria e arsimit të Greqisë do të bënte përpjekje dhe të krijonte mundësi fëmijëve tanë që mbas mësimit në shkollat greke, të mësoni gjuhën shqipe. Por kjo marrëveshje mbeti e tillë vetëm në dosjet e ministrive përkatëse, pasi më pas asgjë nuk u bë. Dihet që Greqia me anën e dikasterit përkatës ka bërë të mundur hapjen e një numri të madh të shkollave greke, ndërsa për mësimin e gjuhës shqipe sipas marrëveshjes duket qartë se nuk ka më asnjë angazhim. Por, atje ku ka jetë ka dhe shpresa, por ka edhe. Përfaqësia e shtetit ka qëndruar më pas nga iniciativat e emigrantëve, pasi edhe diplomati kulturor (si ndonjë militant partie apo biznesmen) nuk kishte ndonjë kulturë të veçantë në këtë drejtim, përball punës së dobishme vullnetare të 136 mësuesve dhe 68 mijë nxënësve shqiptarë, që “shkolla dëgjojnë dhe shkolla nuk shikojnë”. E drejta e fëmijëve të emigrantëve shqiptarë për të mësuar gjuhën amtare, ndikon tek disa politikanë greke dhe shqiptarë që të reagojnë në mënyra të papëlqyera. Deri më sot askush nuk përgjigjet haptazi. Përse fëmijët tanë nuk kanë të drejtë të mësojnë gjuhën e vendit të tyre? Shteti grek ende nuk premton për ngritjen e shkollave shqiptare pasi këtë e sheh si një të pamundur nga ana politike, pasi kjo ka një lidhje të pamohueshme me të kaluarën. Historia e këtij vendi ka në rrënjët e saj edhe kontributin e arvanitasve. Dihet që, kurrë një popull nuk mbijeton në rast se humbet gjuhën e tij, por kjo mund të ndodh në Greqi në një kohë që vazhdojmë ta lëmë në harresë këtë problem aq delikat për Kombin tone. Nëse shqiptarët shkollohen në gjuhën e tyre patjetër do ndikojnë dhe në rritjen e nivelit shoqëror, ku do ta mbështesin më mirë shtetin grek, sepse interesat shtetërore do të jenë edhe interesat e tyre, sepse siguria dhe ardhmëria e një shteti bazohet në mbështetjen dashamirëse të qytetarëve të vetë dhe jo në bindjen e verbër të tyre dhe në nënshtrimin e tyre ndaj shtetit. Ky i fundit kur funksionon në mënyrë të drejtë për të gjithë qytetarët e vet, nuk duhet të ketë frikë ndërmjet grekëve dhe shqiptarëve, por, nëse nuk ka barazi, atëherë mund të ndodhin më të këqijat, ku këto duhet t’i parandalojnë drejtuesit politikë, duke u kujdesur që shteti të funksionojë në rregull pa dallim feje dhe kombësie. Grekërit janë shumë patriotë dhe fanatikë të mëdhenj ndaj gjuhës së tyre, por janë edhe shumë konservatorë në futjen e fjalëve të huaja. Organizimi i kurseve për mësimin e gjuhës shqipe, kërkon mbi të gjitha mirëkuptimin e gjithsecilit prind, familje, individ etj. Një mirëkuptim që kërkohet gjithandej. Problemi nuk është vetëm shoqëror, por është mbarë kombëtar.

Marrëveshjet dhe premtimet

Në 2007, Presidenti Topi kërkoi nga parlamentarët grekë që shteti helen të lehtësojë procedurat për emigrantët shqiptarë me hapjen e shkollave shqipe për fëmijët shqiptarë.
Nëntor 1998, nënshkruhet një akt-marrëveshje ndërmjet dy ministrive përkatëse të Greqisë dhe Shqipërisë, ku përfshin mësimin e gjuhës shqipe.
Janar 2001, ish-kryeministri Ilir Meta u premton emigrantëve 300 abetare dhe asgjë më shumë.
Më 2004, ish-ministri Luan Memushi justifikohet se për shkollat shqipe në diasporë shteti ynë nuk ka fuqi financiare për të investuar njëlloj si vendet e tjera.
Më 2005, ish-ministri i Arsimit Genc Pollo pat theksuar se:“Fëmijët e emigrantëve shqiptarë në Greqi do të kenë mundësi të mësojnë në gjuhën shqipe. Jemi në tratativa për të krijuar mundësinë e hapjes së shkollave shqipe aty ku përqendrimi i shqiptarëve është më i madh, si Athina, Selaniku, Volo Patra etj. Synimi është që shkollat që çelen në vitin 2006. Kjo pagesë duhet bërë nga buxheti i vendit ku derdhin taksat emigrantët. Ne synojmë që këto shkolla të jenë publike, pra të paguhen nga buxheti ku derdhin taksa edhe emigrantët. Ne kemi mundësi që të ofrojmë tekste. Ne librat e arsimit të detyrueshëm në Shqipëri i japim falas. Edhe komunitetet e emigrantëve, ku në disa vende janë të mirorganizuar, mund të kontribuojnë, por ndonjëherë kanë nevojë për koordinim, kërkojnë ndihmën e shtetit”.
Opozita mundohet të bëjë opozitë në kurriz të këtij problemi, duke harruar se edhe kjo pat qenë në qeverisje para 5 vjetësh.
Më 2006, ish-kryebashkiak i Athinës Dora Bakojanis në një takim me përfaqësues emigrantësh pat deklaruar se :
"Askush nuk ju ndalon të hapni shkolla shqiptare në Greqi. Duhet që vetë shteti juaj të ketë një interes në këtë drejtim. Ne ju ndihmojmë me ambientet (shkolla), ndërsa ju duhet të siguroni librat dhe mësuesit".

Maj 2008, ish-ministri i Jashtëm Lulëzim Basha u ka premtuar më 7 maj se, emigrantëve shqiptarë në Greqi se do të kenë mbështetje nga qeveria. Duke takuar përfaqësues të tyre në Tiranë, Basha theksoi se qeveria pret që të arrijë së shpejti një marrëveshje me autoritetet e Athinës lidhur me sigurimin shoqëror dhe pensionet për emigrantët shqiptarë në Greqi. Përparësi të tjera janë mësimi i gjuhës shqipe në shkollat anembanë Greqisë dhe liberalizimi i vizave.
Shtator të 2008, ambasadori Vili Minarolli gjatë një interviste pat theksuar ka deklaruar se: Nga kjo eksperiencë trevjeçare dhe duke jetuar çdo çast me dëshirën për ta futur problemin në rrugën e zgjidhjes, mund të them që në radhën e faktorëve që e kanë penguar vënien në rrugën e zgjidhjes të këtij problemi, faktori politik duhej të zinte vendin e fundit. MASH-i duhet të ndihmojë me librat e shkollës dhe me bazë materiale të domosdoshme për mësimdhënien, mundësisht falas, të ndërtojë programe të integruara për këto kurse.

Dade: Berisha të kërkojë hapjen e shkollave shqipe në Greqi

Ish-ministrja e Jashtme në qeverisjen socialiste, Arta Dade, nëpërmjet gazetës “Shqip” i ka kërkuar kryeministrit Berisha hapjen e shkollave shqipe në Greqi, duke zbuluar se në qeveri ka mbërritur një letër nga një grup arsimtarësh shqiptarë, emigrantë që informojnë për gjendjen aktuale dhe kërkojnë nga autoritetet shqiptarë që të ndërhyjnë. Të mbështesë hapjen e shkollave dhe kurseve të gjuhës shqipe, duke inkurajuar këta mësues që edhe vullnetarisht kanë qenë gati t‘u mësojnë fëmijëve gjuhën shqipe. Është për të ardhur keq që fëmijët e emigrantëve e kanë vështirë të flasin gjuhën shqipe. Nuk është faji i fëmijëve, por i shtetit shqiptar që në Greqi nuk krijon dhe zbaton qofshin edhe marrëveshje që kemi pasur me palën greke. I takon shtetit shqiptar që të krijojë kushtet që fëmijët atje të mësojnë gjuhën

Shkollat dhe kurset e mësimit në gjuhës shqipe

Athinë, Shkolla Shqiptare e Athinës, Rruga Feron nr.15, kati 3. Tel. 2105203179 – Cel. 693 7187695.
E-mail: info@bestxpert.com dhe shkolla.shqiptare@gamil.com
Selanik, Shoqata Shqiptarët e Selanikut
Dashmir Zace, në internet: shoq_nene_tereza@yahoo.com - 6972 466 475 dhe Mimoza Demollari në internet: demolbar@yahoo.gr - 6944 05 44 61
Nea Redhesto të bashkisë së Thermit, në Selanik
Korinth, Marinela Duri + 3027480523 në internet: mduri@atenet.gr – Korinth - +3027480523
Volos, shoqata Iliria, Esmeralda Kasaj – 6944102400 dhe 6945823586; Zëri i emigrantit në Radio me valë 1431 AM, emision në gjuhën shqipe, çdo të Μartë ora 19:00, në internet: www.1431am.org
Në Kretë, Shoqata Shqiptare me z. Astrit Jolla ka bërë të mundur që të hapë katër kurse.

Tirana Observer

Të merren masa ndaj Bollanos, po punon kundër interesave kombëtare

Historiani Sabri Godo ka kërkuar që ndaj kreut të Bashkisë së Himarës Vasil Bollano të merren masat, pasi fantazia e tij nuk po njeh kufij.

Republikani theksoi se Bollano me fantazinë e tij të tepruar po punon kundër interesave kombëtare, sepse Himara ka qenë e përbërë nga popullsi e pastër shqiptare që në fillimet e historisë. Deklarata të tilla të Godos vijnë pas asaj të kreut të Bashkisë së Himarës Vasil Bollano se grekët në Shqipëri kanë përbërë 3/5 e popullsisë në jug të vendit.

“Fantazia e Vasil Bollanos nuk po njeh kufij”, theksoi Godo, ndërsa renditi argumentet që kundërshtojnë pretendimet e Bollanos, duke ju referuar të shkuarës. Godo thekson nevojën e marrjes së masave ndaj Bollanos, që sipas tij është një zyrtar i administratës shqiptare dhe punon kundër interesave kombëtare të vendit. Faktin që Bollano pretendon se jugu i Shqipërisë është grek, Bollano e lidh me domethënien e fjalës epir, që do të thotë pakufi. Sipas Godos, kjo e bën Bollanon të mendojë se popullsia greke shtrihet në pafundësi. “Himara që kur është krijuar historia e deri më sot ka qenë një krahinë e pastër shqiptare. Bollano kërkon tani, që jo vetëm Himarën ta shpallë tokë greke, por në një mënyrë të habitshme synon një shtrirje të pakufi. Ndoshta niset nga ajo që ‘Epir’, me sa di unë, në greqisht do të thotë pafundësi dhe z. Bollano me fantazinë e tij tani nuk njeh më asnjë kufi”, nënvizoi Godo.

Ndërkaq ndaj deklaratës së Bollanos kanë reaguar edhe punonjësit shkencorë të historisë dhe arkeologjisë në qytetin e Durrësit, për të cilin kryetari i bashkisë së Himarës deklaroi dje se “Durrësi është themeluar nga grekët në shekullin e 7 para Krishtit”. Dr. Adrian Anastasi, shef i sektorit të arkeologjisë nënujore në Institutin e Arkeologjisë, thotë, “Thëniet e Bollanos janë qesharake dhe nuk duhen marrë në konsideratë, pasi historia është një shkencë që e bëjnë studiuesit. Historiografia botërore e ka thënë prej kohësh fjalën e vet për qytetin e Durrësit, i cili banohej që prej tre mijëvjeçarësh nga ilirët taulantë”.

Bollano deklarata të tilla nuk i bën për herë të parë, pasi mbi të qëndrojnë disa akuza ndër të tjera edhe ajo për heqjen e tabelave shqip të sinjalistikës rrugore. Sipas hetimeve nga prokuroria e Vlorës, Bollano ka dhënë leje ndërtimi në favor të personave jo pronarë të tokës, ka dhënë leje ndërtimi në zonat turistike duke shkelur kompetencat e Këshillit të Rregullimit të Territorit, ka dhënë leje ndërtimi në kundërshtim me procesverbalet e bashkisë, ka dhënë leje ndërtimi në kundërshtim me ligjin për urbanistikën si dhe ka dhënë leje për shesh ndërtimi në zona jashtë vijës së verdhë të qytetit të Himarës.

Ndërkohë vetëm pak javë më parë Gjykata e Vlorës e shpalli fajtor kryebashkiakun e Himarës pas akuzimit që i bëri prokuroria, se Bollano hoqi tabelat shqip në rrugën Qeparo-Llogara. Bollano u dënua me 6 muaj burg, 5 milionë lekë të vjetra gjobë si dhe i hiqet për 3 vjet e drejta e funksioneve publike.

Tirana Observer

Moratoriumi i skafeve, Berisha: Zgjasim afatin e ndalimit edhe 3 vjet

Duke e argumentuar me vijimin e luftës kundër trafiqeve dhe mafies, Berisha ka vendosur sot në mbledhjen e qeverisë të zgjasë edhe tre vite të tjera moratoriumin e mjeteve lundruese.

"Këto mjete të vogla dhe të shpejta lundrimi nuk kanë asgjë të përbashkët me turizmin, por janë tërësisht industri e mafies dhe trafiqeve, ndaj dhe si një dëshmi e vullnetit të hekurt të kësaj mazhorance, për t'i dhënë përgjigjen më të mirë, për të parandaluar krimin dhe mafien ne zgjasim edhe tre vjet të tjera dhe vazhdimisht deri sa të jemi në pushtet këtë moratorium"- tha Berisha.

Sipas tij, zbatimi i moratoriumit ka pasur efekte jashtëzakonisht pozitive, pasi gjatë këtyre katër viteve fatmirësisht nuk janë shënuar viktima në Otranto dhe brigjet e tjera të vendit, "Ndërkohë që para moratoriumit, vetëm të regjistruar janë 420 burra, gra, fëmijë, të cilët kanë humbur jetën në thellësitë e ujërave të ftohta të Jonit apo të Adriatikut"- ka thënë ai.

Më tej Berisha ka deklaruar se 'famëzezat skafe mbetën vetëm për trafiqe kriminale, ndaj dhe ujërat tona do të jenë të pastra prej tyre. Mendoj se është një masë adekuate, shumë e përshtatshme në betejën e shpallur në luftën me zero tolerancë ndaj mafies".

Shekulli

Më krijohet ideja e gabuar që po godasim samarin në vend të gomarit...

Nga paaftësia e forcave tona ushtarake apo policore për të ndaluar këtë trafik, ndalojmë skafet dhe gomonet, që nuk shërbejnë vetëm për trafikim.

Do ishte njësoj sikur të ndalonim syzet e zeza, sepse kështu policia nuk njeh kriminelin, makinat e mbuluara sepse mund të fshehin armë, drogë, klandestinë etj.

Nuk mund të pranojmë që paaftësia e shtetit shqiptar të dënojë edhe më tepër turizmin apo peshkimin. Si mund të vizitojmë psh. Shpellën e Piratëve, apo plazhe të virgjëra turistike në jugun e vendit tonë ?

Nëse Shqipëria është në prag të liberalizimit të vizave me BE, ky moratorium shkel të drejtat e qytetarëve shqiptarë. Kush nga shtetet e BE-së ka marrë ndonjëherë një masë të tillë për të justifikuar paaftësinë e forcave të saj ? (Stop.Injorancës)

Rrëfimi i amerikanes lezbike: Tre vitet e mia në Tiranë

Ka ardhur në Tiranë nga Amerika dhe nuk e ka aspak problem të deklarojë se është ... lesbike.


Madje, realiteti shqiptar në lidhje me minoritetet seksuale e ka habitur atë. Në fillimet e saj nuk do të gjente asnjë person homoseksual, ndonëse e dinte shumë mirë se kishte edhe ne Tirane njerëz të këtij komuniteti. Eshte antropologia amerikane, Mindy Michels.

Ajo na tregoi dje një pjesë të historisë së saj, në ditën e dytë të debatit për të Drejtat e Njeriut në Shqipëri organizuar me mbështetje të Ambasadës së Mbretërisë së Vendeve të Ulëta në Shqipëri dhe Qendrës për Mbrojtjen e të Drejtave të Fëmijëve në Shqipëri (CRCA).


Mindy, tashmë, është një aktiviste për shoqërinë dhe komunitetin e lesbikeve, homoseksualëve, biseksualëve dhe transgjinorëve në Shqipëri.
*****
Kur partnerja ime dhe unë erdhëm për herë të parë në Shqipëri, (para 3 vitesh) ne na kishin thënë shumë persona: "nuk ka homoseksual në Shqipëri". Unë e dija që kjo nuk mund të ishte e vërtetë, po për dy vitet e para që jetuam në Shqipëri nuk gjeta asnjë komunitet homoseksual.
Gjithsesi, në vitin e fundit jo vetëm që njoha shumë persona homoseksual në Shqipëri, por, gjithashtu, pata fatin e mirë që të punoja me shumë aktivistë homoseksual dhe heteroseksual, të cilat janë duke punuar për të krijuar një komunitet dhe një shoqëri gjithe perfshirese.

Unë deklarova se jam lesbike. Duhet të pranoj se nuk na penguan këtu në Shqipëri dhe kjo, mbase, ngaqë e dinin që ishim të huaja, por fillimisht e kisha shumë të vështirë të lidhesha me këtë komunitet, pasi ata ishin të fshehtë dhe ishte vështirë t'i gjeja. Shkova në ambasadën Amerikane në Shqipëri dhe ambasadori John Ëithers më tha se këtu nuk ka asnjë organizatë të deklaruar për minoritetet seksuale.
Ajo që kam parë dhe ndier tani për tani është se sa e frikshme është të deklarohen ndaj dhe fshihen. Një lesbike këtu më tha pak kohë më parë se lesbikja e fundit që kishte parë ishte vetja e saj në pasqyrë.
Ka shumë pak studime të disponueshme për lesbiket, homoseksualët, biseksualët dhe transgjinorët shqiptarë dhe gjithashtu shumë pak studime në lidhje me qëndrimin e shoqërisë dhe situatën për LGBT shqiptarë.
Pavarësisht kësaj është shumë e qartë që ka një izolim dhe diskriminim të zgjeruar shoqëror në lidhje me këtë çështje. Nuk ka shërbime shoqërore, nuk ka rregulla, nuk ka vende të sigurta për t'u takuar, nuk ka mbështetje nga qeveria dhe ka shumë pak organizata shoqërore civile që përfshijnë problemet LGBT në misionin e tyre.
Shumë nga LGBT shqiptarë ndihen të izoluar dhe shumë prej tyre ndihen të diskriminuar, shumë prej tyre kanë frikë nga diskriminimi që ata dhe familja e tyre do të përballen, nëse ata do të dalin hapur për orientimin e tyre seksual.
Disa njerëz që njoh janë larguar nga Shqipëria ose po mundohen të ikin se ata e ndjejnë se nuk mund të kenë një jetë këtu. Disa të tjera kanë dashur të kryejnë vetëvrasje, sepse nuk kanë menduar që nuk do të pranoheshin kurrë.
Në të njëjtën kohë ka shumë homoseksualë dhe heteroseksualë që po punojnë për të ndryshuar këtë situatë për personat LGBT në Shqipëri. Unë jam jashtëzakonisht e frymëzuar nga pasioni, entuziazmi dhe angazhimi i këtyre njerëzve që janë duke punuar për të ndërtuar komunitetin, për të ndërtuar vizibilitetin dhe për të krijuar ndryshimin.
Ata janë shumë të emocionuar, ata janë duke kuptuar se janë më të fortë kur janë së bashku dhe po punojnë për një qëllim të përbashkët. Dhe më e rëndësishmja është se ata janë pjesë aktiviteteve për ndërtimin e këtij komuniteti, nuk janë më vetëm dhe nuk ndihen më të izoluar dhe të pashpresë.

Një grup i quajtur Aleanca Kundër Diskriminimit të LGBT filloi punën në prill të vitit 2009, kur një grup aktivistësh hapën një grup në facebook. Në më pak se një muaj, grupi i facebook u shtua me 500 anëtarë, ku pjesa më e madhe ishin shqiptarë. Pjesëtarët e këtij grupi janë homoseksualë dhe heteroseksualë, ku të gjithë shprehin idenë se duhet të jetojnë të lirë, pavarësisht orientimit të tyre seksual.

Programet e Aleancës drejtohen të gjitha nga vullnetarë dhe rrotullohen përreth 3 degëve që trajtojnë ndërtimin dhe autorizimin e komunitetit, edukimin publik dhe krijimin e vizibilitetit për çështjet e lesbikeve.

Shekulli

Pas një kërkimi të vogël këtu në Facebook, vura re që ekzistojnë disa faqe shqiptare homoseksualësh, disa madje duke tentuar të shfaqin emrat e tyre real...

Lidhje :

-http://www.facebook.com/search/?q=aleanca+kunder+diskriminimit&init=quick#/group.php?gid=67626763334&ref=search&sid=1547282996.3786790644..1

- http://www.facebook.com/group.php?gid=150180709132&ref=search&sid=1547282996.3508488295..1#/group.php?v=wall&ref=search&gid=150180709132

- http://www.facebook.com/group.php?gid=82626883363&ref=search&sid=1547282996.3508488295..1

- http://www.facebook.com/group.php?gid=191514199131

- http://www.facebook.com/group.php?gid=85088358928

- http://www.facebook.com/group.php?gid=2228874854

- http://www.facebook.com/group.php?gid=2209807493

Ftesë për refleksion

Problemet tek shumë prej nesh fillojnë pikërisht me nënvlerësimin e thjeshtësisë. Ne kemi një tendencë për të komplikuar jetët tona, duke harruar ç'është e rëndësishme dhe çfarë nuk është. Priremi të bëjmë lëvizjet e gabuara dhe për ti parë ato si arritje.

Priremi të përqëndrohemi tek aktivitetet ... dhe jo tek arritjet.

Dhe ashtu si ritmi i jetës vazhdon të garojë përgjatë botës së jashtme, ne harrojmë që e kemi fuqinë për të drejtuar jetët tona, pavarësisht asaj që ndodh, jashtë nesh. ~Robert Stuberg~

Feja, ideologji antikombëtare !

Pasojat e produkteve fetare

- Semitizimi (arabizimi dhe çifutizimi) i kulturës (letërsisë, artit, muzikës, shkencës) dhe çdo pikëpamjeje të kulturës e qytetërimit
- Vrasja e arsyetimit, zhdukja e mendimit kritik, idiotizimi afatgjatë i intelektit
- Përjetësimi dhe infektimi i kombit me frikën nga vdekja
- Tregtimi masiv i fesë si bar qetësues për të shqetësuarit
- Tregtimi i fesë si produkt konsumi për të cekëtit
- Shfrytëzim përjashtues i energjive që përndryshe do të ishin përdorur për kombin

Feja shërben pikë së pari për semitizimin e vazhdueshëm dhe të kontrolluar të veprimtarisë mendore, e për pasojë krijuese, të subjekteve të saj. Një "shqiptar fetar", me detyrim të dyanshëm, është ose fetar, ose shqiptar, pasi fetë semite bien ndesh ballazi me kombin, së pari si njësi identifikimi, së dyti si njësi kulturoro-shoqëroro-qytetëruese, së treti si mënyra jetese.

Togjet "shqiptar mysliman" apo "shqiptar kristian" janë kundërthënëse, nuk kanë kuptim.

Nën fe krejt kultura dhe veprimtaria kombëtare ashtu si dhe arsyetimi i subjekteve kalojnë përmes filtrit të plotfuqishëm fetar. Historia, artet, shkencat riinterpretohen rigorozisht sipas këtij filtri duke humbur krejt lidhjen me realitetin dhe duke iu përshtatur doktrinave semite. Personazhet mitologjike arabo-çifute dhe shprehje kulturore të lindura prej kësaj mitologjie zënë vend në jetën e përditshme duke infektuar botëkuptimin, mënyrën e shprehjes e vetë fjalorin, deri tek emrat identifikues të individëve. Çdo referim për standarde e vlera caktohet në figura arabo-çifute, çdo model për rritjen dhe edukimin e subjekteve vilet prej bëmave të shkretëtirës dhe për pasojë tërë procesi i mendimit, arsyetimit e krijimtarisë ka për bazë këto standarde, ka për udhërrëfyes këto standarde dhe mbrohet e identifikohet kudo me këto standarde duke mënjanuar, zbehur, zhdukur dhe vartësuar kombin në shërbim të fesë. Muzika, letërsia, filozofia fetarizohen, arabizohen e çifutizohen duke identifikuar tashmë një subjekt arab apo një subjekt çifut dhe jo një shqiptar.

Përveç asimilimit të trurit kombëtar hapi i parë është aktualisht asimilimi i aftësisë arsyetuese, duke çuar në idiotizimin dhe handikapatizimin e vazhdueshëm të individëve e për rrjedhojë dhe të kombit, për të prodhuar bagëti të bindur ndaj autoritetesh të pamerituara ideologjike, morale, etike, shoqërore e shkencore të vetëshpallura, si kleri dhe institucioni gërryes që këta përfaqësojnë. Çdo mendim apo pohim fiton vërtetësi duke marrë për bazë "autoritetin" dhe jo vërtetësinë, vëzhgimin, arsyen, faktin a përvojën. Njeriu nxitet të besojë gjithçka që i thuhet dhe të mos arsyetojë, duke asgjësuar krejt aftësinë e mendimit kritik, pasi e vërteta, krejt e vërteta, ndodhet në librat e shkretëtirës në Mekë dhe në Jeruzalem e nuk ka nevojë për mendjen, arsyen, apo realitetin a natyrën. Paaftësia mendore, pezullimi i trurit, promovohet dhe përpallet si virtyt duke synuar dhe marrë fëmijët që të vegjël dhe duke i indoktrinuar në këtë mënyrë (mos)mendimi e duke sjellë kështu afatgjatë, sipas ligjeve të natyrës, degradimin e vazhdueshëm të intelektit në popullsinë e prekur.

Sakaq funksioni më i rëndomtë të cilin feja rëndom thirret të adresojë dhe mbi të cilin mbështetet më fort se kudo, duke zbatuar më tej "të mirat" e tjera të saj, është frika e subjekteve të caktuara nga vdekja. Ajo që nuk kuptohet prej mendjeve naive është se zgjidhja këtu nuk është përrallëzimi dhe përgjumja e kësaj frike me narkotikë si feja, por stërvitja agresive mendore me disiplina arsyetimi apo disiplina ideologjike kombëtare të provuara e zbatuara historikisht, ku të paktën këtyre maleve vdekja shihet si një formë e jetës dhe në asnjë rast nuk pranohet këndvështrimi i përbuzshëm frikac dualist i shkretëtirës, i cili zbut frikën e dhimbjet e kësaj me shpikje realitetesh fiktive (njësoj si në raste individësh patologjikë, por për fat të keq me zbatim masiv). Feja nuk e zgjidh frikën ndaj vdekjes, ajo e përjetëson këtë frikë aty ku e gjen, e zgjeron dhe e zhvillon më tej; përjetëson vazhdueshëm trembjen e subjektit, sepse nëse synohet dhe arrihet shpërbërja e kësaj frike nga vdekja, atëherë feja nuk do të ishte e nevojshme për pjesën dërrmuese të subjekteve. Në një shoqëri ku hasen njerëz të mbyllur pas katër muresh betoni nuk janë të pakta rastet që kjo frikë të lindë, duke qenë se subjekti ka shkëputje të plotë me realitetin natyror dhe e zëvendëson atë (ose ia imponojnë në fëmijëri kur nuk ka ende aftësi arsyetimi kritik) me norma pseudosociale dhe teori letrare. Feja pikërisht duke buruar prej një industrie të veçantë në pazarin e konsumerizmit, ofrohet si produkt që lehtëson këto dhimbje të modernizmit qytetës dhe stoqesh të caktuara gjenetike frikacësh, por që duke synuar mendimet e subjektit i uzurpon vetë botëkuptimin. Çështja që shtrohet për këtë kategori është: "Të marr fe të lehtësoj frikën nga vdekja duke mbetur prore një frikac i varur prej fesë dhe i natyralizuar si bartës kulture aziatike, apo të bëj kontakt me realitetin dhe natyrën dhe të ndjek disiplinat mendore dhe pse jo dhe ato kombëtare?"

Feja, jo rrallë, shërben gjithashtu si një kinkalerizëm më shumë, si një veshje më shumë për një kategori tjetër njerëzish që nuk kanë identitet të tyrin dhe që duke grumbulluar veshje majtas e djathtas në formën e tabelave përpiqen të identifikohen me anën e këtyre, duke mbetur në të gjitha rastet hipokritë. Shprehje të tilla si "Unë jam mysliman", megjithëse as nuk ke dëshmuar shehadetin e as nuk ndjek ndonjë rregull të myslimanizmit, apo "Unë jam kristian" megjithëse as nuk je pagëzuar kurrkund e as nuk ndjek ndonjë rregull të kristianizmit, përkthehen në "Jam një copë sylesh që hiqem fetar për sytë e botës, sepse sot po më shkon kjo fe me veshjen dhe stinën.

Më pëlqen në tregun e zgjedhjeve të kem disa veshje me të cilat të dal në rrugë." shkurtimisht "Jam një magjyp kulturor" një "ballkanas". Në këtë lloj plehu shfaqen dhe disa kandrra shumëngjyrëshe që pëllasin dhe mburren për "tolerancën historike fetare" mes shqiptarëve, duke mos vënë re se diku rrugës së fesë (rasti i fundit jo më pak se 60-90 vjet para) humbëm mbi gjysmën e kombit, që u asimilua krejtësisht në jug, e pjesërisht dhe në lindje e veri të gadishullit duke shërbyer si material për kombet fqinje që janë ende në ngjizje biologjiko-kulturore, ndaj dhe vjedhin vazhdueshëm vendasit; duke mos vënë re gjithashtu se tolerancë midis teorish të papajtueshme konfliktuale nuk mund të ketë dhe "tolerantë" janë vetëm ata që në fakt pohojnë rrejshëm se i përkasin një feje apo një kombi e që ose nuk ndjekin asnjë mësim të asaj feje ose nuk bëjnë asgjë për kombin. Kjo hipokrizi që shitet si virtyt, madje, na këshillohet se duhet ta kemi për mburrje që t'i tregojmë të tjerëve se nuk ka nevojë të jesh fetar i vërtetë, as kombëtar i vertetë, mund të jesh hipokrit i vërtetë dhe kështu është më mirë... E tepërt të komentohet kjo vlerë degraduese skllevërish. Kjo kategori njerëzish duke futur dhe mikrobin e hipokrizisë në tavë e duke e përligjur fenë, i lë kësaj veprimtari të lirë në fushat ku doemos duhet të veprojë kultura kombëtare, ai që quhet qytetërim vendas, i cili tek ne është në krizë të plotë integralisht prej rreth 5 shekujsh, megjithë themelin e madh kulturor që pararend.

Feja gjithashtu është ajo që thith dhe zhduk energji të tëra të pallogaritshme të rinisë, por dhe të subjekteve të kudondodhura kombëtare nga të gjitha fushat e moshat duke i kushtëzuar vetëdijshëm ose pavetëdijshëm të shpenzojnë tërë ditën e tërë natën së menduari e së vepruari për fenë "e tyre", për kulturën dhe vlerat që ajo promovon, e cila në çdo rast hahet me kohën që do të mund të shpenzohej ndërkaq për kombin, kulturën dhe vlerat fisnore. Kur punon për fenë, nuk punon për kombin! Kaq e thjeshtë. Së pari, sepse janë botëkuptime përjashtuese në parim, së dyti, sepse feja është vegël manipulimi që i natyralizon subjektet e veta në qytetërime aziatike sipas fesë përkatëse e së treti, sepse gjithë synimi i fesë është zgjerimi dhe zhvillimi i vet dhe jo i njësive të tjera organizative shoqërore siç është kombi. Ky konflikt ndodh kudo, nuk është veçori vetëm shqiptare, por e çdo kombi që e respekton vetveten dhe që ka patur rastin e keq të ketë të bëjë me fetë meslindore. Lufta kundër kombit në disa vende është kurorëzuar në një amalgamë të padëshiruar hipokrizie që fjala vjen në rastin e Norvegjisë vazhdon të prodhojë reaksion me 2 kisha të djegura në vit. E tek ne sa subjekte fetare që e quajnë veten shqiptarë njohin aq qytetërim, folklor dhe histori shqiptare sa njohin qytetërimin, folklorin dhe historinë e vendeve ku ka lindur feja e tyre? Sa prej këtyre subjekteve dijnë rreth kombit të tyre sa dijnë rreth fesë së tyre?

Mjedisi mendor jo vetëm që duhet ruajtur siç ruhet shëndeti, por madje duhet zhvilluar me rastin më të parë. Dërgimi i fesë për riciklim është nga hapat e para të nevojshme për të çliruar aftësitë e arsyetimit, agresivitetin e dashurisë për jetën, veten dhe familjen. Duhen fëmijë të pabindur dhe të zgjuar, me nisma vetjake dhe krijimtari, jo të lodhurit nga jeta e bagëtitë mendjefjetura për thertoret e Lindjes.


Kadri Fusha