Thursday, January 13, 2011

Dua

Dua të pij, të dehem,
të trazoj bishën brenda meje
të çaj maskën e saj,
e të dëfrehem.

Dua të ngre një dolli për frikacakët,
një dolli për matrapazët
e me fund, një tjetër për moralistët e padritë.
Pastaj të çohem në këmbë dhe të ulëras:
" H I P O K R I T E"



E ti shikoj njerëzit e gjorë,
në sytë e tyre të vobektë
kur frikën me të cilën ushqehen
t'a përthyejnë në respekt.

E dua të zvarritem si i marrë
mbi të gjorin trotuar
të zhgërryhem nëpër baltë
si një derr krye-qytetar.

Do të përmbys koshin e plehrave,
plehrat e kalbura nga vetmia,
ti pyes një e nga një
në pranojnë miq, nga Italia.

Dua të lahem me rroba
dhe të jetoj lakuriq.
Në jetë mbi të gjitha,
virtytet dua ti kem miq.

Dua të qesh me të madhe kur shkëmbehem,
me kalimtarë të vrenjtur
dua të përshëndes me ironi ata,
që vellon e indiferencës keq mbajnë veshur.

Dua ti rrah (pa u lënë shenja) femrat e mbuluara
që me sy më shohin trupin, jo mendjen
e dua ti shqyej bluzat e shkurtra,
atyre që i ulin ato me dorë,
për të tërhequr vëmendjen.

Dua ti puth duart çdo femre
që ka gatuar të paktën një ëmbëlsirë.
Dua të përqafoj çdo njeri
që ndjen pendesë e mëshirë.

Dua të përqafoj fëmijët
për të madhërishmen pafajsi
kafshët, pemët pa gjethe
e zogjtë e trembur në liri.

Dua të kap pleqtë e rrudhur
e ti akuzoj për tradhëti,
të zgjoj djemtë rinihumbur
dhe ti ftoj për përgjegjësi.

Dua ti kap njerëzit në rrugë
e për leckash ti shkund,
t'ua ndez zemrat e ngrira
e nga gjumi ti tund.

Në mes të dheut të begatë
po vuajmë bukën e gojës
ju shpirtrobër mendjeskllevër
duartrokisni "Kalin e Trojës".

Mjaft me idhuj e perëndi
mjaft me dogma, ideologji
mjaft me militantë, verbëri,
vegla, skllevër e varfëri.

Dua të kap mjekë e infermierë
që sëmundje tregtojnë
dhe të ftoj këtë popull të drobitur
të mësojë ti operojë.

Dua t'u dal përpara gazetarëve
dhe t'i pyes se ç'është një V.I.P,
për inatin e gjithë intelektualëve
dua t'iu flas veçse në shqip.

Dua të kap politikanë,
politucë e pushtetarë,
ti detyroj të puthin, falen para flamurit
që të parët tanë, me gjak kanë larë.

Të luftojmë për drejtësi,
të hetohet kush na ka shkelur
të zbardhen netët nëpër gjyqe
të dënohet kush ka vjedhur.

Kush ka korruptuar, e kush ka sharë
Kush ka vjedhur, kush ka vrarë,
kush na ka shitur e mashtruar
kush u pasurua, kur u varfëruam.

Vetëm kështu do shohim para
ashtu si dua, ashtu si duam,
vetëm kështu do vëmë një tullë
mbi kalanë që keq  rrënuam.

Unë besoj tek ajo energji
që kaq negativisht kemi ngarkuar
unë besoj se mund t'a shndërrojmë
në forcë të madhe, për të ndryshuar.

Një dolli për TY e dua,
një dolli për çdo shqiptar,
një thirrje për dinjitet,
një urim për Bashkim Kombëtar.

Të bëhemi krah-përkrah njëri-tjetrit
në këtë vëllazëri të RE
dhe një ditë mund ti tregojmë botës
pse populli Hyjnor, ishim NE.



Shkroi: Stop Injorancës http://www.facebook.com/NdalPaditurise2

No comments: