Vdes pasi mjekët i thanë: ‘Ky është vend katolik, s’ka abort’

Burri i një gruaje shtatzënë, që vdiq në një spital irlandez, tha se nuk ka asnjë dyshim se ajo mund të kishte jetuar nëse do ishte lejuar të abortonte.

Sipas BBC, familja e Savita Halappanavar (31 vjeç) thotë se disa herë ajo kërkoi që t’i jepte fund shtatzënisë për shkak të dhimbjeve.

Burri i saj i tha BBC se kjo gjë u refuzua për shkak se fetusi kishte rrahje zemre.

I shoqi i Savita-s, Praveen, 34 vjeç, me origjinë nga India, tha se çifti ishte shumë i lumtur kur mësoi për shtatzëninë. Por gjithçka u kthye në makth.

Savita zhvilloi një infeksion dhe vdiq nga septicaemia.

Burri i saj, një inxhinier, thotë se atyre iu është thënë në spital se ky është një vend katolik.

Aborti është ilegal në republikën e Irlandës.

Një ngjarje e tillë ka zemëruar disa politikanë të së majtës, që po bëjnë presion për të rregulluar legjislacionin, që lejon abortin në rast se jeta e gruas është në rrezik.

Për këtë çështje janë planifikuar edhe protesta.
Burimi: http://thelede.blogs.nytimes.com/2012/11/14/vigils-in-ireland-for-indian-woman-who-died-after-being-denied-abortion/

Çfarë ka bërë ky engjëll për të merituar këtë vdekje?

Një vogëlushe vetëm pesë vjeç vdiq në spital pasi babai i saj e kishte rrahur me kamxhik dhe metal të nxehtë.

Ngjarja e rëndë ndodhi në kryeqytetin e Arabisë Saudite.
Vogëlushja Lamaa vdiq pas muajsh vuajtje. Ajo kishte krahë e kafkë të thyer si dhe nxirje në kokë.

Al Arabiya raporton se fëmija ishte torturuar nga babai dhe njerka e saj.
Raportohet se babai i saj ishte një studiues fetar, që predikonte për fenë në kanalet televizive satelitore.
Nëna e vogëlushes tha se fëmija është abuzuar prej tetë muajsh. Ajo bëri apel publik që ish- burri i saj dhe gruaja e tij e re të ekzekutohen për këtë që ka bërë.

Disa media thonë se babai i vajzës kishte qenë dikur i varur nga droga. Më pas nisi të predikonte.

Burimi: http://www.youtube.com/watch?v=rNlxdNFn7fU&feature=youtu.be

Akademia e Shkencave në Shqipëri fton serbët e memorandumit famëkeq, bojkoton Akademia e Kosovës

Shqipërinë dhe Kosovën sërish i ndan Serbia. Sivjet ato janë përçarë në disa ngjarje, ndryshe nga sa duhej të ndodhte në 100-vjetorin e Pavarësisë, kur dy shtetet me etni të njëjta do të duhej të ishin më të bashkuara se kurrë. Shkak i ndasisë mes dy vendeve janë bërë institucionet shkencore, përkatësisht akademitë e shkencave.
Akademia e Shkencave të Shqipërisë më 12 nëntor ka organizuar një konferencë shkencore me rastin e 40-vjetorit të themelimit të saj. Me këtë rast, ka ftuar për të marrë pjesë akademitë e shumë shteteve të Ballkanit e më gjerë, ndër të cilat edhe Akademinë e Serbisë.
Kjo ftesë i ka kushtuar Tiranës mungesën e Akademisë së Kosovës, e cila, me të mësuar për të, ka anuluar ardhjen në konferencë. Kjo, për arsye se sipas tyre Akademia Serbe në vitin 1986 ka hartuar projektin famëkeq, me emrin “Memorandum SANU”, si platformë kryesore në të cilën u mbështet Millosheviçi në ndërmarrjen e masave represive dhe zhvillimin e luftërave të përgjakshme në ish-Jugosllavi, veçanërisht ndaj shqiptarëve që nga viti 1987.
Lajmin e kanë konfirmuar burimet e “Gazetës Shqiptare” në Akademinë e Shkencave të Shqipërisë. Ndonëse të rezervuara dhe duke refuzuar të sqarojnë publikisht, ata thanë dje se kjo çështje qëndron pikërisht kështu, “por se janë ftuar të gjitha akademitë, e kësisoj nuk mund të lihej pa ftuar ajo serbe”.
“Ç’të bëjë akademia kur politikanët shqiptarë e serbë, kosovarë e serbë, takohen në rangjet më të larta? Në rang ministrash e kryeministrash?,” shtuan burimet e GSH, pranë anëtarëve të kryesisë së Akademisë së Shkencave.
Ata thonë se kur kryeministri Berisha e ai Thaçi, takohen me ministra e kryeministra serbë, nuk i takon akademisë të bëjë politikë, as të refuzojë praninë e akademikëve serbe.
Akademia e Kosovës e kishte paralajmëruar mungesën e saj përmes një letre që i ka dërguar Akademisë së Shkencave të Shqipërisë në datën 29 tetor të këtij viti. Në letër thuhet: “Është punë e juaja se kë ftoni, por duke marrë parasysh rolin e Akademisë Serbe në përpilimin e suazave ‘shkencore’ dhe ideologjike në nxitjen e dhunës dhe të gjakderdhjes masive deri te gjenocidi i hapur ndaj shqiptarëve, kroatëve, boshnjakëve etj., Akademia jonë nuk e ka pritur mirë këtë ftesë”.
Për të theksuar edhe një herë idenë e tyre, akademikët e Prishtinës vërejnë se anëtar i ekipit të këtij “Memorandumi” ishte edhe nënkryetari i sotëm i Akademisë Serbe, akademik Lubisha Rakiç. Ky i fundit, siç ASHAK paralajmëronte, në fakt ishte i pranishëm në Tiranë, në konferencën shkencore të së hënës në Akademinë e Shkencave të Shqipërisë. E duke e pasur të sigurt ardhjen e tij, akademikët e Kosovës, në letrën e tyre shkruajnë: “Siç morëm vesh, ai e ka paralajmëruar ardhjen në përvjetorin e Akademisë suaj. Për shkak të këtij projekti, nga i cili kjo Akademi ende nuk është distancuar, ajo mbeti e izoluar deri vonë nga asociacionet e akademive evropiane, por dhe nga disa akademi të ish-Jugosllavisë, të cilat edhe sot nuk e ftojnë në asnjë takim”.
Por, për kërkesën dhe ankesën e parashtruar, ata citojnë edhe një precedent.
“Vitin e kaluar, Akademia Kroate e Shkencave dhe e Arteve, për shkak të këtij ‘Memorandumi’ nuk e ftoi Akademinë Serbe, madje as atë malazeze, në 150-vjetorin e themelimit të saj. Dhe këtë fakt e keni ditur edhe ju z. Kryetar”.
Të pakënaqur me këtë hap, “udhëheqja e Akademisë së Shkencave dhe të Arteve të Kosovës vendosi të mos marrë pjesë në këtë përvjetor të Akademisë suaj”, thuhet mes të tjerash në letrën e nënshkruar nga kryetari i Akademisë së Shkencave dhe të Arteve të Kosovës, akademik Hivzi Islami.  Burimi :Gazeta Shqiptare

Hilari Klinton në Tiranë të takojë "perëndimorët"

Me rastin e 100-vjetorit të Pavarësisë së shtetit shqiptar, sekretarja amerikane e shtetit, Hilari Klinton, do të vizitojë Algjerinë, Bosnje-Hercegovinën, Serbinë, Kosovën, Kroacinë dhe Shqipërinë.

Shqiptarët (pavarësisht se për interesa të tjera, trajtohen si popull musliman) janë ndër popujt më proamerikanë në botë, duke konkuruar rrezikshëm edhe vetë amerikanët, për dashurinë ndaj atdheut të t

yre.
E megjithatë kjo dashuri jonë, si e të verbrit ndaj dritës, përsëri nuk ka mjaftuar për të lehtësuar sadopak masat e sigurisë që do të ndërmerren për këtë vizitë disa orëshe në kryeqytetin shqiptar.
Madje duke marrë parasysh spastrimet e automjeteve të parkuara, që po bëhen me karrotrecat tanë të uritur, tek 2 hyrjet kryesore perëndimore të Tiranës si dhe bllokimi total i tyre për qytetarët shqiptarë, nga ora 10 e mëngjesit e deri në orën 5 të pasdites, të krijohet ideja se Hilari po vjen në Shqipëri vetëm për të takuar Berishën, Nishanin e Ramën, (të cilët fare mirë mund ti takonte kudo e kurdoherë) dhe do të jetë kështu një portë e mbyllur hermetikisht për qytetarët shqiptarë.

Pavarësisht se janë pikërisht këta të fundit ata që e përcjellin dhe e mbajnë lart frymën properëndimore edhe pse të ndrydhur forcërisht me qeverisje të njëpasnjëshme antiperëndimore, antidemokratike, antiqytetare.

Qeveria shqiptare për ti ofruar mirëseardhjen Znj. Klinton ka shpenzuar plot para për 50 mijë flamuj amerikanë. Në Tiranë gjithashtu po ngrihet (brenda natës së sotme) busti i Uillsonit.

E megjithatë, ka zëra jo fort të besueshëm por edhe jo fort absurdë, që thonë se Zonja Hilari Klinton do realizojë një ndalesë të rastësishme në Bathore, pa orë dore.


Deklarata e Ministrit të ekonomisë:
http://www.gazetatema.net/web/2012/11/01/haxhinasto-marredheniet-me-greqine-nuk-duhet-te-ndikohen-nga-pickime-ekstremiste/
Shkroi: Stop Injorancës !

“Përse kaq shpejt? A është duke ju pritur dashnorja apo rakia në tavolinë”.

Kjo shaka e bërë pasi e kishte dëgjuar lutjen e myezinit nga një xhami e afërt, që kishte zgjatur vetëm 22 sekonda, e jo siç është e zakonshme me disa minuta, e të tjera shaka të kësaj natyre, kanë mjaftuar që pianisti i njohur turk në përmasa ndërkombëtare, Fazil Say, ( i cili ka luajtur me Filarmoninë e Nju Jorkut, Orkestrën Simfonike të Berlinit dhe ka shërbyer si ambasador kulturor i Bashkimit Evropoian), të akuzohet nga autoritetet turke me 18 muaj burgim nëse shpallet fajtor për "nxitjen e urrejtjes dhe armiqësisë publike".

Për mbështetësit e pianistit Fazil Say, çështja nuk është vetëm feja, por edhe liria e të shprehurit.
Në këtë aspekt, rasti më i njohur është ai i fituesit të Çmimit Nobel për Letërsi, Orhan Pamuk. Ai ishte paraqitur në gjykatë, në vitin 2005, për “fyerje të turqizmit”, pasi i kishte thënë një gazete zvicerane se turqit i “kanë vrarë 30 mijë kurdë dhe një milion armenë”.

“Në Turqi ende janë të burgosur afro 70 gazetarë dhe pothuajse të gjithë ata janë burgosur sipas ligjeve për terrorizëm”.

Një pyetje e sinqertë për të gjithë turko-filët e dumbab-istët shqipfolës:

"Ky është shteti që Shqipëria duhet të ndjekë si shembull dhe kjo është demokracia që duhet të aplikojmë"?

Në foto: Përkahësit e pianistit Fazil Say, në shkallët e gjykatës.

Serbët rrezikojnë të zhduken

Kështu deklaron për gazetën Magyar So historiania dhe politikania serbe më në zë, Latinka Peroviç.
http://en.wikipedia.org/wiki/Latinka_Perovi%C4%87

“Nuk duhet të bëhemi naivë. Në histori është normale dukuria e zhdukjes së disa popujve.
Qytetet tashmë janë bërë qyteza në Serbi dhe shteti në masë të madhe “është barbarizuar e braktisur. Për regjenerim duhet përpjekje e madhe, të cilën serbët nuk mund ta bëjnë të vetëm.

Mos vallë martesat e meshkujve serbë me femrat shqiptare, janë pikërisht program kombëtar i Serbisë për rivitalizimin e popullsisë serbe? Stop Injorancës

http://www.youtube.com/watch?v=3Gx65jOnidQ

Vetëm në zonën e Rashkës, Peshterit, Golijas, Javorit dhe Jadovikut janë martuar mbi 150 shqiptare me serbë dhe ato deri tani kanë krijuar familjet e tyre me shumë fëmijë. “Veçernje Novosti” shkruan se deri në vjeshtë pritet të bëhen mbi 50 martesa të reja me nuse shqiptare. Vetëm një martesë rezulton e pafat, pasi që burri serb ishte pijanec dhe gruaja e tij shqiptare ka ikur me një serb tjetër. Organizata “Rashka e Vjetër” organizon dhe ndërmjetëson falas për martesa udhëtimet e serbëve në Shqipëri.

Kjo organizatë bën të ditur se nuk bëhet fjalë për ndonjë biznes, por vetëm për aktivitet human për mosboshatisjen e fshatrave serbe. Sipas tyre, deri tani ajo ka bërë 300 martesa midis serbëve dhe shqiptareve.

Në Shkodër ekziston agjencia e cila ndërmjetëson për martesat dhe serbët paguajnë mbi 3-4 mijë euro për një nuse shqiptare. ”Po i ringjallim fshatrat. Në një fshat Buxhevo, 10 nuse shqiptare kanë lindur deri tash 12 fëmijë dhe është hapur shkolla sërish”, theksoi një fshatar serb, transmeton agjencia Ina.

8000 është numri i kërkesave që ka marrë një shoqatë seksere që organizon këto martesa "me shikim të parë" - deklaron kryetari i saj. (S.I)

http://www.youtube.com/watch?v=3Gx65jOnidQ

Konventa 2-ditore e LSI-së

Nga Konventa 2-ditore e LSI-së veçojmë:

- LSI ndryshon statusin. Tani kryetari i saj (lexo I. Meta) nuk mundet të mbajë vetëm 2 mandate, por mundet ta mbajë mandatin e Kryetarit, përjetë.

- Themeluesit dhe emblemës të partisë së LSI-së, i reduktohet mbështetja nga 100% në 85% përballë kandidatit të tij të fortë, Z. L. Rama

- Prioriteti i kësaj force politike është punësimi i të gjithë militantëve që e mbështesin, me kusht që mos bëhen më shumë se sa vendet e punës ekzistente.

- Mosha për anëtarësimin në LSI nuk do të jetë më 18-vjeç, por do të mund të bëhen pjesë e saj edhe 16-vjeçarët.
Ndoshta nuk do ishte shumë e gabuar, nëse do ndiqnim këtë linjë, që të hapej një Medrese e LSI-së ku të merrnin programin dhe idetë integruese brez pas brezi fëmijët e Shqipërisë.

Nëse e keni harruar ju të vjetrit dhe nëse nuk e dini ju të rinjtë, kryetari i rizgjedhur në krye të LSI-së, Z. Ilir Meta, ishte po ai që në video-rregjistrimin Meta-Prifti urdhëronte ministrin D. Prifti që të punësonte në një sektor të rëndësishëm një mikun e tij të vjetër, i cili jo se nuk kishte arsimin e lartë përkatës, por nuk kishte arsim fare.

Për aq kohë sa Shqipëria do të mbetet e paintegruar, LSI do të mbijetojë.

Shkroi: Stop Injorancës !

Berisha: Të lutemi sa më shumë në shqip dhe të përkrahim islamin europian.

E tillë ishte edhe deklarata e ish Presidentit B. Topi në Prill të 2010-ës kur ai kërkoi që "Perëndia të flasë shqip".
http://stopinjorances.blogspot.com/2010/04/perendia-te-flase-shqip.html

Kur do fillojnë Institucionet fetare në Shqipëri të flasin shqip, sepse nuk ka asnjë kuptim gjuha arabe e xhamive (kur as 2% e popullsisë nuk di arabisht) dhe as gjuha greke e Janullatosit?!

Një tjetër problem që duhet të merret sa më parë në trajtim është ndotja e madhe akustike që shkaktohet prej altoparlantëve shurdhues dhe çongave drobitëse, që vijnë prej ngrehinave të kulteve fetare.
Nëse këto institucione fetare e kanë të pamundur të pranojnë reduktimin e zhurmave të tyre (siç ka ndodhur psh. në Egjipt ku altoparlanti thërret vetëm një herë në ditë) atëherë zgjidhja tjetër që mbetet është shpërngulja e këtyre kulteve jashtë zonave të banuara.
Shpërngulje që realizohet nëpërmjet peticioneve të banorëve të lagjes.

P.s Islami tradicional shqiptar, apo siç e quajti kryeministri shqiptar "Islami Europian" do të thotë të qenit fetar vetëm për festa, siç shprehej edhe Konica 100 vite më parë.
Shqiptarët, shumica prej tyre janë shpirtrobër. Për dëfrim. Janë shqiptarë që kanë fe.

Read more: http://stopinjorances.blogspot.com/2009/11/ceshte-liria.html#ixzz2AOUhjYzf

Ai sigurisht që nuk është islami i vërtetë, por është shumë më i mirë se islami i vërtetë.
Shkroi: Stop Injorancës !

Tifozi fantazëm i ndeshjes Porto - PSG

U bënë ditë që përflitet tifozi fantazëm i ndeshjes Porto - PSG që u fotografua gjatë festimit të golit të futbollistit Xhejms Rodriguez.
http://www.youtube.com/watch?feature=player_embedded&v=hs7SI-gw664

Sipas Gazetës shqiptare Shekulli, ekspertiza (cila ?) e paska verifikuar më në fund se nuk bëhet fjalë për një montazh, por për një fantazëm që nuk i bën zemra të humbasë ndeshjet e futbollit.

Në gjithë këtë katrahurë mediatike që çmendurisht gjen prehë edhe nëpër mediat serioze për të tërhequr vëmendje, një gjë është e sigurt:
"Ai djaloshi i vogël në të djathtë të fantazmës tifoz, duhet të ketë përjetuar gjendje shok-u padyshim, duke parë në mijëra fotot në internet, se kush ishte ulur përbri."
(S.I)


Këtu mund të shikoni fotot e "fantazmës":
http://comunidade.xl.pt/Record/cfs-filesystemfile.ashx/__key/CommunityServer.Components.ImageFileViewer/CommunityServer.Blogs.Components.WeblogFiles.bolanaarea/6888.fantasminha.jpg_2D00_550x0.jpg

http://www.101greatgoals.com/blog/so-it-turns-out-there-was-no-ghost-celebrating-james-rodriguezs-goal-for-porto-v-psg/

Shkroi: Stop Injorancës !

Ish- presidenti Stefanopullos: Korça është greke

Ish- presidenti i Greqisë, Kostis Stefanopullos, deklaron për herë të parë se është me origjinë nga një fshat mes Delvinës dhe Sarandës. Ai e bëri këtë deklaratë gjatë punimeve të sesionit të gjashtë të Konventës Panepirote.

“Kam një krenari të madhe, të cilën nuk nguroj ta bëj publike tashmë dhe mendoj se duhet ta them që tani, kam origjinë nga E

piri i Veriut, për të cilën jam shumë krenar. Jam nga një fshat që quhet Dhrovjan, në Epirin e Veriut, një fshat që nuk e kam vizituar kurrë, gjendet mes Delvinës dhe Sarandës, dhe shpesh mendohem të shkoj atje”, ka deklaruar ai.

Ai është shprehur se për Epirin e Veriut, si grekët dhe shqiptarët kanë pretendimet e tyre kështu që: “Këto gjëra tashmë kanë mbaruar dhe nuk duhet t’i kthehemi më kohës së vjetër”, ka nënvizuar Stefanopullos në shkrimin e përkthyer nga “Shekulli”.

Ndërsa për vllehtë shqiptarë, ai është shprehur se Shqipëria duhet t’i njohë si minoritet grek nga Himara deri në Korçë.

“Vllehtë duhet të fitojnë dhe kërkojnë njohjen si minoritet grek, madje dhe me vendndodhjen gjeografike të tyre, gjeografikisht nga kufiri i Greqisë drejt krahut të Korçës. Aty ku pikërisht duhet të njihet edhe Korça si zonë minoritare, siç dihet njihen si zona minoritare në Shqipëri jo vetëm ato zona që janë njohur më herët nga qeveritë e reja dhe të vjetra, por të gjitha në bazë të ligjeve dhe konventave aktuale mbi minoritetet. Jam i sigurt se qeveria dhe shoqëria greke do të kthejë vëmendjen për përkujdesjen në drejtim të këtyre grekëve të harruar,” ka deklaruar ish- presidenti.
G. Shekulli